| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
8. ад̇хидтаанавигаббанавинижчаяагат̇аа
8. Adhiṭṭhānavikappanavinicchayakathā
44. звам̣ анаамаасавинижчаяагат̇ам̣ гат̇зд̇ваа ид̣̇аани ад̇хидтаанавигаббанавинижчаяам̣ гат̇зд̇ум̣ ‘‘ад̇хидтаанавигаббанзсу банаа’’д̇иаад̣̇имааха. д̇ад̇т̇а ад̇хидтияад̇з ад̇хидтаанам̣, г̇ахан̣ам̣ саллагкан̣анд̇и ад̇т̇о. вигаббияад̇з вигаббанаа, сан̇габбанам̣ жинд̇ананд̇и ад̇т̇о. д̇ад̇т̇а ‘‘д̇ижийварам̣ ад̇хидтаад̇унд̇и наамам̣ вад̇ваа ад̇хидтаад̇ум̣. на вигаббзд̇унд̇и наамам̣ вад̇ваа на вигаббзд̇ум̣. зса наяо саб̣б̣ад̇т̇а. д̇асмаа д̇ижийварам̣ ад̇хидтаханд̇зна ‘имам̣ сан̇гхаадим̣ ад̇хидтаамий’д̇иаад̣̇инаа наамам̣ вад̇ваа ад̇хидтаад̇аб̣б̣ам̣. вигаббзнд̇зна бана ‘имам̣ сан̇гхаади’нд̇иаад̣̇инаа д̇асса д̇асса жийварасса наамам̣ аг̇г̇ахзд̇ваава ‘имам̣ жийварам̣ д̇уяхам̣ вигаббзмий’д̇и вигаббзд̇аб̣б̣ам̣. д̇ижийварам̣ ваа ход̇у ан̃н̃ам̣ ваа, яад̣̇и д̇ам̣ д̇ам̣ наамам̣ г̇ахзд̇ваа вигаббзд̇и , авигаббид̇ам̣ ход̇и, ад̇ирзгажийварадтаанз д̇идтад̇ий’’д̇и саарад̇т̇ад̣̇ийбанияам̣ (саарад̇т̇а. дий. 2.469) вуд̇д̇ам̣.
44. Evaṃ anāmāsavinicchayakathaṃ kathetvā idāni adhiṭṭhānavikappanavinicchayaṃ kathetuṃ ‘‘adhiṭṭhānavikappanesu panā’’tiādimāha. Tattha adhiṭṭhiyate adhiṭṭhānaṃ, gahaṇaṃ sallakkhaṇanti attho. Vikappiyate vikappanā, saṅkappanaṃ cintananti attho. Tattha ‘‘ticīvaraṃ adhiṭṭhātunti nāmaṃ vatvā adhiṭṭhātuṃ. Na vikappetunti nāmaṃ vatvā na vikappetuṃ. Esa nayo sabbattha. Tasmā ticīvaraṃ adhiṭṭhahantena ‘imaṃ saṅghāṭiṃ adhiṭṭhāmī’tiādinā nāmaṃ vatvā adhiṭṭhātabbaṃ. Vikappentena pana ‘imaṃ saṅghāṭi’ntiādinā tassa tassa cīvarassa nāmaṃ aggahetvāva ‘imaṃ cīvaraṃ tuyhaṃ vikappemī’ti vikappetabbaṃ. Ticīvaraṃ vā hotu aññaṃ vā, yadi taṃ taṃ nāmaṃ gahetvā vikappeti , avikappitaṃ hoti, atirekacīvaraṭṭhāne tiṭṭhatī’’ti sāratthadīpaniyaṃ (sārattha. ṭī. 2.469) vuttaṃ.
вимад̇ивинод̣̇анияам̣ (ви. ви. дий. 1.469) бана ‘‘д̇ижийварам̣ ад̇хидтаад̇унд̇и сан̇гхаадиаад̣̇инаамзна ад̇хидтаад̇ум̣. на вигаббзд̇унд̇и иминаа наамзна на вигаббзд̇ум̣, зд̇зна вигаббид̇ад̇ижийваро д̇зжийвариго на ход̇и, д̇асса д̇асмим̣ ад̇хидтид̇ад̇ижийварз вияа авиббаваасаад̣̇инаа гаад̇аб̣б̣авид̇хи на гаад̇аб̣б̣од̇и д̣̇ассзд̇и, на бана вигаббанз д̣̇осо’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. баарааж̇ига 469) бана ‘‘д̇ижийварам̣ ад̇хидтаад̇унд̇и зд̇т̇а д̇ижийварам̣ д̇ижийвараад̇хидтаанзна ад̇хидтаад̇аб̣б̣аяуд̇д̇агам̣, яам̣ ваа д̇ижийвараад̇хидтаанзна ад̇хидтаад̇ум̣ на вигаббзд̇ум̣ ануж̇аанаами, д̇асса ад̇хидтаанагаалабарижчзд̣̇аабхаавад̇о саб̣б̣агаалам̣ ижчанд̇асса ад̇хидтаад̇ум̣язва ануж̇аанаами, д̇ам̣ гаалабарижчзд̣̇ам̣ гад̇ваа вигаббзд̇ум̣ наануж̇аанаами, сад̇и бана бажжаяз яад̣̇аа д̇ад̣̇аа ваа бажжуд̣̇д̇харид̇ваа вигаббзд̇ум̣ ваддад̇ийд̇и ‘анаабад̇д̇и анд̇од̣̇асаахам̣ ад̇хидтзд̇и вигаббзд̇ий’д̇и важанад̇о сид̣̇д̇хам̣ ход̇ий’’д̇и вуд̇д̇ам̣.
Vimativinodaniyaṃ (vi. vi. ṭī. 1.469) pana ‘‘ticīvaraṃ adhiṭṭhātunti saṅghāṭiādināmena adhiṭṭhātuṃ. Na vikappetunti iminā nāmena na vikappetuṃ, etena vikappitaticīvaro tecīvariko na hoti, tassa tasmiṃ adhiṭṭhitaticīvare viya avippavāsādinā kātabbavidhi na kātabboti dasseti, na pana vikappane doso’’ti vuttaṃ. Vajirabuddhiṭīkāyaṃ (vajira. ṭī. pārājika 469) pana ‘‘ticīvaraṃ adhiṭṭhātunti ettha ticīvaraṃ ticīvarādhiṭṭhānena adhiṭṭhātabbayuttakaṃ, yaṃ vā ticīvarādhiṭṭhānena adhiṭṭhātuṃ na vikappetuṃ anujānāmi, tassa adhiṭṭhānakālaparicchedābhāvato sabbakālaṃ icchantassa adhiṭṭhātuṃyeva anujānāmi, taṃ kālaparicchedaṃ katvā vikappetuṃ nānujānāmi, sati pana paccaye yadā tadā vā paccuddharitvā vikappetuṃ vaṭṭatīti ‘anāpatti antodasāhaṃ adhiṭṭheti vikappetī’ti vacanato siddhaṃ hotī’’ti vuttaṃ.
имзсу бана д̇ийсу дийгааваад̣̇зсу д̇ад̇ияаваад̣̇о яуд̇д̇ад̇аро вияа д̣̇иссад̇и. гасмаа? баал̣ияаа адтагат̇ааяа жа сам̣санд̣̇анад̇о. гат̇ам̣? баал̣ияан̃хи гад̇абарижчзд̣̇аасуязва д̣̇вийсу вассигасаадигаган̣д̣убадижчаад̣̇ийсу д̇ад̇о барам̣ вигаббзд̇унд̇и вуд̇д̇ам̣, д̇ад̇о ан̃н̃зсу на вигаббзд̇ум̣ ижжзва, д̇асмаа д̇зсу асад̇и бажжаяз нижжам̣ ад̇хидтаад̇аб̣б̣амзва ход̇и, на вигаббзд̇аб̣б̣анд̇и аяам̣ баал̣ияаа ад̇хиббааяо д̣̇иссад̇и, ид̇араасу бана д̣̇вийсу анун̃н̃аад̇агаалзязва ад̇хидтаад̇аб̣б̣ам̣, ‘‘д̇ад̇о барам̣ вигаббзд̇у’’нд̇и звам̣ баал̣ияаа сам̣санд̣̇ад̇и, адтагат̇ааяам̣ д̇ижийварам̣ д̇ижийварасан̇кзбзна барихарад̇о ад̇хидтаад̇умзва ануж̇аанаами, на вигаббзд̇ум̣. вассигасаадигам̣ бана жаад̇умаасад̇о барам̣ вигаббзд̇умзва, на ад̇хидтаад̇ум̣, зван̃жа сад̇и яо д̇ижийварз згзна жийварзна виббавасид̇угаамо ход̇и, д̇асса жийвараад̇хидтаанам̣ бажжуд̣̇д̇харид̇ваа виббаваасасукад̇т̇ам̣ вигаббанааяа огаасо д̣̇инно ход̇ийд̇и.
Imesu pana tīsu ṭīkāvādesu tatiyavādo yuttataro viya dissati. Kasmā? Pāḷiyā aṭṭhakathāya ca saṃsandanato. Kathaṃ? Pāḷiyañhi kataparicchedāsuyeva dvīsu vassikasāṭikakaṇḍupaṭicchādīsu tato paraṃ vikappetunti vuttaṃ, tato aññesu na vikappetuṃ icceva, tasmā tesu asati paccaye niccaṃ adhiṭṭhātabbameva hoti, na vikappetabbanti ayaṃ pāḷiyā adhippāyo dissati, itarāsu pana dvīsu anuññātakāleyeva adhiṭṭhātabbaṃ, ‘‘tato paraṃ vikappetu’’nti evaṃ pāḷiyā saṃsandati, aṭṭhakathāyaṃ ticīvaraṃ ticīvarasaṅkhepena pariharato adhiṭṭhātumeva anujānāmi, na vikappetuṃ. Vassikasāṭikaṃ pana cātumāsato paraṃ vikappetumeva, na adhiṭṭhātuṃ, evañca sati yo ticīvare ekena cīvarena vippavasitukāmo hoti, tassa cīvarādhiṭṭhānaṃ paccuddharitvā vippavāsasukhatthaṃ vikappanāya okāso dinno hotīti.
батамаваад̣̇з ‘‘на вигаббзд̇у’’нд̇и наамам̣ вад̇ваа ‘‘на вигаббзд̇у’’нд̇и ад̇т̇о вуд̇д̇о, звам̣ санд̇з ‘‘д̇ад̇о барам̣ вигаббзд̇у’’нд̇и зд̇т̇а д̇ад̇о барам̣ наамам̣ вад̇ваа вигаббзд̇унд̇и ад̇т̇о бхавзяяа, со жа ад̇т̇о вигаббанаад̇хигаарзна вуд̇д̇о, ‘‘наамам̣ вад̇ваа’’д̇и жа висзсанз гад̇д̇аб̣б̣з сад̇и ‘‘на вигаббзд̇у’’нд̇и жа ‘‘д̇ад̇о барам̣ вигаббзд̇у’’нд̇и жа бхзд̣̇аважанам̣ на сияаа, саб̣б̣зсуби жийварзсу наамам̣ авад̇ваава вигаббзд̇аб̣б̣ад̇о, д̣̇уд̇ияаваад̣̇з жа ‘‘на вигаббзд̇у’’нд̇и иминаа наамзна на вигаббзд̇унд̇и вуд̇д̇ам̣, на ануж̇аанаамийд̇и баатасзсо. батамз жа ‘‘д̇ижийварам̣ ваа ход̇у ан̃н̃ам̣ ваа, яад̣̇и д̇ам̣ д̇ам̣ наамам̣ г̇ахзд̇ваа вигаббзд̇и, авигаббид̇ам̣ ход̇и, ад̇ирзгажийварадтаанз д̇идтад̇ий’’д̇и. д̣̇уд̇ияз жа ‘‘на бана вигаббанз д̣̇осо’’д̇и, д̇ан̃жа ан̃н̃аман̃н̃авируд̣̇д̇хам̣ вияа д̣̇иссад̇и, д̇асмаа вижаарзд̇аб̣б̣амзд̇ам̣.
Paṭhamavāde ‘‘na vikappetu’’nti nāmaṃ vatvā ‘‘na vikappetu’’nti attho vutto, evaṃ sante ‘‘tato paraṃ vikappetu’’nti ettha tato paraṃ nāmaṃ vatvā vikappetunti attho bhaveyya, so ca attho vikappanādhikārena vutto, ‘‘nāmaṃ vatvā’’ti ca visesane kattabbe sati ‘‘na vikappetu’’nti ca ‘‘tato paraṃ vikappetu’’nti ca bhedavacanaṃ na siyā, sabbesupi cīvaresu nāmaṃ avatvāva vikappetabbato, dutiyavāde ca ‘‘na vikappetu’’nti iminā nāmena na vikappetunti vuttaṃ, na anujānāmīti pāṭhaseso. Paṭhame ca ‘‘ticīvaraṃ vā hotu aññaṃ vā, yadi taṃ taṃ nāmaṃ gahetvā vikappeti, avikappitaṃ hoti, atirekacīvaraṭṭhāne tiṭṭhatī’’ti. Dutiye ca ‘‘na pana vikappane doso’’ti, tañca aññamaññaviruddhaṃ viya dissati, tasmā vicāretabbametaṃ.
д̇ад̇о барам̣ вигаббзд̇унд̇и жаад̇умаасад̇о барам̣ вигаббзд̇ваа барибхун̃ж̇ид̇унд̇и д̇ийсу г̇ан̣тибад̣̇зсу вуд̇д̇ам̣. гзжи бана ‘‘д̇ад̇о барам̣ вигаббзд̇ваа яаава ааг̇аамисам̣важчарз вассаанам̣ жаад̇умаасам̣, д̇аава табзд̇ум̣ анун̃н̃аад̇а’’нд̇иби вад̣̇анд̇и. ‘‘д̇ад̇о барам̣ вигаббзд̇ум̣ ануж̇аанаамийд̇и зд̇д̇аавад̇аа вассигасаадигам̣ ган̣д̣убадижчаад̣̇ин̃жа д̇ам̣ д̇ам̣ наамам̣ г̇ахзд̇ваа вигаббзд̇ум̣ анун̃н̃аад̇анд̇и звамад̇т̇о на г̇ахзд̇аб̣б̣о. д̇ад̇о барам̣ вассигасаадигаад̣̇инаамассзва абхаавад̇о, гасмаа д̇ад̇о барам̣ вигаббзнд̇знаби наамам̣ г̇ахзд̇ваа на вигаббзд̇аб̣б̣ам̣. убхиннамби д̇ад̇о барам̣ вигаббзд̇ваа барибхог̇асса анун̃н̃аад̇ад̇д̇аа д̇ат̇аавигаббид̇ам̣ ан̃н̃анаамзна ад̇хидтахид̇ваа барибхун̃ж̇ид̇аб̣б̣анд̇и д̇ийсуби г̇ан̣тибад̣̇зсу вуд̇д̇а’’нд̇и саарад̇т̇ад̣̇ийбанияам̣ (саарад̇т̇а. дий. 2.469) вуд̇д̇ам̣. вимад̇ивинод̣̇анияамби (ви. ви. дий. 1.469) ‘‘д̇ад̇о баранд̇и жаад̇умаасад̇о барам̣ вигаббзд̇ваа барибхун̃ж̇ид̇ум̣ анун̃н̃аад̇анд̇и гзжи вад̣̇анд̇и. ан̃н̃з бана ‘вигаббзд̇ваа яаава ааг̇аамивассаанам̣ д̇аава табзд̇ум̣ ваддад̇ий’д̇и вад̣̇анд̇и. абарз бана ‘вигаббанз на д̣̇осо, д̇ат̇аа вигаббид̇ам̣ баригкаараад̣̇инаамзна ад̇хидтахид̇ваа барибхун̃ж̇ид̇аб̣б̣а’нд̇и вад̣̇анд̇ий’’д̇и вуд̇д̇ам̣.
