| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi |
੧੪. ਅਧਿਟ੍ਠਾਨਹਾਰਸਮ੍ਪਾਤੋ
14. Adhiṭṭhānahārasampāto
੭੬. ਤਤ੍ਥ ਕਤਮੋ ਅਧਿਟ੍ਠਾਨੋ ਹਾਰਸਮ੍ਪਾਤੋ?
76. Tattha katamo adhiṭṭhāno hārasampāto?
ਤਸ੍ਮਾ ਰਕ੍ਖਿਤਚਿਤ੍ਤਸ੍ਸ, ਸਮ੍ਮਾਸਙ੍ਕਪ੍ਪਗੋਚਰੋਤਿ ਗਾਥਾ। ਤਸ੍ਮਾ ਰਕ੍ਖਿਤਚਿਤ੍ਤਸ੍ਸਾਤਿ ਏਕਤ੍ਤਤਾ। ਚਿਤ੍ਤਂ ਮਨੋ વਿਞ੍ਞਾਣਂ, ਅਯਂ વੇਮਤ੍ਤਤਾ। ਸਮ੍ਮਾਸਙ੍ਕਪ੍ਪਗੋਚਰੋਤਿ ਏਕਤ੍ਤਤਾ। ਨੇਕ੍ਖਮ੍ਮਸਙ੍ਕਪ੍ਪੋ ਅਬ੍ਯਾਪਾਦਸਙ੍ਕਪ੍ਪੋ ਅવਿਹਿਂਸਾਸਙ੍ਕਪ੍ਪੋ ਅਯਂ વੇਮਤ੍ਤਤਾ। ਸਮ੍ਮਾਦਿਟ੍ਠਿਪੁਰੇਕ੍ਖਾਰੋਤਿ ਏਕਤ੍ਤਤਾ। ਸਮ੍ਮਾਦਿਟ੍ਠਿ ਨਾਮ ਯਂ ਦੁਕ੍ਖੇ ਞਾਣਂ ਦੁਕ੍ਖਸਮੁਦਯੇ ਞਾਣਂ ਦੁਕ੍ਖਨਿਰੋਧੇ ਞਾਣਂ ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ ਮਗ੍ਗੇ ਞਾਣਂ ਹੇਤੁਮ੍ਹਿ ਞਾਣਂ ਹੇਤੁਸਮੁਪ੍ਪਨ੍ਨੇਸੁ ਧਮ੍ਮੇਸੁ ਞਾਣਂ ਪਚ੍ਚਯੇ ਞਾਣਂ ਪਚ੍ਚਯਸਮੁਪ੍ਪਨ੍ਨੇਸੁ ਧਮ੍ਮੇਸੁ ਞਾਣਂ, ਯਂ ਤਤ੍ਥ ਤਤ੍ਥ ਯਥਾਭੂਤਂ ਞਾਣਦਸ੍ਸਨਂ ਅਭਿਸਮਯੋ ਸਮ੍ਪਟਿવੇਧੋ ਸਚ੍ਚਾਗਮਨਂ, ਅਯਂ વੇਮਤ੍ਤਤਾ। ਞਤ੍વਾਨ ਉਦਯਬ੍ਬਯਨ੍ਤਿ ਏਕਤ੍ਤਤਾ, ਉਦਯੇਨ ਅવਿਜ੍ਜਾਪਚ੍ਚਯਾ ਸਙ੍ਖਾਰਾ, ਸਙ੍ਖਾਰਪਚ੍ਚਯਾ વਿਞ੍ਞਾਣਂ, ਏવਂ ਸਬ੍ਬਂ ਸਮੁਦਯੋ ਭવਤਿ। વਯੇਨ ਅવਿਜ੍ਜਾਨਿਰੋਧਾ ਸਙ੍ਖਾਰਨਿਰੋਧੋ, ਏવਂ ਸਬ੍ਬਂ ਨਿਰੋਧੋ ਹੋਤਿ, ਅਯਂ વੇਮਤ੍ਤਤਾ। ਥਿਨਮਿਦ੍ਧਾਭਿਭੂ ਭਿਕ੍ਖੂਤਿ ਏਕਤ੍ਤਤਾ, ਥਿਨਂ ਨਾਮ ਯਾ ਚਿਤ੍ਤਸ੍ਸ ਅਕਲ੍ਲਤਾ ਅਕਮ੍ਮਨਿਯਤਾ, ਮਿਦ੍ਧਂ ਨਾਮ ਯਂ ਕਾਯਸ੍ਸ ਲੀਨਤ੍ਤਂ, ਅਯਂ વੇਮਤ੍ਤਤਾ। ਸਬ੍ਬਾ ਦੁਗ੍ਗਤਿਯੋ ਜਹੇਤਿ ਏਕਤ੍ਤਤਾ, ਦੇવਮਨੁਸ੍ਸੇ વਾ ਉਪਨਿਧਾਯ ਅਪਾਯਾ ਦੁਗ੍ਗਤਿ, ਨਿਬ੍ਬਾਨਂ વਾ ਉਪਨਿਧਾਯ ਸਬ੍ਬਾ ਉਪਪਤ੍ਤਿਯੋ ਦੁਗ੍ਗਤਿ, ਅਯਂ વੇਮਤ੍ਤਤਾ।
Tasmā rakkhitacittassa, sammāsaṅkappagocaroti gāthā. Tasmā rakkhitacittassāti ekattatā. Cittaṃ mano viññāṇaṃ, ayaṃ vemattatā. Sammāsaṅkappagocaroti ekattatā. Nekkhammasaṅkappo abyāpādasaṅkappo avihiṃsāsaṅkappo ayaṃ vemattatā. Sammādiṭṭhipurekkhāroti ekattatā. Sammādiṭṭhi nāma yaṃ dukkhe ñāṇaṃ dukkhasamudaye ñāṇaṃ dukkhanirodhe ñāṇaṃ dukkhanirodhagāminiyā paṭipadāya ñāṇaṃ magge ñāṇaṃ hetumhi ñāṇaṃ hetusamuppannesu dhammesu ñāṇaṃ paccaye ñāṇaṃ paccayasamuppannesu dhammesu ñāṇaṃ, yaṃ tattha tattha yathābhūtaṃ ñāṇadassanaṃ abhisamayo sampaṭivedho saccāgamanaṃ, ayaṃ vemattatā. Ñatvāna udayabbayanti ekattatā, udayena avijjāpaccayā saṅkhārā, saṅkhārapaccayā viññāṇaṃ, evaṃ sabbaṃ samudayo bhavati. Vayena avijjānirodhā saṅkhāranirodho, evaṃ sabbaṃ nirodho hoti, ayaṃ vemattatā. Thinamiddhābhibhū bhikkhūti ekattatā, thinaṃ nāma yā cittassa akallatā akammaniyatā, middhaṃ nāma yaṃ kāyassa līnattaṃ, ayaṃ vemattatā. Sabbā duggatiyo jaheti ekattatā, devamanusse vā upanidhāya apāyā duggati, nibbānaṃ vā upanidhāya sabbā upapattiyo duggati, ayaṃ vemattatā.
ਨਿਯੁਤ੍ਤੋ ਅਧਿਟ੍ਠਾਨੋ ਹਾਰਸਮ੍ਪਾਤੋ।
Niyutto adhiṭṭhāno hārasampāto.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ੧੪. ਅਧਿਟ੍ਠਾਨਹਾਰਸਮ੍ਪਾਤવਣ੍ਣਨਾ • 14. Adhiṭṭhānahārasampātavaṇṇanā
