| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
14. ад̇хидтаанахааравибхан̇г̇о
14. Adhiṭṭhānahāravibhaṅgo
46. д̇ад̇т̇а гад̇амо ад̇хидтаано хааро? ‘‘згад̇д̇ад̇ааяа д̇хаммаа, язби жа взмад̇д̇ад̇ааяа нид̣̇д̣̇идтаа’’д̇и.
46. Tattha katamo adhiṭṭhāno hāro? ‘‘Ekattatāya dhammā, yepi ca vemattatāya niddiṭṭhā’’ti.
яз д̇ад̇т̇а нид̣̇д̣̇идтаа, д̇ат̇аа д̇з д̇хаараяид̇аб̣б̣аа.
Ye tattha niddiṭṭhā, tathā te dhārayitabbā.
‘‘д̣̇угка’’нд̇и згад̇д̇ад̇аа. д̇ад̇т̇а гад̇амам̣ д̣̇угкам̣? ж̇аад̇и д̣̇угкаа, ж̇араа д̣̇угкаа, б̣яаад̇хи д̣̇угко, маран̣ам̣ д̣̇угкам̣, аббиязхи самбаяог̇о д̣̇угко, биязхи виббаяог̇о д̣̇угко, яамбижчам̣ на лабхад̇и д̇амби д̣̇угкам̣, сам̣кид̇д̇зна бан̃жубаад̣̇аанагканд̇хаа д̣̇угкаа, руубаа д̣̇угкаа, взд̣̇анаа д̣̇угкаа, сан̃н̃аа д̣̇угкаа, сан̇каараа д̣̇угкаа, вин̃н̃аан̣ам̣ д̣̇угкам̣. аяам̣ взмад̇д̇ад̇аа.
‘‘Dukkha’’nti ekattatā. Tattha katamaṃ dukkhaṃ? Jāti dukkhā, jarā dukkhā, byādhi dukkho, maraṇaṃ dukkhaṃ, appiyehi sampayogo dukkho, piyehi vippayogo dukkho, yampicchaṃ na labhati tampi dukkhaṃ, saṃkhittena pañcupādānakkhandhā dukkhā, rūpā dukkhā, vedanā dukkhā, saññā dukkhā, saṅkhārā dukkhā, viññāṇaṃ dukkhaṃ. Ayaṃ vemattatā.
‘‘д̣̇угкасамуд̣̇аяо’’д̇и згад̇д̇ад̇аа. д̇ад̇т̇а гад̇амо д̣̇угкасамуд̣̇аяо? яааяам̣ д̇ан̣хаа бонобхавигаа 1 нанд̣̇ийрааг̇асахаг̇ад̇аа д̇ад̇рад̇ад̇раабхинанд̣̇иний. сзяяат̇ид̣̇ам̣, гаамад̇ан̣хаа бхавад̇ан̣хаа вибхавад̇ан̣хаа. аяам̣ взмад̇д̇ад̇аа.
‘‘Dukkhasamudayo’’ti ekattatā. Tattha katamo dukkhasamudayo? Yāyaṃ taṇhā ponobhavikā 2 nandīrāgasahagatā tatratatrābhinandinī. Seyyathidaṃ, kāmataṇhā bhavataṇhā vibhavataṇhā. Ayaṃ vemattatā.
‘‘д̣̇угканирод̇хо’’д̇и згад̇д̇ад̇аа. д̇ад̇т̇а гад̇амо д̣̇угканирод̇хо? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо. аяам̣ взмад̇д̇ад̇аа.
‘‘Dukkhanirodho’’ti ekattatā. Tattha katamo dukkhanirodho? Yo tassāyeva taṇhāya asesavirāganirodho cāgo paṭinissaggo mutti anālayo. Ayaṃ vemattatā.
‘‘д̣̇угканирод̇хаг̇ааминий бадибад̣̇аа’’д̇и згад̇д̇ад̇аа. д̇ад̇т̇а гад̇амаа д̣̇угканирод̇хаг̇ааминий бадибад̣̇аа? аяамзва арияо адтан̇г̇иго маг̇г̇о. сзяяат̇ид̣̇ам̣, саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ взмад̇д̇ад̇аа.
‘‘Dukkhanirodhagāminī paṭipadā’’ti ekattatā. Tattha katamā dukkhanirodhagāminī paṭipadā? Ayameva ariyo aṭṭhaṅgiko maggo. Seyyathidaṃ, sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ vemattatā.
