| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
14. ад̇хидтаанахааравибхан̇г̇авибхааванаа
14. Adhiṭṭhānahāravibhaṅgavibhāvanā
46. язна язна сам̣ван̣н̣анаависзсабхууд̇зна вибхан̇г̇зна бан̃хаад̣̇аяо сод̇хид̇аа, со сам̣ван̣н̣анаависзсабхууд̇о барибун̣н̣о, ‘‘гад̇амо ад̇хидтаанахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо ад̇хидтаано хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо бадинид̣̇д̣̇зсад̇о ад̇хидтаано хааро ад̇хидтаанахааравибхан̇г̇о наамаад̇и бужчад̇и. ‘‘згад̇д̇ад̇ааяа д̇хаммаа, язби жа взмад̇д̇ад̇ааяа нид̣̇д̣̇идтаа’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘яз д̇ад̇т̇а нид̣̇д̣̇идтаа, д̇ат̇аа д̇з д̇хаараяид̇аб̣б̣аа’’д̇иаад̣̇иго вид̇т̇аарасам̣ван̣н̣анаависзсо ад̇хидтаанахааравибхан̇г̇о наамаад̇и г̇ахзд̇аб̣б̣о.
46. Yena yena saṃvaṇṇanāvisesabhūtena vibhaṅgena pañhādayo sodhitā, so saṃvaṇṇanāvisesabhūto paripuṇṇo, ‘‘katamo adhiṭṭhānahāravibhaṅgo’’ti pucchitabbattā ‘‘tattha katamo adhiṭṭhāno hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso paṭiniddesato adhiṭṭhāno hāro adhiṭṭhānahāravibhaṅgo nāmāti pucchati. ‘‘Ekattatāya dhammā, yepi ca vemattatāya niddiṭṭhā’’tiādiniddesassa idāni mayā vuccamāno ‘‘ye tattha niddiṭṭhā, tathā te dhārayitabbā’’tiādiko vitthārasaṃvaṇṇanāviseso adhiṭṭhānahāravibhaṅgo nāmāti gahetabbo.
‘‘яз д̇хаммаа суд̇д̇зсу згад̇д̇ад̇ааяа жа взмад̇д̇ад̇ааяа жа нид̣̇д̣̇идтаа, д̇з д̇хаммаа гим̣ бана д̇ат̇зва д̇хаараяид̇аб̣б̣аа , уд̣̇ааху ан̃н̃ат̇ааби вигаббаяид̇аб̣б̣аа’’д̇и бужчид̇аб̣б̣ад̇д̇аа ‘‘яз д̇ад̇т̇аа’’д̇иаад̣̇и вуд̇д̇ам̣. д̇ад̇т̇а д̇зсу суд̇д̇анд̇зсу яз д̣̇угкасажжаад̣̇аяо д̇хаммаа згад̇д̇ад̇ааяа жа взмад̇д̇ад̇ааяа жа нид̣̇д̣̇идтаа, д̇з д̣̇угкасажжаад̣̇аяо д̇хаммаа д̇ат̇аа згад̇д̇ад̇ааяа жа взмад̇д̇ад̇ааяа жа д̇хаараяид̇аб̣б̣аа убалагкид̇аб̣б̣аа, на ан̃н̃ат̇аа вигаббаяид̇аб̣б̣аа.
‘‘Ye dhammā suttesu ekattatāya ca vemattatāya ca niddiṭṭhā, te dhammā kiṃ pana tatheva dhārayitabbā , udāhu aññathāpi vikappayitabbā’’ti pucchitabbattā ‘‘ye tatthā’’tiādi vuttaṃ. Tattha tesu suttantesu ye dukkhasaccādayo dhammā ekattatāya ca vemattatāya ca niddiṭṭhā, te dukkhasaccādayo dhammā tathā ekattatāya ca vemattatāya ca dhārayitabbā upalakkhitabbā, na aññathā vikappayitabbā.
