| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ад̇химаанавад̇т̇уван̣н̣анаа
Adhimānavatthuvaṇṇanā
196. хздтимамаг̇г̇зхи н̃аад̇амарияаад̣̇ааяа зва ж̇аананад̇о ан̃н̃аа аг̇г̇амаг̇г̇абан̃н̃аа, д̇ассаа палабхаавад̇о аг̇г̇апалабан̃н̃аа д̇ам̣сахаг̇ад̇аа саммаасан̇габбаад̣̇аяо жа ан̃н̃аад̇и вуд̇д̇аад̇и ааха ‘‘ан̃н̃ам̣ б̣яаагарим̣сууд̇и арахад̇д̇ам̣ б̣яаагарим̣суу’’д̇и. арияасаавагасса д̇аава нуббаж̇ж̇ад̇ийд̇и бахийнаад̇химаанабажжаяад̇д̇аа нуббаж̇ж̇ад̇и . сийлавад̇оби…бз… нуббаж̇ж̇ад̇и агаарагабхаавад̇о. д̇илагкан̣ам̣ ааробзд̇ваад̇и галаабасаммасанавасзна д̇илагкан̣ам̣ ааробзд̇ваа. аарад̣̇д̇хавибассагассаад̇и уд̣̇аяаб̣б̣аяаанубассанааяа аарад̣̇д̇хавибассагасса. суд̣̇д̇хасамат̇алаабхий вибассанааяа гаммам̣ агад̇вааби гилзсасамуд̣̇аажаарам̣ абассанд̇о гзвалам̣ ан̃н̃аан̣аб̣алзна ‘‘арияохамасмий’’д̇и ман̃н̃ад̇ийд̇и ааха ‘‘суд̣̇д̇хасамат̇алаабхим̣ ваа’’д̇и. ‘‘арахаа аха’’нд̇и ман̃н̃ад̇и ужжаваалан̇гаваасий махаанааг̇ад̇т̇зро вияа.
196. Heṭṭhimamaggehi ñātamariyādāya eva jānanato aññā aggamaggapaññā, tassā phalabhāvato aggaphalapaññā taṃsahagatā sammāsaṅkappādayo ca aññāti vuttāti āha ‘‘aññaṃ byākariṃsūti arahattaṃ byākariṃsū’’ti. Ariyasāvakassa tāva nuppajjatīti pahīnādhimānapaccayattā nuppajjati . Sīlavatopi…pe… nuppajjati akārakabhāvato. Tilakkhaṇaṃ āropetvāti kalāpasammasanavasena tilakkhaṇaṃ āropetvā. Āraddhavipassakassāti udayabbayānupassanāya āraddhavipassakassa. Suddhasamathalābhī vipassanāya kammaṃ akatvāpi kilesasamudācāraṃ apassanto kevalaṃ aññāṇabalena ‘‘ariyohamasmī’’ti maññatīti āha ‘‘suddhasamathalābhiṃ vā’’ti. ‘‘Arahā aha’’nti maññati uccavālaṅkavāsī mahānāgatthero viya.
д̇алан̇г̇араваасий д̇хаммад̣̇иннад̇т̇зро гира наама зго бабхиннаббадисамбхид̣̇о махаакийн̣аасаво махад̇о бхигкусан̇гхасса оваад̣̇ад̣̇ааяаго ахоси. со згад̣̇ивасам̣ ад̇д̇ано д̣̇иваадтаанз нисийд̣̇ид̇ваа ‘‘гинну ко амхаагам̣ аажарияасса ужжаваалан̇гаваасиймахаанааг̇ад̇т̇зрасса саман̣абхаавагижжам̣ мад̇т̇агаббад̇д̇ам̣, но’’д̇и ааваж̇ж̇знд̇о бут̇уж̇ж̇анабхаавамзвасса д̣̇исваа ‘‘маяи аг̇ажчанд̇з бут̇уж̇ж̇анагаалагирияамзва гариссад̇ий’’д̇и жа н̃ад̇ваа ид̣̇д̇хияаа взхаасам̣ уббад̇ид̇ваа д̣̇иваадтаанз нисиннасса т̇зрасса самийбз орохид̇ваа ванд̣̇ид̇ваа вад̇д̇ам̣ д̣̇ассзд̇ваа згаманд̇ам̣ нисийд̣̇и. ‘‘гим̣, аавусо д̇хаммад̣̇инна, агаалз ааг̇ад̇осий’’д̇и жа вуд̇д̇о ‘‘бан̃хам̣, бханд̇з, бужчид̇ум̣ ааг̇ад̇омхий’’д̇и ааха. д̇ад̇о ‘‘бужчаавусо, ж̇аанамаанаа гат̇аяиссаамаа’’д̇и вуд̇д̇о бан̃хасахассам̣ бужчи. т̇зро бужчид̇ам̣ бужчид̇ам̣ бан̃хам̣ асаж̇ж̇амаанова гат̇зси. д̇ад̇о ‘‘ад̇ид̇игкам̣ во, бханд̇з, н̃аан̣ам̣, гад̣̇аа д̇умхзхи аяам̣ д̇хаммо ад̇хиг̇ад̇о’’д̇и вуд̇д̇о ‘‘ид̇о садтивассагаалз, аавусо’’д̇и ааха. самаад̇химхи, бханд̇з, вал̣ан̃ж̇зт̇аад̇и. на ид̣̇ам̣, аавусо, бхаарияанд̇и. д̇зна хи, бханд̇з, згам̣ хад̇т̇им̣ маабзт̇аад̇и. т̇зро саб̣б̣асзд̇ам̣ хад̇т̇им̣ маабзси. ид̣̇аани, бханд̇з, яат̇аа аяам̣ хад̇т̇ий ан̃ж̇ид̇аган̣н̣о басаарид̇анан̇г̇удто сон̣д̣ам̣ мукз багкибид̇ваа бхзравам̣ гон̃жанаад̣̇ам̣ гаронд̇о д̇умхаагам̣ абхимукам̣ ааг̇ажчад̇и, д̇ат̇аа нам̣ гарот̇аад̇и. т̇зро д̇ат̇аа гад̇ваа взг̇зна ааг̇ажчад̇о хад̇т̇исса бхзравам̣ аагаарам̣ д̣̇исваа удтааяа балааяид̇ум̣ аарад̣̇д̇хо. д̇амзнам̣ кийн̣аасавад̇т̇зро хад̇т̇ам̣ басаарзд̇ваа жийвараган̣н̣з г̇ахзд̇ваа ‘‘бханд̇з, кийн̣аасавасса саараж̇ж̇ам̣ наама ход̇ий’’д̇и ааха. со д̇асмим̣ гаалз ад̇д̇ано бут̇уж̇ж̇анабхаавам̣ н̃ад̇ваа ‘‘авассаяо мз, аавусо, д̇хаммад̣̇инна хохий’’д̇и вад̇ваа баад̣̇амуулз уггудигам̣ нисийд̣̇и. ‘‘бханд̇з, д̇умхаагам̣ авассаяо бхависсаамижжзваахам̣ ааг̇ад̇о, маа жинд̇аяид̇т̇аа’’д̇и гаммадтаанам̣ гат̇зси. т̇зро гаммадтаанам̣ г̇ахзд̇ваа жан̇гамам̣ оруяха д̇ад̇ияз бад̣̇аваарз аг̇г̇апалам̣ арахад̇д̇ам̣ баабун̣и. т̇зро гира д̣̇осажарид̇о ахоси.
Talaṅgaravāsī dhammadinnatthero kira nāma eko pabhinnappaṭisambhido mahākhīṇāsavo mahato bhikkhusaṅghassa ovādadāyako ahosi. So ekadivasaṃ attano divāṭṭhāne nisīditvā ‘‘kinnu kho amhākaṃ ācariyassa uccavālaṅkavāsīmahānāgattherassa samaṇabhāvakiccaṃ matthakappattaṃ, no’’ti āvajjento puthujjanabhāvamevassa disvā ‘‘mayi agacchante puthujjanakālakiriyameva karissatī’’ti ca ñatvā iddhiyā vehāsaṃ uppatitvā divāṭṭhāne nisinnassa therassa samīpe orohitvā vanditvā vattaṃ dassetvā ekamantaṃ nisīdi. ‘‘Kiṃ, āvuso dhammadinna, akāle āgatosī’’ti ca vutto ‘‘pañhaṃ, bhante, pucchituṃ āgatomhī’’ti āha. Tato ‘‘pucchāvuso, jānamānā kathayissāmā’’ti vutto pañhasahassaṃ pucchi. Thero pucchitaṃ pucchitaṃ pañhaṃ asajjamānova kathesi. Tato ‘‘atitikkhaṃ vo, bhante, ñāṇaṃ, kadā tumhehi ayaṃ dhammo adhigato’’ti vutto ‘‘ito saṭṭhivassakāle, āvuso’’ti āha. Samādhimhi, bhante, vaḷañjethāti. Na idaṃ, āvuso, bhāriyanti. Tena hi, bhante, ekaṃ hatthiṃ māpethāti. Thero sabbasetaṃ hatthiṃ māpesi. Idāni, bhante, yathā ayaṃ hatthī añjitakaṇṇo pasāritanaṅguṭṭho soṇḍaṃ mukhe pakkhipitvā bheravaṃ koñcanādaṃ karonto tumhākaṃ abhimukhaṃ āgacchati, tathā naṃ karothāti. Thero tathā katvā vegena āgacchato hatthissa bheravaṃ ākāraṃ disvā uṭṭhāya palāyituṃ āraddho. Tamenaṃ khīṇāsavatthero hatthaṃ pasāretvā cīvarakaṇṇe gahetvā ‘‘bhante, khīṇāsavassa sārajjaṃ nāma hotī’’ti āha. So tasmiṃ kāle attano puthujjanabhāvaṃ ñatvā ‘‘avassayo me, āvuso, dhammadinna hohī’’ti vatvā pādamūle ukkuṭikaṃ nisīdi. ‘‘Bhante, tumhākaṃ avassayo bhavissāmiccevāhaṃ āgato, mā cintayitthā’’ti kammaṭṭhānaṃ kathesi. Thero kammaṭṭhānaṃ gahetvā caṅkamaṃ oruyha tatiye padavāre aggaphalaṃ arahattaṃ pāpuṇi. Thero kira dosacarito ahosi.
ад̇химаанавад̇т̇уван̣н̣анаа нидтид̇аа.
Adhimānavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇химаанавад̇т̇уван̣н̣анаа • Adhimānavatthuvaṇṇanā