‘‘маг̇г̇о’’д̇и згад̇д̇ад̇аа. д̇ад̇т̇а гад̇амо маг̇г̇о? нираяаг̇аамий маг̇г̇о д̇иражчаанаяониг̇аамий маг̇г̇о бзд̇д̇ивисаяаг̇аамий маг̇г̇о асураяонияо 3 маг̇г̇о саг̇г̇аг̇аамияо маг̇г̇о мануссаг̇аамий маг̇г̇о ниб̣б̣аанаг̇аамий маг̇г̇о. аяам̣ взмад̇д̇ад̇аа.
‘‘Maggo’’ti ekattatā. Tattha katamo maggo? Nirayagāmī maggo tiracchānayonigāmī maggo pettivisayagāmī maggo asurayoniyo 4 maggo saggagāmiyo maggo manussagāmī maggo nibbānagāmī maggo. Ayaṃ vemattatā.
‘‘нирод̇хо’’д̇и згад̇д̇ад̇аа. д̇ад̇т̇а гад̇амо нирод̇хо? бадисан̇каанирод̇хо аббадисан̇каанирод̇хо анунаяанирод̇хо бадигханирод̇хо маананирод̇хо магканирод̇хо бал̣аасанирод̇хо иссаанирод̇хо мажчарияанирод̇хо саб̣б̣агилзсанирод̇хо. аяам̣ взмад̇д̇ад̇аа.
‘‘Nirodho’’ti ekattatā. Tattha katamo nirodho? Paṭisaṅkhānirodho appaṭisaṅkhānirodho anunayanirodho paṭighanirodho mānanirodho makkhanirodho paḷāsanirodho issānirodho macchariyanirodho sabbakilesanirodho. Ayaṃ vemattatā.
47. д̣̇вийхи аагаарзхи д̇хаад̇уяо бариг̇г̇ан̣хаад̇и сан̇кзбзна жа вид̇т̇аарзна жа. гат̇ам̣ вид̇т̇аарзна д̇хаад̇уяо бариг̇г̇ан̣хаад̇и? вийсад̇ияаа аагаарзхи бат̇авийд̇хаад̇ум̣ вид̇т̇аарзна бариг̇г̇ан̣хаад̇и, д̣̇ваад̣̇асахи аагаарзхи аабод̇хаад̇ум̣ вид̇т̇аарзна бариг̇г̇ан̣хаад̇и, жад̇уухи аагаарзхи д̇зж̇од̇хаад̇ум̣ вид̇т̇аарзна бариг̇г̇ан̣хаад̇и, чахи аагаарзхи вааяод̇хаад̇ум̣ вид̇т̇аарзна бариг̇г̇ан̣хаад̇и.
47. Dvīhi ākārehi dhātuyo pariggaṇhāti saṅkhepena ca vitthārena ca. Kathaṃ vitthārena dhātuyo pariggaṇhāti? Vīsatiyā ākārehi pathavīdhātuṃ vitthārena pariggaṇhāti, dvādasahi ākārehi āpodhātuṃ vitthārena pariggaṇhāti, catūhi ākārehi tejodhātuṃ vitthārena pariggaṇhāti, chahi ākārehi vāyodhātuṃ vitthārena pariggaṇhāti.
гад̇амзхи вийсад̇ияаа аагаарзхи бат̇авийд̇хаад̇ум̣ вид̇т̇аарзна бариг̇г̇ан̣хаад̇и? ад̇т̇и имасмим̣ гааяз гзсаа ломаа накаа д̣̇анд̇аа д̇ажо, мам̣сам̣ нхаару адти адтимин̃ж̇ам̣ 9 ваггам̣, хад̣̇аяам̣ яаганам̣ гиломагам̣ бихагам̣ бабпаасам̣, анд̇ам̣ анд̇аг̇ун̣ам̣ уд̣̇арияам̣ гарийсам̣ мад̇т̇агз мад̇т̇алун̇г̇анд̇и имзхи вийсад̇ияаа аагаарзхи бат̇авийд̇хаад̇ум̣ вид̇т̇аарзна бариг̇г̇ан̣хаад̇и.
