| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
8. ад̇хидтаанавигаббанавинижчаяагат̇аа
8. Adhiṭṭhānavikappanavinicchayakathā
44. ад̇хидтаанавигаббанзсу бана – ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣, вассигасаадигам̣ вассаанам̣ жаад̇умаасам̣ ад̇хидтаад̇ум̣ д̇ад̇о барам̣ вигаббзд̇ум̣, нисийд̣̇анам̣ ад̇хидтаад̇ум̣ на вигаббзд̇ум̣, бажжад̇т̇аран̣ам̣ ад̇хидтаад̇ум̣ на вигаббзд̇ум̣, ган̣д̣уббадижчаад̣̇им̣ яаава ааб̣аад̇хаа ад̇хидтаад̇ум̣ д̇ад̇о барам̣ вигаббзд̇ум̣, мукабун̃чанажол̣ам̣ ад̇хидтаад̇ум̣ на вигаббзд̇ум̣, баригкааражол̣ам̣ ад̇хидтаад̇ум̣ на вигаббзд̇у’’нд̇и (махаава. 358) важанад̇о д̇ижийвараад̣̇инияаамзнзва ад̇хидтахид̇ваа барибхун̃ж̇ид̇угааамзна ‘‘имам̣ сан̇гхаадим̣ ад̇хидтаамий’’д̇иаад̣̇инаа наамам̣ вад̇ваа ад̇хидтаад̇аб̣б̣ам̣. вигаббзнд̇зна бана наамам̣ аг̇г̇ахзд̇ваава ‘‘имам̣ жийварам̣ д̇уяхам̣ вигаббзмий’’д̇и вад̇ваа вигаббзд̇аб̣б̣ам̣. д̇ад̇т̇а (баараа. адта. 2.469) д̇ижийварам̣ ад̇хидтаханд̇зна раж̇ид̇ваа габбаб̣инд̣̇ум̣ д̣̇ад̇ваа бамаан̣аяуд̇д̇амзва ад̇хидтаад̇аб̣б̣ам̣. асса бамаан̣ам̣ уггадтабарижчзд̣̇зна суг̇ад̇ажийварад̇о уунагам̣ ваддад̇и, лаамагабарижчзд̣̇зна сан̇гхаадияаа уд̇д̇араасан̇г̇асса жа д̣̇ийгхад̇о мудтибан̃жагам̣, д̇ирияам̣ мудтид̇д̇игам̣ бамаан̣ам̣ ваддад̇и. анд̇араваасаго д̣̇ийгхасо мудтибан̃жаго, д̇ирияам̣ д̣̇вихад̇т̇оби ваддад̇и. баарубанзнаби хи саггаа наабхим̣ бадижчаад̣̇зд̇унд̇и. вуд̇д̇аббамаан̣ад̇о бана ад̇ирзган̃жа уунаган̃жа ‘‘баригкааражол̣ага’’нд̇и ад̇хидтаад̇аб̣б̣ам̣.