Tato paraṃ vikappetunti cātumāsato paraṃ vikappetvā paribhuñjitunti tīsu gaṇṭhipadesu vuttaṃ. Keci pana ‘‘tato paraṃ vikappetvā yāva āgāmisaṃvacchare vassānaṃ cātumāsaṃ, tāva ṭhapetuṃ anuññāta’’ntipi vadanti. ‘‘Tato paraṃ vikappetuṃ anujānāmīti ettāvatā vassikasāṭikaṃ kaṇḍupaṭicchādiñca taṃ taṃ nāmaṃ gahetvā vikappetuṃ anuññātanti evamattho na gahetabbo. Tato paraṃ vassikasāṭikādināmasseva abhāvato, kasmā tato paraṃ vikappentenapi nāmaṃ gahetvā na vikappetabbaṃ. Ubhinnampi tato paraṃ vikappetvā paribhogassa anuññātattā tathāvikappitaṃ aññanāmena adhiṭṭhahitvā paribhuñjitabbanti tīsupi gaṇṭhipadesu vutta’’nti sāratthadīpaniyaṃ (sārattha. ṭī. 2.469) vuttaṃ. Vimativinodaniyampi (vi. vi. ṭī. 1.469) ‘‘tato paranti cātumāsato paraṃ vikappetvā paribhuñjituṃ anuññātanti keci vadanti. Aññe pana ‘vikappetvā yāva āgāmivassānaṃ tāva ṭhapetuṃ vaṭṭatī’ti vadanti. Apare pana ‘vikappane na doso, tathā vikappitaṃ parikkhārādināmena adhiṭṭhahitvā paribhuñjitabba’nti vadantī’’ti vuttaṃ.
важ̇ираб̣уд̣̇д̇хидийгааяам̣ (важ̇ира. дий. баарааж̇ига 469) бана ‘‘вассигасаадигам̣ д̇ад̇о барам̣ вигаббзд̇ум̣язва, наад̇хидтаад̇ум̣. вад̇т̇ан̃хи гад̇абарияосид̇ам̣ анд̇ожаад̇умаасз вассаанад̣̇ивасам̣ аад̣̇им̣ гад̇ваа анд̇од̣̇асаахз ад̇хидтаад̇ум̣ ануж̇аанаами, жаад̇умаасад̇о уд̣̇д̇хам̣ ад̇д̇ано санд̇агам̣ гад̇ваа табзд̇угаамзна вигаббзд̇ум̣ ануж̇аанаамийд̇и ад̇т̇о’’д̇и вуд̇д̇ам̣. ид̇хааби бажчимаваад̣̇о басад̇т̇ад̇арод̇и д̣̇иссад̇и, гасмаа? сувин̃н̃зяяад̇д̇аа, буримзсу бана аажарияаанам̣ ад̇хиббааяоязва д̣̇увин̃н̃зяяо ход̇и наанааваад̣̇ассзва гат̇ид̇ад̇д̇аа. мудтибан̃жаганд̇и мудтияаа убалагкид̇ам̣ бан̃жагам̣ мудтибан̃жагам̣, жад̇ухад̇т̇з минид̇ваа бан̃жамам̣ хад̇т̇амудтим̣ гад̇ваа минид̇аб̣б̣анд̇и ад̇хиббааяо. гзжи бана ‘‘мудтихад̇т̇аанам̣ бан̃жагам̣ мудтибан̃жагам̣. бан̃жаби хад̇т̇аа мудтий гад̇ваава минид̇аб̣б̣аа’’д̇и вад̣̇анд̇и. мудтид̇д̇иганд̇и зд̇т̇ааби зсзва наяо. д̣̇вихад̇т̇зна анд̇араваасагзна д̇иман̣д̣алам̣ бадижчаад̣̇зд̇ум̣ саггаад̇и ааха ‘‘баарубанзнабий’’д̇иаад̣̇и. ад̇ирзганд̇и суг̇ад̇ажийварад̇о ад̇ирзгам̣. уунаганд̇и мудтибан̃жагаад̣̇ид̇о уунагам̣. д̇зна жа д̇зсу д̇ижийвараад̇хидтаанам̣ на рухад̇ийд̇и д̣̇ассзд̇и.
Vajirabuddhiṭīkāyaṃ (vajira. ṭī. pārājika 469) pana ‘‘vassikasāṭikaṃ tato paraṃ vikappetuṃyeva, nādhiṭṭhātuṃ. Vatthañhi katapariyositaṃ antocātumāse vassānadivasaṃ ādiṃ katvā antodasāhe adhiṭṭhātuṃ anujānāmi, cātumāsato uddhaṃ attano santakaṃ katvā ṭhapetukāmena vikappetuṃ anujānāmīti attho’’ti vuttaṃ. Idhāpi pacchimavādo pasatthataroti dissati, kasmā? Suviññeyyattā, purimesu pana ācariyānaṃ adhippāyoyeva duviññeyyo hoti nānāvādasseva kathitattā. Muṭṭhipañcakanti muṭṭhiyā upalakkhitaṃ pañcakaṃ muṭṭhipañcakaṃ, catuhatthe minitvā pañcamaṃ hatthamuṭṭhiṃ katvā minitabbanti adhippāyo. Keci pana ‘‘muṭṭhihatthānaṃ pañcakaṃ muṭṭhipañcakaṃ. Pañcapi hatthā muṭṭhī katvāva minitabbā’’ti vadanti. Muṭṭhittikanti etthāpi eseva nayo. Dvihatthena antaravāsakena timaṇḍalaṃ paṭicchādetuṃ sakkāti āha ‘‘pārupanenapī’’tiādi. Atirekanti sugatacīvarato atirekaṃ. Ūnakanti muṭṭhipañcakādito ūnakaṃ. Tena ca tesu ticīvarādhiṭṭhānaṃ na ruhatīti dasseti.
имам̣ сан̇гхаадим̣ бажжуд̣̇д̇хараамийд̇и имам̣ сан̇гхаадиад̇хидтаанам̣ угкибаами, барижжаж̇аамийд̇и ад̇т̇о. саарад̇т̇ад̣̇ийбанияам̣ (саарад̇т̇а. дий. 2.469) бана ‘‘бажжуд̣̇д̇хараамийд̇и табзми, барижжаж̇аамийд̇и ваа ад̇т̇о’’ижжзва вуд̇д̇ам̣. гааяавигаарам̣ гаронд̇знаад̇и хад̇т̇зна жийварам̣ бараамасанд̇зна, жаалзнд̇зна ваа. ваажааяа ад̇хидтаад̇аб̣б̣аад̇и зд̇т̇а гааязнаби жаалзд̇ваа ваажамби бхинд̣̇ид̇ваа гааяаваажаахи ад̇хидтаанамби сан̇г̇ахид̇анд̇и взд̣̇ид̇аб̣б̣ам̣, ‘‘гааязна апусид̇ваа’’д̇и вад̇д̇аб̣б̣ад̇д̇аа ахад̇т̇абаасахад̇т̇абаасавасзна д̣̇увид̇хам̣ ад̇хидтаанам̣. д̇ад̇т̇а ‘‘хад̇т̇абаасо наама ад̣дхад̇зяяахад̇т̇о вужжад̇и. ‘д̣̇ваад̣̇асахад̇т̇а’нд̇и гзжи вад̣̇анд̇и, д̇ам̣ ид̇ха на самзд̇ий’’д̇и вимад̇ивинод̣̇анияам̣ (ви. ви. дий. 1.469) вуд̇д̇ам̣. ‘‘ид̣̇аани саммукаабараммукаабхзд̣̇зна д̣̇увид̇хам̣ ад̇хидтаанам̣ д̣̇ассзд̇ум̣ ‘‘сажз хад̇т̇абаасзд̇иаад̣̇и вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. 2.469) бана ‘‘хад̇т̇абаасзд̇и жа ид̣̇ам̣ д̣̇ваад̣̇асахад̇т̇ам̣ санд̇хааяа вуд̇д̇ам̣, д̇асмаа д̣̇ваад̣̇асахад̇т̇аб̣бханд̇арз тид̇ам̣ ‘има’нд̇и вад̇ваа ад̇хидтаад̇аб̣б̣ам̣, д̇ад̇о барам̣ ‘зд̇а’нд̇и вад̇ваа ад̇хидтаад̇аб̣б̣анд̇и гзжи вад̣̇анд̇и, г̇ан̣тибад̣̇зсу банзд̇т̇а на гин̃жи вуд̇д̇ам̣, баал̣ияам̣ адтагат̇ааяан̃жа саб̣б̣ад̇т̇а ‘хад̇т̇абаасо’д̇и ад̣дхад̇зяяахад̇т̇о вужжад̇и, д̇асмаа ид̇ха висзсавигаббанааяа гааран̣ам̣ г̇авзсид̇аб̣б̣а’’нд̇и вуд̇д̇ам̣. звам̣ баал̣ияадтагат̇аасуби ад̣дхад̇зяяахад̇т̇амзва хад̇т̇абаасо вуд̇д̇о, дийгаажариязхи жа д̇ад̣̇зва самбадижчид̇о, д̇асмаа ад̣дхад̇зяяахад̇т̇аб̣бханд̇арз тид̇ам̣ жийварам̣ ‘‘има’’нд̇и, д̇ад̇о б̣ахибхууд̇ам̣ ‘‘зд̇а’’нд̇и вад̇ваа ад̇хидтаад̇аб̣б̣ам̣.
Imaṃ saṅghāṭiṃ paccuddharāmīti imaṃ saṅghāṭiadhiṭṭhānaṃ ukkhipāmi, pariccajāmīti attho. Sāratthadīpaniyaṃ (sārattha. ṭī. 2.469) pana ‘‘paccuddharāmīti ṭhapemi, pariccajāmīti vā attho’’icceva vuttaṃ. Kāyavikāraṃ karontenāti hatthena cīvaraṃ parāmasantena, cālentena vā. Vācāya adhiṭṭhātabbāti ettha kāyenapi cāletvā vācampi bhinditvā kāyavācāhi adhiṭṭhānampi saṅgahitanti veditabbaṃ, ‘‘kāyena aphusitvā’’ti vattabbattā ahatthapāsahatthapāsavasena duvidhaṃ adhiṭṭhānaṃ. Tattha ‘‘hatthapāso nāma aḍḍhateyyahattho vuccati. ‘Dvādasahattha’nti keci vadanti, taṃ idha na sametī’’ti vimativinodaniyaṃ (vi. vi. ṭī. 1.469) vuttaṃ. ‘‘Idāni sammukhāparammukhābhedena duvidhaṃ adhiṭṭhānaṃ dassetuṃ ‘‘sace hatthapāsetiādi vuttaṃ. Sāratthadīpaniyaṃ (sārattha. ṭī. 2.469) pana ‘‘hatthapāseti ca idaṃ dvādasahatthaṃ sandhāya vuttaṃ, tasmā dvādasahatthabbhantare ṭhitaṃ ‘ima’nti vatvā adhiṭṭhātabbaṃ, tato paraṃ ‘eta’nti vatvā adhiṭṭhātabbanti keci vadanti, gaṇṭhipadesu panettha na kiñci vuttaṃ, pāḷiyaṃ aṭṭhakathāyañca sabbattha ‘hatthapāso’ti aḍḍhateyyahattho vuccati, tasmā idha visesavikappanāya kāraṇaṃ gavesitabba’’nti vuttaṃ. Evaṃ pāḷiyaṭṭhakathāsupi aḍḍhateyyahatthameva hatthapāso vutto, ṭīkācariyehi ca tadeva sampaṭicchito, tasmā aḍḍhateyyahatthabbhantare ṭhitaṃ cīvaraṃ ‘‘ima’’nti, tato bahibhūtaṃ ‘‘eta’’nti vatvā adhiṭṭhātabbaṃ.
‘‘сааманд̇авихаарзд̇и ид̣̇ам̣ табид̇адтаанасаллагкан̣аяог̇г̇з тид̇ам̣ санд̇хааяа вуд̇д̇ам̣, д̇ад̇о д̣̇уурз тид̇амби табид̇адтаанам̣ саллагкзнд̇зна ад̇хидтаад̇аб̣б̣амзва. д̇ад̇т̇ааби жийварасса табид̇абхаавасаллагкан̣амзва бамаан̣ам̣. на хи саггаа нижжасса таанам̣ саллагкзд̇ум̣, згасмим̣ вихаарз табзд̇ваа д̇ад̇о ан̃н̃асмим̣ табид̇анд̇и ад̇хидтаад̇ум̣ на ваддад̇и. гзжи бана ‘д̇ат̇ааби ад̇хидтид̇з на д̣̇осо’д̇и вад̣̇анд̇и, д̇ам̣ адтагат̇ааяа на самзд̇и, виймам̣сид̇аб̣б̣а’’нд̇и вимад̇ивинод̣̇анияам̣ (ви. ви. дий. 1.469) вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. 2.469) бана ‘‘сааманд̇авихааро наама яад̇т̇а д̇ад̣̇ахзва г̇анд̇ваа нивад̇д̇зд̇ум̣ саггаа. сааманд̇авихаарзд̇и ид̣̇ам̣ д̣̇зсанаасийсамад̇д̇ам̣, д̇асмаа табид̇адтаанам̣ саллагкзд̇ваа д̣̇уурз тид̇амби ад̇хидтаад̇аб̣б̣анд̇и вад̣̇анд̇и. табид̇адтаанам̣ саллагкзд̇ваад̇и жа ид̣̇ам̣ табид̇адтаанасаллагкан̣ам̣ анужчавиганд̇и гад̇ваа вуд̇д̇ам̣, жийварасаллагкан̣амзвзд̇т̇а бамаан̣а’’нд̇и вуд̇д̇ам̣. важ̇ираб̣уд̣̇д̇хидийгааяан̃жа (важ̇ира. дий. баарааж̇ига 469) ‘‘сан̇гхаади уд̇д̇араасан̇г̇о анд̇араваасаганд̇и ад̇хидтид̇аанад̇хидтид̇аанам̣ самаанамзва наамам̣. ‘аяам̣ сан̇гхаадий’д̇иаад̣̇ийсу анад̇хидтид̇аа вуд̇д̇аа. ‘д̇ижийварзна виббавасзяяаа’д̇и зд̇т̇а ад̇хидтид̇аа вуд̇д̇аа. сааманд̇авихаарзд̇и г̇ожараг̇аамад̇о вихаарзд̇и д̇хаммасирид̇т̇зро. д̣̇уурад̇арзби лаб̣бхад̇зваад̇и аажарияаа. ануг̇ан̣тибад̣̇зби ‘сааманд̇авихаарзд̇и д̣̇зсанаасийсамад̇д̇ам̣, д̇асмаа табид̇адтаанам̣ саллагкзд̇ваа д̣̇уурз тид̇амби ад̇хидтаад̇аб̣б̣а’нд̇и вуд̇д̇ам̣. сааманд̇авихааро наама яад̇т̇а д̇ад̣̇ахзва г̇анд̇ваа нивад̇д̇ид̇ум̣ саггаа. рад̇д̇ивиббаваасам̣ рагканд̇зна д̇ад̇о д̣̇уурз тид̇ам̣ ад̇хидтаад̇ум̣ на ваддад̇и, звам̣ гира махааадтагат̇ааяам̣ вуд̇д̇анд̇и. гзжи ‘жийваравам̣сз табид̇ам̣ ан̃н̃о баривад̇д̇зд̇ваа нааг̇ад̣̇анд̇з табзд̇и, д̇ам̣ аж̇аанид̇ваа ад̇хидтаханд̇ассаби рухад̇и жийварасса саллагкид̇ад̇д̇аа’д̇и вад̣̇анд̇ий’’д̇и, д̇асмаа аажарияаанам̣ мад̇абхзд̣̇ам̣ сам̣санд̣̇ид̇ваа г̇ахзд̇аб̣б̣ам̣.
