| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
14. ад̇хидтаанахааравибхан̇г̇аван̣н̣анаа
14. Adhiṭṭhānahāravibhaṅgavaṇṇanā
46. д̇ад̇т̇а гад̇амо ад̇хидтаано хаарод̇и ад̇хидтаанахааравибхан̇г̇о. д̇ад̇т̇а д̇ат̇аа д̇хаараяид̇аб̣б̣аад̇и згад̇д̇авзмад̇д̇ад̇аасан̇каад̇асааман̃н̃ависзсамад̇д̇ад̇о д̇хаараяид̇аб̣б̣аа, на бана д̇ад̇т̇а гин̃жи вигаббзд̇аб̣б̣аад̇и ад̇хиббааяо. авигаббзд̇аб̣б̣ад̇ааяа гааран̣ам̣ нид̣̇д̣̇зсаваараван̣н̣анааяам̣ вуд̇д̇амзва. д̇ам̣ д̇ам̣ палам̣ маг̇г̇ад̇и г̇авзсад̇ийд̇и маг̇г̇о, д̇ад̣̇ад̇т̇игзхи маг̇г̇ийяад̇и г̇авзсийяад̇ийд̇и ваа маг̇г̇о. нирад̇ияадтзна нирассаад̣̇адтзна жа нираяо. уд̣̇д̇хам̣ ануг̇анд̇ваа д̇ирияам̣ ан̃жид̇аад̇и д̇иражчаанаа. д̇иражчаанаава д̇иражчаанаяони. бзд̇ад̇ааяа бзд̇д̇и, ид̇о бзжжа г̇ад̇абхаавод̇и ад̇т̇о. бзд̇д̇и зва бзд̇д̇ивисаяо. на суранд̇и на бхаасанд̇и на д̣̇иб̣б̣анд̇ийд̇и асураа. асураа зва асураяони. д̣̇иб̣б̣зхи руубаад̣̇ийхи судту аг̇г̇аад̇и саг̇г̇аа. манасса уссаннад̇ааяа мануссаа. ваанам̣ вужжад̇и д̇ан̣хаа, д̇ам̣ д̇ад̇т̇а над̇т̇ийд̇и ниб̣б̣аанам̣. нираяам̣ г̇ажчад̇ийд̇и нираяаг̇аамий. сзсабад̣̇зсуби зсзва наяо. асураяонияод̇и асураяонияаа хид̇о, асураж̇аад̇иниб̣б̣ад̇д̇анагод̇и ад̇т̇о. саг̇г̇ам̣ г̇амзд̇ийд̇и саг̇г̇аг̇аамияо. мануссаг̇аамийд̇и мануссалогаг̇аамий. бадисан̇каанирод̇ход̇и бадисан̇кааяа бадибагкабхааванааяа нирод̇хо, бадибагкз ваа д̇ат̇аа аббавад̇д̇з уббаж̇ж̇анаарахасса бадибагкавуд̇д̇ияаа ануббаад̣̇о. аббадисан̇каанирод̇ход̇и сан̇кад̇ад̇хаммаанам̣ сарасанирод̇хо, кан̣иганирод̇ход̇и ад̇т̇о.
46.Tatthakatamo adhiṭṭhāno hāroti adhiṭṭhānahāravibhaṅgo. Tattha tathā dhārayitabbāti ekattavemattatāsaṅkhātasāmaññavisesamattato dhārayitabbā, na pana tattha kiñci vikappetabbāti adhippāyo. Avikappetabbatāya kāraṇaṃ niddesavāravaṇṇanāyaṃ vuttameva. Taṃ taṃ phalaṃ maggati gavesatīti maggo, tadatthikehi maggīyati gavesīyatīti vā maggo. Niratiyaṭṭhena nirassādaṭṭhena ca nirayo. Uddhaṃ anugantvā tiriyaṃ añcitāti tiracchānā. Tiracchānāva tiracchānayoni. Petatāya petti, ito pecca gatabhāvoti attho. Petti eva pettivisayo. Na suranti na bhāsanti na dibbantīti asurā. Asurā eva asurayoni. Dibbehi rūpādīhi suṭṭhu aggāti saggā. Manassa ussannatāya manussā. Vānaṃ vuccati taṇhā, taṃ tattha natthīti nibbānaṃ. Nirayaṃ gacchatīti nirayagāmī. Sesapadesupi eseva nayo. Asurayoniyoti asurayoniyā hito, asurajātinibbattanakoti attho. Saggaṃ gametīti saggagāmiyo. Manussagāmīti manussalokagāmī. Paṭisaṅkhānirodhoti paṭisaṅkhāya paṭipakkhabhāvanāya nirodho, paṭipakkhe vā tathā appavatte uppajjanārahassa paṭipakkhavuttiyā anuppādo. Appaṭisaṅkhānirodhoti saṅkhatadhammānaṃ sarasanirodho, khaṇikanirodhoti attho.
47. руубанд̇и згад̇д̇ад̇аа. бхууд̇аанам̣ убаад̣̇ааяаад̇и взмад̇д̇ад̇аа. убаад̣̇ааруубанд̇и згад̇д̇ад̇аа. жагкааяад̇анам̣…бз… габ̣ал̣ийгааро аахаарод̇и взмад̇д̇ад̇аа. д̇ат̇аа бхууд̇аруубанд̇и згад̇д̇ад̇аа. бат̇авийд̇хаад̇у …бз… вааяод̇хаад̇ууд̇и взмад̇д̇ад̇аа. бат̇авийд̇хаад̇ууд̇и згад̇д̇ад̇аа. вийсад̇и аагаараа взмад̇д̇ад̇аа. аабод̇хаад̇ууд̇и згад̇д̇ад̇аа. д̣̇ваад̣̇аса аагаараа взмад̇д̇ад̇аа. д̇зж̇од̇хаад̇ууд̇и згад̇д̇ад̇аа. жад̇д̇ааро аагаараа взмад̇д̇ад̇аа. вааяод̇хаад̇ууд̇и згад̇д̇ад̇аа. ча аагаараа взмад̇д̇ад̇аад̇и имамад̇т̇ам̣ д̣̇ассзнд̇о ‘‘д̣̇вийхи аагаарзхи д̇хаад̇уяо бариг̇г̇ан̣хаад̇ий’’д̇иаад̣̇имааха.
47. Rūpanti ekattatā. Bhūtānaṃ upādāyāti vemattatā. Upādārūpanti ekattatā. Cakkhāyatanaṃ…pe… kabaḷīkāro āhāroti vemattatā. Tathā bhūtarūpanti ekattatā. Pathavīdhātu …pe… vāyodhātūti vemattatā. Pathavīdhātūti ekattatā. Vīsati ākārā vemattatā. Āpodhātūti ekattatā. Dvādasa ākārā vemattatā. Tejodhātūti ekattatā. Cattāro ākārā vemattatā. Vāyodhātūti ekattatā. Cha ākārā vemattatāti imamatthaṃ dassento ‘‘dvīhi ākārehi dhātuyo pariggaṇhātī’’tiādimāha.
