| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ад̇хигаран̣авуубасамаваг̇г̇аван̣н̣анаа
Adhikaraṇavūpasamavaggavaṇṇanā
457. ад̇хигаран̣авуубасамаваг̇г̇з сан̇гхаг̇ару наама год̇и ааха ‘‘д̇хамман̃жа…бз… сан̇гхаг̇ару наама ход̇ий’’д̇и. д̇аанийд̇и жийвараад̣̇ийни.
457. Adhikaraṇavūpasamavagge saṅghagaru nāma koti āha ‘‘dhammañca…pe… saṅghagaru nāma hotī’’ti. Tānīti cīvarādīni.
458. бан̃жахубаали аагаарзхийд̇и зд̇т̇а аагаарасад̣̇д̣̇о гааран̣ад̇т̇од̇и ааха ‘‘бан̃жахи гааран̣зхий’’д̇и. гаммзнаад̇иаад̣̇ийсу гаммаад̣̇ийнам̣ саруубам̣ д̣̇ассзнд̇о ааха ‘‘абалоганаад̣̇ийсуу’’д̇иаад̣̇и. убабад̇д̇ийхийд̇и яуд̇д̇ийхи. маяхам̣ ужжаагулаа баб̣б̣аж̇ид̇абхааван̃жа б̣ахуссуд̇абхааван̃жа д̇умхз ж̇аанаат̇аад̇и яож̇анаа. маад̣̇исо наама…бз… д̇умхаагам̣ яуд̇д̇ам̣ нанууд̇и яож̇анаа. ган̣н̣амуулзд̇и ган̣н̣асамийбз. ануссааванзнаад̇и анусамийбз сааваабанзна. д̇зсанд̇и бхигкуунам̣. анивад̇д̇ид̇хаммзд̇и анивад̇д̇анасабхаавз. салаагаг̇г̇аахзнаад̇и ад̇д̇ано салаагааяа г̇аахаабанзна.
458.Pañcahupāliākārehīti ettha ākārasaddo kāraṇatthoti āha ‘‘pañcahi kāraṇehī’’ti. Kammenātiādīsu kammādīnaṃ sarūpaṃ dassento āha ‘‘apalokanādīsū’’tiādi. Upapattīhīti yuttīhi. Mayhaṃ uccākulā pabbajitabhāvañca bahussutabhāvañca tumhe jānāthāti yojanā. Mādiso nāma…pe… tumhākaṃ yuttaṃ nanūti yojanā. Kaṇṇamūleti kaṇṇasamīpe. Anussāvanenāti anusamīpe sāvāpanena. Tesanti bhikkhūnaṃ. Anivattidhammeti anivattanasabhāve. Salākaggāhenāti attano salākāya gāhāpanena.
зд̇т̇аад̇и гаммаад̣̇ийсу. бамаан̣анд̇и сан̇гхабхзд̣̇асса гааран̣ам̣. буб̣б̣абхааг̇аад̇и сан̇гхабхзд̣̇ад̇о буб̣б̣абхааг̇з бавад̇д̇аа. буб̣б̣абхааг̇абхаавам̣ аавигаронд̇о ааха ‘‘адтаарасавад̇т̇уд̣̇ийбанавасзна хий’’д̇иаад̣̇и. вохаранд̇збийд̇и яож̇анаа. д̇ад̇т̇аад̇и вохаарз. гад̣̇аа бана сан̇гхо бхиннод̇и ааха ‘‘яад̣̇аа банаа’’д̇иаад̣̇и. яад̣̇аа бана гарод̇ийд̇и самб̣анд̇хо. гамманд̇и убосат̇агаммад̇о ан̃н̃ам̣ гаммам̣ г̇ахзд̇аб̣б̣ам̣. уд̣̇д̣̇зсанд̇и убосат̇агаммам̣. ид̇ийд̇и звам̣. сан̇гхабхзд̣̇агагканд̇хагаван̣н̣анааяам̣ ‘‘звам̣…бз… багаасаяиссаамаа’’д̇и (жуул̣ава. адта. 351) яам̣ важанам̣ авожумхаад̇и яож̇анаа. д̇асса важанассаад̇и баатам̣ аж̇жхаахарид̇ваа ‘‘свааяам̣ ад̇т̇о’’д̇и бад̣̇зна самб̣анд̇хид̇аб̣б̣о.
Etthāti kammādīsu. Pamāṇanti saṅghabhedassa kāraṇaṃ. Pubbabhāgāti saṅghabhedato pubbabhāge pavattā. Pubbabhāgabhāvaṃ āvikaronto āha ‘‘aṭṭhārasavatthudīpanavasena hī’’tiādi. Voharantepīti yojanā. Tatthāti vohāre. Kadā pana saṅgho bhinnoti āha ‘‘yadā panā’’tiādi. Yadā pana karotīti sambandho. Kammanti uposathakammato aññaṃ kammaṃ gahetabbaṃ. Uddesanti uposathakammaṃ. Itīti evaṃ. Saṅghabhedakakkhandhakavaṇṇanāyaṃ ‘‘evaṃ…pe… pakāsayissāmā’’ti (cūḷava. aṭṭha. 351) yaṃ vacanaṃ avocumhāti yojanā. Tassa vacanassāti pāṭhaṃ ajjhāharitvā ‘‘svāyaṃ attho’’ti padena sambandhitabbo.