‘‘Sāmantavihāreti idaṃ ṭhapitaṭṭhānasallakkhaṇayogge ṭhitaṃ sandhāya vuttaṃ, tato dūre ṭhitampi ṭhapitaṭṭhānaṃ sallakkhentena adhiṭṭhātabbameva. Tatthāpi cīvarassa ṭhapitabhāvasallakkhaṇameva pamāṇaṃ. Na hi sakkā niccassa ṭhānaṃ sallakkhetuṃ, ekasmiṃ vihāre ṭhapetvā tato aññasmiṃ ṭhapitanti adhiṭṭhātuṃ na vaṭṭati. Keci pana ‘tathāpi adhiṭṭhite na doso’ti vadanti, taṃ aṭṭhakathāya na sameti, vīmaṃsitabba’’nti vimativinodaniyaṃ (vi. vi. ṭī. 1.469) vuttaṃ. Sāratthadīpaniyaṃ (sārattha. ṭī. 2.469) pana ‘‘sāmantavihāro nāma yattha tadaheva gantvā nivattetuṃ sakkā. Sāmantavihāreti idaṃ desanāsīsamattaṃ, tasmā ṭhapitaṭṭhānaṃ sallakkhetvā dūre ṭhitampi adhiṭṭhātabbanti vadanti. Ṭhapitaṭṭhānaṃ sallakkhetvāti ca idaṃ ṭhapitaṭṭhānasallakkhaṇaṃ anucchavikanti katvā vuttaṃ, cīvarasallakkhaṇamevettha pamāṇa’’nti vuttaṃ. Vajirabuddhiṭīkāyañca (vajira. ṭī. pārājika 469) ‘‘saṅghāṭi uttarāsaṅgo antaravāsakanti adhiṭṭhitānadhiṭṭhitānaṃ samānameva nāmaṃ. ‘Ayaṃ saṅghāṭī’tiādīsu anadhiṭṭhitā vuttā. ‘Ticīvarena vippavaseyyā’ti ettha adhiṭṭhitā vuttā. Sāmantavihāreti gocaragāmato vihāreti dhammasiritthero. Dūratarepi labbhatevāti ācariyā. Anugaṇṭhipadepi ‘sāmantavihāreti desanāsīsamattaṃ, tasmā ṭhapitaṭṭhānaṃ sallakkhetvā dūre ṭhitampi adhiṭṭhātabba’nti vuttaṃ. Sāmantavihāro nāma yattha tadaheva gantvā nivattituṃ sakkā. Rattivippavāsaṃ rakkhantena tato dūre ṭhitaṃ adhiṭṭhātuṃ na vaṭṭati, evaṃ kira mahāaṭṭhakathāyaṃ vuttanti. Keci ‘cīvaravaṃse ṭhapitaṃ añño parivattetvā nāgadante ṭhapeti, taṃ ajānitvā adhiṭṭhahantassapi ruhati cīvarassa sallakkhitattā’ti vadantī’’ti, tasmā ācariyānaṃ matabhedaṃ saṃsanditvā gahetabbaṃ.
ад̇хидтахид̇ваа табид̇авад̇т̇зхийд̇и баригкааражол̣анаамзна ад̇хидтахид̇ваа табид̇авад̇т̇зхи. д̇знзва ‘‘имам̣ бажжуд̣̇д̇хараамий’’д̇и баригкааражол̣асса бажжуд̣̇д̇хаарам̣ д̣̇ассзд̇и, зд̇зна жа д̇зжийваригад̇худ̇ан̇г̇ам̣ барихаранд̇зна бам̣сугуулаад̣̇ивасзна лад̣̇д̇хам̣ вад̇т̇ам̣ д̣̇асаахаб̣бханд̇арз гад̇ваа раж̇ид̇ваа баарубид̇умасаггонд̇зна баригкааражол̣авасзна ад̇хидтахид̇ваава д̣̇асаахамад̇иггамаабзд̇аб̣б̣ам̣, ид̇арат̇аа ниссаг̇г̇ияам̣ ход̇ийд̇и д̣̇ассзд̇и, д̇знзва ‘‘раж̇ид̇агаалад̇о бана бадтааяа нигкибид̇ум̣ на ваддад̇и, д̇худ̇ан̇г̇ажоро наама ход̇ий’’д̇и висуд̣̇д̇химаг̇г̇з (висуд̣̇д̇хи. 1.25) вуд̇д̇ам̣. буна ад̇хидтаад̇аб̣б̣аанийд̇и ид̣̇ан̃жа сан̇гхаадиаад̣̇ид̇ижийваранаамзна ад̇хидтахид̇ваа барибхун̃ж̇ид̇угаамасса васзна вуд̇д̇ам̣, ид̇арасса бана буримаад̇хидтаанамзва аланд̇и взд̣̇ид̇аб̣б̣ам̣. буна ад̇хидтаад̇аб̣б̣анд̇и иминаа габбаб̣инд̣̇уби д̣̇аад̇аб̣б̣анд̇и д̣̇ассзд̇и. ад̇хидтаанагижжам̣ над̇т̇ийд̇и иминаа габбаб̣инд̣̇уд̣̇аанагижжамби над̇т̇ийд̇и д̣̇ассзд̇и, маханд̇ад̇арамзваад̇иаад̣̇и саб̣б̣аад̇хидтаанасаад̇хааран̣алагкан̣ам̣. д̇ад̇т̇а буна ад̇хидтаад̇аб̣б̣анд̇и анад̇хидтид̇ажийварасса згад̣̇зсабхууд̇ад̇д̇аа анад̇хидтид̇ан̃жз, ад̇хидтид̇асса аббабхаавзна згад̣̇зсабхууд̇ам̣ ад̇хидтид̇асан̇камзва г̇ажчад̇и, д̇ат̇аа ад̇хидтид̇ан̃жз, анад̇хидтид̇асса згад̣̇зсабхууд̇ам̣ анад̇хидтид̇асан̇кам̣ г̇ажчад̇ийд̇и лагкан̣ам̣. на гзвалан̃жзд̇т̇а д̣̇уд̇ияабаддамзва, ат̇а ко д̇ад̇ияабаддаад̣̇игамби. яат̇ааха ‘‘ануж̇аанаами бхигкавз…бз… уд̇уд̣̇д̇хадаанам̣ д̣̇уссаанам̣ жад̇уг̇г̇ун̣ам̣ сан̇гхаадим̣…бз… бам̣сугуулз яаавад̣̇ад̇т̇а’’нд̇и (махаава. 348).
Adhiṭṭhahitvāṭhapitavatthehīti parikkhāracoḷanāmena adhiṭṭhahitvā ṭhapitavatthehi. Teneva ‘‘imaṃ paccuddharāmī’’ti parikkhāracoḷassa paccuddhāraṃ dasseti, etena ca tecīvarikadhutaṅgaṃ pariharantena paṃsukūlādivasena laddhaṃ vatthaṃ dasāhabbhantare katvā rajitvā pārupitumasakkontena parikkhāracoḷavasena adhiṭṭhahitvāva dasāhamatikkamāpetabbaṃ, itarathā nissaggiyaṃ hotīti dasseti, teneva ‘‘rajitakālato pana paṭṭhāya nikkhipituṃ na vaṭṭati, dhutaṅgacoro nāma hotī’’ti visuddhimagge (visuddhi. 1.25) vuttaṃ. Puna adhiṭṭhātabbānīti idañca saṅghāṭiāditicīvaranāmena adhiṭṭhahitvā paribhuñjitukāmassa vasena vuttaṃ, itarassa pana purimādhiṭṭhānameva alanti veditabbaṃ. Puna adhiṭṭhātabbanti iminā kappabindupi dātabbanti dasseti. Adhiṭṭhānakiccaṃnatthīti iminā kappabindudānakiccampi natthīti dasseti, mahantataramevātiādi sabbādhiṭṭhānasādhāraṇalakkhaṇaṃ. Tattha puna adhiṭṭhātabbanti anadhiṭṭhitacīvarassa ekadesabhūtattā anadhiṭṭhitañce, adhiṭṭhitassa appabhāvena ekadesabhūtaṃ adhiṭṭhitasaṅkhameva gacchati, tathā adhiṭṭhitañce, anadhiṭṭhitassa ekadesabhūtaṃ anadhiṭṭhitasaṅkhaṃ gacchatīti lakkhaṇaṃ. Na kevalañcettha dutiyapaṭṭameva, atha kho tatiyapaṭṭādikampi. Yathāha ‘‘anujānāmi bhikkhave…pe… utuddhaṭānaṃ dussānaṃ catugguṇaṃ saṅghāṭiṃ…pe… paṃsukūle yāvadattha’’nti (mahāva. 348).
мудтибан̃жагаад̣̇ид̇ижийвараббамаан̣аяуд̇д̇ам̣ санд̇хааяа ‘‘д̇ижийварам̣ банаа’’д̇иаад̣̇и вуд̇д̇ам̣. баригкааражол̣ам̣ ад̇хидтаад̇унд̇и баригкааражол̣ам̣ гад̇ваа ад̇хидтаад̇ум̣. авасзсаа бхигкууд̇и вагкамаанагаалз нисиннаа бхигкуу. д̇асмаа ваддад̇ийд̇и яат̇аа ‘‘ануж̇аанаами, бхигкавз, д̇ижийварам̣ ад̇хидтаад̇ум̣, на вигаббзд̇у’’нд̇и (махаава. 358) вуд̇д̇ам̣, звам̣ баригкааражол̣амби вуд̇д̇ам̣, на жасса уггадтабарижчзд̣̇о вуд̇д̇о, на жа сан̇каабарижчзд̣̇о, д̇асмаа д̇ийн̣иби жийвараани бажжуд̣̇д̇харид̇ваа имаани жийвараани баригкааражол̣аани ад̇хидтахид̇ваа барибхун̃ж̇ид̇ум̣ ваддад̇ийд̇и ад̇т̇о. нид̇хаанамукамзд̇анд̇и зд̇ам̣ баригкааражол̣аад̇хидтаанам̣ нид̇хаанамукам̣ табанамукам̣, ад̇ирзгажийварадтабанагааран̣анд̇и ад̇т̇о. гат̇ам̣ н̃ааяад̇ийд̇и жз, д̇зна ко бана самаязна бхигкуунам̣ барибун̣н̣ам̣ ход̇и д̇ижийварам̣, ад̇т̇о жа ход̇и бариссааванзхиби т̇авигаахиби. зд̇асмим̣ вад̇т̇усмим̣ ‘‘ануж̇аанаами, бхигкавз, баригкааражол̣ага’’нд̇и анун̃н̃аад̇ад̇д̇аа бхигкуунан̃жа згамзва бариссааванам̣, т̇авигаа ваа ваддад̇и, на д̣̇вз ваа д̇ийн̣и ваад̇и бадигкзбаабхаавад̇о вигаббануубаг̇абажчимаббамаан̣аани, ад̇ирзгаббамаан̣аани ваа бариссааванаад̣̇ийни баригкаараани габбанд̇ийд̇и сид̣̇д̇хам̣. батамам̣ д̇ижийвараад̇хидтаанзна ад̇хидтаад̇аб̣б̣ам̣, буна барихарид̇ум̣ асаггонд̇зна бажжуд̣̇д̇харид̇ваа баригкааражол̣ам̣ ад̇хидтаад̇аб̣б̣ам̣ , на д̇взва аад̣̇ид̇ова ид̣̇ам̣ вуд̇д̇ам̣. б̣ад̣̇д̇хасиймааяа авиббаваасасиймаасаммуд̇исамбхавад̇о жийваравиббаваасз нзвад̇т̇и д̣̇осод̇и на д̇ад̇т̇а д̣̇уббарихаарод̇и ааха ‘‘аб̣ад̣̇д̇хасиймааяа д̣̇уббарихаара’’нд̇и.
Muṭṭhipañcakāditicīvarappamāṇayuttaṃ sandhāya ‘‘ticīvaraṃ panā’’tiādi vuttaṃ. Parikkhāracoḷaṃ adhiṭṭhātunti parikkhāracoḷaṃ katvā adhiṭṭhātuṃ. Avasesā bhikkhūti vakkhamānakāle nisinnā bhikkhū. Tasmā vaṭṭatīti yathā ‘‘anujānāmi, bhikkhave, ticīvaraṃ adhiṭṭhātuṃ, na vikappetu’’nti (mahāva. 358) vuttaṃ, evaṃ parikkhāracoḷampi vuttaṃ, na cassa ukkaṭṭhaparicchedo vutto, na ca saṅkhāparicchedo, tasmā tīṇipi cīvarāni paccuddharitvā imāni cīvarāni parikkhāracoḷāni adhiṭṭhahitvā paribhuñjituṃ vaṭṭatīti attho. Nidhānamukhametanti etaṃ parikkhāracoḷādhiṭṭhānaṃ nidhānamukhaṃ ṭhapanamukhaṃ, atirekacīvaraṭṭhapanakāraṇanti attho. Kathaṃ ñāyatīti ce, tena kho pana samayena bhikkhūnaṃ paripuṇṇaṃ hoti ticīvaraṃ, attho ca hoti parissāvanehipi thavikāhipi. Etasmiṃ vatthusmiṃ ‘‘anujānāmi, bhikkhave, parikkhāracoḷaka’’nti anuññātattā bhikkhūnañca ekameva parissāvanaṃ, thavikā vā vaṭṭati, na dve vā tīṇi vāti paṭikkhepābhāvato vikappanūpagapacchimappamāṇāni, atirekappamāṇāni vā parissāvanādīni parikkhārāni kappantīti siddhaṃ. Paṭhamaṃ ticīvarādhiṭṭhānena adhiṭṭhātabbaṃ, puna pariharituṃ asakkontena paccuddharitvā parikkhāracoḷaṃ adhiṭṭhātabbaṃ , na tveva āditova idaṃ vuttaṃ. Baddhasīmāya avippavāsasīmāsammutisambhavato cīvaravippavāse nevatthi dosoti na tattha dupparihāroti āha ‘‘abaddhasīmāya dupparihāra’’nti.