д̇ад̇т̇а гзсаад̇и гзсаа наама убаад̣̇иннагасарийрадтагаа гагкал̣алагкан̣аа имасмим̣ сарийрз баадиязгго бат̇авийд̇хаад̇угодтаасо. ломаа наама…бз… мад̇т̇алун̇г̇ам̣ наама сарийрадтагам̣ гагкал̣алагкан̣ам̣ имасмим̣ сарийрз баадиязгго годтаасод̇и аяам̣ взмад̇д̇ад̇аа. аабод̇хаад̇ууд̇иаад̣̇игодтаасзсу бид̇д̇аад̣̇ийсу зсзва наяо. аяам̣ бана висзсо – язна жаад̇и язна д̇зж̇од̇хаад̇унаа губид̇зна. санд̇аббад̇ийд̇и аяам̣ гааяо санд̇аббад̇и згаахигаж̇араад̣̇ибхаавзна усумаж̇аад̇о ход̇и. язна жа ж̇ийрийяад̇ийд̇и язна аяам̣ гааяо ж̇арийяад̇и. инд̣̇рияавзгаллад̇ам̣ б̣алагкаяам̣ валид̇д̇ажабалид̇аад̣̇ин̃жа баабун̣аад̇и. язна жа барид̣аяхад̇ийд̇и язна губид̇зна аяам̣ гааяо д̣аяхад̇и, со жа буг̇г̇ало ‘‘д̣аяхаами д̣аяхаамий’’д̇и ганд̣̇анд̇о сад̇ад̇ход̇асаббиг̇осийд̇ажанд̣̇анаад̣̇илзбанам̣ д̇аалаван̣даваад̇ан̃жа бажжаасийсад̇и. язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇ийд̇и асид̇ам̣ ваа од̣̇анаад̣̇и, бийд̇ам̣ ваа баанагаад̣̇и, кааяид̇ам̣ ваа бидтакаж̇ж̇агаад̣̇и, сааяид̇ам̣ ваа амб̣абаггамад̇хупаан̣ид̇аад̣̇и саммаа барибаагам̣ г̇ажчад̇и, расаад̣̇ибхаавзна вивзгам̣ г̇ажчад̇ийд̇и ад̇т̇о. зд̇т̇а жа буримаа д̇аяо д̇зж̇од̇хаад̇уу жад̇усамудтаанаа. бажчимо гаммасамудтаанова.
Tattha kesāti kesā nāma upādinnakasarīraṭṭhakā kakkhaḷalakkhaṇā imasmiṃ sarīre pāṭiyekko pathavīdhātukoṭṭhāso. Lomā nāma…pe… matthaluṅgaṃ nāma sarīraṭṭhakaṃ kakkhaḷalakkhaṇaṃ imasmiṃ sarīre pāṭiyekko koṭṭhāsoti ayaṃ vemattatā. Āpodhātūtiādikoṭṭhāsesu pittādīsu eseva nayo. Ayaṃ pana viseso – yena cāti yena tejodhātunā kupitena. Santappatīti ayaṃ kāyo santappati ekāhikajarādibhāvena usumajāto hoti. Yena ca jīrīyatīti yena ayaṃ kāyo jarīyati. Indriyavekallataṃ balakkhayaṃ valittacapalitādiñca pāpuṇāti. Yena ca pariḍayhatīti yena kupitena ayaṃ kāyo ḍayhati, so ca puggalo ‘‘ḍayhāmi ḍayhāmī’’ti kandanto satadhotasappigosītacandanādilepanaṃ tālavaṇṭavātañca paccāsīsati. Yena ca asitapītakhāyitasāyitaṃ sammā pariṇāmaṃ gacchatīti asitaṃ vā odanādi, pītaṃ vā pānakādi, khāyitaṃ vā piṭṭhakhajjakādi, sāyitaṃ vā ambapakkamadhuphāṇitādi sammā paripākaṃ gacchati, rasādibhāvena vivekaṃ gacchatīti attho. Ettha ca purimā tayo tejodhātū catusamuṭṭhānā. Pacchimo kammasamuṭṭhānova.
уд̣̇д̇хан̇г̇амаа ваад̇аад̇и уг̇г̇аарахиггаараад̣̇ибавад̇д̇агаа уд̣̇д̇хам̣ аароханаваад̇аа. ад̇хог̇амаа ваад̇аад̇и ужжаарабассааваад̣̇инийхаран̣агаа ад̇хо ороханаваад̇аа. гужчисаяаа ваад̇аад̇и анд̇аанам̣ б̣ахиваад̇аа. годтаасаяаа ваад̇аад̇и анд̇аанам̣ анд̇оваад̇аа. ан̇г̇аман̇г̇аанусаарино ваад̇аад̇и д̇хаманиж̇аалаанусаарзна сагаласарийрз ан̇г̇аман̇г̇аани анусадаа самин̃ж̇анабасааран̣аад̣̇иниб̣б̣ад̇д̇агаа ваад̇аа. ассаасод̇и анд̇обависананаасигаваад̇о. бассаасод̇и б̣ахинигкамананаасигаваад̇о. зд̇т̇а жа буримаа саб̣б̣з жад̇усамудтаанаа. ассаасабассаасаа жид̇д̇асамудтаанаа зва. звам̣ взмад̇д̇ад̇аад̣̇ассанавасзна вибхааг̇зна уд̣̇аахадаа жад̇ассо д̇хаад̇уяо бадиггууламанасигааравасзна убасам̣харанд̇о ‘‘имзхи д̣̇ваажад̇д̇аалийсааяа аагаарзхий’’д̇иаад̣̇имааха. д̇ад̇т̇а на г̇аяхуубаг̇анд̇и на г̇ахан̣аяог̇г̇ам̣. сабхаавабхаавад̇од̇и сабхаавалагкан̣ад̇о.
Uddhaṅgamā vātāti uggārahikkārādipavattakā uddhaṃ ārohanavātā. Adhogamā vātāti uccārapassāvādinīharaṇakā adho orohanavātā. Kucchisayā vātāti antānaṃ bahivātā. Koṭṭhāsayā vātāti antānaṃ antovātā. Aṅgamaṅgānusārino vātāti dhamanijālānusārena sakalasarīre aṅgamaṅgāni anusaṭā samiñjanapasāraṇādinibbattakā vātā. Assāsoti antopavisananāsikavāto. Passāsoti bahinikkhamananāsikavāto. Ettha ca purimā sabbe catusamuṭṭhānā. Assāsapassāsā cittasamuṭṭhānā eva. Evaṃ vemattatādassanavasena vibhāgena udāhaṭā catasso dhātuyo paṭikkūlamanasikāravasena upasaṃharanto ‘‘imehi dvācattālīsāya ākārehī’’tiādimāha. Tattha na gayhūpaganti na gahaṇayoggaṃ. Sabhāvabhāvatoti sabhāvalakkhaṇato.
