| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. аад̇хибад̇зяяасуд̇д̇ам̣
10. Ādhipateyyasuttaṃ
40. ‘‘д̇ийн̣имаани , бхигкавз, аад̇хибад̇зяяаани. гад̇амаани д̇ийн̣и? ад̇д̇аад̇хибад̇зяяам̣, логаад̇хибад̇зяяам̣, д̇хаммаад̇хибад̇зяяам̣. гад̇аман̃жа, бхигкавз, ад̇д̇аад̇хибад̇зяяам̣? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘на ко банаахам̣ жийварахзд̇у аг̇аарасмаа анаг̇аарияам̣ баб̣б̣аж̇ид̇о. на бин̣д̣абаад̇ахзд̇у, на сзнаасанахзд̇у, на ид̇ибхаваабхавахзд̇у аг̇аарасмаа анаг̇аарияам̣ баб̣б̣аж̇ид̇о. аби жа комхи од̇ин̣н̣о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о. аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аад̇и. ахан̃жзва ко бана яаад̣̇исагз 1 гаамз охааяа аг̇аарасмаа анаг̇аарияам̣ баб̣б̣аж̇ид̇о д̇аад̣̇исагз ваа 2 гаамз бариязсзяяам̣ д̇ад̇о ваа 3 баабидтад̇арз, на мзд̇ам̣ бад̇ирууба’нд̇и. со ид̇и бадисан̃жигкад̇и – ‘аарад̣̇д̇хам̣ ко бана мз вийрияам̣ бхависсад̇и асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇а’нд̇и. со ад̇д̇аанам̣язва ад̇хибад̇им̣ гарид̇ваа агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, ад̇д̇аад̇хибад̇зяяам̣.
40. ‘‘Tīṇimāni , bhikkhave, ādhipateyyāni. Katamāni tīṇi? Attādhipateyyaṃ, lokādhipateyyaṃ, dhammādhipateyyaṃ. Katamañca, bhikkhave, attādhipateyyaṃ? Idha, bhikkhave, bhikkhu araññagato vā rukkhamūlagato vā suññāgāragato vā iti paṭisañcikkhati – ‘na kho panāhaṃ cīvarahetu agārasmā anagāriyaṃ pabbajito. Na piṇḍapātahetu, na senāsanahetu, na itibhavābhavahetu agārasmā anagāriyaṃ pabbajito. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto. Appeva nāma imassa kevalassa dukkhakkhandhassa antakiriyā paññāyethāti. Ahañceva kho pana yādisake 4 kāme ohāya agārasmā anagāriyaṃ pabbajito tādisake vā 5 kāme pariyeseyyaṃ tato vā 6 pāpiṭṭhatare, na metaṃ patirūpa’nti. So iti paṭisañcikkhati – ‘āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekagga’nti. So attānaṃyeva adhipatiṃ karitvā akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharati. Idaṃ vuccati, bhikkhave, attādhipateyyaṃ.
‘‘гад̇аман̃жа, бхигкавз, логаад̇хибад̇зяяам̣? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘на ко банаахам̣ жийварахзд̇у аг̇аарасмаа анаг̇аарияам̣ баб̣б̣аж̇ид̇о. на бин̣д̣абаад̇ахзд̇у, на сзнаасанахзд̇у, на ид̇ибхаваабхавахзд̇у аг̇аарасмаа анаг̇аарияам̣ баб̣б̣аж̇ид̇о. аби жа комхи од̇ин̣н̣о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о. аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. ахан̃жзва ко бана звам̣ баб̣б̣аж̇ид̇о самаано гаамавид̇аггам̣ ваа вид̇аггзяяам̣, б̣яаабаад̣̇авид̇аггам̣ ваа вид̇аггзяяам̣, вихим̣саавид̇аггам̣ ваа вид̇аггзяяам̣, махаа ко банааяам̣ логасанниваасо. маханд̇асмим̣ ко бана логасанниваасз санд̇и саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно. д̇з д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ баж̇аананд̇и 7. д̇зби мам̣ звам̣ ж̇аанзяяум̣ – ‘бассат̇а, бхо, имам̣ гулабуд̇д̇ам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. д̣̇звад̇ааби ко санд̇и ид̣̇д̇химанд̇инияо д̣̇иб̣б̣ажагкугаа баражид̇д̇авид̣̇унияо. д̇аа д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ ж̇аананд̇и. д̇ааби мам̣ звам̣ ж̇аанзяяум̣ – ‘бассат̇а, бхо, имам̣ гулабуд̇д̇ам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. со ид̇и бадисан̃жигкад̇и – ‘аарад̣̇д̇хам̣ ко бана мз вийрияам̣ бхависсад̇и асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇а’нд̇и. со логам̣язва ад̇хибад̇им̣ гарид̇ваа агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, логаад̇хибад̇зяяам̣.