45. ад̇ирид̇д̇аббамаан̣ааяа чзд̣̇анагам̣ баажид̇д̇ияанд̇и ааха ‘‘анад̇ирид̇д̇аббамаан̣аа’’д̇и. д̇ад̇о барам̣ бажжуд̣̇д̇харид̇ваа вигаббзд̇аб̣б̣аад̇и вассигамаасад̇о барам̣ ад̇хидтаанам̣ бажжуд̣̇д̇харид̇ваа вигаббзд̇аб̣б̣аа, иминаа жад̇уннам̣ вассигамаасаанам̣ убари ад̇хидтаанам̣ д̇идтад̇ийд̇и вин̃н̃ааяад̇и, асад̇о бажжуд̣̇д̇харааяог̇аа, яан̃жа маад̇игаадтагат̇ааяам̣ (ган̇каа. адта. гат̇инасигкаабад̣̇аван̣н̣анаа) ‘‘вассигасаадигаа вассаанамаасаад̇иггамзнааби ган̣д̣убадижчаад̣̇и ааб̣аад̇хавуубасамзнааби ад̇хидтаанам̣ виж̇аханд̇ий’’д̇и вуд̇д̇ам̣, д̇ам̣ саманд̇абаасаад̣̇игааяам̣ над̇т̇и, бариваарадтагат̇ааяан̃жа ‘‘ад̇т̇аабад̇д̇и хзманд̇з аабаж̇ж̇ад̇и, но г̇имхз’’д̇и зд̇т̇а на д̇ам̣ вуд̇д̇ам̣, гад̇д̇игабун̣н̣амаасияаа бажчимз баадибад̣̇ад̣̇ивасз вигаббзд̇ваа табид̇ам̣ вассигасаадигам̣ ниваасзнд̇о хзманд̇з аабаж̇ж̇ад̇и. гурунд̣̇ияам̣ бана ‘‘гад̇д̇игабун̣н̣амад̣̇ивасз абажжуд̣̇д̇харид̇ваа хзманд̇з аабаж̇ж̇ад̇ий’’д̇и вуд̇д̇ам̣, д̇амби сувуд̇д̇ам̣. ‘‘жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и хи вуд̇д̇ам̣. д̇ад̇т̇а махааадтагат̇ааяам̣ ниваасанабажжаяаа д̣̇уггадам̣ вуд̇д̇ам̣, гурунд̣̇адтагат̇ааяам̣ бана абажжуд̣̇д̇хаарабажжаяаа, д̇асмаа гурунд̣̇ияам̣ вуд̇д̇анаязнаби вассигасаадигаа вассаанаад̇иггамзби ад̇хидтаанам̣ на виж̇ахад̇ийд̇и бан̃н̃ааяад̇и. ад̇хидтаанавиж̇аханзсу жа вассаанамаасаааб̣аад̇хаанам̣ виг̇амз виж̇аханам̣ маад̇игаадтагат̇ааяамби на уд̣̇д̇хадам̣, д̇асмаа саманд̇абаасаад̣̇игааяам̣ (баараа. адта. 2.469) ааг̇ад̇анаязна яаава бажжуд̣̇д̇хаараа ад̇хидтаанам̣ д̇идтад̇ийд̇и г̇ахзд̇аб̣б̣ам̣.
45. Atirittappamāṇāya chedanakaṃ pācittiyanti āha ‘‘anatirittappamāṇā’’ti. Tato paraṃ paccuddharitvā vikappetabbāti vassikamāsato paraṃ adhiṭṭhānaṃ paccuddharitvā vikappetabbā, iminā catunnaṃ vassikamāsānaṃ upari adhiṭṭhānaṃ tiṭṭhatīti viññāyati, asato paccuddharāyogā, yañca mātikāṭṭhakathāyaṃ (kaṅkhā. aṭṭha. kathinasikkhāpadavaṇṇanā) ‘‘vassikasāṭikā vassānamāsātikkamenāpi kaṇḍupaṭicchādi ābādhavūpasamenāpi adhiṭṭhānaṃ vijahantī’’ti vuttaṃ, taṃ samantapāsādikāyaṃ natthi, parivāraṭṭhakathāyañca ‘‘atthāpatti hemante āpajjati, no gimhe’’ti ettha na taṃ vuttaṃ, kattikapuṇṇamāsiyā pacchime pāṭipadadivase vikappetvā ṭhapitaṃ vassikasāṭikaṃ nivāsento hemante āpajjati. Kurundiyaṃ pana ‘‘kattikapuṇṇamadivase apaccuddharitvā hemante āpajjatī’’ti vuttaṃ, tampi suvuttaṃ. ‘‘Cātumāsaṃ adhiṭṭhātuṃ, tato paraṃ vikappetu’’nti hi vuttaṃ. Tattha mahāaṭṭhakathāyaṃ nivāsanapaccayā dukkaṭaṃ vuttaṃ, kurundaṭṭhakathāyaṃ pana apaccuddhārapaccayā, tasmā kurundiyaṃ vuttanayenapi vassikasāṭikā vassānātikkamepi adhiṭṭhānaṃ na vijahatīti paññāyati. Adhiṭṭhānavijahanesu ca vassānamāsaābādhānaṃ vigame vijahanaṃ mātikāṭṭhakathāyampi na uddhaṭaṃ, tasmā samantapāsādikāyaṃ (pārā. aṭṭha. 2.469) āgatanayena yāva paccuddhārā adhiṭṭhānaṃ tiṭṭhatīti gahetabbaṃ.
нахаанад̇т̇ааяа анун̃н̃аад̇ад̇д̇аа ‘‘ван̣н̣абхзд̣̇амад̇д̇арад̇д̇ааби жзсаа ваддад̇ий’’д̇и вуд̇д̇ам̣. д̣̇вз бана на вадданд̇ийд̇и иминаа сан̇гхаадиаад̣̇ийсуби д̣̇уд̇ияаад̇хидтаанам̣ на рухад̇и, д̇ам̣ ад̇ирзгажийварам̣ ход̇ийд̇и д̣̇ассзд̇и. махаабажжарияам̣ жийваравасзна барибхог̇агижжасса абхаавам̣ санд̇хааяа ‘‘анаабад̇д̇ий’’д̇и вуд̇д̇аа сзнаасанабарибхог̇ад̇т̇ааяа д̣̇иннабажжад̇т̇аран̣з вияа. яам̣ бана ‘‘бажжад̇т̇аран̣амби ад̇хидтаад̇аб̣б̣а’’нд̇и вуд̇д̇ам̣, д̇ам̣ сзнаасанад̇т̇ааязваад̇и нияамид̇ам̣ на ход̇и навасу жийварзсу г̇ахид̇ад̇д̇аа, д̇асмаа ад̇д̇ано наамзна ад̇хидтахид̇ваа нид̣̇ахид̇ваа баригкааражол̣ам̣ вияа яат̇аа д̇ат̇аа винияуж̇ж̇ид̇амзваад̇и г̇ахзд̇аб̣б̣ам̣, бааваарогож̇авод̇и имзсамби бажжад̇т̇аран̣аад̣̇инаа логзби вохаран̣ад̇о сзнаасанабаригкаарад̇т̇ааяа д̣̇иннабажжад̇т̇аран̣ад̇о висум̣ г̇ахан̣ам̣ гад̇ам̣. сажз авасаанз абараавассигасаадигаа уббаннаа ход̇и, буримавассигасаадигам̣ бажжуд̣̇д̇харид̇ваа вигаббзд̇ваа ад̇хидтаад̇аб̣б̣аад̇и вад̣̇анд̇и.
Nahānatthāya anuññātattā ‘‘vaṇṇabhedamattarattāpi cesā vaṭṭatī’’ti vuttaṃ. Dve pana na vaṭṭantīti iminā saṅghāṭiādīsupi dutiyaadhiṭṭhānaṃ na ruhati, taṃ atirekacīvaraṃ hotīti dasseti. Mahāpaccariyaṃ cīvaravasena paribhogakiccassa abhāvaṃ sandhāya ‘‘anāpattī’’ti vuttā senāsanaparibhogatthāya dinnapaccattharaṇe viya. Yaṃ pana ‘‘paccattharaṇampi adhiṭṭhātabba’’nti vuttaṃ, taṃ senāsanatthāyevāti niyamitaṃ na hoti navasu cīvaresu gahitattā, tasmā attano nāmena adhiṭṭhahitvā nidahitvā parikkhāracoḷaṃ viya yathā tathā viniyujjitamevāti gahetabbaṃ, pāvārokojavoti imesampi paccattharaṇādinā lokepi voharaṇato senāsanaparikkhāratthāya dinnapaccattharaṇato visuṃ gahaṇaṃ kataṃ. Sace avasāne aparāvassikasāṭikā uppannā hoti, purimavassikasāṭikaṃ paccuddharitvā vikappetvā adhiṭṭhātabbāti vadanti.
нисийд̣̇анамхи бамаан̣аяуд̇д̇анд̇и ‘‘д̣̇ийгхад̇о суг̇ад̇авид̣̇ад̇т̇ияаа д̣̇вз вид̣̇ад̇т̇ияо, вид̇т̇аарад̇о д̣̇ияад̣дхам̣, д̣̇асаа вид̣̇ад̇т̇ий’’д̇ииминаа бамаан̣зна яуд̇д̇ам̣, д̇ам̣ бана маж̇жхимабурисахад̇т̇асан̇каад̇зна вад̣дхагийхад̇т̇зна д̣̇ийгхад̇о д̇ихад̇т̇ам̣ ход̇и, вид̇т̇аарад̇о чал̣ан̇г̇улаад̇хигад̣̇вихад̇т̇ам̣, д̣̇асаа вид̣̇ад̇т̇аад̇хигахад̇т̇ам̣, ид̣̇аани мануссаанам̣ багад̇ихад̇т̇зна д̣̇ийгхад̇о вид̣̇ад̇т̇аад̇хигажад̇ухад̇т̇ам̣ ход̇и, вид̇т̇аарад̇о наван̇г̇улаад̇хигад̇ихад̇т̇ам̣, д̣̇асаа чал̣ан̇г̇улаад̇хигад̣̇вихад̇т̇аа, д̇ад̇о уунам̣ ваддад̇и, на ад̇хигам̣ ‘‘д̇ам̣ ад̇иггаамаяад̇о чзд̣̇анагам̣ баажид̇д̇ияа’’нд̇и (баажи. 533) вуд̇д̇ад̇д̇аа. ган̣д̣убадижчаад̣̇ияаа бамаан̣игаад̇и ‘‘д̣̇ийгхад̇о жад̇ассо вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ д̣̇вз вид̣̇ад̇т̇ияо’’д̇и (баажи. 538) вуд̇д̇ад̇д̇аа звам̣ вуд̇д̇аббамаан̣аяуд̇д̇аа, саа бана вад̣дхагийхад̇т̇зна д̣̇ийгхад̇о чахад̇т̇аа ход̇и, вид̇т̇аарад̇о д̇ихад̇т̇аа, ид̣̇аани багад̇ихад̇т̇зна бана д̣̇ийгхад̇о навахад̇т̇аа ход̇и, д̇ирияад̇о вид̣̇ад̇т̇аад̇хигажад̇ухад̇т̇аад̇и взд̣̇ид̇аб̣б̣аа. вигаббануубаг̇абажчимажийвараббамаан̣ам̣ баригкааражол̣анд̇и зд̇т̇а бана вигаббануубаг̇абажчимажийвараббамаан̣ам̣ наама суг̇ад̇ан̇г̇улзна д̣̇ийгхад̇о адтан̇г̇улам̣ ход̇и, д̇ирияад̇о жад̇уран̇г̇улам̣, вад̣дхагийхад̇т̇зна д̣̇ийгхад̇о згахад̇т̇ам̣ ход̇и, д̇ирияад̇о вид̣̇ад̇т̇иббамаан̣ам̣, ид̣̇аани багад̇ихад̇т̇зна бана д̣̇ийгхад̇о вид̣̇ад̇т̇аад̇хигахад̇т̇ам̣ ход̇и, д̇ирияад̇о чал̣ан̇г̇улаад̇хигавид̣̇ад̇т̇иббамаан̣ам̣. д̇знааха ‘‘д̇асса бамаан̣а’’нд̇иаад̣̇и.
Nisīdanamhi pamāṇayuttanti ‘‘dīghato sugatavidatthiyā dve vidatthiyo, vitthārato diyaḍḍhaṃ, dasā vidatthī’’tiiminā pamāṇena yuttaṃ, taṃ pana majjhimapurisahatthasaṅkhātena vaḍḍhakīhatthena dīghato tihatthaṃ hoti, vitthārato chaḷaṅgulādhikadvihatthaṃ, dasā vidatthādhikahatthaṃ, idāni manussānaṃ pakatihatthena dīghato vidatthādhikacatuhatthaṃ hoti, vitthārato navaṅgulādhikatihatthaṃ, dasā chaḷaṅgulādhikadvihatthā, tato ūnaṃ vaṭṭati, na adhikaṃ ‘‘taṃ atikkāmayato chedanakaṃ pācittiya’’nti (pāci. 533) vuttattā. Kaṇḍupaṭicchādiyā pamāṇikāti ‘‘dīghato catasso vidatthiyo sugatavidatthiyā, tiriyaṃ dve vidatthiyo’’ti (pāci. 538) vuttattā evaṃ vuttappamāṇayuttā, sā pana vaḍḍhakīhatthena dīghato chahatthā hoti, vitthārato tihatthā, idāni pakatihatthena pana dīghato navahatthā hoti, tiriyato vidatthādhikacatuhatthāti veditabbā. Vikappanūpagapacchimacīvarappamāṇaṃ parikkhāracoḷanti ettha pana vikappanūpagapacchimacīvarappamāṇaṃ nāma sugataṅgulena dīghato aṭṭhaṅgulaṃ hoti, tiriyato caturaṅgulaṃ, vaḍḍhakīhatthena dīghato ekahatthaṃ hoti, tiriyato vidatthippamāṇaṃ, idāni pakatihatthena pana dīghato vidatthādhikahatthaṃ hoti, tiriyato chaḷaṅgulādhikavidatthippamāṇaṃ. Tenāha ‘‘tassa pamāṇa’’ntiādi.
бхзсаж̇ж̇ад̇т̇ааяаад̇иаад̣̇ийсу ад̇д̇ано санд̇агабхаавад̇о можзд̇ваа табид̇ам̣ санд̇хааяа ‘‘анад̇хидтид̇зби над̇т̇и аабад̇д̇ий’’д̇и вуд̇д̇ам̣, ‘‘ид̣̇ам̣ бхзсаж̇ж̇ад̇т̇ааяа, ид̣̇ам̣ маад̇уяаа’’д̇и вибхаж̇ид̇ваа сагасанд̇агабхаавад̇о можзд̇ваа табзнд̇зна ад̇хидтаанагижжам̣ над̇т̇ийд̇и ад̇хиббааяо. ‘‘иминаа бхзсаж̇ж̇ам̣ жзд̇аабзссаами, ид̣̇ам̣ маад̇уяаа д̣̇ассаамий’’д̇и табзнд̇зна бана ад̇хидтаад̇аб̣б̣амзваад̇и вад̣̇анд̇и. сзнаасанабаригкаарад̇т̇ааяа д̣̇иннабажжад̇т̇аран̣зд̇и зд̇т̇а аниваасзд̇ваа абаарубид̇ваа гзвалам̣ ман̃жабийтзсуязва ад̇т̇арид̇ваа барибхун̃ж̇ияамаанам̣ бажжад̇т̇аран̣ам̣ ад̇д̇ано санд̇агамби анад̇хидтаад̇ум̣ ваддад̇ийд̇и вад̣̇анд̇и, хздтаа бана бажжад̇т̇аран̣амби ад̇хидтаад̇аб̣б̣амзваад̇и ависзсзна вуд̇д̇ад̇д̇аа ад̇д̇ано санд̇агам̣ ад̇хидтаад̇аб̣б̣амзваад̇и амхаагам̣ канд̇и, виймам̣сид̇ваа г̇ахзд̇аб̣б̣ам̣. д̇анд̇з тид̇ам̣язва ад̇хидтаад̇аб̣б̣анд̇и зд̇т̇а бажчаа вийд̇адтаанам̣ ад̇хидтид̇амзва ход̇и, буна ад̇хидтаанагижжам̣ над̇т̇и. сажз бана барижчзд̣̇ам̣ д̣̇ассзд̇ваа анд̇аранд̇араа вийд̇ам̣ ход̇и, буна ад̇хидтаад̇аб̣б̣анд̇и вад̣̇анд̇и. зсзва наяод̇и вигаббануубаг̇аббамаан̣амад̇д̇з вийд̇з д̇анд̇з тид̇ам̣язва ад̇хидтаад̇аб̣б̣анд̇и ад̇т̇о.