Katamehi vīsatiyā ākārehi pathavīdhātuṃ vitthārena pariggaṇhāti? Atthi imasmiṃ kāye kesā lomā nakhā dantā taco, maṃsaṃ nhāru aṭṭhi aṭṭhimiñjaṃ 10 vakkaṃ, hadayaṃ yakanaṃ kilomakaṃ pihakaṃ papphāsaṃ, antaṃ antaguṇaṃ udariyaṃ karīsaṃ matthake matthaluṅganti imehi vīsatiyā ākārehi pathavīdhātuṃ vitthārena pariggaṇhāti.
гад̇амзхи д̣̇ваад̣̇асахи аагаарзхи аабод̇хаад̇ум̣ вид̇т̇аарзна бариг̇г̇ан̣хаад̇и? ад̇т̇и имасмим̣ гааяз бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇анд̇и имзхи д̣̇ваад̣̇асахи аагаарзхи аабод̇хаад̇ум̣ вид̇т̇аарзна бариг̇г̇ан̣хаад̇и.
Katamehi dvādasahi ākārehi āpodhātuṃ vitthārena pariggaṇhāti? Atthi imasmiṃ kāye pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttanti imehi dvādasahi ākārehi āpodhātuṃ vitthārena pariggaṇhāti.
гад̇амзхи жад̇уухи аагаарзхи д̇зж̇од̇хаад̇ум̣ вид̇т̇аарзна бариг̇г̇ан̣хаад̇и? язна жа санд̇аббад̇и, язна жа ж̇ийрийяад̇и 11, язна жа барид̣аяхад̇и, язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇и, имзхи жад̇уухи аагаарзхи д̇зж̇од̇хаад̇ум̣ вид̇т̇аарзна бариг̇г̇ан̣хаад̇и.
Katamehi catūhi ākārehi tejodhātuṃ vitthārena pariggaṇhāti? Yena ca santappati, yena ca jīrīyati 12, yena ca pariḍayhati, yena ca asitapītakhāyitasāyitaṃ sammā pariṇāmaṃ gacchati, imehi catūhi ākārehi tejodhātuṃ vitthārena pariggaṇhāti.
гад̇амзхи чахи аагаарзхи вааяод̇хаад̇ум̣ вид̇т̇аарзна бариг̇г̇ан̣хаад̇и? уд̣̇д̇хан̇г̇амаа ваад̇аа, ад̇хог̇амаа ваад̇аа, гужчисаяаа ваад̇аа, годтаасаяаа 13 ваад̇аа, ан̇г̇аман̇г̇аанусаарино ваад̇аа, ассаасо бассаасо ид̇и, имзхи чахи аагаарзхи вааяод̇хаад̇ум̣ вид̇т̇аарзна бариг̇г̇ан̣хаад̇и.
Katamehi chahi ākārehi vāyodhātuṃ vitthārena pariggaṇhāti? Uddhaṅgamā vātā, adhogamā vātā, kucchisayā vātā, koṭṭhāsayā 14 vātā, aṅgamaṅgānusārino vātā, assāso passāso iti, imehi chahi ākārehi vāyodhātuṃ vitthārena pariggaṇhāti.
