| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. ад̇химуд̇д̇ад̇т̇зраг̇аат̇ааван̣н̣анаа
4. Adhimuttattheragāthāvaṇṇanā
гааяад̣̇удтуллаг̇арунод̇и ааяасмад̇о ад̇химуд̇д̇ад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣раахман̣авиж̇ж̇аасу нибпад̇д̇им̣ г̇ад̇о гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃з вихаранд̇о б̣уд̣̇д̇хуббаад̣̇ам̣ суд̇ваа мануссуубажаарам̣ убаг̇анд̇ваа сад̇т̇аарам̣ бхигкусан̇гхабаривуд̇ам̣ г̇ажчанд̇ам̣ д̣̇исваа басаннамаанасо ад̇д̇ано ваагажийрам̣ сад̇т̇у баад̣̇амуулз бад̇т̇ари. сад̇т̇аа д̇асса аж̇жхаасаяам̣ н̃ад̇ваа д̇асмим̣ адтааси. д̇ад̇т̇а тид̇ам̣ бхаг̇аванд̇ам̣ гаал̣аанусаарзна г̇анд̇хзна бууж̇зд̇ваа ‘‘самуд̣̇д̇харасимам̣ лога’’нд̇иаад̣̇игаахи д̣̇асахи г̇аат̇аахи абхид̇т̇ави. д̇ам̣ сад̇т̇аа ‘‘анааг̇ад̇з ид̇о сад̇асахассагаббамад̇т̇агз г̇од̇амасса наама саммаасамб̣уд̣̇д̇хасса саасанз баб̣б̣аж̇ид̇ваа чал̣абхин̃н̃о бхависсад̇ий’’д̇и б̣яаагарид̇ваа баггаами. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа д̇ад̇о яаавааяам̣ б̣уд̣̇д̇хуббаад̣̇о, д̇аава д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа ад̇химуд̇д̇од̇и лад̣̇д̇ханаамо вин̃н̃уд̇ам̣ бад̇д̇о б̣раахман̣авиж̇ж̇аасу нибпад̇д̇им̣ г̇анд̇ваа д̇ад̇т̇а саарам̣ абассанд̇о бажчимабхавигад̇д̇аа ниссаран̣ам̣ г̇авзсанд̇о ж̇зд̇аванабадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо сад̇т̇у санд̇игз баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.40.304-332) –
Kāyaduṭṭhullagarunoti āyasmato adhimuttattherassa gāthā. Kā uppatti? So kira padumuttarassa bhagavato kāle brāhmaṇakule nibbattitvā viññutaṃ patto brāhmaṇavijjāsu nipphattiṃ gato kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā araññe viharanto buddhuppādaṃ sutvā manussūpacāraṃ upagantvā satthāraṃ bhikkhusaṅghaparivutaṃ gacchantaṃ disvā pasannamānaso attano vākacīraṃ satthu pādamūle patthari. Satthā tassa ajjhāsayaṃ ñatvā tasmiṃ aṭṭhāsi. Tattha ṭhitaṃ bhagavantaṃ kāḷānusārena gandhena pūjetvā ‘‘samuddharasimaṃ loka’’ntiādikāhi dasahi gāthāhi abhitthavi. Taṃ satthā ‘‘anāgate ito satasahassakappamatthake gotamassa nāma sammāsambuddhassa sāsane pabbajitvā chaḷabhiñño bhavissatī’’ti byākaritvā pakkāmi. So tena puññakammena devaloke nibbattitvā tato yāvāyaṃ buddhuppādo, tāva devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā adhimuttoti laddhanāmo viññutaṃ patto brāhmaṇavijjāsu nipphattiṃ gantvā tattha sāraṃ apassanto pacchimabhavikattā nissaraṇaṃ gavesanto jetavanapaṭiggahaṇe buddhānubhāvaṃ disvā paṭiladdhasaddho satthu santike pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.40.304-332) –
‘‘ган̣игаарам̣ва ж̇алид̇ам̣, д̣̇ийбаругкам̣ва уж̇ж̇алам̣;
‘‘Kaṇikāraṃva jalitaṃ, dīparukkhaṃva ujjalaṃ;
осад̇хим̣ва вирожанд̇ам̣, виж̇ж̇уд̇ам̣ г̇аг̇анз яат̇аа.
Osadhiṃva virocantaṃ, vijjutaṃ gagane yathā.