‘‘сааман̃н̃агаббанааяа вохаарабхаавзна анавадтаанад̇о гад̇амаа згад̇д̇ад̇аа, гад̇амаа взмад̇д̇ад̇аа’’д̇и бужчид̇аб̣б̣ад̇д̇аа ‘‘д̣̇угканд̇и згад̇д̇ад̇аа’’д̇иаад̣̇и вуд̇д̇ам̣. д̣̇угканд̇и ж̇аад̇иаад̣̇ивисзсаманабзгкид̇ваа яаа д̣̇угкасааман̃н̃ад̇аа вуд̇д̇аа, саа аяам̣ д̣̇угкасааман̃н̃ад̇аа д̣̇угкасса згад̇д̇ад̇аа наама. ‘‘д̇ад̇т̇а гад̇амам̣ д̣̇угка’’нд̇и бужчид̇аа ‘‘ж̇аад̇и д̣̇угкаа, ж̇араа д̣̇угкаа…бз... вин̃н̃аан̣ам̣ д̣̇угка’’нд̇и ж̇аад̇иаад̣̇ивисзсамабзгкид̇ваа яаа д̣̇угкависзсад̇аа вуд̇д̇аа, саа аяам̣ д̣̇угкависзсад̇аа д̣̇угкасса взмад̇д̇ад̇аа наама. д̇ад̇т̇аад̇и яз д̣̇угкаад̣̇аяо д̇хаммаа суд̇д̇з вуд̇д̇аа, д̇ад̇т̇а д̇зсу д̣̇угкаад̣̇ийсу ад̇т̇зсу.
‘‘Sāmaññakappanāya vohārabhāvena anavaṭṭhānato katamā ekattatā, katamā vemattatā’’ti pucchitabbattā ‘‘dukkhanti ekattatā’’tiādi vuttaṃ. Dukkhanti jātiādivisesamanapekkhitvā yā dukkhasāmaññatā vuttā, sā ayaṃ dukkhasāmaññatā dukkhassa ekattatā nāma. ‘‘Tattha katamaṃ dukkha’’nti pucchitā ‘‘jāti dukkhā, jarā dukkhā…pe... viññāṇaṃ dukkha’’nti jātiādivisesamapekkhitvā yā dukkhavisesatā vuttā, sā ayaṃ dukkhavisesatā dukkhassa vemattatā nāma. Tatthāti ye dukkhādayo dhammā sutte vuttā, tattha tesu dukkhādīsu atthesu.
д̣̇угкасамуд̣̇аяод̇и ‘‘д̇ан̣хаа бонобхавигаа’’д̇и висзсаманабзгкид̇ваа яаа самуд̣̇аяасааман̃н̃ад̇аа вуд̇д̇аа, саа аяам̣ самуд̣̇аяасааман̃н̃ад̇аа самуд̣̇аяасса згад̇д̇ад̇аа наама. ‘‘д̇ад̇т̇а гад̇амо самуд̣̇аяо’’д̇и бужчид̇ваа ‘‘яааяам̣ д̇ан̣хаа…бз… вибхавад̇ан̣хаа’’д̇и висзсам̣ абзгкид̇ваа яаа самуд̣̇аяависзсад̇аа вуд̇д̇аа, саа аяам̣ самуд̣̇аяависзсад̇аа самуд̣̇аяасса взмад̇д̇ад̇аа наама.
Dukkhasamudayoti ‘‘taṇhā ponobhavikā’’ti visesamanapekkhitvā yā samudayasāmaññatā vuttā, sā ayaṃ samudayasāmaññatā samudayassa ekattatā nāma. ‘‘Tattha katamo samudayo’’ti pucchitvā ‘‘yāyaṃ taṇhā…pe… vibhavataṇhā’’ti visesaṃ apekkhitvā yā samudayavisesatā vuttā, sā ayaṃ samudayavisesatā samudayassa vemattatā nāma.
д̣̇угканирод̇ход̇и ‘‘д̇ассааязва д̇ан̣хааяа асзсавирааг̇анирод̇хо’’д̇и висзсаманабзгкид̇ваа яаа нирод̇хасааман̃н̃ад̇аа вуд̇д̇аа, саа аяам̣ нирод̇хасааман̃н̃ад̇аа нирод̇хасса згад̇д̇ад̇аа наама. ‘‘д̇ад̇т̇а гад̇амо д̣̇угканирод̇хо’’д̇и бужчид̇ваа ‘‘яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо’’д̇и висзсамабзгкид̇ваа яаа нирод̇хависзсад̇аа вуд̇д̇аа, саа аяам̣ нирод̇хависзсад̇аа нирод̇хасса взмад̇д̇ад̇аа наама.
Dukkhanirodhoti ‘‘tassāyeva taṇhāya asesavirāganirodho’’ti visesamanapekkhitvā yā nirodhasāmaññatā vuttā, sā ayaṃ nirodhasāmaññatā nirodhassa ekattatā nāma. ‘‘Tattha katamo dukkhanirodho’’ti pucchitvā ‘‘yo tassāyeva taṇhāya asesavirāganirodho cāgo paṭinissaggo mutti anālayo’’ti visesamapekkhitvā yā nirodhavisesatā vuttā, sā ayaṃ nirodhavisesatā nirodhassa vemattatā nāma.
