| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༦. ཨདྷིམུཏྟཏྠེརཨཔདཱནཝཎྞནཱ
6. Adhimuttattheraapadānavaṇṇanā
ནིབྦུཏེ ལོཀནཱཐམྷཱིཏིཨཱདིཀཾ ཨཱཡསྨཏོ ཨདྷིམུཏྟཏྠེརསྶ ཨཔདཱནཾ (ཐེརགཱ॰ ཨཊྛ॰ ༢.ཨདྷིམུཏྟཏྠེརགཱཐཱཝཎྞནཱ)། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ ཨཏྠདསྶིམྷི ལོཀནཱཐེ པརིནིབྦུཏེ ཨེཀསྨིཾ ཀུལགེཧེ ནིབྦཏྟོ རཏནཏྟཡེ པསནྣོ བྷིཀྑུསངྒྷཾ ནིམནྟེཏྭཱ ཨུཙྪཱུཧི མཎྜཔཾ ཀཱརེཏྭཱ མཧཱདཱནཾ པཝཏྟེཏྭཱ པརིཡོསཱནེ སནྟིཔདཾ པཎིདྷེསི། སོ ཏཏོ ཙུཏོ དེཝེསུ ཙ མནུསྶེསུ ཙ ཨུབྷཡསམྤཏྟིཡོ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཨེཀསྨིཾ ཀུལགེཧེ ནིབྦཏྟོ སཱསནེ པསཱིདིཏྭཱ སདྡྷཱཡ པཏིཊྛིཏཏྟཱ ཨདྷིམུཏྟཏྠེརོཏི པཱཀཊོ།
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
༨༤. ཨེཝཾ ཀཏསམྦྷཱརཝསེན ཨརཧཏྟཾ པཏྭཱ ཨཏྟནོ པུབྦཀམྨཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ ནིབྦུཏེ ལོཀནཱཐམྷཱིཏིཨཱདིམཱཧ། ཏཾ སབྦཾ ཨུཏྟཱནཏྠམེཝཱཏི།
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
ཨདྷིམུཏྟཏྠེརཨཔདཱནཝཎྞནཱ སམཏྟཱ།
Adhimuttattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༦. ཨདྷིམུཏྟཏྠེརཨཔདཱནཾ • 6. Adhimuttattheraapadānaṃ
