| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
16. вийсад̇инибаад̇о
16. Vīsatinipāto
1. ад̇химуд̇д̇ад̇т̇зраг̇аат̇ааван̣н̣анаа
1. Adhimuttattheragāthāvaṇṇanā
вийсад̇инибаад̇з яан̃н̃ад̇т̇ам̣ ваад̇иаад̣̇игаа ааяасмад̇о абарасса ад̇химуд̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ад̇т̇ад̣̇ассисса бхаг̇авад̇о гаалз вибхавасамбаннз гулз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з бхигкусан̇гхам̣ убадтаханд̇о махаад̣̇аанаани бавад̇д̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з ааяасмад̇о сам̣гижжад̇т̇зрасса бхаг̇инияаа гужчимхи ниб̣б̣ад̇д̇и, ад̇химуд̇д̇од̇исса наамам̣ ахоси. со ваяаббад̇д̇о маад̇улад̇т̇зрасса санд̇игз баб̣б̣аж̇ид̇ваа вибассанааяа гаммам̣ гаронд̇о сааман̣зрабхуумияам̣язва тид̇о арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.4.84-88) –
Vīsatinipāte yaññatthaṃ vātiādikā āyasmato aparassa adhimuttattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto atthadassissa bhagavato kāle vibhavasampanne kule nibbattitvā viññutaṃ patto satthari parinibbute bhikkhusaṅghaṃ upaṭṭhahanto mahādānāni pavattesi. So tena puññakammena devamanussesu saṃsaranto imasmiṃ buddhuppāde āyasmato saṃkiccattherassa bhaginiyā kucchimhi nibbatti, adhimuttotissa nāmaṃ ahosi. So vayappatto mātulattherassa santike pabbajitvā vipassanāya kammaṃ karonto sāmaṇerabhūmiyaṃyeva ṭhito arahattaṃ pāpuṇi. Tena vuttaṃ apadāne (apa. thera 1.4.84-88) –
‘‘ниб̣б̣уд̇з логанаат̇амхи, ад̇т̇ад̣̇ассийнаруд̇д̇амз;
‘‘Nibbute lokanāthamhi, atthadassīnaruttame;
убадтахим̣ бхигкусан̇гхам̣, виббасаннзна жзд̇асаа.
Upaṭṭhahiṃ bhikkhusaṅghaṃ, vippasannena cetasā.
‘‘ниманд̇зд̇ваа бхигкусан̇гхам̣, уж̇убхууд̇ам̣ самаахид̇ам̣;
‘‘Nimantetvā bhikkhusaṅghaṃ, ujubhūtaṃ samāhitaṃ;
ужчунаа ман̣д̣абам̣ гад̇ваа, бхож̇зсим̣ сан̇гхамуд̇д̇амам̣.
Ucchunā maṇḍapaṃ katvā, bhojesiṃ saṅghamuttamaṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇амаанусам̣;
‘‘Yaṃ yaṃ yonupapajjāmi, devattaṃ athamānusaṃ;
саб̣б̣з сад̇д̇з абхибхоми, бун̃н̃агаммассид̣̇ам̣ палам̣.
Sabbe satte abhibhomi, puññakammassidaṃ phalaṃ.
‘‘адтаарасз габбасад̇з, яам̣ д̣̇аанамад̣̇ад̣̇им̣ д̇ад̣̇аа;
‘‘Aṭṭhārase kappasate, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, ужчуд̣̇аанассид̣̇ам̣ палам̣.
Duggatiṃ nābhijānāmi, ucchudānassidaṃ phalaṃ.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇ам̣ бана бад̇ваа самаабад̇д̇исукзна вийд̇инаамзнд̇о убасамбаж̇ж̇ид̇угаамо ‘‘маад̇арам̣ аабужчиссаамий’’д̇и маад̇у санд̇игам̣ г̇ажчанд̇о анд̇араамаг̇г̇з д̣̇звад̇ааяа б̣алигаммагаран̣ад̇т̇ам̣ мам̣сабариязсанам̣ жаранд̇зхи бан̃жасад̇зхи жорзхи самааг̇ажчи. жораа жа д̇ам̣ аг̇г̇ахзсум̣ ‘‘д̣̇звад̇ааяа б̣али бхависсад̇ий’’д̇и. со жорзхи г̇ахид̇оби абхийд̇о ажчамбхий виббасаннамукова адтааси. д̇ам̣ д̣̇исваа жораг̇ааман̣иажчарияаб̣бхуд̇ажид̇д̇аж̇аад̇о басам̣санд̇о –
Arahattaṃ pana patvā samāpattisukhena vītināmento upasampajjitukāmo ‘‘mātaraṃ āpucchissāmī’’ti mātu santikaṃ gacchanto antarāmagge devatāya balikammakaraṇatthaṃ maṃsapariyesanaṃ carantehi pañcasatehi corehi samāgacchi. Corā ca taṃ aggahesuṃ ‘‘devatāya bali bhavissatī’’ti. So corehi gahitopi abhīto acchambhī vippasannamukhova aṭṭhāsi. Taṃ disvā coragāmaṇiacchariyabbhutacittajāto pasaṃsanto –
705.
705.
‘‘яан̃н̃ад̇т̇ам̣ ваа д̇ханад̇т̇ам̣ ваа, яз ханаама маяам̣ бурз;
‘‘Yaññatthaṃ vā dhanatthaṃ vā, ye hanāma mayaṃ pure;
авасзсам̣ бхаяам̣ ход̇и, взд̇ханд̇и вилабанд̇и жа.
Avasesaṃ bhayaṃ hoti, vedhanti vilapanti ca.
706.
706.
‘‘д̇асса д̇з над̇т̇и бхийд̇ад̇д̇ам̣, бхияяо ван̣н̣о басийд̣̇ад̇и;
‘‘Tassa te natthi bhītattaṃ, bhiyyo vaṇṇo pasīdati;
гасмаа на барид̣̇звзси, зваруубз махаб̣бхаяз’’д̇и. – д̣̇вз г̇аат̇аа абхааси;
Kasmā na paridevesi, evarūpe mahabbhaye’’ti. – dve gāthā abhāsi;
д̇ад̇т̇а яан̃н̃ад̇т̇анд̇и яаж̇анад̇т̇ам̣ д̣̇звад̇аанам̣ б̣алигаммагаран̣ад̇т̇ам̣ ваа. ваа-сад̣̇д̣̇о вигаббанад̇т̇о. д̇ханад̇т̇анд̇и саабад̇зяяахаран̣ад̇т̇ам̣. яз ханаама маяам̣ бурзд̇и яз сад̇д̇з маяам̣ буб̣б̣з ханимха. ад̇ийд̇ад̇т̇з хи ид̣̇ам̣ вад̇д̇амаанаважанам̣. авасзд̇и авасз асзригз гад̇ваа. д̇анд̇и д̇зсам̣. ‘‘авасзсанд̇и’’би батанд̇и. амхзхи г̇ахид̇зсу д̇ам̣ згам̣ табзд̇ваа авасзсаанам̣; аяамзва ваа баато. бхаяам̣ ход̇ийд̇и маран̣абхаяам̣ ход̇и. язна д̇з взд̇ханд̇и вилабанд̇и,жид̇д̇уд̇раасзна взд̇ханд̇и , ‘‘саами, д̇умхаагам̣ ид̣̇ан̃жид̣̇ан̃жа д̣̇ассаама, д̣̇аасаа бхависсаамаа’’д̇иаад̣̇игам̣ вад̣̇анд̇аа вилабанд̇и.