д̣̇угканирод̇хаг̇ааминий бадибад̣̇аад̇и? бадибад̣̇аад̇и саммаад̣̇идтиаад̣̇ивисзсаманабзгкид̇ваа яаа нирод̇хаг̇ааминибадибад̣̇аасааман̃н̃ад̇аа вуд̇д̇аа, саа аяам̣ нирод̇хаг̇ааминибадибад̣̇аасааман̃н̃ад̇аа маг̇г̇асса згад̇д̇ад̇аа наама. ‘‘д̇ад̇т̇а гад̇амаа д̣̇угканирод̇хаг̇ааминий бадибад̣̇аа’’д̇и бужчид̇ваа ‘‘аяамзва арияо…бз… саммаасамаад̇хий’’д̇и саммаад̣̇идтиаад̣̇ивисзсамабзгкид̇ваа яаа висзсад̣̇угканирод̇хаг̇ааминибадибад̣̇ад̇аа вуд̇д̇аа, саа аяам̣ висзсад̣̇угканирод̇хаг̇ааминибадибад̣̇ад̇аа маг̇г̇асса взмад̇д̇ад̇аа наама.
Dukkhanirodhagāminī paṭipadāti? Paṭipadāti sammādiṭṭhiādivisesamanapekkhitvā yā nirodhagāminipaṭipadāsāmaññatā vuttā, sā ayaṃ nirodhagāminipaṭipadāsāmaññatā maggassa ekattatā nāma. ‘‘Tattha katamā dukkhanirodhagāminī paṭipadā’’ti pucchitvā ‘‘ayameva ariyo…pe… sammāsamādhī’’ti sammādiṭṭhiādivisesamapekkhitvā yā visesadukkhanirodhagāminipaṭipadatā vuttā, sā ayaṃ visesadukkhanirodhagāminipaṭipadatā maggassa vemattatā nāma.
маг̇г̇од̇и нираяаг̇аамимаг̇г̇аад̣̇ивисзсаманабзгкид̇ваа яаа сааман̃н̃амаг̇г̇ад̇аа вуд̇д̇аа, саа аяам̣ сааман̃н̃амаг̇г̇ад̇аа маг̇г̇асса згад̇д̇ад̇аа наама. ‘‘д̇ад̇т̇а гад̇амо маг̇г̇о’’д̇и бужчид̇ваа ‘‘нираяаг̇аамий маг̇г̇о…бз… ниб̣б̣аанаг̇аамий маг̇г̇о’’д̇и нираяаг̇аамимаг̇г̇аад̣̇ивисзсам̣ абзгкид̇ваа яаа висзсамаг̇г̇ад̇аа вуд̇д̇аа, саа аяам̣ висзсамаг̇г̇ад̇аа маг̇г̇асса взмад̇д̇ад̇аа наама.
Maggoti nirayagāmimaggādivisesamanapekkhitvā yā sāmaññamaggatā vuttā, sā ayaṃ sāmaññamaggatā maggassa ekattatā nāma. ‘‘Tattha katamo maggo’’ti pucchitvā ‘‘nirayagāmī maggo…pe… nibbānagāmī maggo’’ti nirayagāmimaggādivisesaṃ apekkhitvā yā visesamaggatā vuttā, sā ayaṃ visesamaggatā maggassa vemattatā nāma.
нирод̇ход̇и бадисан̇каанирод̇хаад̣̇ивисзсам̣ анабзгкид̇ваа яаа сааман̃н̃анирод̇хад̇аа вуд̇д̇аа, саа аяам̣ сааман̃н̃анирод̇хад̇аа нирод̇хасса згад̇д̇ад̇аа наама. ‘‘д̇ад̇т̇а гад̇амо нирод̇хо’’д̇и бужчид̇ваа ‘‘бадисан̇каанирод̇хо…бз… саб̣б̣агилзсанирод̇хо’’д̇и бадисан̇каанирод̇хаад̣̇ивисзсам̣ абзгкид̇ваа яаа висзсанирод̇хад̇аа вуд̇д̇аа, саа аяам̣ висзсанирод̇хад̇аа нирод̇хасса взмад̇д̇ад̇аа наама.
