| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā |
੧੪. ਅਧਿਟ੍ਠਾਨਹਾਰવਿਭਙ੍ਗવਣ੍ਣਨਾ
14. Adhiṭṭhānahāravibhaṅgavaṇṇanā
੪੬. ਧਾਰਯਿਤਬ੍ਬਾਤਿ ਉਪਧਾਰੇਤਬ੍ਬਾ, ਉਪਲਕ੍ਖਿਤਬ੍ਬਾਤਿ ਅਤ੍ਥੋ। વੁਤ੍ਤਮੇવ ‘‘ਸਾਮਞ੍ਞવਿਸੇਸਕਪ੍ਪਨਾਯ વੋਹਾਰਭਾવੇਨ ਅਨવਟ੍ਠਾਨਤੋ’’ਤਿਆਦਿਨਾ (ਨੇਤ੍ਤਿ॰ ਅਟ੍ਠ॰ ੧੪)।
46.Dhārayitabbāti upadhāretabbā, upalakkhitabbāti attho. Vuttameva ‘‘sāmaññavisesakappanāya vohārabhāvena anavaṭṭhānato’’tiādinā (netti. aṭṭha. 14).
ਤਂ ਤਂ ਫਲਨ੍ਤਿ ਨਿਰਯਾਦਿਂ ਤਂ ਤਂ ਫਲਂ। ਅਞ੍ਚਿਤਾਤਿ ਗਤਾ। ਯੋਨੀਤਿ ਏਕਜਾਤਿ। ਸਮਾਨવਸੇਨ ਮਿਸ੍ਸੀਭવਤਿ ਏਤਾਯਾਤਿ ਹਿ ਯੋਨਿ, ਉਪਪਤ੍ਤਿ। ਪੇਚ੍ਚਾਤਿ ਮਰਿਤ੍વਾ। ਉਸ੍ਸਨ੍ਨਤਾਯਾਤਿ વਿਤਕ੍ਕਬਹੁਲਤਾਯ। ‘‘ਉਸ੍ਸਨ੍ਨਤ੍ਤਾ’’ਤਿਪਿ વਦਨ੍ਤਿ। ਸਸ੍ਸਤਾਦੀਹਿ વਾ ਉਸ੍ਸਨ੍ਨਤ੍ਤਾ। ਅਸੁਰਜਾਤਿਯਾ ਨਿਬ੍ਬਤ੍ਤਾਪਨਕੋ ਅਸੁਰਜਾਤਿਨਿਬ੍ਬਤ੍ਤਨਕੋ।
Taṃ taṃ phalanti nirayādiṃ taṃ taṃ phalaṃ. Añcitāti gatā. Yonīti ekajāti. Samānavasena missībhavati etāyāti hi yoni, upapatti. Peccāti maritvā. Ussannatāyāti vitakkabahulatāya. ‘‘Ussannattā’’tipi vadanti. Sassatādīhi vā ussannattā. Asurajātiyā nibbattāpanako asurajātinibbattanako.
ਸਙ੍ਖਾਤਿ ਪਞ੍ਞਾ। ਪਞ੍ਞਾਪਧਾਨਾ ਚ ਭਾવਨਾਤਿ ਆਹ ‘‘ਪਟਿਸਙ੍ਖਾਯ ਪਟਿਪਕ੍ਖਭਾવਨਾਯਾ’’ਤਿ।
Saṅkhāti paññā. Paññāpadhānā ca bhāvanāti āha ‘‘paṭisaṅkhāya paṭipakkhabhāvanāyā’’ti.