Tattha yaññatthanti yajanatthaṃ devatānaṃ balikammakaraṇatthaṃ vā. Vā-saddo vikappanattho. Dhanatthanti sāpateyyaharaṇatthaṃ. Ye hanāma mayaṃ pureti ye satte mayaṃ pubbe hanimha. Atītatthe hi idaṃ vattamānavacanaṃ. Avaseti avase aserike katvā. Tanti tesaṃ. ‘‘Avasesanti’’pi paṭhanti. Amhehi gahitesu taṃ ekaṃ ṭhapetvā avasesānaṃ; ayameva vā pāṭho. Bhayaṃ hotīti maraṇabhayaṃ hoti. Yena te vedhanti vilapanti,cittutrāsena vedhanti , ‘‘sāmi, tumhākaṃ idañcidañca dassāma, dāsā bhavissāmā’’tiādikaṃ vadantā vilapanti.
д̇асса д̇зд̇и яо д̇вам̣ амхзхи д̣̇звад̇ааяа б̣алигаммад̇т̇ам̣ ж̇ийвид̇аа воробзд̇угаамзхи угкид̇д̇аасигзхи санд̇аж̇ж̇ид̇о, д̇асса д̇з. бхийд̇ад̇д̇анд̇и бхийд̇абхааво, бхаяанд̇и ад̇т̇о. бхияяо ван̣н̣о басийд̣̇ад̇ийд̇и багад̇иван̣н̣ад̇о убариби д̇з мукаван̣н̣о виббасийд̣̇ад̇и. т̇зрасса гира д̇ад̣̇аа ‘‘сажз имз маарзссанд̇и, ид̣̇аанзваахам̣ анубаад̣̇ааяа бариниб̣б̣ааяиссаами, д̣̇угкабхааро виг̇ажчиссад̇ий’’д̇и ул̣аарам̣ бийд̇исоманассам̣ уббаж̇ж̇и. зваруубз махаб̣бхаязд̇и зд̣̇исз махад̇и маран̣абхаяз убадтид̇з. хзд̇уад̇т̇з ваа зд̇ам̣ бхуммаважанам̣.
Tassa teti yo tvaṃ amhehi devatāya balikammatthaṃ jīvitā voropetukāmehi ukkhittāsikehi santajjito, tassa te. Bhītattanti bhītabhāvo, bhayanti attho. Bhiyyo vaṇṇo pasīdatīti pakativaṇṇato uparipi te mukhavaṇṇo vippasīdati. Therassa kira tadā ‘‘sace ime māressanti, idānevāhaṃ anupādāya parinibbāyissāmi, dukkhabhāro vigacchissatī’’ti uḷāraṃ pītisomanassaṃ uppajji. Evarūpe mahabbhayeti edise mahati maraṇabhaye upaṭṭhite. Hetuatthe vā etaṃ bhummavacanaṃ.
ид̣̇аани т̇зро жораг̇ааман̣исса бадиважанад̣̇аанамукзна д̇хаммам̣ д̣̇зсзнд̇о –
Idāni thero coragāmaṇissa paṭivacanadānamukhena dhammaṃ desento –
707.
707.
‘‘над̇т̇и жзд̇асигам̣ д̣̇угкам̣, анабзгкасса г̇ааман̣и;
‘‘Natthi cetasikaṃ dukkhaṃ, anapekkhassa gāmaṇi;
ад̇игганд̇аа бхаяаа саб̣б̣з, кийн̣асам̣яож̇анасса вз.
Atikkantā bhayā sabbe, khīṇasaṃyojanassa ve.
708.
708.
‘‘кийн̣ааяа бхаванзд̇д̇ияаа, д̣̇идтз д̇хаммз яат̇аад̇ат̇з;
‘‘Khīṇāya bhavanettiyā, diṭṭhe dhamme yathātathe;
на бхаяам̣ маран̣з ход̇и, бхааранигкзбанз яат̇аа.
Na bhayaṃ maraṇe hoti, bhāranikkhepane yathā.
709.
709.
‘‘сужин̣н̣ам̣ б̣рахмажарияам̣ мз, маг̇г̇о жааби субхаавид̇о;
‘‘Suciṇṇaṃ brahmacariyaṃ me, maggo cāpi subhāvito;
маран̣з мз бхаяам̣ над̇т̇и, рог̇аанамива сан̇каяз.
Maraṇe me bhayaṃ natthi, rogānamiva saṅkhaye.
710.
710.
‘‘сужин̣н̣ам̣ б̣рахмажарияам̣ мз, маг̇г̇о жааби субхаавид̇о;
‘‘Suciṇṇaṃ brahmacariyaṃ me, maggo cāpi subhāvito;
нирассаад̣̇аа бхаваа д̣̇идтаа, висам̣ бид̇ваава чад̣д̣ид̇ам̣.
Nirassādā bhavā diṭṭhā, visaṃ pitvāva chaḍḍitaṃ.
711.
711.
‘‘баараг̇уу анубаад̣̇аано, гад̇агижжо анаасаво;
‘‘Pāragū anupādāno, katakicco anāsavo;
д̇удто ааяугкаяаа ход̇и, муд̇д̇о аагхаад̇анаа яат̇аа.
Tuṭṭho āyukkhayā hoti, mutto āghātanā yathā.
712.
712.
‘‘уд̇д̇амам̣ д̇хаммад̇ам̣ бад̇д̇о, саб̣б̣алогз анад̇т̇иго;
‘‘Uttamaṃ dhammataṃ patto, sabbaloke anatthiko;
аад̣̇ид̇д̇аава гхараа муд̇д̇о, маран̣асмим̣ на сожад̇и.
