| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
10. ад̇хигаран̣авуубасамаваг̇г̇о
10. Adhikaraṇavūpasamavaggo
457. ‘‘гад̇ихи ну ко, бханд̇з, ан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇у’’нд̇и? ‘‘бан̃жахубаали, ан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? аабад̇д̇им̣ на ж̇аанаад̇и, аабад̇д̇исамудтаанам̣ на ж̇аанаад̇и, аабад̇д̇ияаа баяог̇ам̣ на ж̇аанаад̇и, аабад̇д̇ияаа вуубасамам̣ на ж̇аанаад̇и, аабад̇д̇ияаа на винижчаяагусало ход̇и – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? аабад̇д̇им̣ ж̇аанаад̇и, аабад̇д̇исамудтаанам̣ ж̇аанаад̇и, аабад̇д̇ияаа баяог̇ам̣ ж̇аанаад̇и, аабад̇д̇ияаа вуубасамам̣ ж̇аанаад̇и, аабад̇д̇ияаа винижчаяагусало ход̇и – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
457. ‘‘Katihi nu kho, bhante, aṅgehi samannāgato bhikkhu nālaṃ adhikaraṇaṃ vūpasametu’’nti? ‘‘Pañcahupāli, aṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Āpattiṃ na jānāti, āpattisamuṭṭhānaṃ na jānāti, āpattiyā payogaṃ na jānāti, āpattiyā vūpasamaṃ na jānāti, āpattiyā na vinicchayakusalo hoti – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Āpattiṃ jānāti, āpattisamuṭṭhānaṃ jānāti, āpattiyā payogaṃ jānāti, āpattiyā vūpasamaṃ jānāti, āpattiyā vinicchayakusalo hoti – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? ад̇хигаран̣ам̣ на ж̇аанаад̇и, ад̇хигаран̣асамудтаанам̣ на ж̇аанаад̇и, ад̇хигаран̣асса баяог̇ам̣ на ж̇аанаад̇и, ад̇хигаран̣асса вуубасамам̣ на ж̇аанаад̇и, ад̇хигаран̣асса на винижчаяагусало ход̇и – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Adhikaraṇaṃ na jānāti, adhikaraṇasamuṭṭhānaṃ na jānāti, adhikaraṇassa payogaṃ na jānāti, adhikaraṇassa vūpasamaṃ na jānāti, adhikaraṇassa na vinicchayakusalo hoti – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ.
‘‘бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? ад̇хигаран̣ам̣ ж̇аанаад̇и, ад̇хигаран̣асамудтаанам̣ ж̇аанаад̇и, ад̇хигаран̣асса баяог̇ам̣ ж̇аанаад̇и, ад̇хигаран̣асса вуубасамам̣ ж̇аанаад̇и, ад̇хигаран̣асса винижчаяагусало ход̇и – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Adhikaraṇaṃ jānāti, adhikaraṇasamuṭṭhānaṃ jānāti, adhikaraṇassa payogaṃ jānāti, adhikaraṇassa vūpasamaṃ jānāti, adhikaraṇassa vinicchayakusalo hoti – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и, алаж̇ж̇ий жа ход̇и – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, лаж̇ж̇ий жа ход̇и – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, alajjī ca hoti – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, lajjī ca hoti – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и , аббассуд̇о жа ход̇и – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, б̣ахуссуд̇о жа ход̇и – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati , appassuto ca hoti – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, bahussuto ca hoti – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби , убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? вад̇т̇ум̣ на ж̇аанаад̇и, нид̣̇аанам̣ на ж̇аанаад̇и, бан̃н̃ад̇д̇им̣ на ж̇аанаад̇и, бад̣̇абажжаабхадтам̣ на ж̇аанаад̇и, анусанд̇хиважанабат̇ам̣ на ж̇аанаад̇и – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? вад̇т̇ум̣ ж̇аанаад̇и, нид̣̇аанам̣ ж̇аанаад̇и, бан̃н̃ад̇д̇им̣ ж̇аанаад̇и, бад̣̇абажжаабхадтам̣ ж̇аанаад̇и, анусанд̇хиважанабат̇ам̣ ж̇аанаад̇и – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Aparehipi , upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Vatthuṃ na jānāti, nidānaṃ na jānāti, paññattiṃ na jānāti, padapaccābhaṭṭhaṃ na jānāti, anusandhivacanapathaṃ na jānāti – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Vatthuṃ jānāti, nidānaṃ jānāti, paññattiṃ jānāti, padapaccābhaṭṭhaṃ jānāti, anusandhivacanapathaṃ jānāti – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и, агусало жа ход̇и винаяз – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, гусало жа ход̇и винаяз – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, akusalo ca hoti vinaye – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, kusalo ca hoti vinaye – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и, буг̇г̇алаг̇ару ход̇и но сан̇гхаг̇ару – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали , ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣ . гад̇амзхи бан̃жахи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, сан̇гхаг̇ару ход̇и но буг̇г̇алаг̇ару – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, puggalagaru hoti no saṅghagaru – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli , aṅgehi samannāgato bhikkhu alaṃ adhikaraṇaṃ vūpasametuṃ . Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, saṅghagaru hoti no puggalagaru – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametuṃ.