Bhesajjatthāyātiādīsu attano santakabhāvato mocetvā ṭhapitaṃ sandhāya ‘‘anadhiṭṭhitepi natthi āpattī’’ti vuttaṃ, ‘‘idaṃ bhesajjatthāya, idaṃ mātuyā’’ti vibhajitvā sakasantakabhāvato mocetvā ṭhapentena adhiṭṭhānakiccaṃ natthīti adhippāyo. ‘‘Iminā bhesajjaṃ cetāpessāmi, idaṃ mātuyā dassāmī’’ti ṭhapentena pana adhiṭṭhātabbamevāti vadanti. Senāsanaparikkhāratthāya dinnapaccattharaṇeti ettha anivāsetvā apārupitvā kevalaṃ mañcapīṭhesuyeva attharitvā paribhuñjiyamānaṃ paccattharaṇaṃ attano santakampi anadhiṭṭhātuṃ vaṭṭatīti vadanti, heṭṭhā pana paccattharaṇampi adhiṭṭhātabbamevāti avisesena vuttattā attano santakaṃ adhiṭṭhātabbamevāti amhākaṃ khanti, vīmaṃsitvā gahetabbaṃ. Tante ṭhitaṃyeva adhiṭṭhātabbanti ettha pacchā vītaṭṭhānaṃ adhiṭṭhitameva hoti, puna adhiṭṭhānakiccaṃ natthi. Sace pana paricchedaṃ dassetvā antarantarā vītaṃ hoti, puna adhiṭṭhātabbanti vadanti. Eseva nayoti vikappanūpagappamāṇamatte vīte tante ṭhitaṃyeva adhiṭṭhātabbanti attho.
46. ‘‘хийнааяаавад̇д̇анзнаад̇и ‘сигкам̣ аббажжагкааяа г̇ихибхаавуубаг̇аманзнаа’д̇и д̇ийсуби г̇ан̣тибад̣̇зсу вуд̇д̇ам̣, д̇ам̣ яуд̇д̇ам̣ ан̃н̃асса д̣̇аанз вияа жийварз нираалаяабхаавзнзва барижжад̇д̇ад̇д̇аа. гзжи бана ‘хийнааяаавад̇д̇анзнаад̇и бхигкунияаа г̇ихибхаавуубаг̇аманзнзваад̇и зд̇амад̇т̇ам̣ г̇ахзд̇ваа бхигку бана виб̣бхаманд̇оби яаава сигкам̣ на бажжагкаад̇и, д̇аава бхигкуязваад̇и ад̇хидтаанам̣ на виж̇ахад̇ий’д̇и вад̣̇анд̇и, д̇ам̣ на г̇ахзд̇аб̣б̣ам̣ ‘бхигкунияаа хийнааяаавад̇д̇анзнаа’д̇и висзсзд̇ваа авуд̇д̇ад̇д̇аа. бхигкунияаа хи г̇ихибхаавуубаг̇аманзна ад̇хидтаанавиж̇аханам̣ висум̣ вад̇д̇аб̣б̣ам̣ над̇т̇и д̇ассаа виб̣бхаманзнзва ассаман̣ийбхаавад̇о. сигкаабажжагкаанзнаад̇и бана ид̣̇ам̣ сажз бхигкулин̇г̇з тид̇ова сигкам̣ бажжагкаад̇и, д̇асса гааяалаг̇г̇амби жийварам̣ ад̇хидтаанам̣ виж̇ахад̇ийд̇и д̣̇ассанад̇т̇ам̣ вуд̇д̇а’’нд̇и саарад̇т̇ад̣̇ийбанияам̣ (саарад̇т̇а. дий. 2.469) вуд̇д̇ам̣. вимад̇ивинод̣̇анияам̣ (ви. ви. дий. 1.469) бана ‘‘хийнааяаавад̇д̇анзнаад̇и ид̣̇ам̣ анд̇имавад̇т̇ум̣ аж̇жхаабаж̇ж̇ид̇ваа бхигкубадин̃н̃ааяа тид̇асса жзва д̇ид̇т̇ияабагганд̇асса жа бхигкунияаа жа бхигкунибхаавз нирабзгкад̇ааяа г̇ихилин̇г̇ад̇ид̇т̇ияалин̇г̇аг̇г̇ахан̣ам̣ санд̇хааяа вуд̇д̇ам̣. сигкам̣ аббажжагкааяа г̇ихибхаавуубаг̇аманам̣ санд̇хааяа вуд̇д̇анд̇и гзжи вад̣̇анд̇и, д̇ам̣ на яуд̇д̇ам̣, д̇ад̣̇ааби д̇асса убасамбаннад̇д̇аа жийварасса жа д̇асса санд̇агад̇д̇аа виж̇аханад̇о’’д̇и вуд̇д̇ам̣, ид̇и имаани д̣̇вз важанаани ан̃н̃аман̃н̃авируд̣̇д̇хаани худ̇ваа д̣̇иссанд̇и.
46.‘‘Hīnāyāvattanenāti ‘sikkhaṃ appaccakkhāya gihibhāvūpagamanenā’ti tīsupi gaṇṭhipadesu vuttaṃ, taṃ yuttaṃ aññassa dāne viya cīvare nirālayabhāveneva pariccattattā. Keci pana ‘hīnāyāvattanenāti bhikkhuniyā gihibhāvūpagamanenevāti etamatthaṃ gahetvā bhikkhu pana vibbhamantopi yāva sikkhaṃ na paccakkhāti, tāva bhikkhuyevāti adhiṭṭhānaṃ na vijahatī’ti vadanti, taṃ na gahetabbaṃ ‘bhikkhuniyā hīnāyāvattanenā’ti visesetvā avuttattā. Bhikkhuniyā hi gihibhāvūpagamanena adhiṭṭhānavijahanaṃ visuṃ vattabbaṃ natthi tassā vibbhamaneneva assamaṇībhāvato. Sikkhāpaccakkhānenāti pana idaṃ sace bhikkhuliṅge ṭhitova sikkhaṃ paccakkhāti, tassa kāyalaggampi cīvaraṃ adhiṭṭhānaṃ vijahatīti dassanatthaṃ vutta’’nti sāratthadīpaniyaṃ (sārattha. ṭī. 2.469) vuttaṃ. Vimativinodaniyaṃ (vi. vi. ṭī. 1.469) pana ‘‘hīnāyāvattanenāti idaṃ antimavatthuṃ ajjhāpajjitvā bhikkhupaṭiññāya ṭhitassa ceva titthiyapakkantassa ca bhikkhuniyā ca bhikkhunibhāve nirapekkhatāya gihiliṅgatitthiyaliṅgaggahaṇaṃ sandhāya vuttaṃ. Sikkhaṃ appaccakkhāya gihibhāvūpagamanaṃ sandhāya vuttanti keci vadanti, taṃ na yuttaṃ, tadāpi tassa upasampannattā cīvarassa ca tassa santakattā vijahanato’’ti vuttaṃ, iti imāni dve vacanāni aññamaññaviruddhāni hutvā dissanti.
адтагат̇ааяам̣ бана ‘‘хийнааяаавад̇д̇анзна сигкаабажжагкаанзнаа’’д̇и (баараа. адта. 2.469) висум̣ вуд̇д̇ад̇д̇аа хийнааяаавад̇д̇анд̇з сад̇и сигкам̣ аббажжагканд̇зби жийварам̣ ад̇хидтаанам̣ виж̇ахад̇и, сигкам̣ бажжагканд̇з сад̇и хийнааяа анаавад̇д̇анд̇збийд̇и ад̇хиббааяо д̣̇иссад̇и, д̇асмаа сигкам̣ аббажжагкааяа гзвалам̣ г̇ихибхаавам̣ убаг̇ажчанд̇асса гин̃жааби бхигкубхааво ад̇т̇и, жийварасса жа д̇асса санд̇агад̇д̇аа виж̇аханам̣, д̇ат̇ааби ‘‘хийнааяаавад̇д̇анзнаа’’д̇и вуд̇д̇ад̇д̇аа г̇ихибхаавуубаг̇аманзнзва ад̇хидтаанавиж̇аханам̣ сияаа яат̇аа д̇ам̣ лин̇г̇абаривад̇д̇анзна. г̇ихибхаавам̣ анубаг̇анд̇ваа жа гзвалам̣ сигкаабажжагкаанам̣ гаронд̇асса гин̃жааби бхигкулин̇г̇ам̣ ад̇т̇и, жийварасса жа д̇асса санд̇агад̇д̇аа виж̇аханам̣, д̇ат̇ааби ‘‘сигкаабажжагкаанзнаа’’д̇и вуд̇д̇ад̇д̇аа сигкаабажжагкаанзнзва ад̇хидтаанавиж̇аханам̣ сияаа яат̇аа д̇ам̣ бажжуд̣̇д̇харан̣з, д̇асмаа бхигку ваа ход̇у бхигкуний ваа, хийнааяаавад̇д̇иссаамийд̇и жид̇д̇зна г̇ихилин̇г̇аг̇г̇ахан̣зна жийварам̣ ад̇хидтаанам̣ виж̇ахад̇и. сигкаабажжагкаанзна бана бхигкуссзва жийварам̣ бхигкунияаа сигкаабажжагкаанаабхааваад̇и аяамамхаагам̣ канд̇и. анд̇имавад̇т̇уаж̇жхаабаннагад̇ид̇т̇ияабагганд̇агаанам̣ бана жийварасса ад̇хидтаанавиж̇аханам̣ адтагат̇ааяам̣ анааг̇ад̇ад̇д̇аа д̇зсан̃жа хийнааяаавад̇д̇аанавохаараабхааваа вижаарзд̇аб̣б̣ам̣.
Aṭṭhakathāyaṃ pana ‘‘hīnāyāvattanena sikkhāpaccakkhānenā’’ti (pārā. aṭṭha. 2.469) visuṃ vuttattā hīnāyāvattante sati sikkhaṃ appaccakkhantepi cīvaraṃ adhiṭṭhānaṃ vijahati, sikkhaṃ paccakkhante sati hīnāya anāvattantepīti adhippāyo dissati, tasmā sikkhaṃ appaccakkhāya kevalaṃ gihibhāvaṃ upagacchantassa kiñcāpi bhikkhubhāvo atthi, cīvarassa ca tassa santakattā vijahanaṃ, tathāpi ‘‘hīnāyāvattanenā’’ti vuttattā gihibhāvūpagamaneneva adhiṭṭhānavijahanaṃ siyā yathā taṃ liṅgaparivattanena. Gihibhāvaṃ anupagantvā ca kevalaṃ sikkhāpaccakkhānaṃ karontassa kiñcāpi bhikkhuliṅgaṃ atthi, cīvarassa ca tassa santakattā vijahanaṃ, tathāpi ‘‘sikkhāpaccakkhānenā’’ti vuttattā sikkhāpaccakkhāneneva adhiṭṭhānavijahanaṃ siyā yathā taṃ paccuddharaṇe, tasmā bhikkhu vā hotu bhikkhunī vā, hīnāyāvattissāmīti cittena gihiliṅgaggahaṇena cīvaraṃ adhiṭṭhānaṃ vijahati. Sikkhāpaccakkhānena pana bhikkhusseva cīvaraṃ bhikkhuniyā sikkhāpaccakkhānābhāvāti ayamamhākaṃ khanti. Antimavatthuajjhāpannakatitthiyapakkantakānaṃ pana cīvarassa adhiṭṭhānavijahanaṃ aṭṭhakathāyaṃ anāgatattā tesañca hīnāyāvattānavohārābhāvā vicāretabbaṃ.
ганидтан̇г̇улинакавасзнаад̇и хздтимабарижчзд̣̇ам̣ д̣̇ассзд̇и. орад̇о барад̇од̇и зд̇т̇а жа ‘‘орад̇о чид̣̇д̣̇ам̣ ад̇хидтаанам̣ бхинд̣̇ад̇и, барад̇о на бхинд̣̇ад̇ий’’д̇и вуд̇д̇ам̣. гат̇ам̣ орабарабхааво взд̣̇ид̇аб̣б̣од̇и? яат̇аа над̣̇ийбарижчиннз бад̣̇зсз мануссаанам̣ васанад̣̇исаабхааг̇з д̇ийрам̣ оримам̣ наама ход̇и, ид̇арад̣̇исаабхааг̇з д̇ийрам̣ бааримам̣ наама, д̇ат̇аа бхигкуунам̣ ниваасанабаарубанадтаанабхууд̇ам̣ жийварасса маж̇жхадтаанам̣ яат̇аавуд̇д̇авид̣̇ад̇т̇иаад̣̇иббамаан̣асса бад̣̇зсасса орам̣ наама, жийварабарияанд̇адтаанам̣ барам̣ наама, ид̇и логад̇о ваа яат̇аа жа орад̇о бхог̇ам̣ барад̇о анд̇ам̣ гад̇ваа жийварам̣ табзд̇аб̣б̣анд̇и вуд̇д̇з бхигкуно абхимукадтаанам̣ орам̣ наама, ид̇арадтаанам̣ барам̣ наама, звам̣ бхигкуунам̣ ниваасанабаарубанадтаанам̣ орам̣ наама, ид̇арам̣ барам̣ наама. звам̣ саасанад̇о ваа орабарабхааво взд̣̇ид̇аб̣б̣о. д̇знзва яо бана д̣̇уб̣б̣аладтаанз батамам̣ аг̇г̇ал̣ам̣ д̣̇ад̇ваа бажчаа д̣̇уб̣б̣аладтаанам̣ чинд̣̇ид̇ваа абанзд̇и, ад̇хидтаанам̣ на бхиж̇ж̇ад̇и. ман̣д̣алабаривад̇д̇анзби зсзва наяод̇и сагаласмим̣ жийварз ад̇хидтаанабхиж̇ж̇анаабхиж̇ж̇анабхааво д̣̇ассид̇о. д̇зна вуд̇д̇ам̣ вимад̇ивинод̣̇анияам̣ (ви. ви. дий. 1.469) ‘‘зса наяод̇и иминаа бамаан̣аяуд̇д̇зсу яад̇т̇а гад̇т̇ажи чид̣̇д̣̇з ад̇хидтаанам̣ виж̇ахад̇ийд̇иаад̣̇иад̇т̇ам̣ сан̇г̇ан̣хаад̇ий’’д̇и.
