| Library / Tipiṭaka / တိပိဋက • Tipiṭaka / အပဒာန-အဋ္ဌကထာ • Apadāna-aṭṭhakathā |
၆. အဓိမုတ္တတ္ထေရအပဒာနဝဏ္ဏနာ
6. Adhimuttattheraapadānavaṇṇanā
နိဗ္ဗုတေ လောကနာထမ္ဟီတိအာဒိကံ အာယသ္မတော အဓိမုတ္တတ္ထေရသ္သ အပဒာနံ (ထေရဂာ. အဋ္ဌ. ၂.အဓိမုတ္တတ္ထေရဂာထာဝဏ္ဏနာ)။ အယမ္ပိ ပုရိမဗုဒ္ဓေသု ကတာဓိကာရော တတ္ထ တတ္ထ ဘဝေ ဝိဝဋ္ဋူပနိသ္သယာနိ ပုညာနိ ဥပစိနန္တော အတ္ထဒသ္သိမ္ဟိ လောကနာထေ ပရိနိဗ္ဗုတေ ဧကသ္မိံ ကုလဂေဟေ နိဗ္ဗတ္တော ရတနတ္တယေ ပသန္နော ဘိက္ခုသင္ဃံ နိမန္တေတ္ဝာ ဥစ္ဆူဟိ မဏ္ဍပံ ကာရေတ္ဝာ မဟာဒာနံ ပဝတ္တေတ္ဝာ ပရိယောသာနေ သန္တိပဒံ ပဏိဓေသိ။ သော တတော စုတော ဒေဝေသု စ မနုသ္သေသု စ ဥဘယသမ္ပတ္တိယော အနုဘဝိတ္ဝာ ဣမသ္မိံ ဗုဒ္ဓုပ္ပာဒေ ဧကသ္မိံ ကုလဂေဟေ နိဗ္ဗတ္တော သာသနေ ပသီဒိတ္ဝာ သဒ္ဓာယ ပတိဋ္ဌိတတ္တာ အဓိမုတ္တတ္ထေရောတိ ပာကဋော။
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
၈၄. ဧဝံ ကတသမ္ဘာရဝသေန အရဟတ္တံ ပတ္ဝာ အတ္တနော ပုဗ္ဗကမ္မံ သရိတ္ဝာ သောမနသ္သဇာတော ပုဗ္ဗစရိတာပဒာနံ ပကာသေန္တော နိဗ္ဗုတေ လောကနာထမ္ဟီတိအာဒိမာဟ။ တံ သဗ္ဗံ ဥတ္တာနတ္ထမေဝာတိ။
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
အဓိမုတ္တတ္ထေရအပဒာနဝဏ္ဏနာ သမတ္တာ။
Adhimuttattheraapadānavaṇṇanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / အပဒာနပာဠိ • Apadānapāḷi / ၆. အဓိမုတ္တတ္ထေရအပဒာနံ • 6. Adhimuttattheraapadānaṃ