੪੭. ਪਤ੍ਥਟਭਾવੇਨ ਪਥવੀ। ਸਭਾવਧਾਰਣਟ੍ਠੇਨ, ਨਿਸ੍ਸਤ੍ਤਨਿਜ੍ਜੀવਟ੍ਠੇਨ ਚ ਧਾਤੁ। ਆਪੀਯਤਿ, ਅਪ੍ਪਾਯਤੀਤਿ વਾ ਆਪੋ। ਤੇਜਨવਸੇਨ ਤਿਕ੍ਖਤਾવਸੇਨ, ਦਹਨવਸੇਨ વਾ ਤੇਜੋ। વਾਯਨવਸੇਨ વੇਗਗਮਨવਸੇਨ, ਸਮੁਦੀਰਣવਸੇਨ વਾ વਾਯੋ। વੀਸਤਿ ਆਕਾਰਾਤਿ ਕੇਸਾਦਯੋ વੀਸਤਿ ਕੋਟ੍ਠਾਸਾ, ਪਕਾਰਾ વਾ। ਕਕ੍ਖਲ਼ਲਕ੍ਖਣਾਧਿਕਤਾਯ ਕੇਸਾਦੀ ਕਕ੍ਖਲ਼ਲਕ੍ਖਣਾ વੁਤ੍ਤਾ।
47. Patthaṭabhāvena pathavī. Sabhāvadhāraṇaṭṭhena, nissattanijjīvaṭṭhena ca dhātu. Āpīyati, appāyatīti vā āpo. Tejanavasena tikkhatāvasena, dahanavasena vā tejo. Vāyanavasena vegagamanavasena, samudīraṇavasena vā vāyo. Vīsati ākārāti kesādayo vīsati koṭṭhāsā, pakārā vā. Kakkhaḷalakkhaṇādhikatāya kesādī kakkhaḷalakkhaṇā vuttā.
ਪਾਟਿਯੇਕ੍ਕੋ ਪਥવੀਧਾਤੁਕੋਟ੍ਠਾਸੋਤਿ ਪਥવੀਕੋਟ੍ਠਾਸਮਤ੍ਤੋ, ਅਤ੍ਤਸੁਞ੍ਞਧਮ੍ਮਮਤ੍ਤੋਤਿ ਅਤ੍ਥੋ। ਸਨ੍ਤਪ੍ਪਤੀਤਿ ਏਤ੍ਥ ਸਰੀਰਪਕਤਿਮਤਿਕ੍ਕਮਿਤ੍વਾ ਉਣ੍ਹਭਾવੋ ਸਨ੍ਤਾਪੋ, ਸਰੀਰਦਹਨવਸੇਨ ਪવਤ੍ਤੋ ਮਹਾਦਾਹੋ, ਅਯਮੇਤੇਸਂ વਿਸੇਸੋ। ਯੇਨ ਚ ਜੀਰੀਯਤੀਤਿ ਏਕਾਹਿਕਾਦਿਜਰਾਰੋਗੇਨ ਜਰੀਯਤੀਤਿ ਚ ਅਤ੍ਥੋ ਯੁਜ੍ਜਤਿ। ‘‘ਸਤવਾਰਂ ਤਾਪੇਤ੍વਾ ਤਾਪੇਤ੍વਾ ਉਦਕੇ ਪਕ੍ਖਿਪਿਤ੍વਾ ਉਦ੍ਧਟਸਪ੍ਪਿ ਸਤਧੋਤਸਪ੍ਪੀ’’ਤਿ વਦਨ੍ਤਿ। ਰਸਰੁਧਿਰਮਂਸਮੇਦਨ੍ਹਾਰੁਅਟ੍ਠਿਅਟ੍ਠਿਮਿਞ੍ਜਾ ਰਸਾਦਯੋ। ਕੇਚਿ ਨ੍ਹਾਰੁਂ ਅਪਨੇਤ੍વਾ ਸੁਕ੍ਕਂ ਸਤ੍ਤਮਂ ਧਾਤੁਂ વਦਨ੍ਤਿ। વਿવੇਕਨ੍ਤਿ વਿਸੁਂਭਾવਂ, વਿਸਦਿਸਭਾવਨ੍ਤਿ ਅਤ੍ਥੋ। વਤ੍ਥੁਸਙ੍ਖਾਤੋ ਹਿ ਆਹਾਰੋ ਪਰਿਣਾਮਂ ਗਚ੍ਛਨ੍ਤੋ ਪਾਣਭਕ੍ਖਗਹਣਿਪਦਨਿਯ ਮੁਤ੍ਤਕਰੀਸਭਾવੇਹਿ વਿਯ ਅਤ੍ਤਨਾਪਿ વਿਸਦਿਸਰਸਸਙ੍ਖਾਤਂ વਿਸੁਂਭਾવਂ ਨਿਬ੍ਬਤ੍ਤੇਨ੍ਤੋ ਤਬ੍ਭਾવਂ ਗਚ੍ਛਤੀਤਿ વੁਚ੍ਚਤਿ, ਤਥਾ ਰਸਾਦਯੋਪਿ ਰੁਧਿਰਾਦਿਕੋਟ੍ਠਾਸਂ। ਤੇਨਾਹ ‘‘ਰਸਾਦਿਭਾવੇਨ વਿવੇਕਂ ਗਚ੍ਛਤੀ’’ਤਿ।
Pāṭiyekko pathavīdhātukoṭṭhāsoti pathavīkoṭṭhāsamatto, attasuññadhammamattoti attho. Santappatīti ettha sarīrapakatimatikkamitvā uṇhabhāvo santāpo, sarīradahanavasena pavatto mahādāho, ayametesaṃ viseso. Yena ca jīrīyatīti ekāhikādijarārogena jarīyatīti ca attho yujjati. ‘‘Satavāraṃ tāpetvā tāpetvā udake pakkhipitvā uddhaṭasappi satadhotasappī’’ti vadanti. Rasarudhiramaṃsamedanhāruaṭṭhiaṭṭhimiñjā rasādayo. Keci nhāruṃ apanetvā sukkaṃ sattamaṃ dhātuṃ vadanti. Vivekanti visuṃbhāvaṃ, visadisabhāvanti attho. Vatthusaṅkhāto hi āhāro pariṇāmaṃ gacchanto pāṇabhakkhagahaṇipadaniya muttakarīsabhāvehi viya attanāpi visadisarasasaṅkhātaṃ visuṃbhāvaṃ nibbattento tabbhāvaṃ gacchatīti vuccati, tathā rasādayopi rudhirādikoṭṭhāsaṃ. Tenāha ‘‘rasādibhāvena vivekaṃ gacchatī’’ti.
ਸਭਾવਲਕ੍ਖਣਤੋਤਿ ਅਸੁਚਿਭਾવੇਨ ਲਕ੍ਖਿਤਬ੍ਬਤੋ।
Sabhāvalakkhaṇatoti asucibhāvena lakkhitabbato.