Kaniṭṭhaṅgulinakhavasenāti heṭṭhimaparicchedaṃ dasseti. Orato paratoti ettha ca ‘‘orato chiddaṃ adhiṭṭhānaṃ bhindati, parato na bhindatī’’ti vuttaṃ. Kathaṃ oraparabhāvo veditabboti? Yathā nadīparicchinne padese manussānaṃ vasanadisābhāge tīraṃ orimaṃ nāma hoti, itaradisābhāge tīraṃ pārimaṃ nāma, tathā bhikkhūnaṃ nivāsanapārupanaṭṭhānabhūtaṃ cīvarassa majjhaṭṭhānaṃ yathāvuttavidatthiādippamāṇassa padesassa oraṃ nāma, cīvarapariyantaṭṭhānaṃ paraṃ nāma, iti lokato vā yathā ca orato bhogaṃ parato antaṃ katvā cīvaraṃ ṭhapetabbanti vutte bhikkhuno abhimukhaṭṭhānaṃ oraṃ nāma, itaraṭṭhānaṃ paraṃ nāma, evaṃ bhikkhūnaṃ nivāsanapārupanaṭṭhānaṃ oraṃ nāma, itaraṃ paraṃ nāma. Evaṃ sāsanato vā oraparabhāvo veditabbo. Teneva yo pana dubbalaṭṭhāne paṭhamaṃ aggaḷaṃ datvā pacchā dubbalaṭṭhānaṃ chinditvā apaneti, adhiṭṭhānaṃ na bhijjati. Maṇḍalaparivattanepi eseva nayoti sakalasmiṃ cīvare adhiṭṭhānabhijjanābhijjanabhāvo dassito. Tena vuttaṃ vimativinodaniyaṃ (vi. vi. ṭī. 1.469) ‘‘esa nayoti iminā pamāṇayuttesu yattha katthaci chidde adhiṭṭhānaṃ vijahatītiādiatthaṃ saṅgaṇhātī’’ti.
куд̣̇д̣̇агам̣ жийваранд̇и мудтибан̃жагаад̣̇ибхзд̣̇аббамаан̣ад̇о ануунамзва куд̣̇д̣̇агажийварам̣. маханд̇ам̣ ваа куд̣̇д̣̇агам̣ гарод̇ийд̇и зд̇т̇а д̇ин̣н̣ам̣ жийвараанам̣ жад̇уусу бассзсу яасмим̣ бад̣̇зсз чид̣̇д̣̇ам̣ ад̇хидтаанам̣ на виж̇ахад̇и, д̇асмим̣ бад̣̇зсз саманд̇ад̇о чинд̣̇ид̇ваа куд̣̇д̣̇агам̣ гаронд̇асса ад̇хидтаанам̣ на виж̇ахад̇ийд̇и ад̇хиббааяо. вимад̇ивинод̣̇анияам̣ бана вуд̇д̇ам̣ ‘‘маханд̇ам̣ ваа куд̣̇д̣̇агам̣ ваа гарод̇ийд̇и зд̇т̇а ад̇имаханд̇ам̣ жийварам̣ мудтибан̃жагаад̣̇ибажчимаббамаан̣аяуд̇д̇ам̣ гад̇ваа саманд̇ад̇о чинд̣̇анзнаби вижчинд̣̇анагаалз чиж̇ж̇амаанадтаанам̣ чид̣̇д̣̇асан̇кам̣ на г̇ажчад̇и, ад̇хидтаанам̣ на виж̇ахад̇и зваад̇и сиж̇жхад̇и, ‘гхадзд̇ваа чинд̣̇ад̇и на бхиж̇ж̇ад̇ий’д̇и важанзна жа самзд̇и. баригкааражол̣ам̣ бана вигаббануубаг̇абажчимаббамаан̣ад̇о уунам̣ гад̇ваа чид̣̇д̣̇ам̣ ад̇хидтаанам̣ виж̇ахад̇и ад̇хидтаанасса аниссаяад̇д̇аа, д̇аани буна б̣ад̣̇д̇хаани гхадид̇аани буна ад̇хидтаад̇аб̣б̣амзваад̇и взд̣̇ид̇аб̣б̣ам̣. гзжи бана ‘вассигасаадигажийварз д̣̇вид̇хаа чиннз яад̣̇иби згзгам̣ кан̣д̣ам̣ бажчимаббамаан̣ам̣ ход̇и, згасмим̣язва кан̣д̣з ад̇хидтаанам̣ д̇идтад̇и, на ид̇арасмим̣, д̣̇вз бана на вадданд̇ий’д̇и вуд̇д̇ад̇д̇аа нисийд̣̇анаган̣д̣убадижчаад̣̇ийсуби зсзва наяод̇и вад̣̇анд̇ий’’д̇и.
Khuddakaṃ cīvaranti muṭṭhipañcakādibhedappamāṇato anūnameva khuddakacīvaraṃ. Mahantaṃ vā khuddakaṃ karotīti ettha tiṇṇaṃ cīvarānaṃ catūsu passesu yasmiṃ padese chiddaṃ adhiṭṭhānaṃ na vijahati, tasmiṃ padese samantato chinditvā khuddakaṃ karontassa adhiṭṭhānaṃ na vijahatīti adhippāyo. Vimativinodaniyaṃ pana vuttaṃ ‘‘mahantaṃ vā khuddakaṃ vā karotīti ettha atimahantaṃ cīvaraṃ muṭṭhipañcakādipacchimappamāṇayuttaṃ katvā samantato chindanenapi vicchindanakāle chijjamānaṭṭhānaṃ chiddasaṅkhaṃ na gacchati, adhiṭṭhānaṃ na vijahati evāti sijjhati, ‘ghaṭetvā chindati na bhijjatī’ti vacanena ca sameti. Parikkhāracoḷaṃ pana vikappanūpagapacchimappamāṇato ūnaṃ katvā chiddaṃ adhiṭṭhānaṃ vijahati adhiṭṭhānassa anissayattā, tāni puna baddhāni ghaṭitāni puna adhiṭṭhātabbamevāti veditabbaṃ. Keci pana ‘vassikasāṭikacīvare dvidhā chinne yadipi ekekaṃ khaṇḍaṃ pacchimappamāṇaṃ hoti, ekasmiṃyeva khaṇḍe adhiṭṭhānaṃ tiṭṭhati, na itarasmiṃ, dve pana na vaṭṭantī’ti vuttattā nisīdanakaṇḍupaṭicchādīsupi eseva nayoti vadantī’’ti.
47. саммукз бавад̇д̇аа саммукаад̇и бажжад̇д̇аважанам̣, д̇ан̃жа вигаббанаависзсанам̣, д̇асмаа ‘‘саммукз’’д̇и бхуммад̇т̇з ниссаггаважанам̣ гад̇вааби ад̇т̇ам̣ вад̣̇анд̇и, абхимукзд̇и ад̇т̇о. ат̇а ваа саммукзна ад̇д̇ано ваажааяа зва вигаббанаа саммукаавигаббанаа. бараммукзна вигаббанаа бараммукаавигаббанаад̇и гаран̣ад̇т̇знаби ад̇т̇о д̣̇адтаб̣б̣о. аяамзва баал̣ияаа самзд̇и. саннихид̇аасаннихид̇абхааванд̇и аасаннад̣̇уурабхаавам̣. зд̇д̇аавад̇аа нид̇хзд̇ум̣ ваддад̇ийд̇и зд̇д̇агзнзва вигаббанаагижжасса нидтид̇ад̇д̇аа ад̇ирзгажийварам̣ на ход̇ийд̇и д̣̇асаахаад̇иггамз ниссаг̇г̇ияам̣ на ж̇анзд̇ийд̇и ад̇хиббааяо. барибхун̃ж̇ид̇ум̣…бз… на ваддад̇ийд̇и саяам̣ абажжуд̣̇д̇хааран̣абарибхун̃ж̇анз баажид̇д̇ияам̣, ад̇хидтаханз барзсам̣ виссаж̇ж̇анз жа д̣̇уггадан̃жа санд̇хааяа вуд̇д̇ам̣. барибхог̇аад̣̇аяоби вадданд̇ийд̇и барибхог̇ависсаж̇ж̇анаад̇хидтаанаани вадданд̇и. аби-сад̣̇д̣̇зна нид̇хзд̇умби ваддад̇ийд̇и ад̇т̇о. зд̇зна бажжуд̣̇д̇хаарзби гад̇з жийварам̣ ад̇хидтаад̇угаамзна вигаббид̇ажийварамзва ход̇и, на ад̇ирзгажийварам̣, д̇ам̣ бана д̇ижийвараад̣̇инаамзна ад̇хидтаад̇угаамзна ад̇хидтахид̇аб̣б̣ам̣, ид̇арзна вигаббид̇ажийварамзва гад̇ваа барибхун̃ж̇ид̇аб̣б̣анд̇и д̣̇ассзд̇и.
47. Sammukhe pavattā sammukhāti paccattavacanaṃ, tañca vikappanāvisesanaṃ, tasmā ‘‘sammukhe’’ti bhummatthe nissakkavacanaṃ katvāpi atthaṃ vadanti, abhimukheti attho. Atha vā sammukhena attano vācāya eva vikappanā sammukhāvikappanā. Parammukhena vikappanā parammukhāvikappanāti karaṇatthenapi attho daṭṭhabbo. Ayameva pāḷiyā sameti. Sannihitāsannihitabhāvanti āsannadūrabhāvaṃ. Ettāvatā nidhetuṃ vaṭṭatīti ettakeneva vikappanākiccassa niṭṭhitattā atirekacīvaraṃ na hotīti dasāhātikkame nissaggiyaṃ na janetīti adhippāyo. Paribhuñjituṃ…pe… na vaṭṭatīti sayaṃ apaccuddhāraṇaparibhuñjane pācittiyaṃ, adhiṭṭhahane paresaṃ vissajjane ca dukkaṭañca sandhāya vuttaṃ. Paribhogādayopi vaṭṭantīti paribhogavissajjanaadhiṭṭhānāni vaṭṭanti. Api-saddena nidhetumpi vaṭṭatīti attho. Etena paccuddhārepi kate cīvaraṃ adhiṭṭhātukāmena vikappitacīvarameva hoti, na atirekacīvaraṃ, taṃ pana ticīvarādināmena adhiṭṭhātukāmena adhiṭṭhahitabbaṃ, itarena vikappitacīvarameva katvā paribhuñjitabbanti dasseti.
гзжи бана ‘‘яам̣ вигаббид̇ажийварам̣, д̇ам̣ яаава барибхог̇агаалаа абажжуд̣̇д̇хараабзд̇ваа нид̣̇ахзд̇аб̣б̣ам̣, барибхог̇агаалз бана самбад̇д̇з бажжуд̣̇д̇хараабзд̇ваа ад̇хидтахид̇ваа барибхун̃ж̇ид̇аб̣б̣ам̣. яад̣̇и хи д̇ад̇о буб̣б̣зби бажжуд̣̇д̇хараабзяяа, бажжуд̣̇д̇хаарзнзва вигаббанааяа виг̇ад̇ад̇д̇аа ад̇ирзгажийварам̣ наама ход̇и, д̣̇асаахаад̇иггамз бад̇д̇зва ниссаг̇г̇ияам̣, д̇асмаа яам̣ абарибхун̃ж̇ид̇ваа табзд̇аб̣б̣ам̣, д̇ад̣̇зва вигаббзд̇аб̣б̣ам̣. бажжуд̣̇д̇хаарз жа гад̇з анд̇од̣̇асаахзязва ад̇хидтаад̇аб̣б̣ам̣. яан̃жа адтагат̇ааяам̣ (баараа. адта. 2.469) ‘д̇ад̇о барам̣ барибхог̇аад̣̇и ваддад̇ий’д̇иаад̣̇и вуд̇д̇ам̣, д̇ам̣ баал̣ияаа вируж̇жхад̇ий’’д̇и вад̣̇анд̇и, д̇ам̣ д̇зсам̣ мад̇имад̇д̇амзва. баал̣ияан̃хи ‘‘анд̇од̣̇асаахам̣ ад̇хидтзд̇и вигаббзд̇ий’’д̇и (баараа. 469) жа ‘‘саамам̣ жийварам̣ вигаббзд̇ваа абажжуд̣̇д̇хааран̣ам̣ барибхун̃ж̇зяяа баажид̇д̇ияа’’нд̇и (баажи. 373) жа ‘‘анаабад̇д̇и со ваа д̣̇зд̇и, д̇асса ваа виссаасанд̇о барибхун̃ж̇ад̇ий’’д̇и (баажи. 376) жа сааман̃н̃ад̇о вуд̇д̇ад̇д̇аа, адтагат̇ааяан̃жа (баараа. адта. 2.469) ‘‘имам̣ жийварам̣ ваа вигаббанам̣ ваа бажжуд̣̇д̇хараамий’’д̇иаад̣̇инаа бажжуд̣̇д̇хаарам̣ ад̣̇ассзд̇ваа ‘‘маяхам̣ санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ гарохий’’д̇и звам̣ ад̇д̇ано санд̇агад̇д̇ам̣ аможзд̇ваава барибхог̇аад̣̇ивасзна бажжуд̣̇д̇хаарасса вуд̇д̇ад̇д̇аа, ‘‘д̇ад̇о бабхуд̇и барибхог̇аад̣̇аяоби вадданд̇ий’’д̇и ад̇хидтаанам̣ винааби висум̣ барибхог̇асса нид̇хаанасса жа вуд̇д̇ад̇д̇аа вигаббанаананд̇арамзва бажжуд̣̇д̇хараабзд̇ваа анад̇хидтахид̇ваа зва жа д̇ижийварарахид̇ам̣ вигаббанаарахам̣ жийварам̣ барибхун̃ж̇ид̇ун̃жа нид̣̇ахид̇ун̃жа ид̣̇ам̣ баадзггам̣ винаяагамманд̇и кааяад̇и. абижа б̣ахуунам̣ бад̇д̇аанам̣ вигаббзд̇ум̣ бажжуд̣̇д̇харзд̇ун̃жа вуд̇д̇ад̇д̇аа бажжуд̣̇д̇хаарз д̇зсам̣ ад̇ирзгабад̇д̇ад̇аа д̣̇ассид̇аад̇и сиж̇жхад̇и д̇зсу згассзва ад̇хидтаад̇аб̣б̣ад̇о, д̇асмаа адтагат̇ааяам̣ ааг̇ад̇анаязнзва г̇ахзд̇аб̣б̣ам̣.