звам̣ бадиггууламанасигаарам̣ д̣̇ассзд̇ваа буна д̇ад̇т̇а саммасанажаарам̣ баал̣ивасзнзва д̣̇ассзд̇ум̣ ‘‘д̇знааха бхаг̇аваа яаа жзва ко банаа’’д̇иаад̣̇имааха. д̇ам̣ саб̣б̣ам̣ сувин̃н̃зяяам̣.
Evaṃ paṭikkūlamanasikāraṃ dassetvā puna tattha sammasanacāraṃ pāḷivaseneva dassetuṃ ‘‘tenāha bhagavā yā ceva kho panā’’tiādimāha. Taṃ sabbaṃ suviññeyyaṃ.
48. звам̣ сажжамаг̇г̇аруубад̇хаммавасзна ад̇хидтаанахаарам̣ д̣̇ассзд̇ваа ид̣̇аани авиж̇ж̇аавиж̇ж̇аад̣̇ийнамби васзна д̇ам̣ д̣̇ассзд̇ум̣ ‘‘авиж̇ж̇аад̇и згад̇д̇ад̇аа’’д̇иаад̣̇и вуд̇д̇ам̣. д̇ад̇т̇а ‘‘д̣̇угкз ан̃н̃аан̣а’’нд̇иаад̣̇ийсу яасмаа авиж̇ж̇аа д̣̇угкасажжасса яаат̇аавасарасалагкан̣ам̣ ж̇аанид̇ум̣ бадивиж̇жхид̇ум̣ на д̣̇зд̇и чаад̣̇зд̇ваа барияонанд̇хид̇ваа д̇идтад̇и, д̇асмаа ‘‘д̣̇угкз ан̃н̃аан̣а’’нд̇и вужжад̇и. д̇ат̇аа яасмаа д̣̇угкасамуд̣̇аяасса д̣̇угканирод̇хасса д̣̇угканирод̇хаг̇ааминияаа бадибад̣̇ааяа яаат̇аавасарасалагкан̣ам̣ ж̇аанид̇ум̣ бадивиж̇жхид̇ум̣ на д̣̇зд̇и чаад̣̇зд̇ваа барияонанд̇хид̇ваа д̇идтад̇и, д̇асмаа ‘‘д̣̇угканирод̇хаг̇ааминияаа бадибад̣̇ааяа ан̃н̃аан̣а’’нд̇и вужжад̇и. буб̣б̣анд̇о ад̇ийд̇ад̣̇д̇хабхууд̇аа канд̇хааяад̇анад̇хаад̇уяо. абаранд̇о анааг̇ад̇ад̣̇д̇хабхууд̇аа. буб̣б̣анд̇аабаранд̇о д̇ад̣̇убхаяам̣. ид̣̇аббажжаяад̇аа сан̇каараад̣̇ийнам̣ гааран̣аани авиж̇ж̇аад̣̇ийни. бадижжасамуббаннаа д̇хаммаа авиж̇ж̇аад̣̇ийхи ниб̣б̣ад̇д̇аа сан̇каараад̣̇ид̇хаммаа.
48. Evaṃ saccamaggarūpadhammavasena adhiṭṭhānahāraṃ dassetvā idāni avijjāvijjādīnampi vasena taṃ dassetuṃ ‘‘avijjāti ekattatā’’tiādi vuttaṃ. Tattha ‘‘dukkhe aññāṇa’’ntiādīsu yasmā avijjā dukkhasaccassa yāthāvasarasalakkhaṇaṃ jānituṃ paṭivijjhituṃ na deti chādetvā pariyonandhitvā tiṭṭhati, tasmā ‘‘dukkhe aññāṇa’’nti vuccati. Tathā yasmā dukkhasamudayassa dukkhanirodhassa dukkhanirodhagāminiyā paṭipadāya yāthāvasarasalakkhaṇaṃ jānituṃ paṭivijjhituṃ na deti chādetvā pariyonandhitvā tiṭṭhati, tasmā ‘‘dukkhanirodhagāminiyā paṭipadāya aññāṇa’’nti vuccati. Pubbanto atītaddhabhūtā khandhāyatanadhātuyo. Aparanto anāgataddhabhūtā. Pubbantāparanto tadubhayaṃ. Idappaccayatā saṅkhārādīnaṃ kāraṇāni avijjādīni. Paṭiccasamuppannā dhammā avijjādīhi nibbattā saṅkhārādidhammā.
д̇ад̇т̇ааяам̣ авиж̇ж̇аа яасмаа ад̇ийд̇аанам̣ канд̇хаад̣̇ийнам̣ яаава бадижжасамуббаннаанам̣ д̇хаммаанам̣ яаат̇аавасарасалагкан̣ам̣ ж̇аанид̇ум̣ бадивиж̇жхид̇ум̣ на д̣̇зд̇и чаад̣̇зд̇ваа барияонанд̇хид̇ваа д̇идтад̇и, д̇асмаа ‘‘буб̣б̣анд̇з ан̃н̃аан̣ам̣ яаава бадижжасамуббаннзсу д̇хаммзсу ан̃н̃аан̣а’’нд̇и вужжад̇и, звааяам̣ авиж̇ж̇аа гижжад̇о ж̇аад̇ид̇оби гат̇ид̇аа. аяан̃хи имаани адта таанаани ж̇аанид̇ум̣ бадивиж̇жхид̇ум̣ на д̣̇зд̇ийд̇и гижжад̇о гат̇ид̇аа. уббаж̇ж̇амаанааби имзсу адтасу таанзсу уббаж̇ж̇ад̇ийд̇и ж̇аад̇ид̇о гат̇ид̇аа. звам̣ гижжад̇о ж̇аад̇ид̇о жа гат̇ид̇ааби лагкан̣ад̇о гат̇ид̇з зва сугат̇ид̇аа ход̇ийд̇и лагкан̣ад̇о д̣̇ассзд̇ум̣ ‘‘ан̃н̃аан̣а’’нд̇иаад̣̇и вуд̇д̇ам̣.
Tatthāyaṃ avijjā yasmā atītānaṃ khandhādīnaṃ yāva paṭiccasamuppannānaṃ dhammānaṃ yāthāvasarasalakkhaṇaṃ jānituṃ paṭivijjhituṃ na deti chādetvā pariyonandhitvā tiṭṭhati, tasmā ‘‘pubbante aññāṇaṃ yāva paṭiccasamuppannesu dhammesu aññāṇa’’nti vuccati, evāyaṃ avijjā kiccato jātitopi kathitā. Ayañhi imāni aṭṭha ṭhānāni jānituṃ paṭivijjhituṃ na detīti kiccato kathitā. Uppajjamānāpi imesu aṭṭhasu ṭhānesu uppajjatīti jātito kathitā. Evaṃ kiccato jātito ca kathitāpi lakkhaṇato kathite eva sukathitā hotīti lakkhaṇato dassetuṃ ‘‘aññāṇa’’ntiādi vuttaṃ.