‘‘абарзхиби, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. гад̇амзхи бан̃жахи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и, аамисаг̇ару ход̇и но сад̣̇д̇хаммаг̇ару – имзхи ко, убаали, бан̃жахан̇г̇зхи саманнааг̇ад̇о бхигку наалам̣ ад̇хигаран̣ам̣ вуубасамзд̇ум̣. бан̃жахубаали, ан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇ум̣. гад̇амзхи бан̃жахи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, сад̣̇д̇хаммаг̇ару ход̇и но аамисаг̇ару – имзхи ко, убаали, бан̃жахан̇г̇зхи саманнааг̇ад̇о бхигку алам̣ ад̇хигаран̣ам̣ вуубасамзд̇у’’нд̇и.
‘‘Aparehipi, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, āmisagaru hoti no saddhammagaru – imehi kho, upāli, pañcahaṅgehi samannāgato bhikkhu nālaṃ adhikaraṇaṃ vūpasametuṃ. Pañcahupāli, aṅgehi samannāgato bhikkhu alaṃ adhikaraṇaṃ vūpasametuṃ. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, saddhammagaru hoti no āmisagaru – imehi kho, upāli, pañcahaṅgehi samannāgato bhikkhu alaṃ adhikaraṇaṃ vūpasametu’’nti.
458. ‘‘гад̇ихи ну ко, бханд̇з, аагаарзхи сан̇гхо бхиж̇ж̇ад̇ий’’д̇и? ‘‘бан̃жахубаали, аагаарзхи сан̇гхо бхиж̇ж̇ад̇и. гад̇амзхи бан̃жахи? гаммзна, уд̣̇д̣̇зсзна, вохаранд̇о, ануссааванзна, салаагаг̇г̇аахзна – имзхи ко, убаали, бан̃жахаагаарзхи сан̇гхо бхиж̇ж̇ад̇ий’’д̇и.
458. ‘‘Katihi nu kho, bhante, ākārehi saṅgho bhijjatī’’ti? ‘‘Pañcahupāli, ākārehi saṅgho bhijjati. Katamehi pañcahi? Kammena, uddesena, voharanto, anussāvanena, salākaggāhena – imehi kho, upāli, pañcahākārehi saṅgho bhijjatī’’ti.
‘‘сан̇гхарааж̇и сан̇гхарааж̇ийд̇и, бханд̇з, вужжад̇и. гид̇д̇аавад̇аа ну ко, бханд̇з, сан̇гхарааж̇и ход̇и но жа сан̇гхабхзд̣̇о? гид̇д̇аавад̇аа жа бана сан̇гхарааж̇и жзва ход̇и сан̇гхабхзд̣̇о жаа’’д̇и? ‘‘бан̃н̃ад̇д̇зд̇ам̣, убаали, маяаа ааг̇анд̇угаанам̣ бхигкуунам̣ ааг̇анд̇угавад̇д̇ам̣. звам̣ субан̃н̃ад̇д̇з ко, убаали, маяаа сигкаабад̣̇з ааг̇анд̇угаа бхигкуу ааг̇анд̇угавад̇д̇з на вад̇д̇анд̇и. звамби ко, убаали, сан̇гхарааж̇и ход̇и но жа сан̇гхабхзд̣̇о. бан̃н̃ад̇д̇зд̇ам̣, убаали, маяаа ааваасигаанам̣ бхигкуунам̣ ааваасигавад̇д̇ам̣. звам̣ субан̃н̃ад̇д̇з ко, убаали, маяаа сигкаабад̣̇з ааваасигаа бхигкуу ааваасигавад̇д̇з на вад̇д̇анд̇и. звамби ко, убаали, сан̇гхарааж̇и ход̇и но жа сан̇гхабхзд̣̇о. бан̃н̃ад̇д̇зд̇ам̣ убаали маяаа бхигкуунам̣ бхад̇д̇аг̇г̇з бхад̇д̇аг̇г̇авад̇д̇ам̣ – яат̇аавуд̣дхам̣ яат̇аарад̇д̇ам̣ яат̇аабад̇ируубам̣ аг̇г̇аасанам̣ аг̇г̇од̣̇агам̣ аг̇г̇абин̣д̣ам̣. звам̣ субан̃н̃ад̇д̇з ко, убаали, маяаа сигкаабад̣̇з наваа бхигкуу бхад̇д̇аг̇г̇з т̇зраанам̣ бхигкуунам̣ аасанам̣ бадиб̣ааханд̇и. звамби ко, убаали, сан̇гхарааж̇и ход̇и но жа сан̇гхабхзд̣̇о. бан̃н̃ад̇д̇зд̇ам̣, убаали, маяаа бхигкуунам̣ сзнаасанз сзнаасанавад̇д̇ам̣ – яат̇аавуд̣дхам̣ яат̇аарад̇д̇ам̣ яат̇аабад̇ируубам̣. звам̣ субан̃н̃ад̇д̇з ко, убаали, маяаа сигкаабад̣̇з наваа бхигкуу т̇зраанам̣ бхигкуунам̣ сзнаасанам̣ бадиб̣ааханд̇и. звамби ко, убаали, сан̇гхарааж̇и ход̇и но жа сан̇гхабхзд̣̇о. бан̃н̃ад̇д̇зд̇ам̣, убаали, маяаа бхигкуунам̣ анд̇осиймааяа згам̣ убосат̇ам̣ згам̣ бавааран̣ам̣ згам̣ сан̇гхагаммам̣ згам̣ гаммаагаммам̣. звам̣ субан̃н̃ад̇д̇з ко, убаали, маяаа сигкаабад̣̇з д̇ад̇т̇зва анд̇осиймааяа аавзнибхаавам̣ 1 гарид̇ваа г̇ан̣ам̣ б̣анд̇хид̇ваа аавзним̣ 2 убосат̇ам̣ гаронд̇и аавзним̣ бавааран̣ам̣ гаронд̇и аавзним̣ сан̇гхагаммам̣ гаронд̇и аавзним̣ гаммаагаммаани гаронд̇и. звам̣ ко, убаали, сан̇гхарааж̇и жзва ход̇и сан̇гхабхзд̣̇о жаа’’д̇и.