звам̣ имзхи д̣̇ваажад̇д̇аалийсааяа аагаарзхи вид̇т̇аарзна д̇хаад̇уяо сабхаавад̇о убалагкаяанд̇о д̇улаяанд̇о баривиймам̣санд̇о барияог̇ааханд̇о бажжавзгканд̇о на гин̃жи г̇аяхуубаг̇ам̣ бассад̇и гааяам̣ ваа гааяабад̣̇зсам̣ ваа, яат̇аа жанд̣̇анигам̣ бавижинанд̇о на гин̃жи г̇аяхуубаг̇ам̣ бассзяяа, яат̇аа сан̇гаарадтаанам̣ бавижинанд̇о на гин̃жи г̇аяхуубаг̇ам̣ бассзяяа, яат̇аа важжагудим̣ бавижинанд̇о на гин̃жи г̇аяхуубаг̇ам̣ бассзяяа, яат̇аа сиват̇игам̣ 15 бавижинанд̇о на гин̃жи г̇аяхуубаг̇ам̣ бассзяяа. звамзва имзхи д̣̇ваажад̇д̇аалийсааяа аагаарзхи звам̣ вид̇т̇аарзна д̇хаад̇уяо сабхаавад̇о убалагкаяанд̇о д̇улаяанд̇о баривиймам̣санд̇о барияог̇ааханд̇о бажжавзгканд̇о на гин̃жи г̇аяхуубаг̇ам̣ бассад̇и гааяам̣ ваа гааяабад̣̇зсам̣ ваа. д̇знааха бхаг̇аваа яаа жзва ко бана аж̇жхад̇д̇игаа бат̇авийд̇хаад̇у 16, яаа жа б̣аахираа бат̇авийд̇хаад̇у, бат̇авийд̇хаад̇урзвзсаа. д̇ам̣ ‘‘нзд̇ам̣ мама, нзсохамасми, на мзсо ад̇д̇аа’’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣, звамзд̇ам̣ яат̇аабхууд̇ам̣ саммаббан̃н̃ааяа д̣̇исваа бат̇авийд̇хаад̇уяаа ниб̣б̣инд̣̇ад̇и, бат̇авийд̇хаад̇уяаа жид̇д̇ам̣ вирааж̇зд̇и. яаа жзва ко бана аж̇жхад̇д̇игаа аабод̇хаад̇у, яаа жа б̣аахираа аабод̇хаад̇у…бз… яаа жзва ко бана аж̇жхад̇д̇игаа д̇зж̇од̇хаад̇у, яаа жа б̣аахираа д̇зж̇од̇хаад̇у…бз… яаа жзва ко бана аж̇жхад̇д̇игаа вааяод̇хаад̇у, яаа жа б̣аахираа вааяод̇хаад̇у, вааяод̇хаад̇урзвзсаа. д̇ам̣ ‘‘нзд̇ам̣ мама, нзсохамасми, на мзсо ад̇д̇аа’’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣, звамзд̇ам̣ яат̇аабхууд̇ам̣ саммаббан̃н̃ааяа д̣̇исваа вааяод̇хаад̇уяаа ниб̣б̣инд̣̇ад̇и, вааяод̇хаад̇уяаа жид̇д̇ам̣ вирааж̇зд̇и. аяам̣ взмад̇д̇ад̇аа.
Evaṃ imehi dvācattālīsāya ākārehi vitthārena dhātuyo sabhāvato upalakkhayanto tulayanto parivīmaṃsanto pariyogāhanto paccavekkhanto na kiñci gayhūpagaṃ passati kāyaṃ vā kāyapadesaṃ vā, yathā candanikaṃ pavicinanto na kiñci gayhūpagaṃ passeyya, yathā saṅkāraṭṭhānaṃ pavicinanto na kiñci gayhūpagaṃ passeyya, yathā vaccakuṭiṃ pavicinanto na kiñci gayhūpagaṃ passeyya, yathā sivathikaṃ 17 pavicinanto na kiñci gayhūpagaṃ passeyya. Evameva imehi dvācattālīsāya ākārehi evaṃ vitthārena dhātuyo sabhāvato upalakkhayanto tulayanto parivīmaṃsanto pariyogāhanto paccavekkhanto na kiñci gayhūpagaṃ passati kāyaṃ vā kāyapadesaṃ vā. Tenāha bhagavā yā ceva kho pana ajjhattikā pathavīdhātu 18, yā ca bāhirā pathavīdhātu, pathavīdhāturevesā. Taṃ ‘‘netaṃ mama, nesohamasmi, na meso attā’’ti evametaṃ yathābhūtaṃ sammappaññāya daṭṭhabbaṃ, evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti. Yā ceva kho pana ajjhattikā āpodhātu, yā ca bāhirā āpodhātu…pe… yā ceva kho pana ajjhattikā tejodhātu, yā ca bāhirā tejodhātu…pe… yā ceva kho pana ajjhattikā vāyodhātu, yā ca bāhirā vāyodhātu, vāyodhāturevesā. Taṃ ‘‘netaṃ mama, nesohamasmi, na meso attā’’ti evametaṃ yathābhūtaṃ sammappaññāya daṭṭhabbaṃ, evametaṃ yathābhūtaṃ sammappaññāya disvā vāyodhātuyā nibbindati, vāyodhātuyā cittaṃ virājeti. Ayaṃ vemattatā.