д̇ад̇т̇а н̃аан̣ам̣ ад̇т̇аанад̇т̇ам̣ гааран̣аагааран̣ам̣ жад̇усажжад̇хаммам̣ вид̣̇ид̇ам̣ баагадам̣ гарод̇и. аяам̣ бана авиж̇ж̇аа уббаж̇ж̇ид̇ваа д̇ам̣ вид̣̇ид̇ам̣ баагадам̣ гаад̇ум̣ на д̣̇зд̇ийд̇и н̃аан̣абажжанийгад̇о ан̃н̃аан̣ам̣. д̣̇ассананд̇иби бан̃н̃аа, саа хи д̇ам̣ аагаарам̣ бассад̇и. авиж̇ж̇аа бана уббаж̇ж̇ид̇ваа бассид̇ум̣ на д̣̇зд̇ийд̇и ад̣̇ассанам̣. абхисамаяод̇иби бан̃н̃аа, саа д̇ам̣ аагаарам̣ абхисамзд̇и. авиж̇ж̇аа бана уббаж̇ж̇ид̇ваа д̇ам̣ абхисамзд̇ум̣ на д̣̇зд̇ийд̇и анабхисамаяо. ануб̣од̇хо самб̣од̇хо бадивзд̇ход̇иби бан̃н̃аа, саа д̇ам̣ аагаарам̣ ануб̣уж̇жхад̇и самб̣уж̇жхад̇и бадивиж̇жхад̇и. авиж̇ж̇аа бана уббаж̇ж̇ид̇ваа д̇ам̣ ануб̣уж̇жхид̇ум̣ самб̣уж̇жхид̇ум̣ бадивиж̇жхид̇ум̣ на д̣̇зд̇ийд̇и анануб̣од̇хо асамб̣од̇хо аббадивзд̇хо. д̇ат̇аа саллагкан̣ам̣ убалагкан̣ам̣ бажжубалагкан̣ам̣ самабзгкан̣анд̇иби бан̃н̃аа, саа д̇ам̣ аагаарам̣ саллагкад̇и убалагкад̇и бажжубалагкад̇и самам̣ саммаа жа абзгкад̇и. авиж̇ж̇аа бана уббаж̇ж̇ид̇ваа д̇асса д̇ат̇аа гаад̇ум̣ на д̣̇зд̇ийд̇и асаллагкан̣ам̣ анубалагкан̣ам̣ абажжубалагкан̣ам̣ асамабзгкан̣анд̇и жа вужжад̇и.
Tattha ñāṇaṃ atthānatthaṃ kāraṇākāraṇaṃ catusaccadhammaṃ viditaṃ pākaṭaṃ karoti. Ayaṃ pana avijjā uppajjitvā taṃ viditaṃ pākaṭaṃ kātuṃ na detīti ñāṇapaccanīkato aññāṇaṃ. Dassanantipi paññā, sā hi taṃ ākāraṃ passati. Avijjā pana uppajjitvā passituṃ na detīti adassanaṃ. Abhisamayotipi paññā, sā taṃ ākāraṃ abhisameti. Avijjā pana uppajjitvā taṃ abhisametuṃ na detīti anabhisamayo. Anubodho sambodho paṭivedhotipi paññā, sā taṃ ākāraṃ anubujjhati sambujjhati paṭivijjhati. Avijjā pana uppajjitvā taṃ anubujjhituṃ sambujjhituṃ paṭivijjhituṃ na detīti ananubodho asambodho appaṭivedho. Tathā sallakkhaṇaṃ upalakkhaṇaṃ paccupalakkhaṇaṃ samapekkhaṇantipi paññā, sā taṃ ākāraṃ sallakkhati upalakkhati paccupalakkhati samaṃ sammā ca apekkhati. Avijjā pana uppajjitvā tassa tathā kātuṃ na detīti asallakkhaṇaṃ anupalakkhaṇaṃ apaccupalakkhaṇaṃ asamapekkhaṇanti ca vuccati.
наасса гин̃жи бажжагкагаммам̣ ад̇т̇и, саяан̃жа аббажжавзгкид̇ваа гад̇агамманд̇и аббажжагкагаммам̣. д̣̇уммзд̇хаанам̣ бхааво д̣̇уммзж̇жхам̣. б̣аалаанам̣ бхааво б̣ааляам̣. самбаж̇ан̃н̃анд̇и бан̃н̃аа, саа ад̇т̇аанад̇т̇ам̣ гааран̣аагааран̣ам̣ жад̇усажжад̇хаммам̣ самбаж̇аанаад̇и. авиж̇ж̇аа бана уббаж̇ж̇ид̇ваа д̇ам̣ гааран̣ам̣ баж̇аанид̇ум̣ на д̣̇зд̇ийд̇и асамбаж̇ан̃н̃ам̣. моханавасзна мохо. бамоханавасзна бамохо. саммоханавасзна саммохо. авинд̣̇ияам̣ винд̣̇ад̇и, винд̣̇ияам̣ на винд̣̇ад̇ийд̇и авиж̇ж̇аа. ваддасмим̣ оханад̇и од̇арад̇ийд̇и авиж̇ж̇огхо. ваддасмим̣ яож̇зд̇ийд̇и авиж̇ж̇ааяог̇о. аббахийнадтзна жзва бунаббунам̣ уббаж̇ж̇анад̇о жа авиж̇ж̇аанусаяо. маг̇г̇з барияудтид̇ажораа вияа ад̣̇д̇хигз гусалажид̇д̇ам̣ барияудтаад̇и вилуббад̇ийд̇и авиж̇ж̇аабарияудтаанам̣. яат̇аа наг̇арад̣̇ваарз балигхасан̇каад̇ааяа лан̇г̇ияаа бад̇ид̇ааяа мануссаанам̣ наг̇араббавзсо бажчиж̇ж̇ад̇и, звамзва яасса саггааяанаг̇арз аяам̣ бад̇ид̇аа, д̇асса ниб̣б̣аанасамбаабагам̣ н̃аан̣аг̇аманам̣ бажчиж̇ж̇ад̇ийд̇и авиж̇ж̇аалан̇г̇ий наама ход̇и. агусалан̃жа д̇ам̣ муулан̃жа, агусалаанам̣ ваа мууланд̇и агусаламуулам̣. д̇ам̣ бана на ан̃н̃ам̣, ид̇хаад̇хиббзд̇о моход̇и мохо агусаламууланд̇и аяам̣ згабад̣̇иго авиж̇ж̇ааяа ад̇т̇уд̣̇д̇хааро. аяам̣ взмад̇д̇ад̇аад̇и аяам̣ авиж̇ж̇ааяа взмад̇д̇ад̇аа.