44.Adhiṭṭhānavikappanesu pana – anujānāmi, bhikkhave, ticīvaraṃ adhiṭṭhātuṃ na vikappetuṃ, vassikasāṭikaṃ vassānaṃ cātumāsaṃ adhiṭṭhātuṃ tato paraṃ vikappetuṃ, nisīdanaṃ adhiṭṭhātuṃ na vikappetuṃ, paccattharaṇaṃ adhiṭṭhātuṃ na vikappetuṃ, kaṇḍuppaṭicchādiṃ yāva ābādhā adhiṭṭhātuṃ tato paraṃ vikappetuṃ, mukhapuñchanacoḷaṃ adhiṭṭhātuṃ na vikappetuṃ, parikkhāracoḷaṃ adhiṭṭhātuṃ na vikappetu’’nti (mahāva. 358) vacanato ticīvarādiniyāmeneva adhiṭṭhahitvā paribhuñjitukaāmena ‘‘imaṃ saṅghāṭiṃ adhiṭṭhāmī’’tiādinā nāmaṃ vatvā adhiṭṭhātabbaṃ. Vikappentena pana nāmaṃ aggahetvāva ‘‘imaṃ cīvaraṃ tuyhaṃ vikappemī’’ti vatvā vikappetabbaṃ. Tattha (pārā. aṭṭha. 2.469) ticīvaraṃ adhiṭṭhahantena rajitvā kappabinduṃ datvā pamāṇayuttameva adhiṭṭhātabbaṃ. Assa pamāṇaṃ ukkaṭṭhaparicchedena sugatacīvarato ūnakaṃ vaṭṭati, lāmakaparicchedena saṅghāṭiyā uttarāsaṅgassa ca dīghato muṭṭhipañcakaṃ, tiriyaṃ muṭṭhittikaṃ pamāṇaṃ vaṭṭati. Antaravāsako dīghaso muṭṭhipañcako, tiriyaṃ dvihatthopi vaṭṭati. Pārupanenapi hi sakkā nābhiṃ paṭicchādetunti. Vuttappamāṇato pana atirekañca ūnakañca ‘‘parikkhāracoḷaka’’nti adhiṭṭhātabbaṃ.
д̇ад̇т̇а яасмаа ‘‘д̣̇вз жийварасса ад̇хидтаанаа гааязна ваа ад̇хидтзд̇и, ваажааяа ваа ад̇хидтзд̇ий’’д̇и (бари. 322) вуд̇д̇ам̣, д̇асмаа бураан̣асан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и бажжуд̣̇д̇харид̇ваа навам̣ сан̇гхаадим̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ад̇хидтаад̇аб̣б̣аа. ид̣̇ам̣ гааязна ад̇хидтаанам̣, д̇ам̣ язна гзнажи сарийрааваяавзна апусанд̇асса на ваддад̇и. ваажааяа ад̇хидтаанз бана важийбхзд̣̇ам̣ гад̇ваа ваажааяа ад̇хидтаад̇аб̣б̣аа. д̇ад̇ра д̣̇увид̇хам̣ ад̇хидтаанам̣ – сажз хад̇т̇абаасз ход̇и, ‘‘имам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. ат̇а анд̇ог̇аб̣бхз ваа убарибаасаад̣̇з ваа сааманд̇авихаарз ваа ход̇и, табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. зса наяо уд̇д̇араасан̇г̇з анд̇араваасагз жа. наамамад̇д̇амзва хи висзсо, д̇асмаа саб̣б̣аани сан̇гхаадим̣ уд̇д̇араасан̇г̇ам̣ анд̇араваасаганд̇и звам̣ ад̇д̇ано наамзнзва ад̇хидтаад̇аб̣б̣аани. сажз ад̇хидтахид̇ваа табид̇авад̇т̇зхи сан̇гхаадиаад̣̇ийни гарод̇и, нидтид̇з раж̇анз жа габбз жа ‘‘имам̣ бажжуд̣̇д̇хараамий’’д̇и бажжуд̣̇д̇харид̇ваа буна ад̇хидтаад̇аб̣б̣аани. ад̇хидтид̇зна бана сад̣̇д̇хим̣ маханд̇ад̇арамзва д̣̇уд̇ияабаддам̣ ваа кан̣д̣ам̣ ваа сиб̣б̣анд̇зна буна ад̇хидтаад̇аб̣б̣ам̣. самз ваа куд̣̇д̣̇агз ваа ад̇хидтаанагижжам̣ над̇т̇и.