Nirodhoti paṭisaṅkhānirodhādivisesaṃ anapekkhitvā yā sāmaññanirodhatā vuttā, sā ayaṃ sāmaññanirodhatā nirodhassa ekattatā nāma. ‘‘Tattha katamo nirodho’’ti pucchitvā ‘‘paṭisaṅkhānirodho…pe… sabbakilesanirodho’’ti paṭisaṅkhānirodhādivisesaṃ apekkhitvā yā visesanirodhatā vuttā, sā ayaṃ visesanirodhatā nirodhassa vemattatā nāma.
руубанд̇и жаад̇умахаабхууд̇игаад̣̇ивисзсаманабзгкид̇ваа яаа сааман̃н̃аруубад̇аа вуд̇д̇аа, саа аяам̣ сааман̃н̃аруубад̇аа руубасса згад̇д̇ад̇аа наама. ‘‘д̇ад̇т̇а гад̇амам̣ рууба’’нд̇и бужчид̇ваа ‘‘жаад̇умахаабхууд̇игам̣…бз… вааяод̇хаад̇уяаа жид̇д̇ам̣ вирааж̇зд̇ий’’д̇и жаад̇умахаабхууд̇игаад̣̇ивисзсамабзгкид̇ваа яаа висзсаруубад̇аа вуд̇д̇аа, саа аяам̣ висзсаруубад̇аа руубасса взмад̇д̇ад̇аа наама.
Rūpanti cātumahābhūtikādivisesamanapekkhitvā yā sāmaññarūpatā vuttā, sā ayaṃ sāmaññarūpatā rūpassa ekattatā nāma. ‘‘Tattha katamaṃ rūpa’’nti pucchitvā ‘‘cātumahābhūtikaṃ…pe… vāyodhātuyā cittaṃ virājetī’’ti cātumahābhūtikādivisesamapekkhitvā yā visesarūpatā vuttā, sā ayaṃ visesarūpatā rūpassa vemattatā nāma.
48. авиж̇ж̇аад̇и д̣̇угкзан̃н̃аан̣аад̣̇ивисзсаманабзгкид̇ваа яаа авиж̇ж̇аасааман̃н̃ад̇аа вуд̇д̇аа, саа аяам̣ авиж̇ж̇аасааман̃н̃ад̇аа авиж̇ж̇ааяа згад̇д̇ад̇аа наама. ‘‘д̇ад̇т̇а гад̇амаа авиж̇ж̇аа’’д̇и бужчид̇ваа ‘‘д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣…бз… авиж̇ж̇аалан̇гхий мохо агусаламуула’’нд̇и д̣̇угкзан̃н̃аан̣аад̣̇ивисзсамабзгкид̇ваа яаа авиж̇ж̇аависзсад̇аа вуд̇д̇аа, саа аяам̣ авиж̇ж̇аависзсад̇аа авиж̇ж̇ааяа взмад̇д̇ад̇аа наама.
48.Avijjāti dukkheaññāṇādivisesamanapekkhitvā yā avijjāsāmaññatā vuttā, sā ayaṃ avijjāsāmaññatā avijjāya ekattatā nāma. ‘‘Tattha katamā avijjā’’ti pucchitvā ‘‘dukkhe aññāṇaṃ, dukkhasamudaye aññāṇaṃ…pe… avijjālaṅghī moho akusalamūla’’nti dukkheaññāṇādivisesamapekkhitvā yā avijjāvisesatā vuttā, sā ayaṃ avijjāvisesatā avijjāya vemattatā nāma.
виж̇ж̇аад̇и д̣̇угкзн̃аан̣аад̣̇ивисзсаманабзгкид̇ваа яаа виж̇ж̇аасааман̃н̃ад̇аа вуд̇д̇аа, саа аяам̣ виж̇ж̇аасааман̃н̃ад̇аа виж̇ж̇ааяа згад̇д̇ад̇аа наама. ‘‘д̇ад̇т̇а гад̇амаа виж̇ж̇аа’’д̇и бужчид̇ваа ‘‘д̣̇угкз н̃аан̣ам̣, д̣̇угкасамуд̣̇аяз н̃аан̣ам̣…бз… д̇хаммавижаяасамб̣ож̇жхан̇г̇о маг̇г̇ан̇г̇ам̣ маг̇г̇абарияаабанна’’нд̇и д̣̇угкзн̃аан̣аад̣̇ивисзсамабзгкид̇ваа яаа виж̇ж̇аависзсад̇аа вуд̇д̇аа, саа аяам̣ виж̇ж̇аависзсад̇аа виж̇ж̇ааяа взмад̇д̇ад̇аа наама.