‘‘Katamañca, bhikkhave, lokādhipateyyaṃ? Idha, bhikkhave, bhikkhu araññagato vā rukkhamūlagato vā suññāgāragato vā iti paṭisañcikkhati – ‘na kho panāhaṃ cīvarahetu agārasmā anagāriyaṃ pabbajito. Na piṇḍapātahetu, na senāsanahetu, na itibhavābhavahetu agārasmā anagāriyaṃ pabbajito. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto. Appeva nāma imassa kevalassa dukkhakkhandhassa antakiriyā paññāyethā’ti. Ahañceva kho pana evaṃ pabbajito samāno kāmavitakkaṃ vā vitakkeyyaṃ, byāpādavitakkaṃ vā vitakkeyyaṃ, vihiṃsāvitakkaṃ vā vitakkeyyaṃ, mahā kho panāyaṃ lokasannivāso. Mahantasmiṃ kho pana lokasannivāse santi samaṇabrāhmaṇā iddhimanto dibbacakkhukā paracittaviduno. Te dūratopi passanti, āsannāpi na dissanti, cetasāpi cittaṃ pajānanti 8. Tepi maṃ evaṃ jāneyyuṃ – ‘passatha, bho, imaṃ kulaputtaṃ saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. Devatāpi kho santi iddhimantiniyo dibbacakkhukā paracittaviduniyo. Tā dūratopi passanti, āsannāpi na dissanti, cetasāpi cittaṃ jānanti. Tāpi maṃ evaṃ jāneyyuṃ – ‘passatha, bho, imaṃ kulaputtaṃ saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. So iti paṭisañcikkhati – ‘āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekagga’nti. So lokaṃyeva adhipatiṃ karitvā akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharati. Idaṃ vuccati, bhikkhave, lokādhipateyyaṃ.
‘‘гад̇аман̃жа, бхигкавз, д̇хаммаад̇хибад̇зяяам̣? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘на ко банаахам̣ жийварахзд̇у аг̇аарасмаа анаг̇аарияам̣ баб̣б̣аж̇ид̇о. на бин̣д̣абаад̇ахзд̇у, на сзнаасанахзд̇у, на ид̇ибхаваабхавахзд̇у аг̇аарасмаа анаг̇аарияам̣ баб̣б̣аж̇ид̇о. аби жа комхи од̇ин̣н̣о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о. аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аад̇и. сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухийд̇и. санд̇и ко бана мз саб̣рахмажаарий ж̇аанам̣ бассам̣ вихаранд̇и. ахан̃жзва ко бана звам̣ сваагкаад̇з д̇хаммавинаяз баб̣б̣аж̇ид̇о самаано гусийд̇о вихарзяяам̣ бамад̇д̇о, на мзд̇ам̣ асса бад̇ирууба’нд̇и. со ид̇и бадисан̃жигкад̇и – ‘аарад̣̇д̇хам̣ ко бана мз вийрияам̣ бхависсад̇и асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇а’нд̇и. со д̇хаммам̣язва ад̇хибад̇им̣ гарид̇ваа агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, д̇хаммаад̇хибад̇зяяам̣. имаани ко, бхигкавз, д̇ийн̣и аад̇хибад̇зяяааний’’д̇и.
