| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
ад̇хигаран̣авуубасамаваг̇г̇аван̣н̣анаа
Adhikaraṇavūpasamavaggavaṇṇanā
457. ад̇хигаран̣авуубасамаваг̇г̇з – буг̇г̇алаг̇ару ход̇ийд̇и ‘‘аяам̣ мз убаж̇жхааяо, аяам̣ мз аажарияо’’д̇иаад̣̇ийни жинд̇зд̇ваа д̇асса ж̇аяам̣ ааган̇камаано ‘‘ад̇хаммам̣ д̇хаммо’’д̇и д̣̇ийбзд̇и. сан̇гхаг̇ару ход̇ийд̇и д̇хамман̃жа винаяан̃жа амун̃жид̇ваа винижчинанд̇о сан̇гхаг̇аруго наама ход̇и. жийвараад̣̇ийни г̇ахзд̇ваа винижчинанд̇о аамисаг̇аруго наама ход̇и, д̇аани аг̇г̇ахзд̇ваа яат̇аад̇хаммам̣ винижчинанд̇о сад̣̇д̇хаммаг̇аруго наама ход̇и.
457. Adhikaraṇavūpasamavagge – puggalagaru hotīti ‘‘ayaṃ me upajjhāyo, ayaṃ me ācariyo’’tiādīni cintetvā tassa jayaṃ ākaṅkhamāno ‘‘adhammaṃ dhammo’’ti dīpeti. Saṅghagaru hotīti dhammañca vinayañca amuñcitvā vinicchinanto saṅghagaruko nāma hoti. Cīvarādīni gahetvā vinicchinanto āmisagaruko nāma hoti, tāni aggahetvā yathādhammaṃ vinicchinanto saddhammagaruko nāma hoti.
458. бан̃жахубаали аагаарзхийд̇и бан̃жахи гааран̣зхи сан̇гхо бхиж̇ж̇ад̇и – гаммзна, уд̣̇д̣̇зсзна, вохаранд̇о, ануссааванзна, салаагаг̇г̇аахзнаад̇и. зд̇т̇а гаммзнаад̇и абалоганаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и гат̇аяанд̇о; д̇аахи д̇аахи убабад̇д̇ийхи ‘‘ад̇хаммам̣ д̇хаммо’’д̇иаад̣̇ийни адтаараса бхзд̣̇агаравад̇т̇ууни д̣̇ийбзнд̇о . ануссааванзнаад̇и ‘‘нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇у саасанам̣ г̇аахзяяаад̇и жид̇д̇амби уббаад̣̇зд̇ум̣ д̇умхаагам̣ яуд̇д̇ам̣, гим̣ маяхам̣ авийжи нийлуббалаванамива сийд̇ало, гимахам̣ абааяад̇о на бхааяаамий’’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммз гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна.
458.Pañcahupāli ākārehīti pañcahi kāraṇehi saṅgho bhijjati – kammena, uddesena, voharanto, anussāvanena, salākaggāhenāti. Ettha kammenāti apalokanādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Voharantoti kathayanto; tāhi tāhi upapattīhi ‘‘adhammaṃ dhammo’’tiādīni aṭṭhārasa bhedakaravatthūni dīpento . Anussāvanenāti ‘‘nanu tumhe jānātha mayhaṃ uccākulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ satthu sāsanaṃ gāheyyāti cittampi uppādetuṃ tumhākaṃ yuttaṃ, kiṃ mayhaṃ avīci nīluppalavanamiva sītalo, kimahaṃ apāyato na bhāyāmī’’tiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anivattidhamme katvā ‘‘gaṇhatha imaṃ salāka’’nti salākaggāhena.
зд̇т̇а жа гаммамзва уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасзна хи вохаранд̇з д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇аахид̇ааяаби абхиннова ход̇и сан̇гхо. яад̣̇аа бана звам̣ жад̇д̇ааро ваа ад̇ирзгз ваа салаагам̣ г̇аахзд̇ваа аавзн̣игам̣ гаммам̣ ваа уд̣̇д̣̇зсам̣ ваа гарод̇и, д̇ад̣̇аа сан̇гхо бхинно наама ход̇и. ид̇и яам̣ сан̇гхабхзд̣̇агагканд̇хагаван̣н̣анааяам̣ авожумхаа ‘‘звам̣ адтаарасасу вад̇т̇уусу яам̣гин̃жи згамби вад̇т̇ум̣ д̣̇ийбзд̇ваа д̇зна д̇зна гааран̣зна ‘имам̣ г̇ан̣хат̇а, имам̣ рожзт̇аа’д̇и сан̃н̃аабзд̇ваа салаагам̣ г̇аахзд̇ваа висум̣ сан̇гхагаммз гад̇з сан̇гхо бхинно ход̇и. бариваарз бана ‘бан̃жахи, убаали, аагаарзхи сан̇гхо бхиж̇ж̇ад̇ий’д̇иаад̣̇и вуд̇д̇ам̣. д̇асса иминаа ид̇ха вуд̇д̇зна сан̇гхабхзд̣̇алагкан̣зна ад̇т̇ад̇о наанаагаран̣ам̣ над̇т̇и. д̇ам̣ банасса наанаагаран̣аабхаавам̣ д̇ад̇т̇зва багаасаяиссаамаа’’д̇и, свааяам̣ багаасид̇о ход̇и.
