| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. ஆதி⁴பதெய்யஸுத்தவண்ணனா
10. Ādhipateyyasuttavaṇṇanā
40. த³ஸமே ஆதி⁴பதெய்யானீதி ஜெட்ட²ககாரணதோ நிப்³ப³த்தானி. அத்தாதி⁴பதெய்யந்திஆதீ³ஸு அத்தானங் ஜெட்ட²கங் கத்வா நிப்³ப³த்திதங் கு³ணஜாதங் அத்தாதி⁴பதெய்யங். லோகங் ஜெட்ட²கங் கத்வா நிப்³ப³த்திதங் லோகாதி⁴பதெய்யங். நவவித⁴ங் லோகுத்தரத⁴ம்மங் ஜெட்ட²கங் கத்வா நிப்³ப³த்திதங் த⁴ம்மாதி⁴பதெய்யங். ந இதி ப⁴வாப⁴வஹேதூதி இதி ப⁴வோ, இதி ப⁴வோதி ஏவங் ஆயதிங், ந தஸ்ஸ தஸ்ஸ ஸம்பத்திப⁴வஸ்ஸ ஹேது. ஓதிண்ணோதி அனுபவிட்டோ². யஸ்ஸ ஹி ஜாதி அந்தோபவிட்டா², ஸோ ஜாதியா ஓதிண்ணோ நாம. ஜராதீ³ஸுபி ஏஸேவ நயோ. கேவலஸ்ஸ து³க்க²க்க²ந்த⁴ஸ்ஸாதி ஸகலஸ்ஸ வட்டது³க்க²ராஸிஸ்ஸ. அந்தகிரியா பஞ்ஞாயேதா²தி அந்தகரணங் பரிச்சே²த³பரிவடுமகரணங் பஞ்ஞாயெய்ய. ஓஹாயாதி பஹாய. பாபிட்ட²தரேதி லாமகதரே. ஆரத்³த⁴ந்தி பக்³க³ஹிதங் பரிபுண்ணங், ஆரத்³த⁴த்தாவ அஸல்லீனங். உபட்டி²தாதி சதுஸதிபட்டா²னவஸேன உபட்டி²தா. உபட்டி²தத்தாவ அஸம்முட்டா². பஸ்ஸத்³தோ⁴ காயோதி நாமகாயோ ச கரஜகாயோ ச பஸ்ஸத்³தோ⁴ வூபஸந்தத³ரதோ². பஸ்ஸத்³த⁴த்தாவ அஸாரத்³தோ⁴. ஸமாஹிதங் சித்தந்தி ஆரம்மணே சித்தங் ஸம்மா ஆஹிதங் ஸுட்டு² ட²பிதங். ஸம்மா ஆஹிதத்தாவ ஏகக்³க³ங். அதி⁴பதிங் கரித்வாதி ஜெட்ட²கங் கத்வா. ஸுத்³த⁴ங் அத்தானங் பரிஹரதீதி ஸுத்³த⁴ங் நிம்மலங் கத்வா அத்தானங் பரிஹரதி படிஜக்³க³தி, கோ³பாயதீதி அத்தோ². அயஞ்ச யாவ அரஹத்தமக்³கா³ பரியாயேன ஸுத்³த⁴மத்தானங் பரிஹரதி நாம, ப²லப்பத்தோவ பன நிப்பரியாயேன ஸுத்³த⁴மத்தானங் பரிஹரதி.
40. Dasame ādhipateyyānīti jeṭṭhakakāraṇato nibbattāni. Attādhipateyyantiādīsu attānaṃ jeṭṭhakaṃ katvā nibbattitaṃ guṇajātaṃ attādhipateyyaṃ. Lokaṃ jeṭṭhakaṃ katvā nibbattitaṃ lokādhipateyyaṃ. Navavidhaṃ lokuttaradhammaṃ jeṭṭhakaṃ katvā nibbattitaṃ dhammādhipateyyaṃ. Na iti bhavābhavahetūti iti bhavo, iti bhavoti evaṃ āyatiṃ, na tassa tassa sampattibhavassa hetu. Otiṇṇoti anupaviṭṭho. Yassa hi jāti antopaviṭṭhā, so jātiyā otiṇṇo nāma. Jarādīsupi eseva nayo. Kevalassa dukkhakkhandhassāti sakalassa vaṭṭadukkharāsissa. Antakiriyāpaññāyethāti antakaraṇaṃ paricchedaparivaṭumakaraṇaṃ paññāyeyya. Ohāyāti pahāya. Pāpiṭṭhatareti lāmakatare. Āraddhanti paggahitaṃ paripuṇṇaṃ, āraddhattāva asallīnaṃ. Upaṭṭhitāti catusatipaṭṭhānavasena upaṭṭhitā. Upaṭṭhitattāva asammuṭṭhā. Passaddho kāyoti nāmakāyo ca karajakāyo ca passaddho vūpasantadaratho. Passaddhattāva asāraddho. Samāhitaṃ cittanti ārammaṇe cittaṃ sammā āhitaṃ suṭṭhu ṭhapitaṃ. Sammā āhitattāva ekaggaṃ. Adhipatiṃ karitvāti jeṭṭhakaṃ katvā. Suddhaṃattānaṃ pariharatīti suddhaṃ nimmalaṃ katvā attānaṃ pariharati paṭijaggati, gopāyatīti attho. Ayañca yāva arahattamaggā pariyāyena suddhamattānaṃ pariharati nāma, phalappattova pana nippariyāyena suddhamattānaṃ pariharati.