Vijjāti dukkheñāṇādivisesamanapekkhitvā yā vijjāsāmaññatā vuttā, sā ayaṃ vijjāsāmaññatā vijjāya ekattatā nāma. ‘‘Tattha katamā vijjā’’ti pucchitvā ‘‘dukkhe ñāṇaṃ, dukkhasamudaye ñāṇaṃ…pe… dhammavicayasambojjhaṅgo maggaṅgaṃ maggapariyāpanna’’nti dukkheñāṇādivisesamapekkhitvā yā vijjāvisesatā vuttā, sā ayaṃ vijjāvisesatā vijjāya vemattatā nāma.
самаабад̇д̇ийд̇и сан̃н̃аасамаабад̇яаад̣̇ивисзсам̣ анабзгкид̇ваа яаа сааман̃н̃асамаабад̇д̇ид̇аа вуд̇д̇аа, саа сааман̃н̃асамаабад̇д̇ид̇аа самаабад̇д̇ияаа згад̇д̇ад̇аа наама. ‘‘д̇ад̇т̇а гад̇амаа самаабад̇д̇ий’’д̇и бужчид̇ваа ‘‘сан̃н̃аасамаабад̇д̇и асан̃н̃аасамаабад̇д̇и…бз… нирод̇хасамаабад̇д̇ий’’д̇и сан̃н̃аасамаабад̇яаад̣̇ивисзсам̣ абзгкид̇ваа яаа висзсасамаабад̇д̇ид̇аа вуд̇д̇аа, саа аяам̣ висзсасамаабад̇д̇ид̇аа самаабад̇д̇ияаа взмад̇д̇ад̇аа наама.
Samāpattīti saññāsamāpatyādivisesaṃ anapekkhitvā yā sāmaññasamāpattitā vuttā, sā sāmaññasamāpattitā samāpattiyā ekattatā nāma. ‘‘Tattha katamā samāpattī’’ti pucchitvā ‘‘saññāsamāpatti asaññāsamāpatti…pe… nirodhasamāpattī’’ti saññāsamāpatyādivisesaṃ apekkhitvā yā visesasamāpattitā vuttā, sā ayaṃ visesasamāpattitā samāpattiyā vemattatā nāma.
жхааяийд̇и сзгкажхааяийаад̣̇ивисзсам̣ анабзгкид̇ваа яаа жхааяийсааман̃н̃ад̇аа вуд̇д̇аа, саа жхааяийсааман̃н̃ад̇аа жхааяино згад̇д̇ад̇аа наама. ‘‘д̇ад̇т̇а гад̇амо жхааяий’’д̇и бужчид̇ваа ‘‘ад̇т̇и сзгко жхааяий, ад̇т̇и асзгко жхааяий…бз… бан̃н̃уд̇д̇аро жхааяий’’д̇и сзгкажхааяийасзгкажхааяийаад̣̇ивисзсамабзгкид̇ваа яаа жхааяийвисзсад̇аа вуд̇д̇аа, саа аяам̣ жхааяийвисзсад̇аа жхааяино взмад̇д̇ад̇аа наама.
Jhāyīti sekkhajhāyīādivisesaṃ anapekkhitvā yā jhāyīsāmaññatā vuttā, sā jhāyīsāmaññatā jhāyino ekattatā nāma. ‘‘Tattha katamo jhāyī’’ti pucchitvā ‘‘atthi sekkho jhāyī, atthi asekkho jhāyī…pe… paññuttaro jhāyī’’ti sekkhajhāyīasekkhajhāyīādivisesamapekkhitvā yā jhāyīvisesatā vuttā, sā ayaṃ jhāyīvisesatā jhāyino vemattatā nāma.
самаад̇хийд̇и саран̣асамаад̇хяаад̣̇ивисзсаманабзгкид̇ваа яаа самаад̇хисааман̃н̃ад̇аа вуд̇д̇аа, саа аяам̣ самаад̇хисааман̃н̃ад̇аа самаад̇хино згад̇д̇ад̇аа наама. ‘‘д̇ад̇т̇а гад̇амо самаад̇хий’’д̇и бужчид̇ваа ‘‘саран̣о самаад̇хи, аран̣о самаад̇хи…бз… мижчаасамаад̇хи, саммаасамаад̇хий’’д̇и саран̣асамаад̇хяаад̣̇ивисзсамабзгкид̇ваа яаа самаад̇хивисзсад̇аа вуд̇д̇аа, саа аяам̣ самаад̇хивисзсад̇аа самаад̇хино взмад̇д̇ад̇аа наама.