Keci pana ‘‘yaṃ vikappitacīvaraṃ, taṃ yāva paribhogakālā apaccuddharāpetvā nidahetabbaṃ, paribhogakāle pana sampatte paccuddharāpetvā adhiṭṭhahitvā paribhuñjitabbaṃ. Yadi hi tato pubbepi paccuddharāpeyya, paccuddhāreneva vikappanāya vigatattā atirekacīvaraṃ nāma hoti, dasāhātikkame patteva nissaggiyaṃ, tasmā yaṃ aparibhuñjitvā ṭhapetabbaṃ, tadeva vikappetabbaṃ. Paccuddhāre ca kate antodasāheyeva adhiṭṭhātabbaṃ. Yañca aṭṭhakathāyaṃ (pārā. aṭṭha. 2.469) ‘tato paraṃ paribhogādi vaṭṭatī’tiādi vuttaṃ, taṃ pāḷiyā virujjhatī’’ti vadanti, taṃ tesaṃ matimattameva. Pāḷiyañhi ‘‘antodasāhaṃ adhiṭṭheti vikappetī’’ti (pārā. 469) ca ‘‘sāmaṃ cīvaraṃ vikappetvā apaccuddhāraṇaṃ paribhuñjeyya pācittiya’’nti (pāci. 373) ca ‘‘anāpatti so vā deti, tassa vā vissāsanto paribhuñjatī’’ti (pāci. 376) ca sāmaññato vuttattā, aṭṭhakathāyañca (pārā. aṭṭha. 2.469) ‘‘imaṃ cīvaraṃ vā vikappanaṃ vā paccuddharāmī’’tiādinā paccuddhāraṃ adassetvā ‘‘mayhaṃ santakaṃ paribhuñja vā vissajjehi vā yathāpaccayaṃ karohī’’ti evaṃ attano santakattaṃ amocetvāva paribhogādivasena paccuddhārassa vuttattā, ‘‘tato pabhuti paribhogādayopi vaṭṭantī’’ti adhiṭṭhānaṃ vināpi visuṃ paribhogassa nidhānassa ca vuttattā vikappanānantarameva paccuddharāpetvā anadhiṭṭhahitvā eva ca ticīvararahitaṃ vikappanārahaṃ cīvaraṃ paribhuñjituñca nidahituñca idaṃ pāṭekkaṃ vinayakammanti khāyati. Apica bahūnaṃ pattānaṃ vikappetuṃ paccuddharetuñca vuttattā paccuddhāre tesaṃ atirekapattatā dassitāti sijjhati tesu ekasseva adhiṭṭhātabbato, tasmā aṭṭhakathāyaṃ āgatanayeneva gahetabbaṃ.
мид̇д̇од̇и д̣̇ал̣хамид̇д̇о. санд̣̇идтод̇и д̣̇идтамад̇д̇о, на д̣̇ал̣хамид̇д̇о. бан̃н̃ад̇д̇иговид̣̇о на ход̇ийд̇и звам̣ вигаббид̇з ананд̇арамзва звам̣ бажжуд̣̇д̇харид̇аб̣б̣анд̇и винаяагаммам̣ на ж̇аанаад̇и. д̇знааха ‘‘на ж̇аанаад̇и бажжуд̣̇д̇харид̇у’’нд̇и. иминааби жзд̇ам̣ взд̣̇ид̇аб̣б̣ам̣ ‘‘вигаббанаасамананд̇арамзва бажжуд̣̇д̇хааро гаад̇аб̣б̣о’’д̇и. вигаббид̇авигаббанаа наамзсаа ваддад̇ийд̇и ад̇хидтид̇аад̇хидтаанам̣ вияаад̇и ад̇хиббааяо.
Mittoti daḷhamitto. Sandiṭṭhoti diṭṭhamatto, na daḷhamitto. Paññattikovido na hotīti evaṃ vikappite anantarameva evaṃ paccuddharitabbanti vinayakammaṃ na jānāti. Tenāha ‘‘na jānāti paccuddharitu’’nti. Imināpi cetaṃ veditabbaṃ ‘‘vikappanāsamanantarameva paccuddhāro kātabbo’’ti. Vikappitavikappanā nāmesā vaṭṭatīti adhiṭṭhitaadhiṭṭhānaṃ viyāti adhippāyo.
48. звам̣ жийварз ад̇хидтаанавигаббанаанаяам̣ д̣̇ассзд̇ваа ид̣̇аани бад̇д̇з ад̇хидтаанавигаббанаанаяам̣ д̣̇ассзнд̇о ‘‘бад̇д̇з банаа’’д̇иаад̣̇имааха. д̇ад̇т̇а бад̇ад̇и бин̣д̣абаад̇о зд̇т̇аад̇и бад̇д̇о, ж̇инасаасанабхааво бхигкаабхааж̇анависзсо. вуд̇д̇ан̃хи ‘‘бад̇д̇ам̣ багкз д̣̇алз бад̇д̇о, бхааж̇анз со г̇ад̇з д̇исуу’’д̇и, д̇асмим̣ бад̇д̇з. банаад̇и багканд̇арад̇т̇з нибаад̇о. наяод̇и ад̇хидтаанавигаббанаанаяо. жийварз вуд̇д̇аад̇хидтаанавигаббанаанаяад̇о ан̃н̃абхууд̇о аяам̣ вагкамаано бад̇д̇з ад̇хидтаанавигаббанаанаяо взд̣̇ид̇аб̣б̣од̇и яож̇анаа. бад̇д̇ам̣ ад̇хидтаханд̇зна бамаан̣аяуд̇д̇ова ад̇хидтаад̇аб̣б̣о, на аббамаан̣аяуд̇д̇од̇и самб̣анд̇хо. д̇зна бамаан̣ад̇о уунаад̇хигз бад̇д̇з ад̇хидтаанам̣ на рухад̇и, д̇асмаа д̇аад̣̇исам̣ бад̇д̇ам̣ бхааж̇анабарибхог̇зна барибхун̃ж̇ид̇аб̣б̣анд̇и д̣̇ассзд̇и. вагкад̇и хи ‘‘зд̇з бхааж̇анабарибхог̇зна барибхун̃ж̇ид̇аб̣б̣аа, на ад̇хидтаануубаг̇аа на вигаббануубаг̇аа’’д̇и.
48. Evaṃ cīvare adhiṭṭhānavikappanānayaṃ dassetvā idāni patte adhiṭṭhānavikappanānayaṃ dassento ‘‘patte panā’’tiādimāha. Tattha patati piṇḍapāto etthāti patto, jinasāsanabhāvo bhikkhābhājanaviseso. Vuttañhi ‘‘pattaṃ pakkhe dale patto, bhājane so gate tisū’’ti, tasmiṃ patte. Panāti pakkhantaratthe nipāto. Nayoti adhiṭṭhānavikappanānayo. Cīvare vuttaadhiṭṭhānavikappanānayato aññabhūto ayaṃ vakkhamāno patte adhiṭṭhānavikappanānayo veditabboti yojanā. Pattaṃ adhiṭṭhahantena pamāṇayuttova adhiṭṭhātabbo, na appamāṇayuttoti sambandho. Tena pamāṇato ūnādhike patte adhiṭṭhānaṃ na ruhati, tasmā tādisaṃ pattaṃ bhājanaparibhogena paribhuñjitabbanti dasseti. Vakkhati hi ‘‘ete bhājanaparibhogena paribhuñjitabbā, na adhiṭṭhānūpagā na vikappanūpagā’’ti.
д̣̇вз маг̇ад̇ханаал̣ияод̇и зд̇т̇а маг̇ад̇ханаал̣и наама яаа мааг̇ад̇хигааяа д̇улааяа ад̣дхад̇зрасабалабаримид̇ам̣ уд̣̇агам̣ г̇ан̣хаад̇и. сийхал̣ад̣̇ийбз багад̇инаал̣ид̇о куд̣̇д̣̇агаа ход̇и, д̣̇амил̣анаал̣ид̇о бана маханд̇аа. вуд̇д̇ан̃хзд̇ам̣ саманд̇абаасаад̣̇игааяам̣ (баараа. адта. 2.602) ‘‘маг̇ад̇ханаал̣и наама ад̣дхад̇зрасабалаа ход̇ийд̇и анд̇хагадтагат̇ааяам̣ вуд̇д̇ам̣. сийхал̣ад̣̇ийбз багад̇инаал̣и маханд̇аа, д̣̇амил̣анаал̣и куд̣̇д̣̇агаа, маг̇ад̇ханаал̣ибамаан̣аяуд̇д̇аа, д̇ааяа маг̇ад̇ханаал̣ияаа д̣̇ияад̣дханаал̣и згаа сийхал̣анаал̣и ход̇ийд̇и махааадтагат̇ааяам̣ вуд̇д̇а’’нд̇и. ат̇а ваа маг̇ад̇ханаал̣и наама яаа бан̃жа гуд̣уваани зган̃жа мудтим̣ згааяа жа мудтияаа д̇ад̇ияабхааг̇ам̣ г̇ан̣хаад̇и. вуд̇д̇ан̃хзд̇ам̣ саарад̇т̇ад̣̇ийбанияам̣ (саарад̇т̇а. дий. 2.598-602) ‘‘маг̇ад̇ханаал̣и наама чабасад̇аа наал̣ийд̇и гзжи. ‘адтабасад̇аа’д̇и абарз. д̇ад̇т̇а буримаанам̣ мад̇зна д̇ибасад̇ааяа наал̣ияаа д̣̇вз наал̣ияо згаа маг̇ад̇ханаал̣и ход̇и. бажчимаанам̣ жад̇убасад̇ааяа наал̣ияаа д̣̇вз наал̣ияо згаа маг̇ад̇ханаал̣и. аажарияад̇хаммабаалад̇т̇зрзна бана багад̇ияаа жад̇умудтигам̣ гуд̣увам̣, жад̇угуд̣увам̣ наал̣игам̣, д̇ааяа наал̣ияаа сол̣аса наал̣ияо д̣̇он̣ам̣, д̇ам̣ бана маг̇ад̇ханаал̣ияаа д̣̇ваад̣̇аса наал̣ияо хонд̇ийд̇и вуд̇д̇ам̣, д̇асмаа д̇зна наязна маг̇ад̇ханаал̣и наама бан̃жа гуд̣уваани зган̃жа мудтим̣ згааяа мудтияаа д̇ад̇ияабхааг̇ан̃жа г̇ан̣хаад̇ийд̇и взд̣̇ид̇аб̣б̣а’’нд̇и. д̇ад̇т̇а гуд̣увод̇и басад̇о. вуд̇д̇ан̃хи абхид̇хаанаббад̣̇ийбигааяам̣ –
Dve magadhanāḷiyoti ettha magadhanāḷi nāma yā māgadhikāya tulāya aḍḍhaterasapalaparimitaṃ udakaṃ gaṇhāti. Sīhaḷadīpe pakatināḷito khuddakā hoti, damiḷanāḷito pana mahantā. Vuttañhetaṃ samantapāsādikāyaṃ (pārā. aṭṭha. 2.602) ‘‘magadhanāḷi nāma aḍḍhaterasapalā hotīti andhakaṭṭhakathāyaṃ vuttaṃ. Sīhaḷadīpe pakatināḷi mahantā, damiḷanāḷi khuddakā, magadhanāḷipamāṇayuttā, tāya magadhanāḷiyā diyaḍḍhanāḷi ekā sīhaḷanāḷi hotīti mahāaṭṭhakathāyaṃ vutta’’nti. Atha vā magadhanāḷi nāma yā pañca kuḍuvāni ekañca muṭṭhiṃ ekāya ca muṭṭhiyā tatiyabhāgaṃ gaṇhāti. Vuttañhetaṃ sāratthadīpaniyaṃ (sārattha. ṭī. 2.598-602) ‘‘magadhanāḷi nāma chapasatā nāḷīti keci. ‘Aṭṭhapasatā’ti apare. Tattha purimānaṃ matena tipasatāya nāḷiyā dve nāḷiyo ekā magadhanāḷi hoti. Pacchimānaṃ catupasatāya nāḷiyā dve nāḷiyo ekā magadhanāḷi. Ācariyadhammapālattherena pana pakatiyā catumuṭṭhikaṃ kuḍuvaṃ, catukuḍuvaṃ nāḷikaṃ, tāya nāḷiyā soḷasa nāḷiyo doṇaṃ, taṃ pana magadhanāḷiyā dvādasa nāḷiyo hontīti vuttaṃ, tasmā tena nayena magadhanāḷi nāma pañca kuḍuvāni ekañca muṭṭhiṃ ekāya muṭṭhiyā tatiyabhāgañca gaṇhātīti veditabba’’nti. Tattha kuḍuvoti pasato. Vuttañhi abhidhānappadīpikāyaṃ –
‘‘гуд̣уво басад̇о зго;
‘‘Kuḍuvo pasato eko;
бад̇т̇о д̇з жад̇уро сияум̣;
Pattho te caturo siyuṃ;
аал̣хаго жад̇уро бад̇т̇аа;
Āḷhako caturo patthā;
д̣̇он̣ам̣ ваа жад̇ураал̣хага’’нд̇и.
Doṇaṃ vā caturāḷhaka’’nti.
ат̇а ваа маг̇ад̇ханаал̣и наама яаа жад̇угуд̣увааяа наал̣ияаа жад̇ассо наал̣ияо г̇ан̣хаад̇и. вуд̇д̇ан̃хзд̇ам̣ вимад̇ивинод̣̇анияам̣ (ви. ви. дий. 1.602) ‘‘д̣̇амил̣анаал̣ийд̇и бураан̣аганаал̣им̣ санд̇хааяа вуд̇д̇ам̣. саа жа жад̇умудтигзхи гуд̣увзхи адтагуд̣уваа, д̇ааяа наал̣ияаа д̣̇вз наал̣ияо маг̇ад̇ханаал̣и г̇ан̣хаад̇и, бураан̣аа бана сийхал̣анаал̣и д̇иссо наал̣ияо г̇ан̣хаад̇ийд̇и вад̣̇анд̇и, д̇зсам̣ мад̇зна маг̇ад̇ханаал̣и ид̣̇аани вад̇д̇амаанааяа жад̇угуд̣увааяа д̣̇амил̣анаал̣ияаа жад̇унаал̣игаа ход̇и, д̇ад̇о маг̇ад̇ханаал̣ид̇о убад̣дхан̃жа бураан̣ад̣̇амил̣анаал̣исан̇каад̇ам̣ бад̇т̇ам̣ наама ход̇и, зд̇зна жа омаго наама бад̇д̇о бад̇т̇од̣̇анам̣ г̇ан̣хаад̇ийд̇и баал̣иважанам̣ самзд̇и. логиязхиби –
Atha vā magadhanāḷi nāma yā catukuḍuvāya nāḷiyā catasso nāḷiyo gaṇhāti. Vuttañhetaṃ vimativinodaniyaṃ (vi. vi. ṭī. 1.602) ‘‘damiḷanāḷīti purāṇakanāḷiṃ sandhāya vuttaṃ. Sā ca catumuṭṭhikehi kuḍuvehi aṭṭhakuḍuvā, tāya nāḷiyā dve nāḷiyo magadhanāḷi gaṇhāti, purāṇā pana sīhaḷanāḷi tisso nāḷiyo gaṇhātīti vadanti, tesaṃ matena magadhanāḷi idāni vattamānāya catukuḍuvāya damiḷanāḷiyā catunāḷikā hoti, tato magadhanāḷito upaḍḍhañca purāṇadamiḷanāḷisaṅkhātaṃ patthaṃ nāma hoti, etena ca omako nāma patto patthodanaṃ gaṇhātīti pāḷivacanaṃ sameti. Lokiyehipi –
‘логияам̣ маг̇ад̇хан̃жзд̇и, бад̇т̇ад̣̇ваяамуд̣̇аахадам̣;
‘Lokiyaṃ magadhañceti, patthadvayamudāhaṭaṃ;
логияам̣ сол̣асабалам̣, мааг̇ад̇хам̣ д̣̇иг̇ун̣ам̣ мад̇а’нд̇и. (ви. ви. дий. 1.602) –
Lokiyaṃ soḷasapalaṃ, māgadhaṃ diguṇaṃ mata’nti. (vi. vi. ṭī. 1.602) –
звам̣ логз наал̣ияаа маг̇ад̇ханаал̣и д̣̇иг̇ун̣аад̇и д̣̇ассид̇аа. зван̃жа г̇аяхамаанз омагабад̇д̇асса жа яаабанамад̇д̇од̣̇анаг̇аахигаа жа сид̣̇д̇хаа ход̇и. на хи саггаа адтагуд̣увад̇о уунод̣̇анаг̇аахинаа бад̇д̇зна ат̇уубийгад̇ам̣ бин̣д̣абаад̇ам̣ бариязсид̇ваа яаабзд̇ум̣. д̇знзва вуд̇д̇ам̣ взран̃ж̇аган̣д̣адтагат̇ааяам̣ ‘бад̇т̇о наама наал̣имад̇д̇ам̣ ход̇и, згасса бурисасса алам̣ яаабанааяаа’д̇и’’. вуд̇д̇амби хзд̇ам̣ ж̇аад̇агадтагат̇ааяам̣ (ж̇аа. адта. 5.21.192) ‘‘бад̇т̇од̣̇ано нааламаяам̣ д̣̇увинна’’нд̇и, ‘‘згасса д̣̇иннам̣ д̣̇виннам̣ д̇ин̣н̣ам̣ баход̇ий’’д̇и жа, д̇асмаа ид̇ха вуд̇д̇анаяаанусаарзна г̇ахзд̇аб̣б̣анд̇и. аалобасса аалобасса ануруубанд̇и од̣̇анасса жад̇убхааг̇амад̇д̇ам̣. вуд̇д̇ан̃хзд̇ам̣ маж̇жхиманигааяз б̣рахмааяусуд̇д̇асам̣ван̣н̣анааяам̣ (ма. ни. адта. 2.387) ‘‘б̣яан̃ж̇анасса мад̇д̇аа наама од̣̇анажад̇уд̇т̇абхааг̇о’’д̇и. од̣̇анаг̇ад̇игаанийд̇и од̣̇анасса г̇ад̇и г̇ад̇и язсам̣ д̇аани од̣̇анаг̇ад̇игаани. г̇ад̇ийд̇и жа огаасо од̣̇анасса анд̇обависанасийлад̇д̇аа од̣̇анасса огаасоязва д̇зсам̣ огаасо ход̇и, на ан̃н̃ам̣ ад̇д̇ано огаасам̣ г̇авзсанд̇ийд̇и ад̇т̇о. бхааж̇анабарибхог̇знаад̇и уд̣̇агаахаран̣аад̣̇инаа бхааж̇анабарибхог̇зна.
