| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
அதி⁴மானவத்து²வண்ணனா
Adhimānavatthuvaṇṇanā
196. அரஹத்தேதி அக்³க³ப²லே. ஞாணசக்கு²னாதி பச்சவெக்க²ணஞாணஸங்கா²தேன சக்கு²னா, அத² வா ப²லசித்தஸம்பயுத்தேனேவ ஞாணசக்கு²னா. அத்தனா ஸம்பயுத்தேனாபி ஹி ஞாணேன அஸம்மோஹதோ ஸயங் தி³ட்ட²ங் நாம ஹோதி, ததா² தஸ்மிங் அதி³ட்டே²தி அத்தோ². ஸப்³பே³ஸங் கிலேஸானங் பஹாயகவஸேன ஆஜானாதி, ஸமந்ததோ ஸப்³பே³ன வா பகாரேன ஜானாதீதி ‘‘அஞ்ஞா’’தி அக்³க³மக்³கோ³ வுச்சதி, தது³பசாரேன பன தப்ப²லம்பீதி ஆஹ ‘‘அஞ்ஞங் ப்³யாகரிங்ஸூதி அரஹத்தங் ப்³யாகரிங்ஸூ’’தி. அந்தரா ட²பேதீதி ஸேக²பூ⁴மியங் அதி⁴மானோ ட²பேதி. கிலேஸஸமுதா³சாரங் அபஸ்ஸந்தோதி புரிமமக்³க³த்தயவஜ்ஜா²னங்யேவ கிலேஸானங் வஸேன வுத்தங், ந ப⁴வராகா³தீ³னங்.
196.Arahatteti aggaphale. Ñāṇacakkhunāti paccavekkhaṇañāṇasaṅkhātena cakkhunā, atha vā phalacittasampayutteneva ñāṇacakkhunā. Attanā sampayuttenāpi hi ñāṇena asammohato sayaṃ diṭṭhaṃ nāma hoti, tathā tasmiṃ adiṭṭheti attho. Sabbesaṃ kilesānaṃ pahāyakavasena ājānāti, samantato sabbena vā pakārena jānātīti ‘‘aññā’’ti aggamaggo vuccati, tadupacārena pana tapphalampīti āha ‘‘aññaṃ byākariṃsūti arahattaṃ byākariṃsū’’ti. Antarā ṭhapetīti sekhabhūmiyaṃ adhimāno ṭhapeti. Kilesasamudācāraṃ apassantoti purimamaggattayavajjhānaṃyeva kilesānaṃ vasena vuttaṃ, na bhavarāgādīnaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. சதுத்த²பாராஜிகங் • 4. Catutthapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. சதுத்த²பாராஜிகங் • 4. Catutthapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அதி⁴மானவத்து²வண்ணனா • Adhimānavatthuvaṇṇanā