Samādhīti saraṇasamādhyādivisesamanapekkhitvā yā samādhisāmaññatā vuttā, sā ayaṃ samādhisāmaññatā samādhino ekattatā nāma. ‘‘Tattha katamo samādhī’’ti pucchitvā ‘‘saraṇo samādhi, araṇo samādhi…pe… micchāsamādhi, sammāsamādhī’’ti saraṇasamādhyādivisesamapekkhitvā yā samādhivisesatā vuttā, sā ayaṃ samādhivisesatā samādhino vemattatā nāma.
бадибад̣̇аад̇и ааг̇аал̣хабадибад̣̇аад̣̇ивисзсаманабзгкид̇ваа яаа бадибад̣̇аасааман̃н̃ад̇аа вуд̇д̇аа, аяам̣ бадибад̣̇аасааман̃н̃ад̇аа бадибад̣̇ааяа згад̇д̇ад̇аа наама. ‘‘д̇ад̇т̇а гад̇амаа бадибад̣̇аа’’д̇и бужчид̇ваа ‘‘ааг̇аал̣хабадибад̣̇аа, ниж̇жхаамабадибад̣̇аа…бз… сукаа бадибад̣̇аа киббаабхин̃н̃аа’’д̇и ааг̇аал̣хабадибад̣̇аад̣̇ивисзсамабзгкид̇ваа яаа бадибад̣̇аависзсад̇аа вуд̇д̇аа, саа аяам̣ бадибад̣̇аависзсад̇аа бадибад̣̇ааяа взмад̇д̇ад̇аа наама.
Paṭipadāti āgāḷhapaṭipadādivisesamanapekkhitvā yā paṭipadāsāmaññatā vuttā, ayaṃ paṭipadāsāmaññatā paṭipadāya ekattatā nāma. ‘‘Tattha katamā paṭipadā’’ti pucchitvā ‘‘āgāḷhapaṭipadā, nijjhāmapaṭipadā…pe… sukhā paṭipadā khippābhiññā’’ti āgāḷhapaṭipadādivisesamapekkhitvā yā paṭipadāvisesatā vuttā, sā ayaṃ paṭipadāvisesatā paṭipadāya vemattatā nāma.
гааяод̇и наамагааяаад̣̇ивисзсаманабзгкид̇ваа яаа гааяасааман̃н̃ад̇аа вуд̇д̇аа, саа аяам̣ гааяасааман̃н̃ад̇аа гааяасса згад̇д̇ад̇аа наама. ‘‘д̇ад̇т̇а гад̇амо гааяо’’д̇и бужчид̇ваа ‘‘наамагааяо руубагааяо…бз… аяам̣ наамагааяо’’д̇и наамагааяаад̣̇ивисзсамабзгкид̇ваа яаа гааяависзсад̇аа вуд̇д̇аа, саа аяам̣ гааяависзсад̇аа гааяасса взмад̇д̇ад̇аа наамаад̇и яож̇анаа гаад̇аб̣б̣аа. бад̣̇ад̇т̇аад̣̇иго висзсо адтагат̇ааяам̣ (нзд̇д̇и. адта. 47) вид̇т̇аарад̇о вуд̇д̇о.
Kāyoti nāmakāyādivisesamanapekkhitvā yā kāyasāmaññatā vuttā, sā ayaṃ kāyasāmaññatā kāyassa ekattatā nāma. ‘‘Tattha katamo kāyo’’ti pucchitvā ‘‘nāmakāyo rūpakāyo…pe… ayaṃ nāmakāyo’’ti nāmakāyādivisesamapekkhitvā yā kāyavisesatā vuttā, sā ayaṃ kāyavisesatā kāyassa vemattatā nāmāti yojanā kātabbā. Padatthādiko viseso aṭṭhakathāyaṃ (netti. aṭṭha. 47) vitthārato vutto.