੪੮. ਯਾਥਾવਸਰਸਲਕ੍ਖਣਨ੍ਤਿ ਰਸਿਤਬ੍ਬੋਤਿ ਰਸੋ, ਪਟਿવਿਜ੍ਝਿਤਬ੍ਬੋ ਸਭਾવੋ, ਅਤ੍ਤਨੋ ਰਸੋ ਸਰਸੋ, ਯਾਥਾવੋ ਸਰਸੋ, ਯਾਥਾવਸਰਸੋ ਯਾਥਾવਸਰਸੋ ਏવ ਲਕ੍ਖਿਤਬ੍ਬਤ੍ਤਾ ਲਕ੍ਖਣਨ੍ਤਿ ਯਾਥਾવਸਰਸਲਕ੍ਖਣਂ। ਅਥ વਾ ਯਾਥਾવਸਰਸਲਕ੍ਖਣਨ੍ਤਿ ਅવਿਪਰੀਤਂ ਅਤ੍ਤਨੋ ਪવਤ੍ਤਿਸਙ੍ਖਾਤਂ ਕਿਚ੍ਚਞ੍ਚੇવ ਪੀਲ਼ਨਸਙ੍ਖਾਤਂ ਲਕ੍ਖਣਞ੍ਚ। ‘‘ਇਦਂ ਕਿਚ੍ਚਂ, ਇਦਂ ਲਕ੍ਖਣ’’ਨ੍ਤਿ ਅવਿਜ੍ਜਾਹੇਤੁ ਞਾਤੁਂ ਨ ਸਕ੍ਕੋਤਿ, ਤਬ੍ਬਿਸਯਞਾਣੁਪ੍ਪਤ੍ਤਿਂ ਨਿવਾਰੇਨ੍ਤੀ ਛਾਦੇਤ੍વਾ ਪਰਿਯੋਨਨ੍ਧਿਤ੍વਾ ਤਿਟ੍ਠਤੀਤਿ વੁਤ੍ਤਾ। ਤੇਨ વੁਤ੍ਤਂ ‘‘ਜਾਨਿਤੁਂ ਪਟਿવਿਜ੍ਝਿਤੁਂ ਨ ਦੇਤੀ’’ਤਿ। ਤਯਿਦਮਸ੍ਸਾ ਕਿਚ੍ਚਨ੍ਤਿ ਕਿਚ੍ਚਤੋ ਕਥਿਤਾ। ਕਥਿਤਾਤਿ ਚ વੁਤ੍ਤਾ, ਯਤੋ ਚ ਅવਿਜ੍ਜਾ ਅਸਮ੍ਪਟਿવੇਧਰਸਾਤਿ વੁਚ੍ਚਤਿ। ਜਾਯਤਿ ਏਤ੍ਥਾਤਿ ਜਾਤਿ, ਉਪ੍ਪਤ੍ਤਿਟ੍ਠਾਨਂ। ਯਦਿਪਿ ਨਿਰੋਧਮਗ੍ਗੇ ਅવਿਜ੍ਜਾ ਆਰਮ੍ਮਣਂ ਨ ਕਰੋਤਿ, ਤੇ ਪਨ ਜਾਨਿਤੁਕਾਮਸ੍ਸ ਤਪ੍ਪਟਿਚ੍ਛਾਦਨવਸੇਨ ਅਨਿਰੋਧਮਗ੍ਗੇਸੁ ਨਿਰੋਧਮਗ੍ਗਗ੍ਗਹਣਸ੍ਸ ਕਾਰਣਭਾવੇਨ ਪવਤ੍ਤਮਾਨਾ ਤਤ੍ਥ ਉਪ੍ਪਜ੍ਜਤੀਤਿ વੁਚ੍ਚਤਿ, ਤੇਸਮ੍ਪਿ ਅવਿਜ੍ਜਾਯ ਉਪ੍ਪਤ੍ਤਿਟ੍ਠਾਨਤਾ ਹੋਤਿ, ਇਤਰੇਸਂ ਆਰਮ੍ਮਣਭਾવੇਨ ਚਾਤਿ।
48.Yāthāvasarasalakkhaṇanti rasitabboti raso, paṭivijjhitabbo sabhāvo, attano raso saraso, yāthāvo saraso, yāthāvasaraso yāthāvasaraso eva lakkhitabbattā lakkhaṇanti yāthāvasarasalakkhaṇaṃ. Atha vā yāthāvasarasalakkhaṇanti aviparītaṃ attano pavattisaṅkhātaṃ kiccañceva pīḷanasaṅkhātaṃ lakkhaṇañca. ‘‘Idaṃ kiccaṃ, idaṃ lakkhaṇa’’nti avijjāhetu ñātuṃ na sakkoti, tabbisayañāṇuppattiṃ nivārentī chādetvā pariyonandhitvā tiṭṭhatīti vuttā. Tena vuttaṃ ‘‘jānituṃ paṭivijjhituṃ na detī’’ti. Tayidamassā kiccanti kiccato kathitā. Kathitāti ca vuttā, yato ca avijjā asampaṭivedharasāti vuccati. Jāyati etthāti jāti, uppattiṭṭhānaṃ. Yadipi nirodhamagge avijjā ārammaṇaṃ na karoti, te pana jānitukāmassa tappaṭicchādanavasena anirodhamaggesu nirodhamaggaggahaṇassa kāraṇabhāvena pavattamānā tattha uppajjatīti vuccati, tesampi avijjāya uppattiṭṭhānatā hoti, itaresaṃ ārammaṇabhāvena cāti.