Nāssa kiñci paccakkhakammaṃ atthi, sayañca appaccavekkhitvā katakammanti appaccakkhakammaṃ. Dummedhānaṃ bhāvo dummejjhaṃ. Bālānaṃ bhāvo bālyaṃ. Sampajaññanti paññā, sā atthānatthaṃ kāraṇākāraṇaṃ catusaccadhammaṃ sampajānāti. Avijjā pana uppajjitvā taṃ kāraṇaṃ pajānituṃ na detīti asampajaññaṃ. Mohanavasena moho. Pamohanavasena pamoho. Sammohanavasena sammoho. Avindiyaṃ vindati, vindiyaṃ na vindatīti avijjā. Vaṭṭasmiṃ ohanati otaratīti avijjogho. Vaṭṭasmiṃ yojetīti avijjāyogo. Appahīnaṭṭhena ceva punappunaṃ uppajjanato ca avijjānusayo. Magge pariyuṭṭhitacorā viya addhike kusalacittaṃ pariyuṭṭhāti viluppatīti avijjāpariyuṭṭhānaṃ. Yathā nagaradvāre palighasaṅkhātāya laṅgiyā patitāya manussānaṃ nagarappaveso pacchijjati, evameva yassa sakkāyanagare ayaṃ patitā, tassa nibbānasampāpakaṃ ñāṇagamanaṃ pacchijjatīti avijjālaṅgī nāma hoti. Akusalañca taṃ mūlañca, akusalānaṃ vā mūlanti akusalamūlaṃ. Taṃ pana na aññaṃ, idhādhippeto mohoti moho akusalamūlanti ayaṃ ekapadiko avijjāya atthuddhāro. Ayaṃ vemattatāti ayaṃ avijjāya vemattatā.
виж̇ж̇аад̇и винд̣̇ияам̣ винд̣̇ад̇ийд̇и виж̇ж̇аа, виж̇жханадтзна виж̇ж̇аа, вид̣̇ид̇агаран̣адтзна виж̇ж̇аа. ‘‘д̣̇угкз н̃аан̣а’’нд̇иаад̣̇ийсу д̣̇угкасажжасса яаат̇аавасарасалагкан̣ам̣ ж̇аанаад̇и бассад̇и бадивиж̇жхад̇ийд̇и д̣̇угкз арияасажжз висаяабхууд̇з н̃аан̣ам̣ ‘‘д̣̇угкз н̃аан̣а’’нд̇и вуд̇д̇ам̣. зса наяо сзсзсуби. бан̃н̃аад̇и д̇асса д̇асса ад̇т̇асса баагадагаран̣асан̇каад̇зна бан̃н̃аабанадтзна бан̃н̃аа, д̇зна д̇зна ваа анижжаад̣̇инаа багаарзна д̇хаммз ж̇аанаад̇ийд̇и бан̃н̃аа. баж̇аананаагааро баж̇аананаа. анижжаад̣̇ийни вижинад̇ийд̇и вижаяо. багаарзхи вижинад̇ийд̇и бавижаяо. жад̇усажжад̇хаммз вижинад̇ийд̇и д̇хаммавижаяо. анижжаад̣̇ийнам̣ саллагкан̣авасзна саллагкан̣аа. д̇зсам̣язва бад̇и бад̇и убалагкан̣авасзна бажжубалагкан̣аа. бан̣д̣ид̇абхааво бан̣д̣ижжам̣. гусалабхааво госаллам̣. нибун̣абхааво нзбун̃н̃ам̣. анижжаад̣̇ийнам̣ вибхааванавасзна взбхаб̣яаа. д̇зсам̣язва жинд̇анавасзна жинд̇аа. анижжаад̣̇ийни убабаригкад̇ийд̇и убабаригкаа. бхуурийд̇и бат̇авияаа наамам̣, аяамби сан̣хадтзна вид̇т̇ад̇адтзна жа бхуурий вияаад̇и бхуурий. д̇зна вуд̇д̇ам̣ – ‘‘бхуурий вужжад̇и бат̇авий, д̇ааяа бат̇ависамааяа вид̇т̇ад̇ааяа бан̃н̃ааяа саманнааг̇ад̇од̇и бхуурибан̃н̃о’’д̇и (махаани. 27). аби жа бхуурийд̇и бан̃н̃ааязвзд̇ам̣ ад̇хиважанам̣. бхууд̇з ад̇т̇з рамад̇ийд̇и бхуурий.
Vijjāti vindiyaṃ vindatīti vijjā, vijjhanaṭṭhena vijjā, viditakaraṇaṭṭhena vijjā. ‘‘Dukkhe ñāṇa’’ntiādīsu dukkhasaccassa yāthāvasarasalakkhaṇaṃ jānāti passati paṭivijjhatīti dukkhe ariyasacce visayabhūte ñāṇaṃ ‘‘dukkhe ñāṇa’’nti vuttaṃ. Esa nayo sesesupi. Paññāti tassa tassa atthassa pākaṭakaraṇasaṅkhātena paññāpanaṭṭhena paññā, tena tena vā aniccādinā pakārena dhamme jānātīti paññā. Pajānanākāro pajānanā. Aniccādīni vicinatīti vicayo. Pakārehi vicinatīti pavicayo. Catusaccadhamme vicinatīti dhammavicayo. Aniccādīnaṃ sallakkhaṇavasena sallakkhaṇā. Tesaṃyeva pati pati upalakkhaṇavasena paccupalakkhaṇā. Paṇḍitabhāvo paṇḍiccaṃ. Kusalabhāvo kosallaṃ. Nipuṇabhāvo nepuññaṃ. Aniccādīnaṃ vibhāvanavasena vebhabyā. Tesaṃyeva cintanavasena cintā. Aniccādīni upaparikkhatīti upaparikkhā. Bhūrīti pathaviyā nāmaṃ, ayampi saṇhaṭṭhena vitthataṭṭhena ca bhūrī viyāti bhūrī. Tena vuttaṃ – ‘‘bhūrī vuccati pathavī, tāya pathavisamāya vitthatāya paññāya samannāgatoti bhūripañño’’ti (mahāni. 27). Api ca bhūrīti paññāyevetaṃ adhivacanaṃ. Bhūte atthe ramatīti bhūrī.
гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа. яассуббаж̇ж̇ад̇и, д̇ам̣ сад̇д̇ам̣ хид̇абадибад̇д̇ияам̣ самбаяуд̇д̇ам̣ ваа яаат̇аавалагкан̣абадивзд̇хз барин̣зд̇ийд̇и барин̣ааяигаа. анижжаад̣̇ивасзна д̇хаммз вибассад̇ийд̇и вибассанаа. саммаа багаарзхи анижжаад̣̇ийни ж̇аанаад̇ийд̇и самбаж̇ан̃н̃ам̣. уббат̇абадибаннз синд̇хавз вийт̇иааробанад̇т̇ам̣ бад̇од̣̇о вияа уббат̇з д̇хааванагуудажид̇д̇ам̣ вийт̇иааробанад̇т̇ам̣ виж̇жхад̇ийд̇и бад̇од̣̇о вияаад̇и бад̇од̣̇о. д̣̇ассаналагкан̣з инд̣̇адтам̣ гаарзд̇ийд̇и инд̣̇рияам̣, бан̃н̃аасан̇каад̇ам̣ инд̣̇рияам̣ бан̃н̃инд̣̇рияам̣. авиж̇ж̇ааяа на гамбад̇ийд̇и бан̃н̃ааб̣алам̣. гилзсажчзд̣̇анадтзна бан̃н̃аава сад̇т̇ам̣ бан̃н̃аасад̇т̇ам̣. ажжуг̇г̇ад̇адтзна бан̃н̃аава баасаад̣̇о бан̃н̃аабаасаад̣̇о. аалоганадтзна бан̃н̃аава аалого бан̃н̃аааалого.