вуд̇д̇аббагаарасса д̣̇угкасамуд̣̇аяаад̣̇игасса д̇хаммасса згад̇д̇ад̇аад̣̇илагкан̣ам̣ ниг̇аманавасзна д̣̇ассзд̇ум̣ ‘‘звам̣ яо д̇хаммо’’д̇иаад̣̇и вуд̇д̇ам̣. д̇ад̇т̇а званд̇и иминаа маяаа вуд̇д̇зна ‘‘д̣̇угканд̇и згад̇д̇ад̇аа. д̇ад̇т̇а гад̇амам̣ д̣̇угкам̣? ж̇аад̇и д̣̇угкаа, ж̇араа д̣̇угкаа’’д̇иаад̣̇иважанзна. яо д̇хаммод̇и яо гожи ж̇аад̇иж̇арааб̣яаад̇хяаад̣̇ивисзсад̇хаммо. яасса д̇хаммассаад̇и д̇ад̇о ж̇аад̇иаад̣̇ивисзсад̇хаммад̇о ан̃н̃асса ж̇араад̣̇ивисзсад̇хаммасса. самаанабхаавод̇и ж̇аад̇иаад̣̇ивисзсад̇хаммзна ж̇араад̣̇ивисзсад̇хаммасса д̣̇угкабхаавзна самаанабхааво. д̇асса д̇хаммассаад̇и ж̇араад̣̇ивисзсад̇хаммасса. згад̇д̇ад̇ааяаад̇и д̣̇угкасамуд̣̇аяад̇аад̣̇исамаанад̇ааяа д̣̇угкасамуд̣̇аяаад̣̇ибхааваанам̣ згийбхаавзна. згийбхавад̇ийд̇и ж̇аад̇иаад̣̇ивисзсабхзд̣̇зна анзгоби ‘‘д̣̇угкасамуд̣̇аяо’’д̇иаад̣̇инаа згасад̣̇д̣̇аабхид̇хзяяад̇ааяа згийбхавад̇и. язна язна ваа бана вилагкан̣о, д̇зна д̇зна взмад̇д̇ам̣ г̇ажчад̇и. яасса ж̇аад̇иаад̣̇ид̇хаммасса язна язна абхиниб̣б̣ад̇д̇анабарибаажанаад̣̇исабхаавзна яо ж̇аад̇иаад̣̇ид̇хаммо ж̇араад̣̇ид̇хаммзна вилагкан̣о висад̣̇исо ход̇и, д̇асса ж̇аад̇иаад̣̇ид̇хаммасса д̇зна д̇зна абхиниб̣б̣ад̇д̇анабарибаажанаад̣̇исабхаавзна со ж̇аад̇иаад̣̇ид̇хаммо ж̇араад̣̇ид̇хаммзна взмад̇д̇ад̇ам̣ висад̣̇исад̇д̇ам̣ г̇ажчад̇и, д̣̇угкасамуд̣̇аяаад̣̇ибхаавзна самааноби ж̇аад̇иаад̣̇ид̇хаммо ж̇араад̣̇ид̇хаммасса висидтад̇ам̣ г̇ажчад̇ийд̇и ад̇т̇о д̣̇адтаб̣б̣о.
Vuttappakārassa dukkhasamudayādikassa dhammassa ekattatādilakkhaṇaṃ nigamanavasena dassetuṃ ‘‘evaṃ yo dhammo’’tiādi vuttaṃ. Tattha evanti iminā mayā vuttena ‘‘dukkhanti ekattatā. Tattha katamaṃ dukkhaṃ? Jāti dukkhā, jarā dukkhā’’tiādivacanena. Yo dhammoti yo koci jātijarābyādhyādivisesadhammo. Yassa dhammassāti tato jātiādivisesadhammato aññassa jarādivisesadhammassa. Samānabhāvoti jātiādivisesadhammena jarādivisesadhammassa dukkhabhāvena samānabhāvo. Tassa dhammassāti jarādivisesadhammassa. Ekattatāyāti dukkhasamudayatādisamānatāya dukkhasamudayādibhāvānaṃ ekībhāvena. Ekībhavatīti jātiādivisesabhedena anekopi ‘‘dukkhasamudayo’’tiādinā ekasaddābhidheyyatāya ekībhavati. Yena yena vā pana vilakkhaṇo, tena tena vemattaṃ gacchati. Yassa jātiādidhammassa yena yena abhinibbattanaparipācanādisabhāvena yo jātiādidhammo jarādidhammena vilakkhaṇo visadiso hoti, tassa jātiādidhammassa tena tena abhinibbattanaparipācanādisabhāvena so jātiādidhammo jarādidhammena vemattataṃ visadisattaṃ gacchati, dukkhasamudayādibhāvena samānopi jātiādidhammo jarādidhammassa visiṭṭhataṃ gacchatīti attho daṭṭhabbo.