ਅਤ੍ਥਾਨਤ੍ਥਨ੍ਤਿ ਹਿਤਾਹਿਤਂ। ਸਮ੍ਮੋਹવਿਨੋਦਨਿਯਂ ਪਨ ‘‘ਅਤ੍ਥਤ੍ਥ’’ਨ੍ਤਿ (વਿਭ॰ ਅਟ੍ਠ॰ ੨੨੬) વੁਤ੍ਤਂ, ਤਤ੍ਥ ਅਤ੍ਥੋ ਏવ ਅਤ੍ਥਤ੍ਥੋਤਿ ਅਤ੍ਥਸ੍ਸ ਅવਿਪਰੀਤਤਾਦਸ੍ਸਨਤ੍ਥਂ ਦੁਤਿਯੇਨ ਅਤ੍ਥਸਦ੍ਦੇਨ વਿਸੇਸਨਂ। ਨ ਹਿ ਞਾਣਂ ਅਨਤ੍ਥੇ ‘‘ਅਤ੍ਥੋ’’ਤਿ ਗਣ੍ਹਾਤੀਤਿ। ਕਾਰਣਾਕਾਰਣਨ੍ਤਿ ਏਤ੍ਥਾਪਿ ਏવਂ ਦਟ੍ਠਬ੍ਬਂ। ਅਤ੍ਥਤ੍ਥਨ੍ਤਿ વਾ ਆਮੇਡਿਤવਚਨਂ ਸਬ੍ਬੇਸਂ ਅਤ੍ਥਾਨਂ ਪਾਕਟਕਰਣਭਾવਪ੍ਪਕਾਸਨਤ੍ਥਂ, ਫਲਂ ਫਲਨ੍ਤਿ ਅਤ੍ਥੋ, ਹਿਤਪਰਿਯਾਯੇਪਿ ਏਸੇવ ਨਯੋ। ਨ੍ਤਿ ਅਤ੍ਥਾਨਤ੍ਥਾਦਿਕਂ। ਆਕਾਰਨ੍ਤਿ ਅਤ੍ਥਾਦਿਕਾਰਣਮੇવ।
Atthānatthanti hitāhitaṃ. Sammohavinodaniyaṃ pana ‘‘atthattha’’nti (vibha. aṭṭha. 226) vuttaṃ, tattha attho eva atthatthoti atthassa aviparītatādassanatthaṃ dutiyena atthasaddena visesanaṃ. Na hi ñāṇaṃ anatthe ‘‘attho’’ti gaṇhātīti. Kāraṇākāraṇanti etthāpi evaṃ daṭṭhabbaṃ. Atthatthanti vā āmeḍitavacanaṃ sabbesaṃ atthānaṃ pākaṭakaraṇabhāvappakāsanatthaṃ, phalaṃ phalanti attho, hitapariyāyepi eseva nayo. Nti atthānatthādikaṃ. Ākāranti atthādikāraṇameva.