48. ‘‘авиж̇ж̇аа’’д̇и згад̇д̇ад̇аа. д̇ад̇т̇а гад̇амаа авиж̇ж̇аа? д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣ам̣, буб̣б̣анд̇з ан̃н̃аан̣ам̣, абаранд̇з ан̃н̃аан̣ам̣, буб̣б̣анд̇аабаранд̇з ан̃н̃аан̣ам̣, ид̣̇аббажжаяад̇аабадижжасамуббаннзсу д̇хаммзсу ан̃н̃аан̣ам̣, яам̣ зваруубам̣ ан̃н̃аан̣ам̣ ад̣̇ассанам̣ анабхисамаяо анануб̣од̇хо асамб̣од̇хо аббадивзд̇хо асаллагкан̣аа анубалагкан̣аа абажжубалагкан̣аа асамавзгкан̣ам̣ 19 абажжагкагаммам̣ д̣̇уммзж̇жхам̣ б̣ааляам̣ асамбаж̇ан̃н̃ам̣ мохо бамохо саммохо авиж̇ж̇аа авиж̇ж̇огхо авиж̇ж̇ааяог̇о авиж̇ж̇аанусаяо авиж̇ж̇аабарияудтаанам̣ авиж̇ж̇аалан̇г̇ий мохо агусаламуулам̣. аяам̣ взмад̇д̇ад̇аа.
48. ‘‘Avijjā’’ti ekattatā. Tattha katamā avijjā? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatāpaṭiccasamuppannesu dhammesu aññāṇaṃ, yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asallakkhaṇā anupalakkhaṇā apaccupalakkhaṇā asamavekkhaṇaṃ 20 apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ. Ayaṃ vemattatā.
‘‘виж̇ж̇аа’’д̇и згад̇д̇ад̇аа. д̇ад̇т̇а гад̇амаа виж̇ж̇аа? д̣̇угкз н̃аан̣ам̣, д̣̇угкасамуд̣̇аяз н̃аан̣ам̣, д̣̇угканирод̇хз н̃аан̣ам̣, д̣̇угканирод̇хаг̇ааминияаа бадибад̣̇ааяа н̃аан̣ам̣, буб̣б̣анд̇з н̃аан̣ам̣, абаранд̇з н̃аан̣ам̣, буб̣б̣анд̇аабаранд̇з н̃аан̣ам̣, ид̣̇аббажжаяад̇аабадижжасамуббаннзсу д̇хаммзсу н̃аан̣ам̣, яаа зваруубаа бан̃н̃аа баж̇аананаа вижаяо бавижаяо д̇хаммавижаяо сам̣лагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа 21 жинд̇аа убабаригкаа бхуурий мзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти д̇хаммавижаяасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣. аяам̣ взмад̇д̇ад̇аа.
‘‘Vijjā’’ti ekattatā. Tattha katamā vijjā? Dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ, pubbante ñāṇaṃ, aparante ñāṇaṃ, pubbantāparante ñāṇaṃ, idappaccayatāpaṭiccasamuppannesu dhammesu ñāṇaṃ, yā evarūpā paññā pajānanā vicayo pavicayo dhammavicayo saṃlakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā 22 cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ. Ayaṃ vemattatā.
‘‘самаабад̇д̇ий’’д̇и згад̇д̇ад̇аа. д̇ад̇т̇а гад̇амаа самаабад̇д̇и? сан̃н̃аасамаабад̇д̇и асан̃н̃аасамаабад̇д̇и, нзвасан̃н̃аанаасан̃н̃аасамаабад̇д̇и. вибхууд̇асан̃н̃аасамаабад̇д̇и нирод̇хасамаабад̇д̇ийд̇и. аяам̣ взмад̇д̇ад̇аа.
‘‘Samāpattī’’ti ekattatā. Tattha katamā samāpatti? Saññāsamāpatti asaññāsamāpatti, nevasaññānāsaññāsamāpatti. Vibhūtasaññāsamāpatti nirodhasamāpattīti. Ayaṃ vemattatā.
‘‘жхааяий’’д̇и згад̇д̇ад̇аа. д̇ад̇т̇а гад̇амо жхааяий? ад̇т̇и сзгко жхааяий, ад̇т̇и асзгко жхааяий, нзвасзгканаасзгко жхааяий, ааж̇аанияо жхааяий, ассакалун̇го жхааяий, д̣̇идтуд̇д̇аро жхааяий, д̇ан̣худ̇д̇аро жхааяий, бан̃н̃уд̇д̇аро жхааяий. аяам̣ взмад̇д̇ад̇аа.