Tattha yasmā ‘‘dve cīvarassa adhiṭṭhānā kāyena vā adhiṭṭheti, vācāya vā adhiṭṭhetī’’ti (pari. 322) vuttaṃ, tasmā purāṇasaṅghāṭiṃ ‘‘imaṃ saṅghāṭiṃ paccuddharāmī’’ti paccuddharitvā navaṃ saṅghāṭiṃ hatthena gahetvā ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyavikāraṃ karontena kāyena adhiṭṭhātabbā. Idaṃ kāyena adhiṭṭhānaṃ, taṃ yena kenaci sarīrāvayavena aphusantassa na vaṭṭati. Vācāya adhiṭṭhāne pana vacībhedaṃ katvā vācāya adhiṭṭhātabbā. Tatra duvidhaṃ adhiṭṭhānaṃ – sace hatthapāse hoti, ‘‘imaṃ saṅghāṭiṃ adhiṭṭhāmī’’ti vācā bhinditabbā. Atha antogabbhe vā uparipāsāde vā sāmantavihāre vā hoti, ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vācā bhinditabbā. Esa nayo uttarāsaṅge antaravāsake ca. Nāmamattameva hi viseso, tasmā sabbāni saṅghāṭiṃ uttarāsaṅgaṃ antaravāsakanti evaṃ attano nāmeneva adhiṭṭhātabbāni. Sace adhiṭṭhahitvā ṭhapitavatthehi saṅghāṭiādīni karoti, niṭṭhite rajane ca kappe ca ‘‘imaṃ paccuddharāmī’’ti paccuddharitvā puna adhiṭṭhātabbāni. Adhiṭṭhitena pana saddhiṃ mahantatarameva dutiyapaṭṭaṃ vā khaṇḍaṃ vā sibbantena puna adhiṭṭhātabbaṃ. Same vā khuddake vā adhiṭṭhānakiccaṃ natthi.
д̇ижийварам̣ бана баригкааражол̣ам̣ ад̇хидтаад̇ум̣ ваддад̇и, на ваддад̇ийд̇и? махаабад̣̇умад̇т̇зро гирааха ‘‘д̇ижийварам̣ д̇ижийварамзва ад̇хидтаад̇аб̣б̣ам̣, сажз баригкааражол̣аад̇хидтаанам̣ лабхзяяа, уд̣̇осид̇асигкаабад̣̇з барихааро нирад̇т̇аго бхавзяяаа’’д̇и. звам̣ вуд̇д̇з гира авасзсаа бхигкуу аахам̣су ‘‘баригкааражол̣амби бхаг̇авад̇аава ‘ад̇хидтаад̇аб̣б̣а’нд̇и вуд̇д̇ам̣, д̇асмаа ваддад̇ий’’д̇и. махаабажжарияамби вуд̇д̇ам̣ ‘‘баригкааражол̣ам̣ наама баадзггам̣ нид̇хаанамукамзд̇ам̣. д̇ижийварам̣ ‘баригкааражол̣а’нд̇и ад̇хидтахид̇ваа барибхун̃ж̇ид̇ум̣ ваддад̇и, уд̣̇осид̇асигкаабад̣̇з (баараа. 471 аад̣̇аяо) бана д̇ижийварам̣ ад̇хидтахид̇ваа барихаранд̇асса барихааро вуд̇д̇о’’д̇и. убхад̇овибхан̇г̇абхаан̣аго бун̣н̣аваалигаваасий махаад̇иссад̇т̇зроби гирааха ‘‘маяам̣ буб̣б̣з махаат̇зраанам̣ ассумхаа ‘аран̃н̃аваасино бхигкуу ругкасусираад̣̇ийсу жийварам̣ табзд̇ваа бад̇хаанам̣ бад̣̇аханад̇т̇ааяа г̇ажчанд̇и, сааманд̇авихаарз д̇хаммассаванад̇т̇ааяа г̇ад̇аанан̃жа д̇зсам̣ суурияз удтид̇з сааман̣зраа ваа д̣̇ахарабхигкуу ваа бад̇д̇ажийварам̣ г̇ахзд̇ваа г̇ажчанд̇и, д̇асмаа сукабарибхог̇ад̇т̇ам̣ д̇ижийварам̣ баригкааражол̣ам̣ ад̇хидтаад̇ум̣ ваддад̇ий’’’д̇и. махаабажжарияамби вуд̇д̇ам̣ ‘‘буб̣б̣з ааран̃н̃игаа бхигкуу аб̣ад̣̇д̇хасиймааяа д̣̇уббарихааранд̇и д̇ижийварам̣ баригкааражол̣амзва ад̇хидтахид̇ваа барибхун̃ж̇им̣суу’’д̇и.
