| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. аад̇хибад̇зяяасуд̇д̇аван̣н̣анаа
10. Ādhipateyyasuttavaṇṇanā
40. д̣̇асамз аад̇хибад̇зяяаанийд̇и ж̇здтагагааран̣ад̇о ниб̣б̣ад̇д̇аани. ад̇д̇аад̇хибад̇зяяанд̇иаад̣̇ийсу ад̇д̇аанам̣ ж̇здтагам̣ гад̇ваа ниб̣б̣ад̇д̇ид̇ам̣ г̇ун̣аж̇аад̇ам̣ ад̇д̇аад̇хибад̇зяяам̣. логам̣ ж̇здтагам̣ гад̇ваа ниб̣б̣ад̇д̇ид̇ам̣ логаад̇хибад̇зяяам̣. нававид̇хам̣ логуд̇д̇арад̇хаммам̣ ж̇здтагам̣ гад̇ваа ниб̣б̣ад̇д̇ид̇ам̣ д̇хаммаад̇хибад̇зяяам̣. на ид̇и бхаваабхавахзд̇ууд̇и ид̇и бхаво, ид̇и бхавод̇и звам̣ ааяад̇им̣, на д̇асса д̇асса самбад̇д̇ибхавасса хзд̇у. од̇ин̣н̣од̇и анубавидто. яасса хи ж̇аад̇и анд̇обавидтаа, со ж̇аад̇ияаа од̇ин̣н̣о наама. ж̇араад̣̇ийсуби зсзва наяо. гзваласса д̣̇угкагканд̇хассаад̇и сагаласса ваддад̣̇угкараасисса. анд̇агирияаа бан̃н̃ааязт̇аад̇и анд̇агаран̣ам̣ барижчзд̣̇абаривадумагаран̣ам̣ бан̃н̃ааязяяа. охааяаад̇и бахааяа. баабидтад̇арзд̇и лаамагад̇арз. аарад̣̇д̇ханд̇и баг̇г̇ахид̇ам̣ барибун̣н̣ам̣, аарад̣̇д̇хад̇д̇аава асаллийнам̣. убадтид̇аад̇и жад̇усад̇ибадтаанавасзна убадтид̇аа. убадтид̇ад̇д̇аава асаммудтаа. бассад̣̇д̇хо гааяод̇и наамагааяо жа гараж̇агааяо жа бассад̣̇д̇хо вуубасанд̇ад̣̇арат̇о. бассад̣̇д̇хад̇д̇аава асаарад̣̇д̇хо. самаахид̇ам̣ жид̇д̇анд̇и аарамман̣з жид̇д̇ам̣ саммаа аахид̇ам̣ судту табид̇ам̣. саммаа аахид̇ад̇д̇аава згаг̇г̇ам̣. ад̇хибад̇им̣ гарид̇ваад̇и ж̇здтагам̣ гад̇ваа. суд̣̇д̇хам̣ ад̇д̇аанам̣ барихарад̇ийд̇и суд̣̇д̇хам̣ ниммалам̣ гад̇ваа ад̇д̇аанам̣ барихарад̇и бадиж̇аг̇г̇ад̇и, г̇обааяад̇ийд̇и ад̇т̇о. аяан̃жа яаава арахад̇д̇амаг̇г̇аа барияааязна суд̣̇д̇хамад̇д̇аанам̣ барихарад̇и наама, палаббад̇д̇ова бана ниббарияааязна суд̣̇д̇хамад̇д̇аанам̣ барихарад̇и.
40. Dasame ādhipateyyānīti jeṭṭhakakāraṇato nibbattāni. Attādhipateyyantiādīsu attānaṃ jeṭṭhakaṃ katvā nibbattitaṃ guṇajātaṃ attādhipateyyaṃ. Lokaṃ jeṭṭhakaṃ katvā nibbattitaṃ lokādhipateyyaṃ. Navavidhaṃ lokuttaradhammaṃ jeṭṭhakaṃ katvā nibbattitaṃ dhammādhipateyyaṃ. Na iti bhavābhavahetūti iti bhavo, iti bhavoti evaṃ āyatiṃ, na tassa tassa sampattibhavassa hetu. Otiṇṇoti anupaviṭṭho. Yassa hi jāti antopaviṭṭhā, so jātiyā otiṇṇo nāma. Jarādīsupi eseva nayo. Kevalassa dukkhakkhandhassāti sakalassa vaṭṭadukkharāsissa. Antakiriyāpaññāyethāti antakaraṇaṃ paricchedaparivaṭumakaraṇaṃ paññāyeyya. Ohāyāti pahāya. Pāpiṭṭhatareti lāmakatare. Āraddhanti paggahitaṃ paripuṇṇaṃ, āraddhattāva asallīnaṃ. Upaṭṭhitāti catusatipaṭṭhānavasena upaṭṭhitā. Upaṭṭhitattāva asammuṭṭhā. Passaddho kāyoti nāmakāyo ca karajakāyo ca passaddho vūpasantadaratho. Passaddhattāva asāraddho. Samāhitaṃ cittanti ārammaṇe cittaṃ sammā āhitaṃ suṭṭhu ṭhapitaṃ. Sammā āhitattāva ekaggaṃ. Adhipatiṃ karitvāti jeṭṭhakaṃ katvā. Suddhaṃattānaṃ pariharatīti suddhaṃ nimmalaṃ katvā attānaṃ pariharati paṭijaggati, gopāyatīti attho. Ayañca yāva arahattamaggā pariyāyena suddhamattānaṃ pariharati nāma, phalappattova pana nippariyāyena suddhamattānaṃ pariharati.