Kilese medhati hiṃsatīti medhā, khippaṃ gahaṇadhāraṇaṭṭhena vā medhā. Yassuppajjati, taṃ sattaṃ hitapaṭipattiyaṃ sampayuttaṃ vā yāthāvalakkhaṇapaṭivedhe pariṇetīti pariṇāyikā. Aniccādivasena dhamme vipassatīti vipassanā. Sammā pakārehi aniccādīni jānātīti sampajaññaṃ. Uppathapaṭipanne sindhave vīthiāropanatthaṃ patodo viya uppathe dhāvanakūṭacittaṃ vīthiāropanatthaṃ vijjhatīti patodo viyāti patodo. Dassanalakkhaṇe indaṭṭhaṃ kāretīti indriyaṃ, paññāsaṅkhātaṃ indriyaṃ paññindriyaṃ. Avijjāya na kampatīti paññābalaṃ. Kilesacchedanaṭṭhena paññāva satthaṃ paññāsatthaṃ. Accuggataṭṭhena paññāva pāsādo paññāpāsādo. Ālokanaṭṭhena paññāva āloko paññāāloko.
обхаасанадтзна бан̃н̃аава обхаасо бан̃н̃ааобхаасо. баж̇ж̇од̇анадтзна бан̃н̃аава баж̇ж̇од̇о бан̃н̃аабаж̇ж̇од̇о. рад̇игаран̣адтзна рад̇ид̣̇ааяагадтзна рад̇иж̇анагадтзна жид̇д̇ийгад̇адтзна д̣̇уллабхабаад̇убхаавадтзна ад̇уладтзна аномасад̇д̇абарибхог̇адтзна жа бан̃н̃аава рад̇анам̣ бан̃н̃аарад̇анам̣. на д̇зна сад̇д̇аа муяханд̇и, саяам̣ ваа аарамман̣з на муяхад̇ийд̇и амохо. д̇хаммавижаяабад̣̇ам̣ вуд̇д̇ад̇т̇амзва. гасмаа банзд̇ам̣ буна вуд̇д̇анд̇и? амохасса мохабадибагкабхаавад̣̇ийбанад̇т̇ам̣. д̇знзд̇ам̣ д̣̇ийбзд̇и – явааяам̣ амохо, со на гзвалам̣ мохад̇о ан̃н̃о д̇хаммо, мохасса бадибагко д̇хаммавижаяасан̇каад̇о амохова ид̇хаад̇хиббзд̇од̇и. саммаад̣̇идтийд̇и яаат̇ааванияяаанигагусалад̣̇идти. д̇хаммавижаяасан̇каад̇о басад̇т̇о сунд̣̇аро ваа б̣ож̇жхан̇г̇од̇и д̇хаммавижаяасамб̣ож̇жхан̇г̇о. маг̇г̇ан̇г̇анд̇и арияамаг̇г̇асса ан̇г̇ам̣ гааран̣анд̇и маг̇г̇ан̇г̇ам̣. арияамаг̇г̇асса анд̇ог̇ад̇хад̇д̇аа маг̇г̇абарияаабаннанд̇и.
Obhāsanaṭṭhena paññāva obhāso paññāobhāso. Pajjotanaṭṭhena paññāva pajjoto paññāpajjoto. Ratikaraṇaṭṭhena ratidāyakaṭṭhena ratijanakaṭṭhena cittīkataṭṭhena dullabhapātubhāvaṭṭhena atulaṭṭhena anomasattaparibhogaṭṭhena ca paññāva ratanaṃ paññāratanaṃ. Na tena sattā muyhanti, sayaṃ vā ārammaṇe na muyhatīti amoho. Dhammavicayapadaṃ vuttatthameva. Kasmā panetaṃ puna vuttanti? Amohassa mohapaṭipakkhabhāvadīpanatthaṃ. Tenetaṃ dīpeti – yvāyaṃ amoho, so na kevalaṃ mohato añño dhammo, mohassa paṭipakkho dhammavicayasaṅkhāto amohova idhādhippetoti. Sammādiṭṭhīti yāthāvaniyyānikakusaladiṭṭhi. Dhammavicayasaṅkhāto pasattho sundaro vā bojjhaṅgoti dhammavicayasambojjhaṅgo. Maggaṅganti ariyamaggassa aṅgaṃ kāraṇanti maggaṅgaṃ. Ariyamaggassa antogadhattā maggapariyāpannanti.
асан̃н̃аасамаабад̇д̇ийд̇и сан̃н̃аавирааг̇абхааванаавасзна бавад̇д̇ид̇аа асан̃н̃абхавуубабад̇д̇иниб̣б̣ад̇д̇анасамаабад̇д̇и. ануббаннз хи б̣уд̣̇д̇хз згажжз д̇ид̇т̇ааяад̇анз баб̣б̣аж̇ид̇ваа вааяогасин̣з баригаммам̣ гад̇ваа жад̇уд̇т̇аж̇жхаанам̣ ниб̣б̣ад̇д̇зд̇ваа жхаанаа вудтааяа сан̃н̃ааяа д̣̇осам̣ бассанд̇и, сан̃н̃ааяа сад̇и хад̇т̇ажчзд̣̇аад̣̇ид̣̇угкан̃жзва саб̣б̣абхаяаани жа хонд̇и, ‘‘алам̣ имааяа сан̃н̃ааяа, сан̃н̃аабхааво санд̇о’’д̇и звам̣ сан̃н̃ааяа д̣̇осам̣ бассид̇ваа сан̃н̃аавирааг̇авасзна жад̇уд̇т̇аж̇жхаанам̣ ниб̣б̣ад̇д̇зд̇ваа абарихийнаж̇жхаанаа гаалам̣ гад̇ваа асан̃н̃ийсу ниб̣б̣ад̇д̇анд̇и. жид̇д̇ам̣ нзсам̣ жуд̇ижид̇д̇анирод̇хзнзва ид̇ха нивад̇д̇ад̇и, руубагканд̇хамад̇д̇амзва д̇ад̇т̇а ниб̣б̣ад̇д̇ад̇и.
Asaññāsamāpattīti saññāvirāgabhāvanāvasena pavattitā asaññabhavūpapattinibbattanasamāpatti. Anuppanne hi buddhe ekacce titthāyatane pabbajitvā vāyokasiṇe parikammaṃ katvā catutthajjhānaṃ nibbattetvā jhānā vuṭṭhāya saññāya dosaṃ passanti, saññāya sati hatthacchedādidukkhañceva sabbabhayāni ca honti, ‘‘alaṃ imāya saññāya, saññābhāvo santo’’ti evaṃ saññāya dosaṃ passitvā saññāvirāgavasena catutthajjhānaṃ nibbattetvā aparihīnajjhānā kālaṃ katvā asaññīsu nibbattanti. Cittaṃ nesaṃ cuticittanirodheneva idha nivattati, rūpakkhandhamattameva tattha nibbattati.