Ticīvaraṃ pana parikkhāracoḷaṃ adhiṭṭhātuṃ vaṭṭati, na vaṭṭatīti? Mahāpadumatthero kirāha ‘‘ticīvaraṃ ticīvarameva adhiṭṭhātabbaṃ, sace parikkhāracoḷādhiṭṭhānaṃ labheyya, udositasikkhāpade parihāro niratthako bhaveyyā’’ti. Evaṃ vutte kira avasesā bhikkhū āhaṃsu ‘‘parikkhāracoḷampi bhagavatāva ‘adhiṭṭhātabba’nti vuttaṃ, tasmā vaṭṭatī’’ti. Mahāpaccariyampi vuttaṃ ‘‘parikkhāracoḷaṃ nāma pāṭekkaṃ nidhānamukhametaṃ. Ticīvaraṃ ‘parikkhāracoḷa’nti adhiṭṭhahitvā paribhuñjituṃ vaṭṭati, udositasikkhāpade (pārā. 471 ādayo) pana ticīvaraṃ adhiṭṭhahitvā pariharantassa parihāro vutto’’ti. Ubhatovibhaṅgabhāṇako puṇṇavālikavāsī mahātissattheropi kirāha ‘‘mayaṃ pubbe mahātherānaṃ assumhā ‘araññavāsino bhikkhū rukkhasusirādīsu cīvaraṃ ṭhapetvā padhānaṃ padahanatthāya gacchanti, sāmantavihāre dhammassavanatthāya gatānañca tesaṃ sūriye uṭṭhite sāmaṇerā vā daharabhikkhū vā pattacīvaraṃ gahetvā gacchanti, tasmā sukhaparibhogatthaṃ ticīvaraṃ parikkhāracoḷaṃ adhiṭṭhātuṃ vaṭṭatī’’’ti. Mahāpaccariyampi vuttaṃ ‘‘pubbe āraññikā bhikkhū abaddhasīmāya dupparihāranti ticīvaraṃ parikkhāracoḷameva adhiṭṭhahitvā paribhuñjiṃsū’’ti.
45. вассигасаадигаа анад̇ирид̇д̇аббамаан̣аа наамам̣ г̇ахзд̇ваа вуд̇д̇анаязнзва жад̇д̇ааро вассигз маасз ад̇хидтаад̇аб̣б̣аа, д̇ад̇о барам̣ бажжуд̣̇д̇харид̇ваа вигаббзд̇аб̣б̣аа. ван̣н̣абхзд̣̇амад̇д̇арад̇д̇ааби жзсаа ваддад̇и, д̣̇вз бана на вадданд̇и. нисийд̣̇анам̣ вуд̇д̇анаязна ад̇хидтаад̇аб̣б̣амзва, д̇ан̃жа ко бамаан̣аяуд̇д̇ам̣ згамзва, д̣̇вз на вадданд̇и. бажжад̇т̇аран̣амби ад̇хидтаад̇аб̣б̣амзва, д̇ам̣ бана маханд̇амби ваддад̇и, згамби ваддад̇и, б̣ахууниби вадданд̇и, нийламби бийд̇агамби сад̣̇асамби бубпад̣̇асамбийд̇и саб̣б̣аббагаарам̣ ваддад̇и. ган̣д̣уббадижчаад̣̇и яаава ааб̣аад̇хо ад̇т̇и, д̇аава бамаан̣игаа ад̇хидтаад̇аб̣б̣аа. ааб̣аад̇хз вуубасанд̇з бажжуд̣̇д̇харид̇ваа вигаббзд̇аб̣б̣аа, згаава ваддад̇и. мукабун̃чанажол̣ам̣ ад̇хидтаад̇аб̣б̣амзва, яаава згам̣ д̇ховийяад̇и, д̇аава ан̃н̃ам̣ барибхог̇ад̇т̇ааяа ижчид̇аб̣б̣анд̇и д̣̇взби вадданд̇и. абарз бана т̇зраа ‘‘нид̇хаанамукамзд̇ам̣, б̣ахууниби вадданд̇ий’’д̇и вад̣̇анд̇и. баригкааражол̣з г̇ан̣анаа над̇т̇и, яад̇д̇агам̣ ижчад̇и, д̇ад̇д̇агам̣ ад̇хидтаад̇аб̣б̣амзва. т̇авигааби бариссааванамби вигаббануубаг̇абажчимажийвараббамаан̣ам̣ ‘‘баригкааражол̣а’’нд̇и ад̇хидтаад̇аб̣б̣амзва. д̇асса бамаан̣ам̣ д̣̇ийгхад̇о д̣̇вз вид̣̇ад̇т̇ияо д̇ирияам̣ вид̣̇ад̇т̇и, д̇ам̣ бана д̣̇ийгхад̇о вад̣дхагийхад̇т̇аббамаан̣ам̣, вид̇т̇аарад̇о д̇ад̇о убад̣дхаббамаан̣ам̣ ход̇и. д̇ад̇рааяам̣ баал̣и ‘‘ануж̇аанаами, бхигкавз, ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийварам̣ вигаббзд̇у’’нд̇и (махаава. 358). б̣ахууниби згад̇о гад̇ваа ‘‘имаани жийвараани баригкааражол̣аани ад̇хидтаамий’’д̇и ад̇хидтаад̇умби ваддад̇иязва. бхзсаж̇ж̇анавагаммамаад̇аабид̇уаад̣̇ийнам̣ ад̇т̇ааяа табзнд̇зна анад̇хидтид̇зби над̇т̇и аабад̇д̇и. ман̃жабхиси бийтабхиси б̣имб̣оханам̣ баавааро гож̇авод̇и зд̇зсу бана сзнаасанабаригкаарад̇т̇ааяа д̣̇иннабажжад̇т̇аран̣з жа ад̇хидтаанагижжам̣ над̇т̇иязва.
45.Vassikasāṭikā anatirittappamāṇā nāmaṃ gahetvā vuttanayeneva cattāro vassike māse adhiṭṭhātabbā, tato paraṃ paccuddharitvā vikappetabbā. Vaṇṇabhedamattarattāpi cesā vaṭṭati, dve pana na vaṭṭanti. Nisīdanaṃ vuttanayena adhiṭṭhātabbameva, tañca kho pamāṇayuttaṃ ekameva, dve na vaṭṭanti. Paccattharaṇampi adhiṭṭhātabbameva, taṃ pana mahantampi vaṭṭati, ekampi vaṭṭati, bahūnipi vaṭṭanti, nīlampi pītakampi sadasampi pupphadasampīti sabbappakāraṃ vaṭṭati. Kaṇḍuppaṭicchādi yāva ābādho atthi, tāva pamāṇikā adhiṭṭhātabbā. Ābādhe vūpasante paccuddharitvā vikappetabbā, ekāva vaṭṭati. Mukhapuñchanacoḷaṃ adhiṭṭhātabbameva, yāva ekaṃ dhovīyati, tāva aññaṃ paribhogatthāya icchitabbanti dvepi vaṭṭanti. Apare pana therā ‘‘nidhānamukhametaṃ, bahūnipi vaṭṭantī’’ti vadanti. Parikkhāracoḷe gaṇanā natthi, yattakaṃ icchati, tattakaṃ adhiṭṭhātabbameva. Thavikāpi parissāvanampi vikappanūpagapacchimacīvarappamāṇaṃ ‘‘parikkhāracoḷa’’nti adhiṭṭhātabbameva. Tassa pamāṇaṃ dīghato dve vidatthiyo tiriyaṃ vidatthi, taṃ pana dīghato vaḍḍhakīhatthappamāṇaṃ, vitthārato tato upaḍḍhappamāṇaṃ hoti. Tatrāyaṃ pāḷi ‘‘anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetu’’nti (mahāva. 358). Bahūnipi ekato katvā ‘‘imāni cīvarāni parikkhāracoḷāni adhiṭṭhāmī’’ti adhiṭṭhātumpi vaṭṭatiyeva. Bhesajjanavakammamātāpituādīnaṃ atthāya ṭhapentena anadhiṭṭhitepi natthi āpatti. Mañcabhisi pīṭhabhisi bimbohanaṃ pāvāro kojavoti etesu pana senāsanaparikkhāratthāya dinnapaccattharaṇe ca adhiṭṭhānakiccaṃ natthiyeva.