Ādittāva gharā mutto, maraṇasmiṃ na socati.
713.
713.
‘‘яад̣̇ад̇т̇и сан̇г̇ад̇ам̣ гин̃жи, бхаво ваа яад̇т̇а лаб̣бхад̇и;
‘‘Yadatthi saṅgataṃ kiñci, bhavo vā yattha labbhati;
саб̣б̣ам̣ аниссарам̣ зд̇ам̣, ид̇и вуд̇д̇ам̣ махзсинаа.
Sabbaṃ anissaraṃ etaṃ, iti vuttaṃ mahesinā.
714.
714.
‘‘яо д̇ам̣ д̇ат̇аа баж̇аанаад̇и, яат̇аа б̣уд̣̇д̇хзна д̣̇зсид̇ам̣;
‘‘Yo taṃ tathā pajānāti, yathā buddhena desitaṃ;
на г̇ан̣хаад̇и бхавам̣ гин̃жи, суд̇ад̇д̇ам̣ва аяог̇ул̣ам̣.
Na gaṇhāti bhavaṃ kiñci, sutattaṃva ayoguḷaṃ.
715.
715.
‘‘на мз ход̇и ‘ахоси’нд̇и, ‘бхависса’нд̇и на ход̇и мз;
‘‘Na me hoti ‘ahosi’nti, ‘bhavissa’nti na hoti me;
сан̇каараа виг̇амиссанд̇и, д̇ад̇т̇а гаа барид̣̇званаа.
Saṅkhārā vigamissanti, tattha kā paridevanā.
716.
716.
‘‘суд̣̇д̇хам̣ д̇хаммасамуббаад̣̇ам̣, суд̣̇д̇хам̣ сан̇каарасанд̇ад̇им̣;
‘‘Suddhaṃ dhammasamuppādaṃ, suddhaṃ saṅkhārasantatiṃ;
бассанд̇асса яат̇аабхууд̇ам̣, на бхаяам̣ ход̇и г̇ааман̣и.
Passantassa yathābhūtaṃ, na bhayaṃ hoti gāmaṇi.
717.
717.
‘‘д̇ин̣агадтасамам̣ логам̣, яад̣̇аа бан̃н̃ааяа бассад̇и;
‘‘Tiṇakaṭṭhasamaṃ lokaṃ, yadā paññāya passati;
мамад̇д̇ам̣ со асам̣винд̣̇ам̣, ‘над̇т̇и мз’д̇и на сожад̇и.
Mamattaṃ so asaṃvindaṃ, ‘natthi me’ti na socati.
718.
718.
‘‘угган̣таами сарийрзна, бхавзнамхи анад̇т̇иго;
‘‘Ukkaṇṭhāmi sarīrena, bhavenamhi anatthiko;
сояам̣ бхиж̇ж̇иссад̇и гааяо, ан̃н̃о жа на бхависсад̇и.
Soyaṃ bhijjissati kāyo, añño ca na bhavissati.
719.
719.
‘‘яам̣ во гижжам̣ сарийрзна, д̇ам̣ гарот̇а яад̣̇ижчат̇а;
‘‘Yaṃ vo kiccaṃ sarīrena, taṃ karotha yadicchatha;
на мз д̇аббажжаяаа д̇ад̇т̇а, д̣̇осо бзман̃жа хзхид̇ий’’д̇и. –
Na me tappaccayā tattha, doso pemañca hehitī’’ti. –
имаа г̇аат̇аа абхааси.
Imā gāthā abhāsi.
720.
720.
‘‘д̇асса д̇ам̣ важанам̣ суд̇ваа, аб̣бхуд̇ам̣ ломахам̣санам̣;
‘‘Tassa taṃ vacanaṃ sutvā, abbhutaṃ lomahaṃsanaṃ;
сад̇т̇аани нигкибид̇ваана, маан̣аваа зд̇ад̣̇аб̣раву’’нд̇и. –
Satthāni nikkhipitvāna, māṇavā etadabravu’’nti. –
аяам̣ сан̇г̇ийд̇игаарзхи вуд̇д̇аг̇аат̇аа. ид̇о абараа д̇иссо жораанам̣, т̇зрасса жа важанабадиважанаг̇аат̇аа –
Ayaṃ saṅgītikārehi vuttagāthā. Ito aparā tisso corānaṃ, therassa ca vacanapaṭivacanagāthā –
721.
721.
‘‘гим̣ бхад̣̇анд̇з гарид̇ваана, го ваа аажарияо д̇ава;
‘‘Kiṃ bhadante karitvāna, ko vā ācariyo tava;
гасса саасанамааг̇амма, лаб̣бхад̇з д̇ам̣ асогад̇аа.
Kassa sāsanamāgamma, labbhate taṃ asokatā.
722.
722.
‘‘саб̣б̣ан̃н̃уу саб̣б̣ад̣̇ассаавий, ж̇ино аажарияо мама;
‘‘Sabbaññū sabbadassāvī, jino ācariyo mama;
махаагаарун̣иго сад̇т̇аа, саб̣б̣алогад̇игижчаго.
Mahākāruṇiko satthā, sabbalokatikicchako.
723.
723.
‘‘д̇знааяам̣ д̣̇зсид̇о д̇хаммо, каяаг̇аамий ануд̇д̇аро;
‘‘Tenāyaṃ desito dhammo, khayagāmī anuttaro;
д̇асса саасанамааг̇амма, лаб̣бхад̇з д̇ам̣ асогад̇аа.
Tassa sāsanamāgamma, labbhate taṃ asokatā.
724.
724.
‘‘суд̇ваана жораа исино субхаасид̇ам̣, нигкибба сад̇т̇аани жа аавуд̇хаани жа;
‘‘Sutvāna corā isino subhāsitaṃ, nikkhippa satthāni ca āvudhāni ca;
д̇амхаа жа гаммаа вирамим̣су згз, згз жа баб̣б̣аж̇ж̇амарожаяим̣су.
Tamhā ca kammā viramiṃsu eke, eke ca pabbajjamarocayiṃsu.
725.
725.
‘‘д̇з баб̣б̣аж̇ид̇ваа суг̇ад̇асса саасанз, бхаавзд̇ва б̣ож̇жхан̇г̇аб̣алаани бан̣д̣ид̇аа;
‘‘Te pabbajitvā sugatassa sāsane, bhāvetva bojjhaṅgabalāni paṇḍitā;
уд̣̇аг̇г̇ажид̇д̇аа суманаа гад̇инд̣̇рияаа, пусим̣су ниб̣б̣аанабад̣̇ам̣ асан̇кад̇а’’нд̇и. –
Udaggacittā sumanā katindriyā, phusiṃsu nibbānapadaṃ asaṅkhata’’nti. –
имааби сан̇г̇ийд̇игаарзхи вуд̇д̇аг̇аат̇аа.