д̇з яат̇аа наама ж̇ияаавзг̇угкид̇д̇о саро яад̇д̇аго ж̇ияаавзг̇о, д̇ад̇д̇агамзва аагаасз г̇ажчад̇и, звамзвам̣ жхаанавзг̇угкид̇д̇аа убабаж̇ж̇ид̇ваа яад̇д̇аго жхаанавзг̇о, д̇ад̇д̇агамзва гаалам̣ д̇идтанд̇и. жхаанавзг̇з бана баригкийн̣з д̇ад̇т̇а руубагканд̇хо анд̇арад̇хааяад̇и, ид̇ха бадисанд̇хисан̃н̃аа уббаж̇ж̇ад̇и, д̇ам̣ санд̇хааяа вуд̇д̇ам̣ – ‘‘асан̃н̃абхавуубабад̇д̇иниб̣б̣ад̇д̇анасамаабад̇д̇ий’’д̇и. вибхууд̇асан̃н̃аасамаабад̇д̇ийд̇и вин̃н̃аан̣ан̃жааяад̇анасамаабад̇д̇и. саа хи батамааруббавин̃н̃аан̣асса батамааруббасан̃н̃ааяаби вибхааванад̇о ‘‘вибхууд̇асан̃н̃аа’’д̇и вужжад̇и. гзжи ‘‘вибхууд̇аруубасан̃н̃аа’’д̇и батанд̇и, д̇зсам̣ мад̇зна вибхууд̇аруубасамаабад̇д̇и наама сзсааруббасамаабад̇д̇ияо. сзсаа самаабад̇д̇ияо сувин̃н̃зяяаава.
Te yathā nāma jiyāvegukkhitto saro yattako jiyāvego, tattakameva ākāse gacchati, evamevaṃ jhānavegukkhittā upapajjitvā yattako jhānavego, tattakameva kālaṃ tiṭṭhanti. Jhānavege pana parikkhīṇe tattha rūpakkhandho antaradhāyati, idha paṭisandhisaññā uppajjati, taṃ sandhāya vuttaṃ – ‘‘asaññabhavūpapattinibbattanasamāpattī’’ti. Vibhūtasaññāsamāpattīti viññāṇañcāyatanasamāpatti. Sā hi paṭhamāruppaviññāṇassa paṭhamāruppasaññāyapi vibhāvanato ‘‘vibhūtasaññā’’ti vuccati. Keci ‘‘vibhūtarūpasaññā’’ti paṭhanti, tesaṃ matena vibhūtarūpasamāpatti nāma sesāruppasamāpattiyo. Sesā samāpattiyo suviññeyyāva.
нзвасзгканаасзгко жхааяийд̇и жхааналаабхий бут̇уж̇ж̇ано. ааж̇аанияо жхааяийд̇и арахаа, саб̣б̣зби ваа арияабуг̇г̇алаа. ассакалун̇го жхааяийд̇и калун̇гассасад̣̇исо жхааяий. д̇ат̇аа хи калун̇го ассо д̣̇амат̇ам̣ на убзд̇и ид̇о жид̇о жа яат̇ааружи д̇хаавад̇и, звамзвам̣ яо бут̇уж̇ж̇ано абхин̃н̃аалаабхий, со абхин̃н̃аа ассаад̣̇зд̇ваа ‘‘аламзд̇д̇аавад̇аа, гад̇амзд̇д̇аавад̇аа’’д̇и уд̇д̇арид̣̇амат̇ааяа абарисагганд̇о абхин̃н̃аажид̇д̇авасзна ид̇о жид̇о жа д̇хаавад̇и бавад̇д̇ад̇и, со ‘‘ассакалун̇го жхааяий’’д̇и вуд̇д̇о. д̣̇идтуд̇д̇аро жхааяийд̇и жхааналаабхий д̣̇идтиг̇ад̇иго. бан̃н̃уд̇д̇аро жхааяийд̇и лагкан̣уубаниж̇жхаанзна жхааяий, саб̣б̣о зва ваа бан̃н̃аад̇хиго жхааяий.
Nevasekkhanāsekkho jhāyīti jhānalābhī puthujjano. Ājāniyo jhāyīti arahā, sabbepi vā ariyapuggalā. Assakhaluṅko jhāyīti khaluṅkassasadiso jhāyī. Tathā hi khaluṅko asso damathaṃ na upeti ito cito ca yathāruci dhāvati, evamevaṃ yo puthujjano abhiññālābhī, so abhiññā assādetvā ‘‘alamettāvatā, katamettāvatā’’ti uttaridamathāya aparisakkanto abhiññācittavasena ito cito ca dhāvati pavattati, so ‘‘assakhaluṅko jhāyī’’ti vutto. Diṭṭhuttaro jhāyīti jhānalābhī diṭṭhigatiko. Paññuttaro jhāyīti lakkhaṇūpanijjhānena jhāyī, sabbo eva vā paññādhiko jhāyī.
саран̣о самаад̇хийд̇и агусалажид̇д̇згаг̇г̇ад̇аа, саб̣б̣оби ваа саасаво самаад̇хи. аран̣о самаад̇хийд̇и саб̣б̣о гусалааб̣яаагад̇о самаад̇хи, логуд̇д̇аро зва ваа. савзро самаад̇хийд̇и бадигхажид̇д̇зсу згаг̇г̇ад̇аа. авзро самаад̇хийд̇и мзд̇д̇аажзд̇овимуд̇д̇и. ананд̇арад̣̇угзби зсзва наяо. саамисо самаад̇хийд̇и логияасамаад̇хи. со хи анад̇игганд̇аваддаамисалогаамисад̇ааяа саамисо. нираамисо самаад̇хийд̇и логуд̇д̇аро самаад̇хи. сасан̇кааро самаад̇хийд̇и д̣̇угкаабадибад̣̇о д̣̇анд̇хаабхин̃н̃о сукаабадибад̣̇о жа д̣̇анд̇хаабхин̃н̃о. со хи сасан̇каарзна саббаяог̇зна жид̇д̇зна бажжанийгад̇хаммз гижчзна гасирзна ниг̇г̇ахзд̇ваа ад̇хиг̇анд̇аб̣б̣о. ид̇аро асан̇кааро самаад̇хи. згам̣сабхаавид̇о самаад̇хийд̇и сугкавибассагасса самаад̇хи. убхаяам̣сабхаавид̇о самаад̇хийд̇и самат̇аяаанигасса самаад̇хи. убхаяад̇о бхаавид̇абхаавано самаад̇хийд̇и гааяасагкино убхад̇обхааг̇авимуд̇д̇асса жа самаад̇хи. со хи убхаяад̇о бхааг̇зхи убхаяад̇о бхаавид̇абхаавано.
