| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
6. අධිමුත්‌තත්‌ථෙරඅපදානවණ්‌ණනා
6. Adhimuttattheraapadānavaṇṇanā
නිබ්‌බුතෙ ලොකනාථම්‌හීතිආදිකං ආයස්‌මතො අධිමුත්‌තත්‌ථෙරස්‌ස අපදානං (ථෙරගා. අට්‌ඨ. 2.අධිමුත්‌තත්‌ථෙරගාථාවණ්‌ණනා). අයම්‌පි පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො අත්‌ථදස්‌සිම්‌හි ලොකනාථෙ පරිනිබ්‌බුතෙ එකස්‌මිං කුලගෙහෙ නිබ්‌බත්‌තො රතනත්‌තයෙ පසන්‌නො භික්‌ඛුසඞ්‌ඝං නිමන්‌තෙත්‌වා උච්‌ඡූහි මණ්‌ඩපං කාරෙත්‌වා මහාදානං පවත්‌තෙත්‌වා පරියොසානෙ සන්‌තිපදං පණිධෙසි. සො තතො චුතො දෙවෙසු ච මනුස්‌සෙසු ච උභයසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො සාසනෙ පසීදිත්‌වා සද්‌ධාය පතිට්‌ඨිතත්‌තා අධිමුත්‌තත්‌ථෙරොති පාකටො.
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
84. එවං කතසම්‌භාරවසෙන අරහත්‌තං පත්‌වා අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො නිබ්‌බුතෙ ලොකනාථම්‌හීතිආදිමාහ. තං සබ්‌බං උත්‌තානත්‌ථමෙවාති.
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
අධිමුත්‌තත්‌ථෙරඅපදානවණ්‌ණනා සමත්‌තා.
Adhimuttattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 6. අධිමුත්‌තත්‌ථෙරඅපදානං • 6. Adhimuttattheraapadānaṃ