‘‘Katamañca, bhikkhave, dhammādhipateyyaṃ? Idha, bhikkhave, bhikkhu araññagato vā rukkhamūlagato vā suññāgāragato vā iti paṭisañcikkhati – ‘na kho panāhaṃ cīvarahetu agārasmā anagāriyaṃ pabbajito. Na piṇḍapātahetu, na senāsanahetu, na itibhavābhavahetu agārasmā anagāriyaṃ pabbajito. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto. Appeva nāma imassa kevalassa dukkhakkhandhassa antakiriyā paññāyethāti. Svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhīti. Santi kho pana me sabrahmacārī jānaṃ passaṃ viharanti. Ahañceva kho pana evaṃ svākkhāte dhammavinaye pabbajito samāno kusīto vihareyyaṃ pamatto, na metaṃ assa patirūpa’nti. So iti paṭisañcikkhati – ‘āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekagga’nti. So dhammaṃyeva adhipatiṃ karitvā akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharati. Idaṃ vuccati, bhikkhave, dhammādhipateyyaṃ. Imāni kho, bhikkhave, tīṇi ādhipateyyānī’’ti.
‘‘над̇т̇и логз рахо наама, баабагаммам̣ багуб̣б̣ад̇о;
‘‘Natthi loke raho nāma, pāpakammaṃ pakubbato;
ад̇д̇аа д̇з буриса ж̇аанаад̇и, сажжам̣ ваа яад̣̇и ваа мусаа.
Attā te purisa jānāti, saccaṃ vā yadi vā musā.
‘‘галяаан̣ам̣ вад̇а бхо сагки, ад̇д̇аанам̣ ад̇иман̃н̃аси;
‘‘Kalyāṇaṃ vata bho sakkhi, attānaṃ atimaññasi;
яо санд̇ам̣ ад̇д̇ани баабам̣, ад̇д̇аанам̣ бариг̇уухаси.
Yo santaṃ attani pāpaṃ, attānaṃ parigūhasi.
‘‘бассанд̇и д̣̇зваа жа д̇ат̇ааг̇ад̇аа жа,
‘‘Passanti devā ca tathāgatā ca,
логасмим̣ б̣аалам̣ висамам̣ жаранд̇ам̣;
Lokasmiṃ bālaṃ visamaṃ carantaṃ;
логаад̇хибо жа нибаго жа жхааяий.
Lokādhipo ca nipako ca jhāyī.
‘‘д̇хаммаад̇хибо жа ануд̇хаммажаарий,
‘‘Dhammādhipo ca anudhammacārī,
на хийяад̇и сажжабараггамо муни;
Na hīyati saccaparakkamo muni;
басаяха маарам̣ абхибхуяяа анд̇агам̣,
Pasayha māraṃ abhibhuyya antakaṃ,
яо жа пусий ж̇аад̇игкаяам̣ бад̇хаанаваа;
Yo ca phusī jātikkhayaṃ padhānavā;
со д̇аад̣̇исо логавид̣̇уу сумзд̇хо,
So tādiso lokavidū sumedho,
саб̣б̣зсу д̇хаммзсу ад̇аммаяо муний’’д̇и. д̣̇асамам̣;
Sabbesu dhammesu atammayo munī’’ti. dasamaṃ;
д̣̇звад̣̇ууд̇аваг̇г̇о жад̇уд̇т̇о.
Devadūtavaggo catuttho.
д̇ассуд̣̇д̣̇аанам̣ –
Tassuddānaṃ –
б̣рахма аананд̣̇а саарибуд̇д̇о, нид̣̇аанам̣ хад̇т̇агзна жа;
Brahma ānanda sāriputto, nidānaṃ hatthakena ca;
д̣̇ууд̇аа д̣̇увз жа рааж̇аано, сукумаалаад̇хибад̇зяязна жаад̇и.
Dūtā duve ca rājāno, sukhumālādhipateyyena cāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. аад̇хибад̇зяяасуд̇д̇аван̣н̣анаа • 10. Ādhipateyyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. аад̇хибад̇зяяасуд̇д̇аван̣н̣анаа • 10. Ādhipateyyasuttavaṇṇanā