‘‘асамбхийд̇ам̣ ануд̇д̇аасим̣, миг̇арааж̇ам̣ва гзсарим̣;
‘‘Asambhītaṃ anuttāsiṃ, migarājaṃva kesariṃ;
н̃аан̣аалогам̣ багаасзнд̇ам̣, мад̣̇д̣̇анд̇ам̣ д̇ид̇т̇ияз г̇ан̣з.
Ñāṇālokaṃ pakāsentaṃ, maddantaṃ titthiye gaṇe.
‘‘уд̣̇д̇харанд̇ам̣ имам̣ логам̣, чинд̣̇анд̇ам̣ саб̣б̣асам̣саяам̣;
‘‘Uddharantaṃ imaṃ lokaṃ, chindantaṃ sabbasaṃsayaṃ;
г̇аж̇ж̇анд̇ам̣ миг̇арааж̇ам̣ва, ад̣̇д̣̇асам̣ логанааяагам̣.
Gajjantaṃ migarājaṃva, addasaṃ lokanāyakaṃ.
‘‘ж̇адааж̇инад̇харо аасим̣, б̣рахаа уж̇у бад̇аабаваа;
‘‘Jaṭājinadharo āsiṃ, brahā uju patāpavā;
ваагажийрам̣ г̇ахзд̇ваана, баад̣̇амуулз абад̇т̇арим̣.
Vākacīraṃ gahetvāna, pādamūle apatthariṃ.
‘‘гаал̣аанусаарияам̣ г̇аяхам̣, анулимбим̣ д̇ат̇ааг̇ад̇ам̣;
‘‘Kāḷānusāriyaṃ gayhaṃ, anulimpiṃ tathāgataṃ;
самб̣уд̣̇д̇хаманулимбзд̇ваа, сант̇авим̣ логанааяагам̣.
Sambuddhamanulimpetvā, santhaviṃ lokanāyakaṃ.
‘‘самуд̣̇д̇харасимам̣ логам̣, огхад̇ин̣н̣а махаамуни;
‘‘Samuddharasimaṃ lokaṃ, oghatiṇṇa mahāmuni;
н̃аан̣аалогзна ж̇од̇зси, наавадам̣ н̃аан̣амуд̇д̇амам̣.
Ñāṇālokena jotesi, nāvaṭaṃ ñāṇamuttamaṃ.
‘‘д̇хаммажаггам̣ бавад̇д̇зси, мад̣̇д̣̇асз барад̇ид̇т̇ияз;
‘‘Dhammacakkaṃ pavattesi, maddase paratitthiye;
усабхо ж̇ид̇асан̇г̇аамо, самбагамбзси мзд̣̇аним̣.
Usabho jitasaṅgāmo, sampakampesi medaniṃ.
‘‘махаасамуд̣̇д̣̇з уумияо, взланд̇амхи бабхиж̇ж̇арз;
‘‘Mahāsamudde ūmiyo, velantamhi pabhijjare;
д̇ат̇зва д̇ава н̃аан̣амхи, саб̣б̣ад̣̇идтий бабхиж̇ж̇арз.
Tatheva tava ñāṇamhi, sabbadiṭṭhī pabhijjare.
‘‘сукумажчигаж̇аалзна, сарамхи самбад̇аанид̇з;
‘‘Sukhumacchikajālena, saramhi sampatānite;
анд̇ож̇аалийгад̇аа баан̣аа, бийл̣ид̇аа хонд̇и д̇аавад̣̇з.
Antojālīkatā pāṇā, pīḷitā honti tāvade.
‘‘д̇ат̇зва д̇ид̇т̇ияаа логз, бут̇убаасан̣д̣аниссид̇аа;
‘‘Tatheva titthiyā loke, puthupāsaṇḍanissitā;
анд̇он̃аан̣аварз д̇уяхам̣, баривад̇д̇анд̇и маариса.
Antoñāṇavare tuyhaṃ, parivattanti mārisa.
‘‘бад̇идтаа вуяхад̇ам̣ огхз, д̇ван̃хи наат̇о аб̣анд̇хунам̣;
‘‘Patiṭṭhā vuyhataṃ oghe, tvañhi nātho abandhunaṃ;
бхаяаддид̇аанам̣ саран̣ам̣, муд̇д̇ид̇т̇ийнам̣ барааяан̣ам̣.
Bhayaṭṭitānaṃ saraṇaṃ, muttitthīnaṃ parāyaṇaṃ.