Evaṃ loke nāḷiyā magadhanāḷi diguṇāti dassitā. Evañca gayhamāne omakapattassa ca yāpanamattodanagāhikā ca siddhā hoti. Na hi sakkā aṭṭhakuḍuvato ūnodanagāhinā pattena athūpīkataṃ piṇḍapātaṃ pariyesitvā yāpetuṃ. Teneva vuttaṃ verañjakaṇḍaṭṭhakathāyaṃ ‘pattho nāma nāḷimattaṃ hoti, ekassa purisassa alaṃ yāpanāyā’ti’’. Vuttampi hetaṃ jātakaṭṭhakathāyaṃ (jā. aṭṭha. 5.21.192) ‘‘patthodano nālamayaṃ duvinna’’nti, ‘‘ekassa dinnaṃ dvinnaṃ tiṇṇaṃ pahotī’’ti ca, tasmā idha vuttanayānusārena gahetabbanti. Ālopassa ālopassa anurūpanti odanassa catubhāgamattaṃ. Vuttañhetaṃ majjhimanikāye brahmāyusuttasaṃvaṇṇanāyaṃ (ma. ni. aṭṭha. 2.387) ‘‘byañjanassa mattā nāma odanacatutthabhāgo’’ti. Odanagatikānīti odanassa gati gati yesaṃ tāni odanagatikāni. Gatīti ca okāso odanassa antopavisanasīlattā odanassa okāsoyeva tesaṃ okāso hoti, na aññaṃ attano okāsaṃ gavesantīti attho. Bhājanaparibhogenāti udakāharaṇādinā bhājanaparibhogena.
звам̣ бамаан̣ад̇о ад̇хидтаануубаг̇авигаббануубаг̇абад̇д̇ам̣ д̣̇ассзд̇ваа ид̣̇аани баагад̇о муулад̇о жа д̇ам̣ д̣̇ассзд̇ум̣ ‘‘бамаан̣аяуд̇д̇аанамбий’’д̇иаад̣̇имааха. д̇ад̇т̇а аяобад̇д̇о бан̃жахи баагзхи бад̇д̇од̇и гаммаарабаггам̣язва анад̇хидтахид̇ваа саман̣асааруббанийлаван̣н̣агаран̣ад̇т̇ааяа бунаббунам̣ наанаасамбхаарзхи бажид̇аб̣б̣о, аяобад̇д̇асса ад̇игагкал̣ад̇д̇аа гаммаарабаагзна сад̣̇д̇хим̣ бан̃жаваарабаггоязва саман̣асааруббанийлаван̣н̣о ход̇и. мад̇д̇игаабад̇д̇о д̣̇вийхи баагзхи баггод̇и зд̇т̇ааби зсзва наяо. д̇асса бана муд̣̇угад̇д̇аа гумбхагаарагабаагзна сад̣̇д̇хим̣ д̣̇виваарабаггоби саман̣асааруббанийлаван̣н̣о ход̇и. звам̣ гад̇оязва хи бад̇д̇о ад̇хидтаануубаг̇о вигаббануубаг̇о жа ход̇и, наагад̇о. д̇зна вагкад̇и ‘‘баагз жа муулз жа сунидтид̇зязва ад̇хидтаануубаг̇о ход̇и. яо ад̇хидтаануубаг̇о, свзва вигаббануубаг̇о’’д̇и (ви. сан̇г̇а. адта. 48). со хад̇т̇ам̣ ааг̇ад̇оби анааг̇ад̇оби ад̇хидтаад̇аб̣б̣о вигаббзд̇аб̣б̣од̇и зд̇зна д̣̇уурз тид̇амби ад̇хидтаад̇ум̣ вигаббзд̇ун̃жа лабхад̇и, табид̇адтаанасаллагкан̣амзва бамаан̣анд̇и д̣̇ассзд̇и. ид̣̇аани д̇амзвад̇т̇ам̣ вид̇т̇аарзд̇умааха ‘‘яад̣̇и хий’’д̇иаад̣̇и. хи-сад̣̇д̣̇о вид̇т̇аараж̇од̇аго. д̇ад̇т̇а бажид̇ваа табзссаамийд̇и гаал̣аван̣н̣абаагам̣ санд̇хааяа вуд̇д̇ам̣.
Evaṃ pamāṇato adhiṭṭhānūpagavikappanūpagapattaṃ dassetvā idāni pākato mūlato ca taṃ dassetuṃ ‘‘pamāṇayuttānampī’’tiādimāha. Tattha ayopatto pañcahi pākehi pattoti kammārapakkaṃyeva anadhiṭṭhahitvā samaṇasāruppanīlavaṇṇakaraṇatthāya punappunaṃ nānāsambhārehi pacitabbo, ayopattassa atikakkhaḷattā kammārapākena saddhiṃ pañcavārapakkoyeva samaṇasāruppanīlavaṇṇo hoti. Mattikāpatto dvīhi pākehi pakkoti etthāpi eseva nayo. Tassa pana mudukattā kumbhakārakapākena saddhiṃ dvivārapakkopi samaṇasāruppanīlavaṇṇo hoti. Evaṃ katoyeva hi patto adhiṭṭhānūpago vikappanūpago ca hoti, nākato. Tena vakkhati ‘‘pāke ca mūle ca suniṭṭhiteyeva adhiṭṭhānūpago hoti. Yo adhiṭṭhānūpago, sveva vikappanūpago’’ti (vi. saṅga. aṭṭha. 48). So hatthaṃ āgatopi anāgatopi adhiṭṭhātabbo vikappetabboti etena dūre ṭhitampi adhiṭṭhātuṃ vikappetuñca labhati, ṭhapitaṭṭhānasallakkhaṇameva pamāṇanti dasseti. Idāni tamevatthaṃ vitthāretumāha ‘‘yadi hī’’tiādi. Hi-saddo vitthārajotako. Tattha pacitvā ṭhapessāmīti kāḷavaṇṇapākaṃ sandhāya vuttaṃ.
ид̣̇аани бад̇д̇аад̇хидтаанам̣ д̣̇ассзд̇умааха ‘‘д̇ад̇т̇а д̣̇вз бад̇д̇асса ад̇хидтаанаа’’д̇иаад̣̇и. д̇ад̇т̇а сааманд̇авихаарзд̇и ид̣̇ам̣ убалагкан̣авасзна вуд̇д̇ам̣, д̇ад̇о д̣̇уурз тид̇амби ад̇хидтаад̇аб̣б̣амзва. табид̇адтаанам̣ саллагкзд̇ваад̇и ид̣̇амби убажаарамад̇д̇ам̣, бад̇д̇асаллагкан̣амзвзд̇т̇а бамаан̣ам̣.
Idāni pattādhiṭṭhānaṃ dassetumāha ‘‘tattha dve pattassa adhiṭṭhānā’’tiādi. Tattha sāmantavihāreti idaṃ upalakkhaṇavasena vuttaṃ, tato dūre ṭhitampi adhiṭṭhātabbameva. Ṭhapitaṭṭhānaṃ sallakkhetvāti idampi upacāramattaṃ, pattasallakkhaṇamevettha pamāṇaṃ.
ид̣̇аани ад̇хидтаанавиж̇аханам̣ д̣̇ассзд̇ум̣ ‘‘звам̣ аббамад̇д̇асса’’д̇яаад̣̇имааха. д̇ад̇т̇а бад̇д̇з ваа чид̣̇д̣̇ам̣ ход̇ийд̇и мукаваддид̇о хздтаа д̣̇ван̇г̇уламад̇д̇огаасад̇о бадтааяа яад̇т̇а гад̇т̇ажи чид̣̇д̣̇ам̣ ход̇и.
Idāni adhiṭṭhānavijahanaṃ dassetuṃ ‘‘evaṃ appamattassa’’tyādimāha. Tattha patte vā chiddaṃ hotīti mukhavaṭṭito heṭṭhā dvaṅgulamattokāsato paṭṭhāya yattha katthaci chiddaṃ hoti.
сад̇д̇аннам̣ д̇хан̃н̃аананд̇и –
Sattannaṃdhaññānanti –
‘‘саали вийхи жа гуд̣̇руусо;
‘‘Sāli vīhi ca kudrūso;
г̇од̇хуумо вараго яаво;
Godhūmo varako yavo;
ган̇г̇ууд̇и сад̇д̇а д̇хан̃н̃аани;
Kaṅgūti satta dhaññāni;
нийваараад̣̇ий д̇у д̇аб̣бхид̣̇аа’’д̇и. –
Nīvārādī tu tabbhidā’’ti. –
вуд̇д̇аанам̣ сад̇д̇авид̇хаанам̣ д̇хан̃н̃аанам̣.
Vuttānaṃ sattavidhānaṃ dhaññānaṃ.
49. звам̣ бад̇д̇аад̇хидтаанам̣ д̣̇ассзд̇ваа ид̣̇аани бад̇д̇авигаббанам̣ д̣̇ассзд̇ум̣ ‘‘вигаббанз банаа’’д̇иаад̣̇имааха. д̇ам̣ жийваравигаббанз вуд̇д̇анаязнзва взд̣̇ид̇аб̣б̣ам̣.
49. Evaṃ pattādhiṭṭhānaṃ dassetvā idāni pattavikappanaṃ dassetuṃ ‘‘vikappane panā’’tiādimāha. Taṃ cīvaravikappane vuttanayeneva veditabbaṃ.
50. звам̣ вигаббанаанаяам̣ д̣̇ассзд̇ваа ид̣̇аани бад̇д̇з бхиннз гад̇д̇аб̣б̣авид̇хим̣ д̣̇ассзд̇умааха ‘‘звам̣ ад̇хидтахид̇ваа’’ижжаад̣̇и. д̇ад̇т̇а абад̇д̇од̇и иминаа ад̇хидтаанавиж̇аханамби д̣̇ассзд̇и. бан̃жаб̣анд̇ханзби бад̇д̇з абарибун̣н̣абаагз бад̇д̇з вияа ад̇хидтаанам̣ на рухад̇и. ‘‘д̇ибубаддзна ваа’’д̇и вуд̇д̇ад̇д̇аа д̇амб̣алохаад̣̇игаббияалохзхи аяобад̇д̇асса чид̣̇д̣̇ам̣ чаад̣̇зд̇ум̣ ваддад̇и. д̇знзва ‘‘лохаман̣д̣алагзнаа’’д̇и вуд̇д̇ам̣. суд̣̇д̇хзхи…бз… на ваддад̇ийд̇и ид̣̇ам̣ ун̣хабхож̇анз багкид̇д̇з вилийяамаанад̇д̇аа вуд̇д̇ам̣. паан̣ид̇ам̣ жхаабзд̇ваа баасаан̣ажун̣н̣зна б̣анд̇хид̇ум̣ ваддад̇ийд̇и баасаан̣ажун̣н̣зна сад̣̇д̇хим̣ паан̣ид̇ам̣ бажид̇ваа д̇ат̇аабаггзна баасаан̣ажун̣н̣зна б̣анд̇хид̇ум̣ ваддад̇и. абарибхог̇знаад̇и аяуд̇д̇абарибхог̇зна. ‘‘ануж̇аанаами бхигкавз аад̇хаарага’’нд̇и вуд̇д̇ад̇д̇аа ман̃жабийтаад̣̇ийсу яад̇т̇а гад̇т̇ажи аад̇хаарагам̣ табзд̇ваа д̇ад̇т̇а бад̇д̇ам̣ табзд̇ум̣ ваддад̇и аад̇хаарагадтабаногаасасса анияамид̇ад̇д̇аад̇и вад̣̇анд̇и.
50. Evaṃ vikappanānayaṃ dassetvā idāni patte bhinne kattabbavidhiṃ dassetumāha ‘‘evaṃ adhiṭṭhahitvā’’iccādi. Tattha apattoti iminā adhiṭṭhānavijahanampi dasseti. Pañcabandhanepi patte aparipuṇṇapāke patte viya adhiṭṭhānaṃ na ruhati. ‘‘Tipupaṭṭena vā’’ti vuttattā tambalohādikappiyalohehi ayopattassa chiddaṃ chādetuṃ vaṭṭati. Teneva ‘‘lohamaṇḍalakenā’’ti vuttaṃ. Suddhehi…pe… na vaṭṭatīti idaṃ uṇhabhojane pakkhitte vilīyamānattā vuttaṃ. Phāṇitaṃ jhāpetvā pāsāṇacuṇṇena bandhituṃ vaṭṭatīti pāsāṇacuṇṇena saddhiṃ phāṇitaṃ pacitvā tathāpakkena pāsāṇacuṇṇena bandhituṃ vaṭṭati. Aparibhogenāti ayuttaparibhogena. ‘‘Anujānāmi bhikkhave ādhāraka’’nti vuttattā mañcapīṭhādīsu yattha katthaci ādhārakaṃ ṭhapetvā tattha pattaṃ ṭhapetuṃ vaṭṭati ādhārakaṭṭhapanokāsassa aniyamitattāti vadanti.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
ад̇хидтаанавигаббанавинижчаяагат̇аалан̇гааро наама
Adhiṭṭhānavikappanavinicchayakathālaṅkāro nāma
адтамо барижчзд̣̇о.
Aṭṭhamo paricchedo.