Imāpi saṅgītikārehi vuttagāthā.
д̇ад̇т̇а над̇т̇и жзд̇асигам̣ д̣̇угкам̣, анабзгкасса, г̇ааман̣ийд̇и г̇ааман̣и, абзгкааяа, д̇ан̣хааяа, абхаавзна анабзгкасса маад̣̇исасса, лохид̇асабхааво буб̣б̣о вияа, жзд̇асигам̣ д̣̇угкам̣ д̣̇оманассам̣ над̇т̇и, д̣̇оманассаабхааваабад̣̇зсзна бхаяаабхаавам̣ вад̣̇ад̇и. д̇знааха ‘‘ад̇игганд̇аа бхаяаа саб̣б̣з’’д̇и. ад̇игганд̇аа бхаяаа саб̣б̣зд̇и кийн̣асам̣яож̇анасса арахад̇о бан̃жавийсад̇и махаабхаяаа, ан̃н̃з жа саб̣б̣зби бхаяаа згам̣сзна ад̇игганд̇аа ад̇ийд̇аа, абаг̇ад̇аад̇и ад̇т̇о.
Tattha natthi cetasikaṃ dukkhaṃ, anapekkhassa, gāmaṇīti gāmaṇi, apekkhāya, taṇhāya, abhāvena anapekkhassa mādisassa, lohitasabhāvo pubbo viya, cetasikaṃ dukkhaṃ domanassaṃ natthi, domanassābhāvāpadesena bhayābhāvaṃ vadati. Tenāha ‘‘atikkantā bhayā sabbe’’ti. Atikkantā bhayā sabbeti khīṇasaṃyojanassa arahato pañcavīsati mahābhayā, aññe ca sabbepi bhayā ekaṃsena atikkantā atītā, apagatāti attho.
д̣̇идтз д̇хаммз яат̇аад̇ат̇зд̇и жад̇усажжад̇хаммз барин̃н̃аабахаанасажчигирияабхааванаавасзна маг̇г̇абан̃н̃ааяа яат̇аабхууд̇ам̣ д̣̇идтз. маран̣зд̇и маран̣ахзд̇у. бхааранигкзбанз яат̇аад̇и яат̇аа гожи бурисо сийсз тид̇зна махад̇аа г̇арубхаарзна сам̣сийд̣̇анд̇о д̇асса нигкзбанз, абанаяанз на бхааяад̇и, звам̣ самбад̣̇амид̣̇анд̇и ад̇т̇о. вуд̇д̇ан̃хзд̇ам̣ бхаг̇авад̇аа –
Diṭṭhe dhamme yathātatheti catusaccadhamme pariññāpahānasacchikiriyabhāvanāvasena maggapaññāya yathābhūtaṃ diṭṭhe. Maraṇeti maraṇahetu. Bhāranikkhepane yathāti yathā koci puriso sīse ṭhitena mahatā garubhārena saṃsīdanto tassa nikkhepane, apanayane na bhāyati, evaṃ sampadamidanti attho. Vuttañhetaṃ bhagavatā –
‘‘бхаараа хавз бан̃жагканд̇хаа, бхаарахааро жа буг̇г̇ало;
‘‘Bhārā have pañcakkhandhā, bhārahāro ca puggalo;
бхаараад̣̇аанам̣ д̣̇укам̣ логз, бхааранигкзбанам̣ сука’’нд̇и. (сам̣. ни. 3.22);
Bhārādānaṃ dukhaṃ loke, bhāranikkhepanaṃ sukha’’nti. (saṃ. ni. 3.22);
сужин̣н̣анд̇и судту жарид̇ам̣. б̣рахмажарияанд̇и, сигкад̇д̇аяасан̇г̇ахам̣ саасанаб̣рахмажарияам̣. д̇ад̇о зва маг̇г̇о жааби субхаавид̇о адтан̇г̇иго арияамаг̇г̇оби саммад̣̇зва бхаавид̇о. рог̇аанамива сан̇каязд̇и яат̇аа б̣ахуухи рог̇зхи абхибхууд̇асса аад̇урасса рог̇аанам̣ сан̇каяз бийд̇исоманассамзва ход̇и, звам̣ канд̇харог̇асан̇каяз маран̣з маад̣̇исасса бхаяам̣ над̇т̇и.
Suciṇṇanti suṭṭhu caritaṃ. Brahmacariyanti, sikkhattayasaṅgahaṃ sāsanabrahmacariyaṃ. Tato eva maggo cāpi subhāvito aṭṭhaṅgiko ariyamaggopi sammadeva bhāvito. Rogānamiva saṅkhayeti yathā bahūhi rogehi abhibhūtassa āturassa rogānaṃ saṅkhaye pītisomanassameva hoti, evaṃ khandharogasaṅkhaye maraṇe mādisassa bhayaṃ natthi.
нирассаад̣̇аа бхаваа д̣̇идтаад̇и д̇ийхи д̣̇угкад̇аахи абхибхууд̇аа, згаад̣̇асахи аг̇г̇ийхи аад̣̇ид̇д̇аа, д̇аяо бхаваа нирассаад̣̇аа, ассаад̣̇арахид̇аа, маяаа д̣̇идтаа. висам̣ бид̇ваава чад̣д̣ид̇анд̇и бамаад̣̇авасзна висам̣ бивид̇ваа д̇аад̣̇исзна баяог̇зна чад̣д̣ид̇ам̣ вияа маран̣з мз бхаяам̣ над̇т̇ийд̇и ад̇т̇о.
Nirassādā bhavā diṭṭhāti tīhi dukkhatāhi abhibhūtā, ekādasahi aggīhi ādittā, tayo bhavā nirassādā, assādarahitā, mayā diṭṭhā. Visaṃ pitvāva chaḍḍitanti pamādavasena visaṃ pivitvā tādisena payogena chaḍḍitaṃ viya maraṇe me bhayaṃ natthīti attho.
муд̇д̇о аагхаад̇анаа яат̇аад̇и яат̇аа жорзхи мааран̣ад̇т̇ам̣ аагхаад̇анам̣ нийд̇о гзнажи убааязна д̇ад̇о муд̇д̇о хадтад̇удто ход̇и, звам̣ сам̣саарабаарам̣, ниб̣б̣аанам̣, г̇ад̇ад̇д̇аа баараг̇уу, жад̇уухиби убаад̣̇аанзхи анубаад̣̇аано, барин̃н̃аад̣̇ийнам̣ сол̣асаннам̣ гижжаанам̣ гад̇ад̇д̇аа гад̇агижжо гаамаасаваад̣̇ийхи анаасаво, ааяугкаяаа ааяугкаяахзд̇у д̇удто соманассиго ход̇и.