Saraṇo samādhīti akusalacittekaggatā, sabbopi vā sāsavo samādhi. Araṇo samādhīti sabbo kusalābyākato samādhi, lokuttaro eva vā. Savero samādhīti paṭighacittesu ekaggatā. Avero samādhīti mettācetovimutti. Anantaradukepi eseva nayo. Sāmiso samādhīti lokiyasamādhi. So hi anatikkantavaṭṭāmisalokāmisatāya sāmiso. Nirāmiso samādhīti lokuttaro samādhi. Sasaṅkhāro samādhīti dukkhāpaṭipado dandhābhiñño sukhāpaṭipado ca dandhābhiñño. So hi sasaṅkhārena sappayogena cittena paccanīkadhamme kicchena kasirena niggahetvā adhigantabbo. Itaro asaṅkhāro samādhi. Ekaṃsabhāvito samādhīti sukkhavipassakassa samādhi. Ubhayaṃsabhāvito samādhīti samathayānikassa samādhi. Ubhayato bhāvitabhāvano samādhīti kāyasakkhino ubhatobhāgavimuttassa ca samādhi. So hi ubhayato bhāgehi ubhayato bhāvitabhāvano.
ааг̇аал̣хабадибад̣̇аад̇и гаамаанам̣ ороханабадибад̇д̇и, гаамасукаануяог̇од̇и ад̇т̇о. ниж̇жхаамабадибад̣̇аад̇и гаамасса ниж̇жхаабанавасзна кзд̣̇анавасзна бавад̇д̇аа бадибад̇д̇и, ад̇д̇агиламат̇аануяог̇од̇и ад̇т̇о. агкамаа бадибад̣̇аад̇иаад̣̇ийсу бад̇хаанагаран̣агаалз сийд̇аад̣̇ийни асаханд̇асса бадибад̣̇аа, д̇аани нагкамад̇ийд̇и агкамаа. саханд̇асса бана д̇аани камад̇ийд̇и камаа. ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.14; 6.58) наязна мижчаавид̇аггз самзд̇ийд̇и самаа. манажчадтаани инд̣̇рияаани д̣̇амзд̇ийд̇и д̣̇амаа бадибад̣̇аа.
Āgāḷhapaṭipadāti kāmānaṃ orohanapaṭipatti, kāmasukhānuyogoti attho. Nijjhāmapaṭipadāti kāmassa nijjhāpanavasena khedanavasena pavattā paṭipatti, attakilamathānuyogoti attho. Akkhamā paṭipadātiādīsu padhānakaraṇakāle sītādīni asahantassa paṭipadā, tāni nakkhamatīti akkhamā. Sahantassa pana tāni khamatīti khamā. ‘‘Uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.14; 6.58) nayena micchāvitakke sametīti samā. Manacchaṭṭhāni indriyāni dametīti damā paṭipadā.
званд̇и иминаа вуд̇д̇анаязна. яо д̇хаммод̇и яо гожи ж̇аад̇иаад̣̇ид̇хаммо. яасса д̇хаммассаад̇и д̇ад̇о ан̃н̃асса ж̇араад̣̇ид̇хаммасса. самаанабхаавод̇и д̣̇угкаад̣̇ибхаавзна самаанабхааво. згад̇д̇ад̇ааяаад̇и самаанад̇ааяа д̣̇угкаад̣̇ибхааваанам̣ згийбхаавзна. згий бхавад̇ийд̇и анзгоби ‘‘д̣̇угка’’нд̇иаад̣̇инаа згасад̣̇д̣̇аабхид̇хзяяад̇ааяа згий бхавад̇и. зд̇зна згад̇д̇ад̇ааяа лагкан̣амааха. язна язна ваа бана вилагкан̣од̇и яо д̇хаммо яасса д̇хаммасса язна язна бхаавзна висад̣̇исо. д̇зна д̇зна взмад̇д̇ам̣ г̇ажчад̇ийд̇и д̇зна д̇зна бхаавзна со д̇хаммо д̇асса д̇хаммасса взмад̇д̇ад̇ам̣ висад̣̇исад̇д̇ам̣ г̇ажчад̇и, д̣̇угкабхаавзна самааноби ж̇аад̇иаад̣̇иго абхиниб̣б̣ад̇д̇иаад̣̇ибхаавзна ж̇араад̣̇игасса висидтад̇ам̣ г̇ажчад̇ийд̇и ад̇т̇о. иминаа взмад̇д̇ад̇ааяа лагкан̣амааха.
Evanti iminā vuttanayena. Yo dhammoti yo koci jātiādidhammo. Yassa dhammassāti tato aññassa jarādidhammassa. Samānabhāvoti dukkhādibhāvena samānabhāvo. Ekattatāyāti samānatāya dukkhādibhāvānaṃ ekībhāvena. Ekī bhavatīti anekopi ‘‘dukkha’’ntiādinā ekasaddābhidheyyatāya ekī bhavati. Etena ekattatāya lakkhaṇamāha. Yena yena vā pana vilakkhaṇoti yo dhammo yassa dhammassa yena yena bhāvena visadiso. Tena tena vemattaṃ gacchatīti tena tena bhāvena so dhammo tassa dhammassa vemattataṃ visadisattaṃ gacchati, dukkhabhāvena samānopi jātiādiko abhinibbattiādibhāvena jarādikassa visiṭṭhataṃ gacchatīti attho. Iminā vemattatāya lakkhaṇamāha.
ид̣̇аани д̇аава згад̇д̇авзмад̇д̇ад̇аависаяз нияож̇зд̇ваа д̣̇ассзд̇ум̣ ‘‘суд̇д̇з ваа взяяаагаран̣з ваа’’д̇иаад̣̇и вуд̇д̇ам̣. д̇ад̇т̇а бужчид̇анд̇и бужчаавасзна д̣̇зсид̇асуд̇д̇авасзна вуд̇д̇ам̣, на бана ад̇хидтаанахаарасса бужчаависаяад̇ааяа. сзсам̣ уд̇д̇аанамзва.
Idāni tāva ekattavemattatāvisaye niyojetvā dassetuṃ ‘‘sutte vā veyyākaraṇe vā’’tiādi vuttaṃ. Tattha pucchitanti pucchāvasena desitasuttavasena vuttaṃ, na pana adhiṭṭhānahārassa pucchāvisayatāya. Sesaṃ uttānameva.
ад̇хидтаанахааравибхан̇г̇аван̣н̣анаа нидтид̇аа.
Adhiṭṭhānahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 14. ад̇хидтаанахааравибхан̇г̇о • 14. Adhiṭṭhānahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 14. ад̇хидтаанахааравибхан̇г̇аван̣н̣анаа • 14. Adhiṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 14. ад̇хидтаанахааравибхан̇г̇авибхааванаа • 14. Adhiṭṭhānahāravibhaṅgavibhāvanā