‘‘згавийро асад̣̇исо, мзд̇д̇аагарун̣асан̃жаяо;
‘‘Ekavīro asadiso, mettākaruṇasañcayo;
асамо сусамо санд̇о, васий д̇аад̣̇ий ж̇ид̇ан̃ж̇аяо.
Asamo susamo santo, vasī tādī jitañjayo.
‘‘д̇хийро виг̇ад̇асаммохо, анзж̇о агат̇ам̣гат̇ий;
‘‘Dhīro vigatasammoho, anejo akathaṃkathī;
д̇усид̇о ванд̇ад̣̇ососи, ниммало сам̣яад̇о сужи.
Tusito vantadososi, nimmalo saṃyato suci.
‘‘сан̇г̇аад̇иг̇о хад̇амад̣̇о, д̇звиж̇ж̇о д̇ибхаванд̇аг̇о;
‘‘Saṅgātigo hatamado, tevijjo tibhavantago;
сиймаад̇иг̇о д̇хаммаг̇ару, г̇ад̇ад̇т̇о хид̇аваб̣бхуд̇о.
Sīmātigo dhammagaru, gatattho hitavabbhuto.
‘‘д̇аараго д̇вам̣ яат̇аа нааваа, нид̇хийвассаасагаараго;
‘‘Tārako tvaṃ yathā nāvā, nidhīvassāsakārako;
асамбхийд̇о яат̇аа сийхо, г̇аж̇арааж̇аава д̣̇аббид̇о.
Asambhīto yathā sīho, gajarājāva dappito.
‘‘т̇омзд̇ваа д̣̇асаг̇аат̇аахи, бад̣̇умуд̇д̇арам̣ махааяасам̣;
‘‘Thometvā dasagāthāhi, padumuttaraṃ mahāyasaṃ;
ванд̣̇ид̇ваа сад̇т̇уно баад̣̇з, д̇ун̣хий адтаасахам̣ д̇ад̣̇аа.
Vanditvā satthuno pāde, tuṇhī aṭṭhāsahaṃ tadā.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
бхигкусан̇гхз тид̇о сад̇т̇аа, имаа г̇аат̇аа абхаасат̇а.
Bhikkhusaṅghe ṭhito satthā, imā gāthā abhāsatha.
‘‘яо мз сийлан̃жа н̃аан̣ан̃жа, сад̣̇д̇хамман̃жааби ван̣н̣аяи;
‘‘Yo me sīlañca ñāṇañca, saddhammañcāpi vaṇṇayi;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘садти габбасахассаани, д̣̇звалогз рамиссад̇и;
‘‘Saṭṭhi kappasahassāni, devaloke ramissati;
ан̃н̃з д̣̇звзбхибхавид̇ваа, иссарам̣ гаараяиссад̇и.
Aññe devebhibhavitvā, issaraṃ kārayissati.
‘‘со бажчаа баб̣б̣аж̇ид̇ваана, суггамуулзна жод̣̇ид̇о;
‘‘So pacchā pabbajitvāna, sukkamūlena codito;
г̇од̇амасса бхаг̇авад̇о, саасанз баб̣б̣аж̇иссад̇и.
Gotamassa bhagavato, sāsane pabbajissati.
‘‘баб̣б̣аж̇ид̇ваана гааязна, баабагаммам̣ виваж̇ж̇ияа;
‘‘Pabbajitvāna kāyena, pāpakammaṃ vivajjiya;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘яат̇ааби мзгхо т̇анаяам̣, д̇аббзд̇и мзд̣̇аним̣ имам̣;
‘‘Yathāpi megho thanayaṃ, tappeti medaniṃ imaṃ;
д̇ат̇зва д̇вам̣ махаавийра, д̇хаммзна д̇аббаяий мамам̣.
Tatheva tvaṃ mahāvīra, dhammena tappayī mamaṃ.
‘‘сийлам̣ бан̃н̃ан̃жа д̇хамман̃жа, т̇авид̇ваа логанааяагам̣;
‘‘Sīlaṃ paññañca dhammañca, thavitvā lokanāyakaṃ;
бад̇д̇омхи барамам̣ санд̇им̣, ниб̣б̣аанам̣ бад̣̇амажжуд̇ам̣.
Pattomhi paramaṃ santiṃ, nibbānaṃ padamaccutaṃ.
‘‘ахо нууна са бхаг̇аваа, жирам̣ д̇идтзяяа жагкумаа;
‘‘Aho nūna sa bhagavā, ciraṃ tiṭṭheyya cakkhumā;
ан̃н̃аад̇ан̃жа виж̇аанзяяум̣, пусзяяум̣ амад̇ам̣ бад̣̇ам̣.