Muttoāghātanā yathāti yathā corehi māraṇatthaṃ āghātanaṃ nīto kenaci upāyena tato mutto haṭṭhatuṭṭho hoti, evaṃ saṃsārapāraṃ, nibbānaṃ, gatattā pāragū, catūhipi upādānehi anupādāno, pariññādīnaṃ soḷasannaṃ kiccānaṃ katattā katakicco kāmāsavādīhi anāsavo, āyukkhayā āyukkhayahetu tuṭṭho somanassiko hoti.
уд̇д̇аманд̇и сздтам̣. д̇хаммад̇анд̇и, д̇хаммасабхаавам̣. арахад̇д̇з сид̣̇д̇хз сиж̇жханахзд̇у идтаад̣̇ийсу д̇аад̣̇ибхаавам̣. саб̣б̣алогзд̇и саб̣б̣алогасмимби, д̣̇ийгхааяугасукаб̣ахулад̇аад̣̇ивасзна сам̣яуд̇д̇зби логз. анад̇т̇игод̇и, анабзгко. аад̣̇ид̇д̇аава гхараа муд̇д̇од̇и яат̇аа гожи бурисо саманд̇ад̇о аад̣̇ид̇д̇ад̇о баж̇ж̇алид̇ад̇о г̇зхад̇о ниссадо, д̇ад̇о ниссаран̣анимид̇д̇ам̣ на сожад̇и, звам̣ кийн̣аасаво маран̣анимид̇д̇ам̣ на сожад̇и.
Uttamanti seṭṭhaṃ. Dhammatanti, dhammasabhāvaṃ. Arahatte siddhe sijjhanahetu iṭṭhādīsu tādibhāvaṃ. Sabbaloketi sabbalokasmimpi, dīghāyukasukhabahulatādivasena saṃyuttepi loke. Anatthikoti, anapekkho. Ādittāva gharā muttoti yathā koci puriso samantato ādittato pajjalitato gehato nissaṭo, tato nissaraṇanimittaṃ na socati, evaṃ khīṇāsavo maraṇanimittaṃ na socati.
яад̣̇ад̇т̇и сан̇г̇ад̇ам̣ гин̃жийд̇и яам̣гин̃жи имасмим̣ логз ад̇т̇и, виж̇ж̇ад̇и, убалаб̣бхад̇и сан̇г̇ад̇ам̣, сад̇д̇зхи сан̇каарзхи ваа самааг̇амо, самод̇хаанам̣. ‘‘сан̇кад̇а’’нд̇иби баато, д̇асса яам̣гин̃жи бажжаязхи самажжа самбхуяяа гад̇ам̣, бадижжасамуббаннанд̇и ад̇т̇о. бхаво ваа яад̇т̇а лаб̣бхад̇ийд̇и яасмим̣ сад̇д̇анигааяз яо убабад̇д̇ибхаво лаб̣бхад̇и. саб̣б̣ам̣ аниссарам̣ зд̇анд̇и саб̣б̣амзд̇ам̣ иссарарахид̇ам̣, на зд̇т̇а гзнажи ‘‘звам̣ ход̇уу’’д̇и иссарияам̣ вад̇д̇зд̇ум̣ саггаа. ид̇и вуд̇д̇ам̣ махзсинаад̇и ‘‘саб̣б̣з д̇хаммаа анад̇д̇аа’’д̇и звам̣ вуд̇д̇ам̣ махзсинаа саммаасамб̣уд̣̇д̇хзна. д̇асмаа ‘‘аниссарам̣ зд̇а’’нд̇и баж̇аананд̇о маран̣асмим̣ на сожад̇ийд̇и яож̇анаа.
Yadatthi saṅgataṃ kiñcīti yaṃkiñci imasmiṃ loke atthi, vijjati, upalabbhati saṅgataṃ, sattehi saṅkhārehi vā samāgamo, samodhānaṃ. ‘‘Saṅkhata’’ntipi pāṭho, tassa yaṃkiñci paccayehi samacca sambhuyya kataṃ, paṭiccasamuppannanti attho. Bhavo vā yattha labbhatīti yasmiṃ sattanikāye yo upapattibhavo labbhati. Sabbaṃ anissaraṃ etanti sabbametaṃ issararahitaṃ, na ettha kenaci ‘‘evaṃ hotū’’ti issariyaṃ vattetuṃ sakkā. Iti vuttaṃ mahesināti ‘‘sabbe dhammā anattā’’ti evaṃ vuttaṃ mahesinā sammāsambuddhena. Tasmā ‘‘anissaraṃ eta’’nti pajānanto maraṇasmiṃ na socatīti yojanā.
на г̇ан̣хаад̇и бхавам̣ гин̃жийд̇и яо арияасааваго ‘‘саб̣б̣з сан̇каараа анижжаа’’д̇иаад̣̇инаа (д̇ха. ба. 277) яат̇аа б̣уд̣̇д̇хзна бхаг̇авад̇аа д̣̇зсид̇ам̣, д̇ат̇аа д̇ам̣ бхавад̇д̇аяам̣ вибассанаабан̃н̃аасахид̇ааяа маг̇г̇абан̃н̃ааяа баж̇аанаад̇и. со яат̇аа гожи бурисо сукагаамо д̣̇ивасам̣ санд̇ад̇д̇ам̣ аяог̇ул̣ам̣ хад̇т̇зна на г̇ан̣хаад̇и, звам̣ гин̃жи куд̣̇д̣̇агам̣ ваа маханд̇ам̣ ваа бхавам̣ на г̇ан̣хаад̇и, на д̇ад̇т̇а д̇ан̣хам̣ гарод̇ийд̇и ад̇т̇о.
Nagaṇhāti bhavaṃ kiñcīti yo ariyasāvako ‘‘sabbe saṅkhārā aniccā’’tiādinā (dha. pa. 277) yathā buddhena bhagavatā desitaṃ, tathā taṃ bhavattayaṃ vipassanāpaññāsahitāya maggapaññāya pajānāti. So yathā koci puriso sukhakāmo divasaṃ santattaṃ ayoguḷaṃ hatthena na gaṇhāti, evaṃ kiñci khuddakaṃ vā mahantaṃ vā bhavaṃ na gaṇhāti, na tattha taṇhaṃ karotīti attho.