‘‘Jhāyī’’ti ekattatā. Tattha katamo jhāyī? Atthi sekkho jhāyī, atthi asekkho jhāyī, nevasekkhanāsekkho jhāyī, ājāniyo jhāyī, assakhaluṅko jhāyī, diṭṭhuttaro jhāyī, taṇhuttaro jhāyī, paññuttaro jhāyī. Ayaṃ vemattatā.
‘‘самаад̇хий’’д̇и згад̇д̇ад̇аа. д̇ад̇т̇а гад̇амо самаад̇хи? саран̣о самаад̇хи, аран̣о самаад̇хи, савзро самаад̇хи, авзро самаад̇хи, саб̣яаабаж̇ж̇о 23 самаад̇хи, аб̣яаабаж̇ж̇о самаад̇хи, саббийд̇иго самаад̇хи, ниббийд̇иго самаад̇хи, саамисо самаад̇хи, нираамисо самаад̇хи, сасан̇кааро самаад̇хи, асан̇кааро самаад̇хи, згам̣сабхаавид̇о самаад̇хи, убхаяам̣сабхаавид̇о самаад̇хи, убхаяад̇о бхаавид̇абхаавано самаад̇хи, савид̇аггасавижааро самаад̇хи, авид̇аггавижаарамад̇д̇о самаад̇хи, авид̇аггаавижааро самаад̇хи, хаанабхааг̇ияо самаад̇хи, тид̇ибхааг̇ияо самаад̇хи, висзсабхааг̇ияо самаад̇хи, ниб̣б̣зд̇хабхааг̇ияо самаад̇хи, логияо самаад̇хи, логуд̇д̇аро самаад̇хи, мижчаасамаад̇хи, саммаасамаад̇хи. аяам̣ взмад̇д̇ад̇аа.
‘‘Samādhī’’ti ekattatā. Tattha katamo samādhi? Saraṇo samādhi, araṇo samādhi, savero samādhi, avero samādhi, sabyāpajjo 24 samādhi, abyāpajjo samādhi, sappītiko samādhi, nippītiko samādhi, sāmiso samādhi, nirāmiso samādhi, sasaṅkhāro samādhi, asaṅkhāro samādhi, ekaṃsabhāvito samādhi, ubhayaṃsabhāvito samādhi, ubhayato bhāvitabhāvano samādhi, savitakkasavicāro samādhi, avitakkavicāramatto samādhi, avitakkaavicāro samādhi, hānabhāgiyo samādhi, ṭhitibhāgiyo samādhi, visesabhāgiyo samādhi, nibbedhabhāgiyo samādhi, lokiyo samādhi, lokuttaro samādhi, micchāsamādhi, sammāsamādhi. Ayaṃ vemattatā.
‘‘бадибад̣̇аа’’д̇и згад̇д̇ад̇аа. д̇ад̇т̇а гад̇амаа бадибад̣̇аа? ааг̇аал̣хабадибад̣̇аа 25, ниж̇жхаамабадибад̣̇аа, маж̇жхимабадибад̣̇аа, агкамаа бадибад̣̇аа, камаа бадибад̣̇аа, самаа бадибад̣̇аа, д̣̇амаа бадибад̣̇аа , д̣̇угкаа бадибад̣̇аа д̣̇анд̇хаабхин̃н̃аа, д̣̇угкаа бадибад̣̇аа киббаабхин̃н̃аа, сукаа бадибад̣̇аа д̣̇анд̇хаабхин̃н̃аа, сукаа бадибад̣̇аа киббаабхин̃н̃аад̇и. аяам̣ взмад̇д̇ад̇аа.
‘‘Paṭipadā’’ti ekattatā. Tattha katamā paṭipadā? Āgāḷhapaṭipadā 26, nijjhāmapaṭipadā, majjhimapaṭipadā, akkhamā paṭipadā, khamā paṭipadā, samā paṭipadā, damā paṭipadā , dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññāti. Ayaṃ vemattatā.