сваагкаад̇од̇иаад̣̇ийни висуд̣̇д̇химаг̇г̇з (висуд̣̇д̇хи. 1.147) вид̇т̇аарид̇аани. ж̇аанам̣ бассам̣ вихаранд̇ийд̇и д̇ам̣ д̇хаммам̣ ж̇аананд̇аа бассанд̇аа вихаранд̇и. имаани ко, бхигкавз, д̇ийн̣и аад̇хибад̇зяяаанийд̇и зд̇д̇аавад̇аа д̇ийн̣и аад̇хибад̇зяяаани логияалогуд̇д̇арамиссагаани гат̇ид̇аани.
Svākkhātotiādīni visuddhimagge (visuddhi. 1.147) vitthāritāni. Jānaṃ passaṃ viharantīti taṃ dhammaṃ jānantā passantā viharanti. Imāni kho, bhikkhave, tīṇi ādhipateyyānīti ettāvatā tīṇi ādhipateyyāni lokiyalokuttaramissakāni kathitāni.
багуб̣б̣ад̇од̇и гаронд̇асса. ад̇д̇аа д̇з буриса ж̇аанаад̇и, сажжам̣ ваа яад̣̇и ваа мусаад̇и яам̣ д̇вам̣ гароси, д̇ам̣ яад̣̇и ваа яат̇аасабхаавам̣ яад̣̇и ваа но яат̇аасабхааванд̇и д̇ава ад̇д̇аава ж̇аанаад̇и. иминаа жа гааран̣зна взд̣̇ид̇аб̣б̣ам̣ ‘‘баабагаммам̣ гаронд̇асса логз бадижчаннадтаанам̣ наама над̇т̇ий’’д̇и. галяаан̣анд̇и сунд̣̇арам̣. ад̇иман̃н̃асийд̇и ад̇иггамид̇ваа ман̃н̃аси. ад̇д̇аанам̣ бариг̇уухасийд̇и яат̇аа мз ад̇д̇ааби на ж̇аанаад̇и, звам̣ нам̣ бариг̇уухаамийд̇и вааяамаси. ад̇д̇аад̇хибад̇зяяагод̇и ад̇д̇аж̇здтаго. логаад̇хибод̇и логаж̇здтаго. нибагод̇и бан̃н̃аваа. жхааяийд̇и жхааяанд̇о. д̇хаммаад̇хибод̇и д̇хаммаж̇здтаго. сажжабараггамод̇и т̇ирабараггамо бхууд̇абараггамо. басаяха мааранд̇и маарам̣ басахид̇ваа. абхибхуяяа анд̇аганд̇и ид̣̇ам̣ д̇ассзва взважанам̣. яо жа пусий ж̇аад̇игкаяам̣ бад̇хаанаваад̇и яо жхааяий бад̇хаанаваа маарам̣ абхибхавид̇ваа ж̇аад̇игкаяам̣ арахад̇д̇ам̣ пуси. со д̇аад̣̇исод̇и со д̇ат̇аавид̇хо д̇ат̇аасан̣тид̇о. логавид̣̇ууд̇и д̇аяо логз вид̣̇ид̇з баагадз гад̇ваа тид̇о. сумзд̇ход̇и субан̃н̃о. саб̣б̣зсу д̇хаммзсу ад̇аммаяо мунийд̇и саб̣б̣з д̇збхуумагад̇хаммз д̇ан̣хаасан̇каад̇ааяа д̇аммаяад̇ааяа абхаавзна ад̇аммаяо кийн̣аасавамуни гад̣̇аажи гад̇т̇ажи на хийяад̇и на барихийяад̇ийд̇и вуд̇д̇ам̣ ход̇ийд̇и.
Pakubbatoti karontassa. Attā te purisa jānāti, saccaṃ vā yadi vā musāti yaṃ tvaṃ karosi, taṃ yadi vā yathāsabhāvaṃ yadi vā no yathāsabhāvanti tava attāva jānāti. Iminā ca kāraṇena veditabbaṃ ‘‘pāpakammaṃ karontassa loke paṭicchannaṭṭhānaṃ nāma natthī’’ti. Kalyāṇanti sundaraṃ. Atimaññasīti atikkamitvā maññasi. Attānaṃ parigūhasīti yathā me attāpi na jānāti, evaṃ naṃ parigūhāmīti vāyamasi. Attādhipateyyakoti attajeṭṭhako. Lokādhipoti lokajeṭṭhako. Nipakoti paññavā. Jhāyīti jhāyanto. Dhammādhipoti dhammajeṭṭhako. Saccaparakkamoti thiraparakkamo bhūtaparakkamo. Pasayha māranti māraṃ pasahitvā. Abhibhuyya antakanti idaṃ tasseva vevacanaṃ. Yo ca phusī jātikkhayaṃ padhānavāti yo jhāyī padhānavā māraṃ abhibhavitvā jātikkhayaṃ arahattaṃ phusi. Sotādisoti so tathāvidho tathāsaṇṭhito. Lokavidūti tayo loke vidite pākaṭe katvā ṭhito. Sumedhoti supañño. Sabbesu dhammesu atammayo munīti sabbe tebhūmakadhamme taṇhāsaṅkhātāya tammayatāya abhāvena atammayo khīṇāsavamuni kadāci katthaci na hīyati na parihīyatīti vuttaṃ hotīti.
д̣̇звад̣̇ууд̇аваг̇г̇о жад̇уд̇т̇о.
Devadūtavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. аад̇хибад̇зяяасуд̇д̇ам̣ • 10. Ādhipateyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. аад̇хибад̇зяяасуд̇д̇аван̣н̣анаа • 10. Ādhipateyyasuttavaṇṇanā