на мз ход̇и ‘‘ахоси’’нд̇и ‘‘ад̇ийд̇амад̣̇д̇хаанам̣ ахам̣ ийд̣̇исо ахоси’’нд̇и ад̇д̇ад̣̇идтивасзна на мз жид̇д̇аббавад̇д̇и ад̇т̇и д̣̇идтияаа саммад̣̇зва уг̇гхаадид̇ад̇д̇аа, д̇хаммасабхаавасса жа суд̣̇идтад̇д̇аа. ‘‘бхависса’’нд̇и на ход̇и мзд̇и д̇ад̇о зва ‘‘анааг̇ад̇амад̣̇д̇хаанам̣ ахам̣ зд̣̇исо гат̇ам̣ ну ко бхависсам̣ бхавзяяа’’нд̇и звамби мз на ход̇и. сан̇каараа виг̇амиссанд̇ийд̇и звам̣ бана ход̇и ‘‘яат̇аабажжаяам̣ бавад̇д̇амаанаа сан̇каараава, на зд̇т̇а гожи ад̇д̇аа ваа ад̇д̇анияам̣ ваа, д̇з жа ко виг̇амиссанд̇и , винассиссанд̇и, кан̣з кан̣з бхиж̇ж̇иссанд̇ий’’д̇и. д̇ад̇т̇а гаа барид̣̇званаад̇и звам̣ бассанд̇асса маад̣̇исасса д̇ад̇т̇а сан̇каараг̇ад̇з гаа наама барид̣̇званаа.
Na me hoti ‘‘ahosi’’nti ‘‘atītamaddhānaṃ ahaṃ īdiso ahosi’’nti attadiṭṭhivasena na me cittappavatti atthi diṭṭhiyā sammadeva ugghāṭitattā, dhammasabhāvassa ca sudiṭṭhattā. ‘‘Bhavissa’’nti na hoti meti tato eva ‘‘anāgatamaddhānaṃ ahaṃ ediso kathaṃ nu kho bhavissaṃ bhaveyya’’nti evampi me na hoti. Saṅkhārā vigamissantīti evaṃ pana hoti ‘‘yathāpaccayaṃ pavattamānā saṅkhārāva, na ettha koci attā vā attaniyaṃ vā, te ca kho vigamissanti , vinassissanti, khaṇe khaṇe bhijjissantī’’ti. Tattha kā paridevanāti evaṃ passantassa mādisassa tattha saṅkhāragate kā nāma paridevanā.
суд̣̇д̇ханд̇и гзвалам̣, ад̇д̇асаарзна асаммиссам̣. д̇хаммасамуббаад̣̇анд̇и бажжаяабажжаяуббаннад̇хаммасамуббад̇д̇им̣ авиж̇ж̇аад̣̇ибажжаязхи сан̇каараад̣̇ид̇хаммамад̇д̇аббавад̇д̇им̣. сан̇каарасанд̇ад̇инд̇и гилзсагаммавибаагаббабхзд̣̇асан̇каарабаб̣анд̇хам̣. бассанд̇асса яат̇аабхууд̇анд̇и саха вибассанааяа маг̇г̇абан̃н̃ааяа яаат̇аавад̇о ж̇аананд̇асса.
Suddhanti kevalaṃ, attasārena asammissaṃ. Dhammasamuppādanti paccayapaccayuppannadhammasamuppattiṃ avijjādipaccayehi saṅkhārādidhammamattappavattiṃ. Saṅkhārasantatinti kilesakammavipākappabhedasaṅkhārapabandhaṃ. Passantassa yathābhūtanti saha vipassanāya maggapaññāya yāthāvato jānantassa.
д̇ин̣агадтасамам̣ логанд̇и яат̇аа аран̃н̃з абариг̇г̇ахз д̇ин̣агадтз гзнажи г̇аяхамаанз абарасса ‘‘маяхам̣ санд̇агам̣ аяам̣ г̇ан̣хад̇ий’’д̇и на ход̇и, звам̣ со асаамигад̇ааяа д̇ин̣агадтасамам̣ сан̇кааралогам̣ яад̣̇аа бан̃н̃ааяа бассад̇и, со д̇ад̇т̇а мамад̇д̇ам̣ асам̣винд̣̇ам̣ асам̣винд̣̇анд̇о алабханд̇о агаронд̇о. над̇т̇и мзд̇и ‘‘аху вад̇а сохам̣, д̇ам̣ мз над̇т̇ий’’д̇и на сожад̇и.
Tiṇakaṭṭhasamaṃ lokanti yathā araññe apariggahe tiṇakaṭṭhe kenaci gayhamāne aparassa ‘‘mayhaṃ santakaṃ ayaṃ gaṇhatī’’ti na hoti, evaṃ so asāmikatāya tiṇakaṭṭhasamaṃ saṅkhāralokaṃ yadā paññāya passati, so tattha mamattaṃ asaṃvindaṃ asaṃvindanto alabhanto akaronto. Natthi meti ‘‘ahu vata sohaṃ, taṃ me natthī’’ti na socati.
угган̣таами сарийрзнаад̇и асаарагзна абхинуд̣̇зна д̣̇угкзна агад̇ан̃н̃унаа асужид̣̇уг̇г̇анд̇хаж̇зг̇ужчабадиггууласабхаавзна иминаа гааязна угган̣таами имам̣ гааяам̣ ниб̣б̣инд̣̇анд̇о звам̣ д̇идтаами. бхавзнамхи анад̇т̇игод̇и саб̣б̣знаби бхавзна анад̇т̇иго амхи, на гин̃жи бхавам̣ бад̇т̇зми. сояам̣ бхиж̇ж̇иссад̇и гааяод̇и аяам̣ мама гааяо ид̣̇аани д̇умхаагам̣ баяог̇зна ан̃н̃ат̇аа ваа ан̃н̃ад̇т̇а бхиж̇ж̇иссад̇и. ан̃н̃о жа на бхависсад̇ийд̇и ан̃н̃о гааяо маяхам̣ ааяад̇им̣ на бхависсад̇и, бунаб̣бхаваабхаавад̇о.
Ukkaṇṭhāmi sarīrenāti asārakena abhinudena dukkhena akataññunā asuciduggandhajegucchapaṭikkūlasabhāvena iminā kāyena ukkaṇṭhāmi imaṃ kāyaṃ nibbindanto evaṃ tiṭṭhāmi. Bhavenamhi anatthikoti sabbenapi bhavena anatthiko amhi, na kiñci bhavaṃ patthemi. Soyaṃ bhijjissati kāyoti ayaṃ mama kāyo idāni tumhākaṃ payogena aññathā vā aññattha bhijjissati. Añño ca na bhavissatīti añño kāyo mayhaṃ āyatiṃ na bhavissati, punabbhavābhāvato.
