| Library / Tipiṭaka / తిపిటక • Tipiṭaka / అపదాన-అట్ఠకథా • Apadāna-aṭṭhakathā |
౬. అధిముత్తత్థేరఅపదానవణ్ణనా
6. Adhimuttattheraapadānavaṇṇanā
నిబ్బుతే లోకనాథమ్హీతిఆదికం ఆయస్మతో అధిముత్తత్థేరస్స అపదానం (థేరగా॰ అట్ఠ॰ ౨.అధిముత్తత్థేరగాథావణ్ణనా). అయమ్పి పురిమబుద్ధేసు కతాధికారో తత్థ తత్థ భవే వివట్టూపనిస్సయాని పుఞ్ఞాని ఉపచినన్తో అత్థదస్సిమ్హి లోకనాథే పరినిబ్బుతే ఏకస్మిం కులగేహే నిబ్బత్తో రతనత్తయే పసన్నో భిక్ఖుసఙ్ఘం నిమన్తేత్వా ఉచ్ఛూహి మణ్డపం కారేత్వా మహాదానం పవత్తేత్వా పరియోసానే సన్తిపదం పణిధేసి. సో తతో చుతో దేవేసు చ మనుస్సేసు చ ఉభయసమ్పత్తియో అనుభవిత్వా ఇమస్మిం బుద్ధుప్పాదే ఏకస్మిం కులగేహే నిబ్బత్తో సాసనే పసీదిత్వా సద్ధాయ పతిట్ఠితత్తా అధిముత్తత్థేరోతి పాకటో.
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
౮౪. ఏవం కతసమ్భారవసేన అరహత్తం పత్వా అత్తనో పుబ్బకమ్మం సరిత్వా సోమనస్సజాతో పుబ్బచరితాపదానం పకాసేన్తో నిబ్బుతే లోకనాథమ్హీతిఆదిమాహ. తం సబ్బం ఉత్తానత్థమేవాతి.
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
అధిముత్తత్థేరఅపదానవణ్ణనా సమత్తా.
Adhimuttattheraapadānavaṇṇanā samattā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / ఖుద్దకనికాయ • Khuddakanikāya / అపదానపాళి • Apadānapāḷi / ౬. అధిముత్తత్థేరఅపదానం • 6. Adhimuttattheraapadānaṃ