Aññātañca vijāneyyuṃ, phuseyyuṃ amataṃ padaṃ.
‘‘аяам̣ мз бажчимаа ж̇аад̇и, бхаваа саб̣б̣з самуухад̇аа;
‘‘Ayaṃ me pacchimā jāti, bhavā sabbe samūhatā;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘сад̇асахассид̇о габбз, яам̣ б̣уд̣̇д̇хамабхит̇омаяим̣;
‘‘Satasahassito kappe, yaṃ buddhamabhithomayiṃ;
д̣̇уг̇г̇ад̇им̣ наабхиж̇аанаами, гид̇д̇анааяа ид̣̇ам̣ палам̣.
Duggatiṃ nābhijānāmi, kittanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇анаа саха васанд̇з гааяад̣̇ал̣хиб̣ахулз бхигкуу овад̣̇анд̇о –
Arahattaṃ pana patvā attanā saha vasante kāyadaḷhibahule bhikkhū ovadanto –
114.
114.
‘‘гааяад̣̇удтуллаг̇аруно, хияяамаанамхи ж̇ийвид̇з;
‘‘Kāyaduṭṭhullagaruno, hiyyamānamhi jīvite;
сарийрасукаг̇ид̣̇д̇хасса, гуд̇о саман̣асаад̇худ̇аа’’д̇и. – г̇аат̇ам̣ абхааси;
Sarīrasukhagiddhassa, kuto samaṇasādhutā’’ti. – gāthaṃ abhāsi;
д̇ад̇т̇а гааяад̣̇удтуллаг̇арунод̇и д̣̇удтуллам̣ асубхаяог̇яад̇аа, гааяасса д̣̇удтуллам̣ гааяад̣̇удтуллам̣, гааяад̣̇удтуллам̣ г̇ару самбхаавид̇ам̣ яасса со гааяад̣̇удтуллаг̇ару, аниссаран̣аббан̃н̃о худ̇ваа гааяабосанаббасуд̇о гааяад̣̇ал̣хиб̣ахулод̇и ад̇т̇о, д̇асса гааяад̣̇удтуллаг̇аруно. хияяамаанамхи ж̇ийвид̇зд̇и гуннад̣̇ийнам̣ уд̣̇агам̣ вияа ж̇ийвид̇асан̇каарз лахусо кийяамаанз. сарийрасукаг̇ид̣̇д̇хассаад̇и бан̣ийд̇аахаараад̣̇ийхи ад̇д̇ано гааяасса сукзна г̇зд̇хам̣ аабаннасса . гуд̇о саман̣асаад̇худ̇аад̇и зваруубасса буг̇г̇аласса саман̣абхаавзна саад̇худ̇аа сусаман̣ад̇аа гуд̇о гзна гааран̣зна сияаа, згам̣сад̇о бана гааяз ж̇ийвид̇з жа нирабзгкасса ид̇арийд̇арасанд̇осзна санд̇удтасса аарад̣̇д̇хавийрияассзва саман̣асаад̇худ̇аад̇и ад̇хиббааяо.
Tattha kāyaduṭṭhullagarunoti duṭṭhullaṃ asubhayogyatā, kāyassa duṭṭhullaṃ kāyaduṭṭhullaṃ, kāyaduṭṭhullaṃ garu sambhāvitaṃ yassa so kāyaduṭṭhullagaru, anissaraṇappañño hutvā kāyaposanappasuto kāyadaḷhibahuloti attho, tassa kāyaduṭṭhullagaruno. Hiyyamānamhi jīviteti kunnadīnaṃ udakaṃ viya jīvitasaṅkhāre lahuso khīyamāne. Sarīrasukhagiddhassāti paṇītāhārādīhi attano kāyassa sukhena gedhaṃ āpannassa . Kuto samaṇasādhutāti evarūpassa puggalassa samaṇabhāvena sādhutā susamaṇatā kuto kena kāraṇena siyā, ekaṃsato pana kāye jīvite ca nirapekkhassa itarītarasantosena santuṭṭhassa āraddhavīriyasseva samaṇasādhutāti adhippāyo.
ад̇химуд̇д̇ад̇т̇зраг̇аат̇ааван̣н̣анаа нидтид̇аа.
Adhimuttattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. ад̇химуд̇д̇ад̇т̇зраг̇аат̇аа • 4. Adhimuttattheragāthā