яам̣ во гижжам̣ сарийрзнаад̇и яам̣ д̇умхаагам̣ иминаа сарийрзна баяож̇анам̣, д̇ам̣ гарот̇а яад̣̇ижчат̇а, ижчат̇а жз. на мз д̇аббажжаяаад̇и, д̇ам̣ нимид̇д̇ам̣ имасса сарийрасса д̇умхзхи яат̇ижчид̇агижжасса гаран̣ахзд̇у. д̇ад̇т̇аад̇и д̇зсу гаронд̇зсу жа агаронд̇зсу жа. д̣̇осо бзман̃жа хзхид̇ийд̇и яат̇ааггамам̣ бадигхо анунаяо на бхависсад̇и, ад̇д̇ано бхавз абзгкааяа саб̣б̣асо бахийнад̇д̇аад̇и ад̇хиббааяо. ан̃н̃абажжаяаа ан̃н̃ад̇т̇а жа бадигхаанунаязсу асанд̇зсуби д̇аббажжаяаа, ‘‘д̇ад̇т̇аа’’д̇и важанам̣ яат̇аад̇хиг̇ад̇авасзна вуд̇д̇ам̣.
Yaṃ vo kiccaṃ sarīrenāti yaṃ tumhākaṃ iminā sarīrena payojanaṃ, taṃ karotha yadicchatha, icchatha ce. Na me tappaccayāti, taṃ nimittaṃ imassa sarīrassa tumhehi yathicchitakiccassa karaṇahetu. Tatthāti tesu karontesu ca akarontesu ca. Doso pemañca hehitīti yathākkamaṃ paṭigho anunayo na bhavissati, attano bhave apekkhāya sabbaso pahīnattāti adhippāyo. Aññapaccayā aññattha ca paṭighānunayesu asantesupi tappaccayā, ‘‘tatthā’’ti vacanaṃ yathādhigatavasena vuttaṃ.
д̇ассаад̇и ад̇химуд̇д̇ад̇т̇зрасса. д̇ам̣ важананд̇и ‘‘над̇т̇и жзд̇асигам̣ д̣̇угка’’нд̇иаад̣̇игам̣ маран̣з бхаяаабхааваад̣̇ид̣̇ийбагам̣, д̇ад̇о зва аб̣бхуд̇ам̣ ломахам̣санам̣ важанам̣ суд̇ваа. маан̣аваад̇и жораа. жораа хи ‘‘маан̣аваа’’д̇и вужжанд̇и ‘‘маан̣авзхи саха г̇ажчанд̇и гад̇агаммзхи агад̇агаммзхибий’’д̇иаад̣̇ийсу (ма. ни. 2.149) вияа.
Tassāti adhimuttattherassa. Taṃ vacananti ‘‘natthi cetasikaṃ dukkha’’ntiādikaṃ maraṇe bhayābhāvādidīpakaṃ, tato eva abbhutaṃ lomahaṃsanaṃ vacanaṃ sutvā. Māṇavāti corā. Corā hi ‘‘māṇavā’’ti vuccanti ‘‘māṇavehi saha gacchanti katakammehi akatakammehipī’’tiādīsu (ma. ni. 2.149) viya.
гим̣ бхад̣̇анд̇з гарид̇ваанаад̇и, бханд̇з, гим̣ наама д̇абогаммам̣ гад̇ваа. го ваа д̇ава аажарияо гасса саасанам̣, оваад̣̇ам̣ ниссааяа аяам̣ асогад̇аа маран̣агаалз согаабхааво лаб̣бхад̇ийд̇и зд̇ам̣ ад̇т̇ам̣ аб̣равум̣, бужчаавасзна гат̇зсум̣, бхаасим̣су.
Kiṃbhadante karitvānāti, bhante, kiṃ nāma tapokammaṃ katvā. Ko vā tava ācariyo kassa sāsanaṃ, ovādaṃ nissāya ayaṃ asokatā maraṇakāle sokābhāvo labbhatīti etaṃ atthaṃ abravuṃ, pucchāvasena kathesuṃ, bhāsiṃsu.
д̇ам̣ суд̇ваа т̇зро д̇зсам̣ бадиважанам̣ д̣̇знд̇о ‘‘саб̣б̣ан̃н̃уу’’д̇иаад̣̇имааха. д̇ад̇т̇а саб̣б̣ан̃н̃ууд̇и баробад̣̇зсзна винаа саб̣б̣абагаарзна саб̣б̣ад̇хаммааваб̣од̇ханасамад̇т̇асса ааган̇каабадиб̣ад̣̇д̇хавуд̇д̇ино анааваран̣ан̃аан̣асса ад̇хиг̇амзна ад̇ийд̇аад̣̇ибхзд̣̇ам̣ саб̣б̣ам̣ ж̇аанаад̇ийд̇и, саб̣б̣ан̃н̃уу. д̇знзва саманд̇ажагкунаа саб̣б̣асса д̣̇ассанад̇о саб̣б̣ад̣̇ассаавий. яамхи анааваран̣ан̃аан̣ам̣, д̇ад̣̇зва саб̣б̣ан̃н̃уд̇ан̃н̃аан̣ам̣, над̇т̇зва асаад̇хааран̣ан̃аан̣абаал̣ияаа вирод̇хо висаяуббад̇д̇имукзна ан̃н̃зхи асаад̇хааран̣абхаавад̣̇ассанад̇т̇ам̣ згассзва н̃аан̣асса д̣̇вид̇хаа вуд̇д̇ад̇д̇аа. яам̣ банзд̇т̇а вад̇д̇аб̣б̣ам̣, д̇ам̣ ид̇ивуд̇д̇агаван̣н̣анааяам̣ (ид̇иву. адта. 38) вид̇т̇аарад̇о вуд̇д̇амзваад̇и д̇ад̇т̇а вуд̇д̇анаязнзва взд̣̇ид̇аб̣б̣ам̣. бан̃жаннамби маараанам̣ виж̇аяад̇о ж̇ино, хийнаад̣̇ивибхааг̇абхиннз саб̣б̣асмим̣ сад̇д̇анигааяз ад̇химуд̇д̇авуд̇д̇ид̇ааяа махад̇ияаа гарун̣ааяа саманнааг̇ад̇ад̇д̇аа махаагаарун̣иго, д̣̇идтад̇хаммигасамбарааяигабарамад̇т̇зхи яат̇аарахам̣ взнзяяаанам̣ анусаасанад̇о сад̇т̇аа, д̇ад̇о зва саб̣б̣алогасса гилзсарог̇ад̇игижчанад̇о саб̣б̣алогад̇игижчаго, саммаасамб̣уд̣̇д̇хо аажарияо мамаад̇и яож̇анаа. каяаг̇аамийд̇и ниб̣б̣аанаг̇аамий.