д̣̇угкасамуд̣̇аяаад̣̇ид̇хаммасса згад̇д̇авзмад̇д̇ад̇аа аажариязна вибхад̇д̇аа, амхзхи жа н̃аад̇аа, ‘‘д̇ааяа згад̇д̇авзмад̇д̇ад̇ааяа гад̇т̇а бужчид̇з сад̇и ад̇хидтаанам̣ виймам̣сид̇аб̣б̣а’’нд̇и бужчид̇аб̣б̣ад̇д̇аа суд̇д̇аад̣̇игз бужчид̇з сад̇и виймам̣сид̇аб̣б̣анд̇и д̣̇ассзд̇ум̣ ‘‘звам̣ суд̇д̇з ваа’’д̇иаад̣̇и вуд̇д̇ам̣. д̇ад̇т̇а звам̣ иминаа вуд̇д̇аббагаарзна суд̇д̇з ваа бужчид̇з, взяяаагаран̣з ваа бужчид̇з, г̇аат̇ааяам̣ ваа бужчид̇ааяам̣ сад̇и ад̇хидтаанам̣ виймам̣сид̇аб̣б̣ам̣. ‘‘гим̣ виймам̣сид̇аб̣б̣а’’нд̇и бужчзяяа ‘‘згад̇д̇ад̇ааяа бужчад̇и гим̣, уд̣̇ааху взмад̇д̇ад̇ааяа бужчад̇и ги’’нд̇и виймам̣сид̇аб̣б̣анд̇и яож̇анаа. адтагат̇ааяам̣ бана – ‘‘ид̣̇аани д̇аава згад̇д̇авзмад̇д̇ад̇аависаяз нияож̇зд̇ваа д̣̇ассзд̇ум̣ ‘суд̇д̇з ваа взяяаагаран̣з ваа’д̇иаад̣̇и вуд̇д̇а’’нд̇и (нзд̇д̇и. адта. 48) вуд̇д̇ам̣. ‘‘гат̇ам̣ бужчид̇ам̣, гат̇ам̣ виссаж̇ж̇ид̇аб̣б̣а’’нд̇и вад̇д̇аб̣б̣ад̇д̇аа ‘‘яад̣̇и згад̇д̇ад̇ааяаа’’д̇иаад̣̇и вуд̇д̇ам̣. ‘‘д̇знаахаа’’д̇иаад̣̇яаанусанд̇хяаад̣̇иго жа ‘‘нияуд̇д̇о ад̇хидтаано хааро’’д̇и имасса анусанд̇хяаад̣̇иго жа вуд̇д̇анаяаанусаарзна взд̣̇ид̇аб̣б̣о.
Dukkhasamudayādidhammassa ekattavemattatā ācariyena vibhattā, amhehi ca ñātā, ‘‘tāya ekattavemattatāya kattha pucchite sati adhiṭṭhānaṃ vīmaṃsitabba’’nti pucchitabbattā suttādike pucchite sati vīmaṃsitabbanti dassetuṃ ‘‘evaṃ sutte vā’’tiādi vuttaṃ. Tattha evaṃ iminā vuttappakārena sutte vā pucchite, veyyākaraṇe vā pucchite, gāthāyaṃ vā pucchitāyaṃ sati adhiṭṭhānaṃ vīmaṃsitabbaṃ. ‘‘Kiṃ vīmaṃsitabba’’nti puccheyya ‘‘ekattatāya pucchati kiṃ, udāhu vemattatāya pucchati ki’’nti vīmaṃsitabbanti yojanā. Aṭṭhakathāyaṃ pana – ‘‘idāni tāva ekattavemattatāvisaye niyojetvā dassetuṃ ‘sutte vā veyyākaraṇe vā’tiādi vutta’’nti (netti. aṭṭha. 48) vuttaṃ. ‘‘Kathaṃ pucchitaṃ, kathaṃ vissajjitabba’’nti vattabbattā ‘‘yadi ekattatāyā’’tiādi vuttaṃ. ‘‘Tenāhā’’tiādyānusandhyādiko ca ‘‘niyutto adhiṭṭhāno hāro’’ti imassa anusandhyādiko ca vuttanayānusārena veditabbo.
ид̇и ад̇хидтаанахааравибхан̇г̇з сад̇д̇иб̣алаануруубаа ражид̇аа
Iti adhiṭṭhānahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 14. ад̇хидтаанахааравибхан̇г̇о • 14. Adhiṭṭhānahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 14. ад̇хидтаанахааравибхан̇г̇аван̣н̣анаа • 14. Adhiṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 14. ад̇хидтаанахааравибхан̇г̇аван̣н̣анаа • 14. Adhiṭṭhānahāravibhaṅgavaṇṇanā
