| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. அதி⁴முத்தத்தே²ரஅபதா³னவண்ணனா
6. Adhimuttattheraapadānavaṇṇanā
நிப்³பு³தே லோகனாத²ம்ஹீதிஆதி³கங் ஆயஸ்மதோ அதி⁴முத்தத்தே²ரஸ்ஸ அபதா³னங் (தே²ரகா³॰ அட்ட²॰ 2.அதி⁴முத்தத்தே²ரகா³தா²வண்ணனா). அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ அத்த²த³ஸ்ஸிம்ஹி லோகனாதே² பரினிப்³பு³தே ஏகஸ்மிங் குலகே³ஹே நிப்³ப³த்தோ ரதனத்தயே பஸன்னோ பி⁴க்கு²ஸங்க⁴ங் நிமந்தெத்வா உச்சூ²ஹி மண்ட³பங் காரெத்வா மஹாதா³னங் பவத்தெத்வா பரியோஸானே ஸந்திபத³ங் பணிதே⁴ஸி. ஸோ ததோ சுதோ தே³வேஸு ச மனுஸ்ஸேஸு ச உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ ஸாஸனே பஸீதி³த்வா ஸத்³தா⁴ய பதிட்டி²தத்தா அதி⁴முத்தத்தே²ரோதி பாகடோ.
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
84. ஏவங் கதஸம்பா⁴ரவஸேன அரஹத்தங் பத்வா அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ நிப்³பு³தே லோகனாத²ம்ஹீதிஆதி³மாஹ. தங் ஸப்³ப³ங் உத்தானத்த²மேவாதி.
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
அதி⁴முத்தத்தே²ரஅபதா³னவண்ணனா ஸமத்தா.
Adhimuttattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. அதி⁴முத்தத்தே²ரஅபதா³னங் • 6. Adhimuttattheraapadānaṃ