Ettha ca kammameva uddeso vā pamāṇaṃ, vohārānussāvanasalākaggāhā pana pubbabhāgā. Aṭṭhārasavatthudīpanavasena hi voharante tattha rucijananatthaṃ anussāvetvā salākāya gāhitāyapi abhinnova hoti saṅgho. Yadā pana evaṃ cattāro vā atireke vā salākaṃ gāhetvā āveṇikaṃ kammaṃ vā uddesaṃ vā karoti, tadā saṅgho bhinno nāma hoti. Iti yaṃ saṅghabhedakakkhandhakavaṇṇanāyaṃ avocumhā ‘‘evaṃ aṭṭhārasasu vatthūsu yaṃkiñci ekampi vatthuṃ dīpetvā tena tena kāraṇena ‘imaṃ gaṇhatha, imaṃ rocethā’ti saññāpetvā salākaṃ gāhetvā visuṃ saṅghakamme kate saṅgho bhinno hoti. Parivāre pana ‘pañcahi, upāli, ākārehi saṅgho bhijjatī’tiādi vuttaṃ. Tassa iminā idha vuttena saṅghabhedalakkhaṇena atthato nānākaraṇaṃ natthi. Taṃ panassa nānākaraṇābhāvaṃ tattheva pakāsayissāmā’’ti, svāyaṃ pakāsito hoti.
бан̃н̃ад̇д̇зд̇анд̇и бан̃н̃ад̇д̇ам̣ зд̇ам̣. гва бан̃н̃ад̇д̇ам̣? вад̇д̇агканд̇хагз. д̇ад̇ра хи жуд̣̇д̣̇аса канд̇хагавад̇д̇аани бан̃н̃ад̇д̇аани. д̇знааха – ‘‘бан̃н̃ад̇д̇зд̇ам̣, убаали, маяаа ааг̇анд̇угаанам̣ бхигкуунам̣ ааг̇анд̇угавад̇д̇а’’нд̇иаад̣̇и. звамби ко убаали сан̇гхарааж̇и ход̇и, но жа сан̇гхабхзд̣̇од̇и зд̇д̇аавад̇аа хи сан̇гхарааж̇имад̇д̇амзва ход̇и, на д̇аава сан̇гхабхзд̣̇о; анубуб̣б̣зна бана аяам̣ сан̇гхарааж̇и вад̣дхамаанаа сан̇гхабхзд̣̇ааяа сам̣вад̇д̇ад̇ийд̇и ад̇т̇о. яат̇аарад̇д̇анд̇и рад̇д̇ибаримаан̣аануруубам̣; яат̇аат̇зранд̇и ад̇т̇о. аавзнибхаавам̣ гарид̇ваад̇и висум̣ вавад̇т̇аанам̣ гарид̇ваа. гаммаагаммаани гаронд̇ийд̇и абараабарам̣ сан̇гхагаммам̣ убаад̣̇ааяа куд̣̇д̣̇агаани жзва маханд̇аани жа гаммаани гаронд̇и. сзсамзд̇т̇ааби ад̇хигаран̣авуубасамаваг̇г̇з уд̇д̇аанамзва.
Paññattetanti paññattaṃ etaṃ. Kva paññattaṃ? Vattakkhandhake. Tatra hi cuddasa khandhakavattāni paññattāni. Tenāha – ‘‘paññattetaṃ, upāli, mayā āgantukānaṃ bhikkhūnaṃ āgantukavatta’’ntiādi. Evampi kho upāli saṅgharāji hoti, no ca saṅghabhedoti ettāvatā hi saṅgharājimattameva hoti, na tāva saṅghabhedo; anupubbena pana ayaṃ saṅgharāji vaḍḍhamānā saṅghabhedāya saṃvattatīti attho. Yathārattanti rattiparimāṇānurūpaṃ; yathātheranti attho. Āvenibhāvaṃ karitvāti visuṃ vavatthānaṃ karitvā. Kammākammāni karontīti aparāparaṃ saṅghakammaṃ upādāya khuddakāni ceva mahantāni ca kammāni karonti. Sesametthāpi adhikaraṇavūpasamavagge uttānameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. ад̇хигаран̣авуубасамаваг̇г̇о • 10. Adhikaraṇavūpasamavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
