| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. аад̇хибад̇зяяасуд̇д̇аван̣н̣анаа
10. Ādhipateyyasuttavaṇṇanā
40. д̣̇асамз абхибхавид̇ваа бавад̇д̇анадтзна ад̇хибад̇и яам̣ гин̃жи ж̇здтагам̣ на гаарагам̣ ад̇д̇аанам̣ ад̇хибад̇ийд̇и гад̇ваа ад̇д̇аа зва ад̇хибад̇и, д̇ад̇о ааг̇ад̇ам̣ ад̇д̇аад̇хибад̇зяяам̣. д̇знааха ‘‘ад̇д̇аана’’нд̇иаад̣̇и. логанд̇и сад̇д̇алогам̣. со жа ко ид̣̇д̇хивид̇хаад̣̇иг̇ун̣ависзсаяуд̇д̇о ад̇хиббзд̇о ад̇хибад̇ибхаавасса ад̇хиббзд̇ад̇д̇аа. нававид̇хам̣ логуд̇д̇арад̇хамманд̇и уггадтанид̣̇д̣̇зсзна вуд̇д̇ам̣. ид̇и бхавод̇и звам̣ самбад̇д̇ибхаво, д̇ад̇т̇а звам̣ абхивуд̣̇д̇хийд̇и. самбад̇д̇ибхавасса хзд̇ууд̇и д̇ам̣д̇ам̣самбад̇д̇ибхавасса д̇ад̇т̇а жа абхивуд̣̇д̇хияаа хзд̇у. ж̇аад̇инимид̇д̇асса гаммабхавасса гад̇уубажид̇ад̇д̇аа ж̇аад̇и анд̇обавидтаа. ж̇араад̣̇ийсуби зсзва наяо хзд̇усид̣̇д̇хияаа паласид̣̇д̇хид̇о.
40. Dasame abhibhavitvā pavattanaṭṭhena adhipati yaṃ kiñci jeṭṭhakaṃ na kārakaṃ attānaṃ adhipatīti katvā attā eva adhipati, tato āgataṃ attādhipateyyaṃ. Tenāha ‘‘attāna’’ntiādi. Lokanti sattalokaṃ. So ca kho iddhividhādiguṇavisesayutto adhippeto adhipatibhāvassa adhippetattā. Navavidhaṃ lokuttaradhammanti ukkaṭṭhaniddesena vuttaṃ. Iti bhavoti evaṃ sampattibhavo, tattha evaṃ abhivuddhīti. Sampattibhavassa hetūti taṃtaṃsampattibhavassa tattha ca abhivuddhiyā hetu. Jātinimittassa kammabhavassa katūpacitattā jāti antopaviṭṭhā. Jarādīsupi eseva nayo hetusiddhiyā phalasiddhito.
асаллийнанд̇и на сан̇гожаббад̇д̇ам̣. убадтид̇аад̇и гааяаад̣̇исабхаавасаллагкан̣авасзна убадтид̇аа. асаммудтаа саммосаабхаавад̇о. асаарад̣̇д̇ход̇и саарамбхасса саарамбхахзд̇уунан̃жа вигкамбханзна асаарад̣̇д̇хо. згаг̇г̇ам̣ анзгаг̇г̇абхаавасса д̣̇уурасамуссаабид̇ад̇д̇аа. ниммалам̣ гад̇ваад̇и рааг̇аад̣̇ималаанам̣ абанаяанзна маларахид̇ам̣ гад̇ваа. г̇обааяад̇ийд̇и сам̣гилзсаанад̇т̇ад̇о рагкад̇и. аяанд̇и звам̣бадибанно бхигку. суд̣̇д̇хамад̇д̇аанам̣ барихарад̇и асуд̣̇д̇хабхаавасса гилзсассаби абхаавад̇о.
Asallīnanti na saṅkocappattaṃ. Upaṭṭhitāti kāyādisabhāvasallakkhaṇavasena upaṭṭhitā. Asammuṭṭhā sammosābhāvato. Asāraddhoti sārambhassa sārambhahetūnañca vikkhambhanena asāraddho. Ekaggaṃ anekaggabhāvassa dūrasamussāpitattā. Nimmalaṃ katvāti rāgādimalānaṃ apanayanena malarahitaṃ katvā. Gopāyatīti saṃkilesānatthato rakkhati. Ayanti evaṃpaṭipanno bhikkhu. Suddhamattānaṃ pariharati asuddhabhāvassa kilesassapi abhāvato.
ад̇иггамид̇ваа ман̃н̃асийд̇и асагким̣ гад̇ваа ман̃н̃аси. д̇ааяа д̇ан̣хааяа ниб̣б̣ад̇д̇од̇и д̇аммаяо, д̇ан̣хаавасиго. д̇асса бхааво д̇аммаяад̇аа, д̇ассаа д̇аммаяад̇ааяа абхаавзна. на хааяад̇и бан̃н̃аад̣̇иг̇ун̣авзбуллаббад̇д̇ияаа.
Atikkamitvāmaññasīti asakkhiṃ katvā maññasi. Tāya taṇhāya nibbattoti tammayo, taṇhāvasiko. Tassa bhāvo tammayatā, tassā tammayatāya abhāvena. Na hāyati paññādiguṇavepullappattiyā.
аад̇хибад̇зяяасуд̇д̇аван̣н̣анаа нидтид̇аа.
Ādhipateyyasuttavaṇṇanā niṭṭhitā.
д̣̇звад̣̇ууд̇аваг̇г̇аван̣н̣анаа нидтид̇аа.
Devadūtavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. аад̇хибад̇зяяасуд̇д̇ам̣ • 10. Ādhipateyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. аад̇хибад̇зяяасуд̇д̇аван̣н̣анаа • 10. Ādhipateyyasuttavaṇṇanā