ਪਟਿવਿਦ੍ਧਸ੍ਸ ਪੁਨ ਅવੇਕ੍ਖਨਾ ਪਚ੍ਚવੇਕ੍ਖਣਾ। ਦੁਚਿਨ੍ਤਿਤਚਿਨ੍ਤਿਤਾਦਿਲਕ੍ਖਣਸ੍ਸ ਬਾਲਸ੍ਸ ਭਾવੋ ਬਾਲ੍ਯਂ। ਸਮ੍ਪਜਾਨਾਤੀਤਿ ਸਮਂ ਪਕਾਰੇਹਿ ਜਾਨਾਤਿ। ਬਲવਮੋਹੋ ਪਮੋਹੋ। ਸਮਨ੍ਤਤੋ ਮੋਹਨਂ ਸਮ੍ਮੋਹੋ। ਦੁਗ੍ਗਤਿਗਾਮਿਕਮ੍ਮਸ੍ਸ વਿਸੇਸਪਚ੍ਚਯਤ੍ਤਾ ਅવਿਨ੍ਦਿਯਂ। વਿਨ੍ਦਤੀਤਿ ਲਭਤਿ। ਅਨવਜ੍ਜਧਮ੍ਮਾਨਂ વਿਜ੍ਜਾ વਿਯ વਿਸੇਸਪਚ੍ਚਯੋ ਨ ਹੋਤੀਤਿ વਿਨ੍ਦਿਯਂ ਨ વਿਨ੍ਦਤਿ। ਅਯਂ ਅવਿਜ੍ਜਾਯ વੇਮਤ੍ਤਤਾਤਿ ਅਯਂ ‘‘ਦੁਕ੍ਖੇ ਅਞ੍ਞਾਣ’’ਨ੍ਤਿਆਦਿਨਾ ਕਿਚ੍ਚਜਾਤਿਲਕ੍ਖਣੇਹਿ વੁਤ੍ਤੋ ਅવਿਜ੍ਜਾਯ ਅવਿਸੇਸੋ। વਿਜ੍ਜਾਤਿਆਦੀਨਂ વੁਤ੍ਤਨਯਾਨਸਾਰੇਨ ਅਤ੍ਥੋ વੇਦਿਤਬ੍ਬੋ।
Paṭividdhassa puna avekkhanā paccavekkhaṇā. Ducintitacintitādilakkhaṇassa bālassa bhāvo bālyaṃ. Sampajānātīti samaṃ pakārehi jānāti. Balavamoho pamoho. Samantato mohanaṃ sammoho. Duggatigāmikammassa visesapaccayattā avindiyaṃ. Vindatīti labhati. Anavajjadhammānaṃ vijjā viya visesapaccayo na hotīti vindiyaṃ na vindati. Ayaṃ avijjāya vemattatāti ayaṃ ‘‘dukkhe aññāṇa’’ntiādinā kiccajātilakkhaṇehi vutto avijjāya aviseso. Vijjātiādīnaṃ vuttanayānasārena attho veditabbo.
ਪਾਸਾਣਸਕ੍ਖਰવਾਲਿਕਾવਿਰਹਿਤਾ ਭੂਮਿ ਸਣ੍ਹਾਤਿ ‘‘ਸਣ੍ਹਟ੍ਠੇਨਾ’’ਤਿ વੁਤ੍ਤਂ।
Pāsāṇasakkharavālikāvirahitā bhūmi saṇhāti ‘‘saṇhaṭṭhenā’’ti vuttaṃ.