‘‘Saṅgharāji saṅgharājīti, bhante, vuccati. Kittāvatā nu kho, bhante, saṅgharāji hoti no ca saṅghabhedo? Kittāvatā ca pana saṅgharāji ceva hoti saṅghabhedo cā’’ti? ‘‘Paññattetaṃ, upāli, mayā āgantukānaṃ bhikkhūnaṃ āgantukavattaṃ. Evaṃ supaññatte kho, upāli, mayā sikkhāpade āgantukā bhikkhū āgantukavatte na vattanti. Evampi kho, upāli, saṅgharāji hoti no ca saṅghabhedo. Paññattetaṃ, upāli, mayā āvāsikānaṃ bhikkhūnaṃ āvāsikavattaṃ. Evaṃ supaññatte kho, upāli, mayā sikkhāpade āvāsikā bhikkhū āvāsikavatte na vattanti. Evampi kho, upāli, saṅgharāji hoti no ca saṅghabhedo. Paññattetaṃ upāli mayā bhikkhūnaṃ bhattagge bhattaggavattaṃ – yathāvuḍḍhaṃ yathārattaṃ yathāpatirūpaṃ aggāsanaṃ aggodakaṃ aggapiṇḍaṃ. Evaṃ supaññatte kho, upāli, mayā sikkhāpade navā bhikkhū bhattagge therānaṃ bhikkhūnaṃ āsanaṃ paṭibāhanti. Evampi kho, upāli, saṅgharāji hoti no ca saṅghabhedo. Paññattetaṃ, upāli, mayā bhikkhūnaṃ senāsane senāsanavattaṃ – yathāvuḍḍhaṃ yathārattaṃ yathāpatirūpaṃ. Evaṃ supaññatte kho, upāli, mayā sikkhāpade navā bhikkhū therānaṃ bhikkhūnaṃ senāsanaṃ paṭibāhanti. Evampi kho, upāli, saṅgharāji hoti no ca saṅghabhedo. Paññattetaṃ, upāli, mayā bhikkhūnaṃ antosīmāya ekaṃ uposathaṃ ekaṃ pavāraṇaṃ ekaṃ saṅghakammaṃ ekaṃ kammākammaṃ. Evaṃ supaññatte kho, upāli, mayā sikkhāpade tattheva antosīmāya āvenibhāvaṃ 3 karitvā gaṇaṃ bandhitvā āveniṃ 4 uposathaṃ karonti āveniṃ pavāraṇaṃ karonti āveniṃ saṅghakammaṃ karonti āveniṃ kammākammāni karonti. Evaṃ kho, upāli, saṅgharāji ceva hoti saṅghabhedo cā’’ti.
ад̇хигаран̣авуубасамаваг̇г̇о нидтид̇о д̣̇асамо.
Adhikaraṇavūpasamavaggo niṭṭhito dasamo.
д̇ассуд̣̇д̣̇аанам̣ –
Tassuddānaṃ –
аабад̇д̇им̣ ад̇хигаран̣ам̣, чанд̣̇аа аббассуд̇зна жа;
Āpattiṃ adhikaraṇaṃ, chandā appassutena ca;
вад̇т̇ун̃жа агусало жа, буг̇г̇ало аамисзна жа;
Vatthuñca akusalo ca, puggalo āmisena ca;
бхиж̇ж̇ад̇и сан̇гхарааж̇и жа, сан̇гхабхзд̣̇о д̇ат̇зва жаад̇и.
Bhijjati saṅgharāji ca, saṅghabhedo tatheva cāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
