| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨདྷིམཱནཝཏྠུཝཎྞནཱ
Adhimānavatthuvaṇṇanā
༡༩༦. ཨརཧཏྟེཏི ཨགྒཕལེ། ཉཱཎཙཀྑུནཱཏི པཙྩཝེཀྑཎཉཱཎསངྑཱཏེན ཙཀྑུནཱ, ཨཐ ཝཱ ཕལཙིཏྟསམྤཡུཏྟེནེཝ ཉཱཎཙཀྑུནཱ། ཨཏྟནཱ སམྤཡུཏྟེནཱཔི ཧི ཉཱཎེན ཨསམྨོཧཏོ སཡཾ དིཊྛཾ ནཱམ ཧོཏི, ཏཐཱ ཏསྨིཾ ཨདིཊྛེཏི ཨཏྠོ། སབྦེསཾ ཀིལེསཱནཾ པཧཱཡཀཝསེན ཨཱཛཱནཱཏི, སམནྟཏོ སབྦེན ཝཱ པཀཱརེན ཛཱནཱཏཱིཏི ‘‘ཨཉྙཱ’’ཏི ཨགྒམགྒོ ཝུཙྩཏི, ཏདུཔཙཱརེན པན ཏཔྥལམྤཱིཏི ཨཱཧ ‘‘ཨཉྙཾ བྱཱཀརིཾསཱུཏི ཨརཧཏྟཾ བྱཱཀརིཾསཱུ’’ཏི། ཨནྟརཱ ཋཔེཏཱིཏི སེཁབྷཱུམིཡཾ ཨདྷིམཱནོ ཋཔེཏི། ཀིལེསསམུདཱཙཱརཾ ཨཔསྶནྟོཏི པུརིམམགྒཏྟཡཝཛ྄ཛྷཱནཾཡེཝ ཀིལེསཱནཾ ཝསེན ཝུཏྟཾ, ན བྷཝརཱགཱདཱིནཾ།
196.Arahatteti aggaphale. Ñāṇacakkhunāti paccavekkhaṇañāṇasaṅkhātena cakkhunā, atha vā phalacittasampayutteneva ñāṇacakkhunā. Attanā sampayuttenāpi hi ñāṇena asammohato sayaṃ diṭṭhaṃ nāma hoti, tathā tasmiṃ adiṭṭheti attho. Sabbesaṃ kilesānaṃ pahāyakavasena ājānāti, samantato sabbena vā pakārena jānātīti ‘‘aññā’’ti aggamaggo vuccati, tadupacārena pana tapphalampīti āha ‘‘aññaṃ byākariṃsūti arahattaṃ byākariṃsū’’ti. Antarā ṭhapetīti sekhabhūmiyaṃ adhimāno ṭhapeti. Kilesasamudācāraṃ apassantoti purimamaggattayavajjhānaṃyeva kilesānaṃ vasena vuttaṃ, na bhavarāgādīnaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༤. ཙཏུཏྠཔཱརཱཛིཀཾ • 4. Catutthapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༤. ཙཏུཏྠཔཱརཱཛིཀཾ • 4. Catutthapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིམཱནཝཏྠུཝཎྞནཱ • Adhimānavatthuvaṇṇanā
