| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൬. അധിമുത്തത്ഥേരഅപദാനവണ്ണനാ
6. Adhimuttattheraapadānavaṇṇanā
നിബ്ബുതേ ലോകനാഥമ്ഹീതിആദികം ആയസ്മതോ അധിമുത്തത്ഥേരസ്സ അപദാനം (ഥേരഗാ॰ അട്ഠ॰ ൨.അധിമുത്തത്ഥേരഗാഥാവണ്ണനാ). അയമ്പി പുരിമബുദ്ധേസു കതാധികാരോ തത്ഥ തത്ഥ ഭവേ വിവട്ടൂപനിസ്സയാനി പുഞ്ഞാനി ഉപചിനന്തോ അത്ഥദസ്സിമ്ഹി ലോകനാഥേ പരിനിബ്ബുതേ ഏകസ്മിം കുലഗേഹേ നിബ്ബത്തോ രതനത്തയേ പസന്നോ ഭിക്ഖുസങ്ഘം നിമന്തേത്വാ ഉച്ഛൂഹി മണ്ഡപം കാരേത്വാ മഹാദാനം പവത്തേത്വാ പരിയോസാനേ സന്തിപദം പണിധേസി. സോ തതോ ചുതോ ദേവേസു ച മനുസ്സേസു ച ഉഭയസമ്പത്തിയോ അനുഭവിത്വാ ഇമസ്മിം ബുദ്ധുപ്പാദേ ഏകസ്മിം കുലഗേഹേ നിബ്ബത്തോ സാസനേ പസീദിത്വാ സദ്ധായ പതിട്ഠിതത്താ അധിമുത്തത്ഥേരോതി പാകടോ.
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
൮൪. ഏവം കതസമ്ഭാരവസേന അരഹത്തം പത്വാ അത്തനോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ നിബ്ബുതേ ലോകനാഥമ്ഹീതിആദിമാഹ. തം സബ്ബം ഉത്താനത്ഥമേവാതി.
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
അധിമുത്തത്ഥേരഅപദാനവണ്ണനാ സമത്താ.
Adhimuttattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൬. അധിമുത്തത്ഥേരഅപദാനം • 6. Adhimuttattheraapadānaṃ