Taṃ sutvā thero tesaṃ paṭivacanaṃ dento ‘‘sabbaññū’’tiādimāha. Tattha sabbaññūti paropadesena vinā sabbapakārena sabbadhammāvabodhanasamatthassa ākaṅkhāpaṭibaddhavuttino anāvaraṇañāṇassa adhigamena atītādibhedaṃ sabbaṃ jānātīti, sabbaññū. Teneva samantacakkhunā sabbassa dassanato sabbadassāvī. Yamhi anāvaraṇañāṇaṃ, tadeva sabbaññutaññāṇaṃ, nattheva asādhāraṇañāṇapāḷiyā virodho visayuppattimukhena aññehi asādhāraṇabhāvadassanatthaṃ ekasseva ñāṇassa dvidhā vuttattā. Yaṃ panettha vattabbaṃ, taṃ itivuttakavaṇṇanāyaṃ (itivu. aṭṭha. 38) vitthārato vuttamevāti tattha vuttanayeneva veditabbaṃ. Pañcannampi mārānaṃ vijayato jino, hīnādivibhāgabhinne sabbasmiṃ sattanikāye adhimuttavuttitāya mahatiyā karuṇāya samannāgatattā mahākāruṇiko, diṭṭhadhammikasamparāyikaparamatthehi yathārahaṃ veneyyānaṃ anusāsanato satthā, tato eva sabbalokassa kilesarogatikicchanato sabbalokatikicchako, sammāsambuddho ācariyo mamāti yojanā. Khayagāmīti nibbānagāmī.
звам̣ т̇зрзна сад̇т̇у саасанасса жа г̇ун̣з багаасид̇з бадилад̣̇д̇хасад̣̇д̇хаа згажжз жораа баб̣б̣аж̇им̣су, згажжз убаасагад̇д̇ам̣ бавзд̣̇зсум̣. д̇амад̇т̇ам̣ д̣̇ийбзнд̇о д̇хаммасан̇г̇аахагаа ‘‘суд̇ваана жораа’’д̇иаад̣̇инаа д̣̇вз г̇аат̇аа абхаасим̣су. д̇ад̇т̇а исинод̇и ад̇хисийласигкаад̣̇ийнам̣ зсанадтзна исино, ад̇химуд̇д̇ад̇т̇зрасса. нигкиббаад̇и бахааяа. сад̇т̇аани жа аавуд̇хаани жаад̇и асиаад̣̇исад̇т̇аани жзва д̇ханугалаабаад̣̇иаавуд̇хаани жа. д̇амхаа жа гаммаад̇и д̇ад̇о жорагаммад̇о.
Evaṃ therena satthu sāsanassa ca guṇe pakāsite paṭiladdhasaddhā ekacce corā pabbajiṃsu, ekacce upāsakattaṃ pavedesuṃ. Tamatthaṃ dīpento dhammasaṅgāhakā ‘‘sutvāna corā’’tiādinā dve gāthā abhāsiṃsu. Tattha isinoti adhisīlasikkhādīnaṃ esanaṭṭhena isino, adhimuttattherassa. Nikkhippāti pahāya. Satthāni ca āvudhāni cāti asiādisatthāni ceva dhanukalāpādiāvudhāni ca. Tamhā ca kammāti tato corakammato.
д̇з баб̣б̣аж̇ид̇ваа суг̇ад̇асса саасанзд̇и д̇з жораа собханаг̇аманад̇аад̣̇ийхи суг̇ад̇асса бхаг̇авад̇о саасанз баб̣б̣аж̇ж̇ам̣ убаг̇анд̇ваа. бхааванаависзсаад̇хиг̇ад̇ааяа од̣̇аг̇яалагкан̣ааяа бийд̇ияаа саманнааг̇амзна уд̣̇аг̇г̇ажид̇д̇аа. суманаад̇и соманассаббад̇д̇аа. гад̇инд̣̇рияаад̇и бхаавид̇инд̣̇рияаа. пусим̣сууд̇и аг̇г̇амаг̇г̇аад̇хиг̇амзна асан̇кад̇ам̣ ниб̣б̣аанам̣ ад̇хиг̇ажчим̣су. ад̇химуд̇д̇о гира жорз ниб̣б̣исзванз гад̇ваа, д̇з д̇ад̇т̇зва табзд̇ваа, маад̇у санд̇игам̣ г̇анд̇ваа, маад̇арам̣ аабужчид̇ваа, бажжааг̇анд̇ваа д̇зхи сад̣̇д̇хим̣ убаж̇жхааяасса санд̇игам̣ г̇анд̇ваа, баб̣б̣ааж̇зд̇ваа убасамбад̣̇ам̣ агааси. ат̇а д̇зсам̣ гаммадтаанам̣ аажигки , д̇з нажирассзва арахад̇д̇з бад̇идтахим̣су. д̇зна вуд̇д̇ам̣ ‘‘баб̣б̣аж̇ид̇ваа…бз… асан̇кад̇а’’нд̇и.
Te pabbajitvā sugatassa sāsaneti te corā sobhanagamanatādīhi sugatassa bhagavato sāsane pabbajjaṃ upagantvā. Bhāvanāvisesādhigatāya odagyalakkhaṇāya pītiyā samannāgamena udaggacittā. Sumanāti somanassappattā. Katindriyāti bhāvitindriyā. Phusiṃsūti aggamaggādhigamena asaṅkhataṃ nibbānaṃ adhigacchiṃsu. Adhimutto kira core nibbisevane katvā, te tattheva ṭhapetvā, mātu santikaṃ gantvā, mātaraṃ āpucchitvā, paccāgantvā tehi saddhiṃ upajjhāyassa santikaṃ gantvā, pabbājetvā upasampadaṃ akāsi. Atha tesaṃ kammaṭṭhānaṃ ācikkhi , te nacirasseva arahatte patiṭṭhahiṃsu. Tena vuttaṃ ‘‘pabbajitvā…pe… asaṅkhata’’nti.
ад̇химуд̇д̇ад̇т̇зраг̇аат̇ааван̣н̣анаа нидтид̇аа.
Adhimuttattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. ад̇химуд̇д̇ад̇т̇зраг̇аат̇аа • 1. Adhimuttattheragāthā