бан̃н̃ад̇д̇зд̇анд̇и зд̇т̇а ниг̇г̇ахид̇алобасанд̇хийд̇и ааха ‘‘бан̃н̃ад̇д̇ам̣ зд̇а’’нд̇и. гваад̇и гисмим̣ канд̇хагз. д̇ад̇раад̇и вад̇д̇агканд̇хагз. зд̇д̇аавад̇аад̇и зд̇д̇агзна ааг̇анд̇угавад̇д̇аад̣̇иагаран̣амад̇д̇зна. анубуб̣б̣знаад̇и ануггамзна. яат̇аарад̇д̇анд̇и зд̇т̇а яат̇аасад̣̇д̣̇о ануруубад̇т̇аваажаго, рад̇д̇исад̣̇д̣̇зна рад̇д̇иббамаан̣ам̣ г̇ахзд̇аб̣б̣анд̇и д̣̇ассзнд̇о ааха ‘‘рад̇д̇ибаримаан̣аанурууба’’нд̇и. иминаа рад̇д̇ияаа ануруубам̣ яат̇аарад̇д̇анд̇и ниб̣б̣ажанам̣ д̣̇ассзд̇и. ‘‘рад̇д̇ибаримаан̣аанурууба’’нд̇и вуд̇д̇з рад̇д̇ибаримаан̣асса ад̇игганд̇ад̇д̇аа ад̇т̇ад̇о т̇зрод̇и ааха ‘‘яат̇аат̇зранд̇и ад̇т̇о’’д̇и. вавад̇т̇аананд̇и барижчзд̣̇о. со хи висум̣ авахид̇о худ̇ваа д̇идтад̇ийд̇и вавад̇т̇аананд̇и вужжад̇и. гаммаагаммаанийд̇и зд̇т̇а гаммам̣ агаммаанийд̇и бад̣̇авибхааг̇ам̣ гад̇ваа агааро вуд̣̇д̇хад̇т̇од̇и ааха ‘‘куд̣̇д̣̇агаани жзва маханд̇аани жа гаммааний’’д̇и. сад̇и жа агаммасса маханд̇абхаавз гаммам̣ наама куд̣̇д̣̇аганд̇и ад̇т̇ад̇о сид̣̇д̇хам̣ ход̇и. д̇зна вуд̇д̇ам̣ ‘‘куд̣̇д̣̇агаани жзваа’’д̇и. агаарасса аббад̇т̇ам̣ г̇ахзд̇ваа ‘‘маханд̇аани жзва куд̣̇д̣̇агаани жа гаммааний’’д̇и ад̇т̇оби яуж̇ж̇ад̇зва. со бана ид̇ха на г̇ахид̇о, ан̃н̃ад̇т̇а бана д̣̇иссад̇и. ‘‘ужжааважаани гаммааний’’д̇и хи ваагяавасзна вуд̇д̇адтаанз ужжасад̣̇д̣̇зна маханд̇ад̇т̇ам̣ д̣̇ассзд̇и, аважасад̣̇д̣̇зна куд̣̇д̣̇агад̇т̇ам̣ д̣̇ассзд̇и. д̇асмаа маханд̇акуд̣̇д̣̇агаани гаммаанийд̇и ад̇т̇о взд̣̇ид̇аб̣б̣о. сад̇и жа агаммасса куд̣̇д̣̇агабхаавз гаммам̣ наама маханд̇анд̇и ад̇т̇ад̇оби сид̣̇д̇ханд̇и д̣̇адтаб̣б̣ам̣.
Paññattetanti ettha niggahitalopasandhīti āha ‘‘paññattaṃ eta’’nti. Kvāti kismiṃ khandhake. Tatrāti vattakkhandhake. Ettāvatāti ettakena āgantukavattādiakaraṇamattena. Anupubbenāti anukkamena. Yathārattanti ettha yathāsaddo anurūpatthavācako, rattisaddena rattippamāṇaṃ gahetabbanti dassento āha ‘‘rattiparimāṇānurūpa’’nti. Iminā rattiyā anurūpaṃ yathārattanti nibbacanaṃ dasseti. ‘‘Rattiparimāṇānurūpa’’nti vutte rattiparimāṇassa atikkantattā atthato theroti āha ‘‘yathātheranti attho’’ti. Vavatthānanti paricchedo. So hi visuṃ avahito hutvā tiṭṭhatīti vavatthānanti vuccati. Kammākammānīti ettha kammaṃ akammānīti padavibhāgaṃ katvā akāro vuddhatthoti āha ‘‘khuddakāni ceva mahantāni ca kammānī’’ti. Sati ca akammassa mahantabhāve kammaṃ nāma khuddakanti atthato siddhaṃ hoti. Tena vuttaṃ ‘‘khuddakāni cevā’’ti. Akārassa appatthaṃ gahetvā ‘‘mahantāni ceva khuddakāni ca kammānī’’ti atthopi yujjateva. So pana idha na gahito, aññattha pana dissati. ‘‘Uccāvacāni kammānī’’ti hi vākyavasena vuttaṭṭhāne uccasaddena mahantatthaṃ dasseti, avacasaddena khuddakatthaṃ dasseti. Tasmā mahantakhuddakāni kammānīti attho veditabbo. Sati ca akammassa khuddakabhāve kammaṃ nāma mahantanti atthatopi siddhanti daṭṭhabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. ад̇хигаран̣авуубасамаваг̇г̇о • 10. Adhikaraṇavūpasamavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