‘‘гааяо’’д̇и згад̇д̇ад̇аа. д̇ад̇т̇а гад̇амо гааяо? наамагааяо руубагааяо жа. д̇ад̇т̇а гад̇амо руубагааяо? гзсаа ломаа накаа д̣̇анд̇аа д̇ажо мам̣сам̣ нхаару 27 адти адтимин̃ж̇ам̣ ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣ бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇ам̣ мад̇т̇алун̇г̇анд̇и – аяам̣ руубагааяо. наамагааяо наама взд̣̇анаа сан̃н̃аа жзд̇анаа жид̇д̇ам̣ пассо манасигаарод̇и – аяам̣ наамагааяод̇и. аяам̣ взмад̇д̇ад̇аа.
‘‘Kāyo’’ti ekattatā. Tattha katamo kāyo? Nāmakāyo rūpakāyo ca. Tattha katamo rūpakāyo? Kesā lomā nakhā dantā taco maṃsaṃ nhāru 28 aṭṭhi aṭṭhimiñjaṃ vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ matthaluṅganti – ayaṃ rūpakāyo. Nāmakāyo nāma vedanā saññā cetanā cittaṃ phasso manasikāroti – ayaṃ nāmakāyoti. Ayaṃ vemattatā.
звам̣ яо д̇хаммо яасса д̇хаммасса самаанабхааво, со д̇хаммо д̇асса д̇хаммасса згад̇д̇ад̇ааяа згий бхавад̇и. язна язна ваа бана вилагкан̣о, д̇зна д̇зна взмад̇д̇ам̣ г̇ажчад̇и. звам̣ суд̇д̇з ваа взяяаагаран̣з ваа г̇аат̇ааяам̣ ваа бужчид̇зна виймам̣саяид̇аб̣б̣ам̣, гим̣ згад̇д̇ад̇ааяа бужчад̇и, уд̣̇ааху взмад̇д̇ад̇ааяаад̇и. яад̣̇и згад̇д̇ад̇ааяа бужчид̇ам̣, згад̇д̇ад̇ааяа висаж̇ж̇аяид̇аб̣б̣ам̣. яад̣̇и взмад̇д̇ад̇ааяа бужчид̇ам̣, взмад̇д̇ад̇ааяа висаж̇ж̇аяид̇аб̣б̣ам̣. яад̣̇и сад̇д̇аад̇хидтаанзна бужчид̇ам̣, сад̇д̇аад̇хидтаанзна висаж̇ж̇аяид̇аб̣б̣ам̣. яад̣̇и д̇хаммаад̇хидтаанзна бужчид̇ам̣, д̇хаммаад̇хидтаанзна висаж̇ж̇аяид̇аб̣б̣ам̣. яат̇аа яат̇аа ваа бана бужчид̇ам̣, д̇ат̇аа д̇ат̇аа висаж̇ж̇аяид̇аб̣б̣ам̣. д̇знааха ааяасмаа махаагажжааяано ‘‘згад̇д̇ад̇ааяа д̇хаммаа’’д̇и.
Evaṃ yo dhammo yassa dhammassa samānabhāvo, so dhammo tassa dhammassa ekattatāya ekī bhavati. Yena yena vā pana vilakkhaṇo, tena tena vemattaṃ gacchati. Evaṃ sutte vā veyyākaraṇe vā gāthāyaṃ vā pucchitena vīmaṃsayitabbaṃ, kiṃ ekattatāya pucchati, udāhu vemattatāyāti. Yadi ekattatāya pucchitaṃ, ekattatāya visajjayitabbaṃ. Yadi vemattatāya pucchitaṃ, vemattatāya visajjayitabbaṃ. Yadi sattādhiṭṭhānena pucchitaṃ, sattādhiṭṭhānena visajjayitabbaṃ. Yadi dhammādhiṭṭhānena pucchitaṃ, dhammādhiṭṭhānena visajjayitabbaṃ. Yathā yathā vā pana pucchitaṃ, tathā tathā visajjayitabbaṃ. Tenāha āyasmā mahākaccāyano ‘‘ekattatāya dhammā’’ti.
нияуд̇д̇о ад̇хидтаано хааро.
Niyutto adhiṭṭhāno hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 14. ад̇хидтаанахааравибхан̇г̇аван̣н̣анаа • 14. Adhiṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 14. ад̇хидтаанахааравибхан̇г̇аван̣н̣анаа • 14. Adhiṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 14. ад̇хидтаанахааравибхан̇г̇авибхааванаа • 14. Adhiṭṭhānahāravibhaṅgavibhāvanā