ਤਤ੍ਤਕਮੇવ ਕਾਲਨ੍ਤਿ ਪਞ੍ਚਕਪ੍ਪਸਤਾਨਿ। વਿਭੂਤਂ ਸਮਤ੍ਤਿਕ੍ਕਨ੍ਤਂ ਰੂਪਸਞ੍ਞਾਸਙ੍ਖਾਤਂ ਰੂਪਂ ਏਤਾਯਾਤਿ વਿਭੂਤਰੂਪਂ, ਸਮਾਪਤ੍ਤਿਨ੍ਤਿ ਪਦਤ੍ਥੋ। ਨ ਹਿ ਕਾਚਿ ਅਰੂਪਸਮਾਪਤ੍ਤਿ ਰੂਪਸਞ੍ਞਾਸਹਗਤਾ ਪવਤ੍ਤੀਤਿ। ਨਿਰੋਧਸਮਾਪਤ੍ਤਿਯਂ વਤ੍ਤਬ੍ਬਮੇવ ਨਤ੍ਥਿ, ਤਤ੍ਥ ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ વਿਸੁਂ ਗਹਿਤਤ੍ਤਾ વੁਤ੍ਤਂ ‘‘ਸੇਸਾਰੁਪ੍ਪਸਮਾਪਤ੍ਤਿਯੋ’’ਤਿ।
Tattakamevakālanti pañcakappasatāni. Vibhūtaṃ samattikkantaṃ rūpasaññāsaṅkhātaṃ rūpaṃ etāyāti vibhūtarūpaṃ, samāpattinti padattho. Na hi kāci arūpasamāpatti rūpasaññāsahagatā pavattīti. Nirodhasamāpattiyaṃ vattabbameva natthi, tattha nevasaññānāsaññāyatanasamāpattiyā visuṃ gahitattā vuttaṃ ‘‘sesāruppasamāpattiyo’’ti.
ਦਮਥਂ ਅਨੁਪਗਚ੍ਛਨ੍ਤੋ ਦੁਟ੍ਠਸ੍ਸੋ ਖਲੁਙ੍ਕਸ੍ਸੋ। ਉਤ੍ਤਰਿਦਮਥਾਯਾਤਿ ਅਰਿਯਮਗ੍ਗਦਮਥਾਯ।
Damathaṃ anupagacchanto duṭṭhasso khaluṅkasso. Uttaridamathāyāti ariyamaggadamathāya.
ਇਤਰੋਤਿ ਦੁਕ੍ਖਾਪਟਿਪਦੋ ਖਿਪ੍ਪਾਭਿਞ੍ਞੋ, ਸੁਖਾਪਟਿਪਦੋ ਚ ਖਿਪ੍ਪਾਭਿਞ੍ਞੋ। ਉਭਯਤੋਭਾਗੇਹੀਤਿ ਰੂਪਕਾਯਨਾਮਕਾਯਭਾਗੇਹਿ। ਉਭਯਤੋਤਿ વਿਕ੍ਖਮ੍ਭਨਸਮੁਚ੍ਛੇਦવਿਮੁਤ੍ਤਿવਸੇਨ।
Itaroti dukkhāpaṭipado khippābhiñño, sukhāpaṭipado ca khippābhiñño. Ubhayatobhāgehīti rūpakāyanāmakāyabhāgehi. Ubhayatoti vikkhambhanasamucchedavimuttivasena.
ਅਨੇਕੋਪੀਤਿ ਸਭਾવੇਨ ਅਨੇਕੋਪਿ। ਏਕਸਦ੍ਦਾਭਿਧੇਯ੍ਯਤਾਯਾਤਿ ਸਾਮਞ੍ਞਸਦ੍ਦਾਭਿਧੇਯ੍ਯਤਾਯ।
Anekopīti sabhāvena anekopi. Ekasaddābhidheyyatāyāti sāmaññasaddābhidheyyatāya.
ਅਧਿਟ੍ਠਾਨਹਾਰવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Adhiṭṭhānahāravibhaṅgavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੧੪. ਅਧਿਟ੍ਠਾਨਹਾਰવਿਭਙ੍ਗੋ • 14. Adhiṭṭhānahāravibhaṅgo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ੧੪. ਅਧਿਟ੍ਠਾਨਹਾਰવਿਭਙ੍ਗવਣ੍ਣਨਾ • 14. Adhiṭṭhānahāravibhaṅgavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੧੪. ਅਧਿਟ੍ਠਾਨਹਾਰવਿਭਙ੍ਗવਿਭਾવਨਾ • 14. Adhiṭṭhānahāravibhaṅgavibhāvanā
