| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎཔཱལི༹ • Nettippakaraṇapāḷi |
༡༤. ཨདྷིཊྛཱནཧཱརསམྤཱཏོ
14. Adhiṭṭhānahārasampāto
༧༦. ཏཏྠ ཀཏམོ ཨདྷིཊྛཱནོ ཧཱརསམྤཱཏོ?
76. Tattha katamo adhiṭṭhāno hārasampāto?
ཏསྨཱ རཀྑིཏཙིཏྟསྶ, སམྨཱསངྐཔྤགོཙརོཏི གཱཐཱ། ཏསྨཱ རཀྑིཏཙིཏྟསྶཱཏི ཨེཀཏྟཏཱ། ཙིཏྟཾ མནོ ཝིཉྙཱཎཾ, ཨཡཾ ཝེམཏྟཏཱ། སམྨཱསངྐཔྤགོཙརོཏི ཨེཀཏྟཏཱ། ནེཀྑམྨསངྐཔྤོ ཨབྱཱཔཱདསངྐཔྤོ ཨཝིཧིཾསཱསངྐཔྤོ ཨཡཾ ཝེམཏྟཏཱ། སམྨཱདིཊྛིཔུརེཀྑཱརོཏི ཨེཀཏྟཏཱ། སམྨཱདིཊྛི ནཱམ ཡཾ དུཀྑེ ཉཱཎཾ དུཀྑསམུདཡེ ཉཱཎཾ དུཀྑནིརོདྷེ ཉཱཎཾ དུཀྑནིརོདྷགཱམིནིཡཱ པཊིཔདཱཡ ཉཱཎཾ མགྒེ ཉཱཎཾ ཧེཏུམྷི ཉཱཎཾ ཧེཏུསམུཔྤནྣེསུ དྷམྨེསུ ཉཱཎཾ པཙྩཡེ ཉཱཎཾ པཙྩཡསམུཔྤནྣེསུ དྷམྨེསུ ཉཱཎཾ, ཡཾ ཏཏྠ ཏཏྠ ཡཐཱབྷཱུཏཾ ཉཱཎདསྶནཾ ཨབྷིསམཡོ སམྤཊིཝེདྷོ སཙྩཱགམནཾ, ཨཡཾ ཝེམཏྟཏཱ། ཉཏྭཱན ཨུདཡབྦཡནྟི ཨེཀཏྟཏཱ, ཨུདཡེན ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཨེཝཾ སབྦཾ སམུདཡོ བྷཝཏི། ཝཡེན ཨཝིཛྫཱནིརོདྷཱ སངྑཱརནིརོདྷོ, ཨེཝཾ སབྦཾ ནིརོདྷོ ཧོཏི, ཨཡཾ ཝེམཏྟཏཱ། ཐིནམིདྡྷཱབྷིབྷཱུ བྷིཀྑཱུཏི ཨེཀཏྟཏཱ, ཐིནཾ ནཱམ ཡཱ ཙིཏྟསྶ ཨཀལླཏཱ ཨཀམྨནིཡཏཱ, མིདྡྷཾ ནཱམ ཡཾ ཀཱཡསྶ ལཱིནཏྟཾ, ཨཡཾ ཝེམཏྟཏཱ། སབྦཱ དུགྒཏིཡོ ཛཧེཏི ཨེཀཏྟཏཱ, དེཝམནུསྶེ ཝཱ ཨུཔནིདྷཱཡ ཨཔཱཡཱ དུགྒཏི, ནིབྦཱནཾ ཝཱ ཨུཔནིདྷཱཡ སབྦཱ ཨུཔཔཏྟིཡོ དུགྒཏི, ཨཡཾ ཝེམཏྟཏཱ།
Tasmā rakkhitacittassa, sammāsaṅkappagocaroti gāthā. Tasmā rakkhitacittassāti ekattatā. Cittaṃ mano viññāṇaṃ, ayaṃ vemattatā. Sammāsaṅkappagocaroti ekattatā. Nekkhammasaṅkappo abyāpādasaṅkappo avihiṃsāsaṅkappo ayaṃ vemattatā. Sammādiṭṭhipurekkhāroti ekattatā. Sammādiṭṭhi nāma yaṃ dukkhe ñāṇaṃ dukkhasamudaye ñāṇaṃ dukkhanirodhe ñāṇaṃ dukkhanirodhagāminiyā paṭipadāya ñāṇaṃ magge ñāṇaṃ hetumhi ñāṇaṃ hetusamuppannesu dhammesu ñāṇaṃ paccaye ñāṇaṃ paccayasamuppannesu dhammesu ñāṇaṃ, yaṃ tattha tattha yathābhūtaṃ ñāṇadassanaṃ abhisamayo sampaṭivedho saccāgamanaṃ, ayaṃ vemattatā. Ñatvāna udayabbayanti ekattatā, udayena avijjāpaccayā saṅkhārā, saṅkhārapaccayā viññāṇaṃ, evaṃ sabbaṃ samudayo bhavati. Vayena avijjānirodhā saṅkhāranirodho, evaṃ sabbaṃ nirodho hoti, ayaṃ vemattatā. Thinamiddhābhibhū bhikkhūti ekattatā, thinaṃ nāma yā cittassa akallatā akammaniyatā, middhaṃ nāma yaṃ kāyassa līnattaṃ, ayaṃ vemattatā. Sabbā duggatiyo jaheti ekattatā, devamanusse vā upanidhāya apāyā duggati, nibbānaṃ vā upanidhāya sabbā upapattiyo duggati, ayaṃ vemattatā.
ནིཡུཏྟོ ཨདྷིཊྛཱནོ ཧཱརསམྤཱཏོ།
Niyutto adhiṭṭhāno hārasampāto.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༡༤. ཨདྷིཊྛཱནཧཱརསམྤཱཏཝཎྞནཱ • 14. Adhiṭṭhānahārasampātavaṇṇanā