ஸ்வாக்கா²தோதிஆதீ³னி விஸுத்³தி⁴மக்³கே³ (விஸுத்³தி⁴॰ 1.147) வித்தா²ரிதானி. ஜானங் பஸ்ஸங் விஹரந்தீதி தங் த⁴ம்மங் ஜானந்தா பஸ்ஸந்தா விஹரந்தி. இமானி கோ², பி⁴க்க²வே, தீணி ஆதி⁴பதெய்யானீதி எத்தாவதா தீணி ஆதி⁴பதெய்யானி லோகியலோகுத்தரமிஸ்ஸகானி கதி²தானி.
Svākkhātotiādīni visuddhimagge (visuddhi. 1.147) vitthāritāni. Jānaṃ passaṃ viharantīti taṃ dhammaṃ jānantā passantā viharanti. Imāni kho, bhikkhave, tīṇi ādhipateyyānīti ettāvatā tīṇi ādhipateyyāni lokiyalokuttaramissakāni kathitāni.
பகுப்³ப³தோதி கரொந்தஸ்ஸ. அத்தா தே புரிஸ ஜானாதி, ஸச்சங் வா யதி³ வா முஸாதி யங் த்வங் கரோஸி, தங் யதி³ வா யதா²ஸபா⁴வங் யதி³ வா நோ யதா²ஸபா⁴வந்தி தவ அத்தாவ ஜானாதி. இமினா ச காரணேன வேதி³தப்³ப³ங் ‘‘பாபகம்மங் கரொந்தஸ்ஸ லோகே படிச்ச²ன்னட்டா²னங் நாம நத்தீ²’’தி. கல்யாணந்தி ஸுந்த³ரங். அதிமஞ்ஞஸீதி அதிக்கமித்வா மஞ்ஞஸி. அத்தானங் பரிகூ³ஹஸீதி யதா² மே அத்தாபி ந ஜானாதி, ஏவங் நங் பரிகூ³ஹாமீதி வாயமஸி. அத்தாதி⁴பதெய்யகோதி அத்தஜெட்ட²கோ. லோகாதி⁴போதி லோகஜெட்ட²கோ. நிபகோதி பஞ்ஞவா. ஜா²யீதி ஜா²யந்தோ. த⁴ம்மாதி⁴போதி த⁴ம்மஜெட்ட²கோ. ஸச்சபரக்கமோதி தி²ரபரக்கமோ பூ⁴தபரக்கமோ. பஸய்ஹ மாரந்தி மாரங் பஸஹித்வா. அபி⁴பு⁴ய்ய அந்தகந்தி இத³ங் தஸ்ஸேவ வேவசனங். யோ ச பு²ஸீ ஜாதிக்க²யங் பதா⁴னவாதி யோ ஜா²யீ பதா⁴னவா மாரங் அபி⁴ப⁴வித்வா ஜாதிக்க²யங் அரஹத்தங் பு²ஸி. ஸோ தாதி³ஸோதி ஸோ ததா²விதோ⁴ ததா²ஸண்டி²தோ. லோகவிதூ³தி தயோ லோகே விதி³தே பாகடே கத்வா டி²தோ. ஸுமேதோ⁴தி ஸுபஞ்ஞோ. ஸப்³பே³ஸு த⁴ம்மேஸு அதம்மயோ முனீதி ஸப்³பே³ தேபூ⁴மகத⁴ம்மே தண்ஹாஸங்கா²தாய தம்மயதாய அபா⁴வேன அதம்மயோ கீ²ணாஸவமுனி கதா³சி கத்த²சி ந ஹீயதி ந பரிஹீயதீதி வுத்தங் ஹோதீதி.
Pakubbatoti karontassa. Attā te purisa jānāti, saccaṃ vā yadi vā musāti yaṃ tvaṃ karosi, taṃ yadi vā yathāsabhāvaṃ yadi vā no yathāsabhāvanti tava attāva jānāti. Iminā ca kāraṇena veditabbaṃ ‘‘pāpakammaṃ karontassa loke paṭicchannaṭṭhānaṃ nāma natthī’’ti. Kalyāṇanti sundaraṃ. Atimaññasīti atikkamitvā maññasi. Attānaṃ parigūhasīti yathā me attāpi na jānāti, evaṃ naṃ parigūhāmīti vāyamasi. Attādhipateyyakoti attajeṭṭhako. Lokādhipoti lokajeṭṭhako. Nipakoti paññavā. Jhāyīti jhāyanto. Dhammādhipoti dhammajeṭṭhako. Saccaparakkamoti thiraparakkamo bhūtaparakkamo. Pasayha māranti māraṃ pasahitvā. Abhibhuyya antakanti idaṃ tasseva vevacanaṃ. Yo ca phusī jātikkhayaṃ padhānavāti yo jhāyī padhānavā māraṃ abhibhavitvā jātikkhayaṃ arahattaṃ phusi. Sotādisoti so tathāvidho tathāsaṇṭhito. Lokavidūti tayo loke vidite pākaṭe katvā ṭhito. Sumedhoti supañño. Sabbesu dhammesu atammayo munīti sabbe tebhūmakadhamme taṇhāsaṅkhātāya tammayatāya abhāvena atammayo khīṇāsavamuni kadāci katthaci na hīyati na parihīyatīti vuttaṃ hotīti.
தே³வதூ³தவக்³கோ³ சதுத்தோ².
Devadūtavaggo catuttho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஆதி⁴பதெய்யஸுத்தங் • 10. Ādhipateyyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. ஆதி⁴பதெய்யஸுத்தவண்ணனா • 10. Ādhipateyyasuttavaṇṇanā
