| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အဓိကရဏဝူပသမဝဂ္ဂဝဏ္ဏနာ
Adhikaraṇavūpasamavaggavaṇṇanā
၄၅၈. ပဉ္စဟိ ကာရဏေဟီတိ ဣဒံ အတ္ထနိပ္ဖာဒနကာနိ တေသံ ပုဗ္ဗဘာဂာနိ စ ကာရဏဘာဝသာမညေန ဧကဇ္ဈံ ဂဟေတ္ဝာ ဝုတ္တံ, န ပန သဗ္ဗေသံ ပဉ္စန္နံ သမာနယောဂက္ခေမတ္တာ။ အနုသ္သာဝနေနာတိ ဘေဒသ္သ အနုရူပသာဝနေန။ ယထာ ဘေဒော ဟောတိ, ဧဝံ ဘိန္ဒိတဗ္ဗာနံ ဘိက္ခူနံ အတ္တနော ဝစနသ္သ သာဝနေန ဝိညာပနေနာတိ အတ္ထော။ တေနာဟ ‘‘နနု တုမ္ဟေ’’တိအာဒိ။ ကဏ္ဏမူလေ ဝစီဘေဒံ ကတ္ဝာတိ ဧတေန ပာကဋံ ကတ္ဝာ ဘေဒကရဝတ္ထုဒီပနံ ဝောဟရဏံ။ တတ္ထ အတ္တနာ ဝိနိစ္ဆိတမတ္တံ ရဟသ္သဝသေန ဝိညာပနံ အနုသ္သာဝနန္တိ ဒသ္သေတိ။ ကမ္မမေဝ ဥဒ္ဒေသော ဝာ ပမာဏန္တိ တေဟိ သင္ဃဘေဒသိဒ္ဓိတော ပမာဏံ, ဣတရေ ပန တေသံ သမ္ဘာရဘူတာ။ တေနာဟ ‘‘ဝောဟာရာ’’တိအာဒိ။ တတ္ထာတိ ဝောဟရဏေ။
458.Pañcahi kāraṇehīti idaṃ atthanipphādanakāni tesaṃ pubbabhāgāni ca kāraṇabhāvasāmaññena ekajjhaṃ gahetvā vuttaṃ, na pana sabbesaṃ pañcannaṃ samānayogakkhemattā. Anussāvanenāti bhedassa anurūpasāvanena. Yathā bhedo hoti, evaṃ bhinditabbānaṃ bhikkhūnaṃ attano vacanassa sāvanena viññāpanenāti attho. Tenāha ‘‘nanu tumhe’’tiādi. Kaṇṇamūle vacībhedaṃ katvāti etena pākaṭaṃ katvā bhedakaravatthudīpanaṃ voharaṇaṃ. Tattha attanā vinicchitamattaṃ rahassavasena viññāpanaṃ anussāvananti dasseti. Kammameva uddeso vā pamāṇanti tehi saṅghabhedasiddhito pamāṇaṃ, itare pana tesaṃ sambhārabhūtā. Tenāha ‘‘vohārā’’tiādi. Tatthāti voharaṇe.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁၀. အဓိကရဏဝူပသမဝဂ္ဂော • 10. Adhikaraṇavūpasamavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / အဓိကရဏဝူပသမဝဂ္ဂဝဏ္ဏနာ • Adhikaraṇavūpasamavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓိကရဏဝူပသမဝဂ္ဂဝဏ္ဏနာ • Adhikaraṇavūpasamavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟာရဝဂ္ဂာဒိဝဏ္ဏနာ • Vohāravaggādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဓိကရဏဝူပသမဝဂ္ဂဝဏ္ဏနာ • Adhikaraṇavūpasamavaggavaṇṇanā