сажз бана (баараа. адта. 2.636-38) н̃аад̇агабаваарид̇адтаанад̇о суд̇д̇ам̣ лабхид̇ваа н̃аад̇агабаваарид̇знзва д̇анд̇авааязна ан̃н̃зна ваа муулам̣ д̣̇ад̇ваа жийварам̣ вааяаабзд̇и, вааяаабанабажжаяаа анаабад̇д̇и. д̣̇асаахаад̇иггаманабажжаяаа бана аабад̇д̇им̣ рагканд̇зна вигаббанубаг̇аббамаан̣амад̇д̇з вийд̇з д̇анд̇з тид̇ам̣язва ад̇хидтаад̇аб̣б̣ам̣. д̣̇асаахаад̇иггамзна нидтаабияамаанан̃хи ниссаг̇г̇ияам̣ бхавзяяаад̇и. н̃аад̇агаад̣̇ийхи д̇анд̇ам̣ ааробаабзд̇ваа ‘‘д̇умхаагам̣, бханд̇з, ид̣̇ам̣ жийварам̣ г̇ан̣хзяяаат̇аа’’д̇и нияяаад̇ид̇зби зсзва наяо.
Sace pana (pārā. aṭṭha. 2.636-38) ñātakapavāritaṭṭhānato suttaṃ labhitvā ñātakapavāriteneva tantavāyena aññena vā mūlaṃ datvā cīvaraṃ vāyāpeti, vāyāpanapaccayā anāpatti. Dasāhātikkamanapaccayā pana āpattiṃ rakkhantena vikappanupagappamāṇamatte vīte tante ṭhitaṃyeva adhiṭṭhātabbaṃ. Dasāhātikkamena niṭṭhāpiyamānañhi nissaggiyaṃ bhaveyyāti. Ñātakādīhi tantaṃ āropāpetvā ‘‘tumhākaṃ, bhante, idaṃ cīvaraṃ gaṇheyyāthā’’ti niyyātitepi eseva nayo.
сажз д̇анд̇авааяо звам̣ баяож̇ид̇о ваа саяам̣ д̣̇аад̇угаамо ваа худ̇ваа ‘‘ахам̣, бханд̇з, д̇умхаагам̣ жийварам̣ асугад̣̇ивасз наама вааяид̇ваа табзссаамий’’д̇и вад̣̇ад̇и, бхигку жа д̇зна барижчиннад̣̇ивасад̇о бадтааяа д̣̇асаахам̣ ад̇иггаамзд̇и, ниссаг̇г̇ияам̣ баажид̇д̇ияам̣. сажз бана д̇анд̇авааяо ‘‘ахам̣ д̇умхаагам̣ жийварам̣ вааяид̇ваа саасанам̣ бзсзссаамий’’д̇и вад̇ваа д̇ат̇зва гарод̇и, д̇зна бзсид̇абхигку бана д̇асса бхигкуно на аарожзд̇и, ан̃н̃о д̣̇исваа ваа суд̇ваа ваа ‘‘д̇умхаагам̣, бханд̇з, жийварам̣ нидтид̇а’’нд̇и аарожзд̇и, зд̇асса аарожанам̣ на бамаан̣ам̣. яад̣̇аа бана д̇зна бзсид̇оязва аарожзд̇и, д̇асса важанам̣ суд̇ад̣̇ивасад̇о бадтааяа д̣̇асаахам̣ ад̇иггаамаяад̇о ниссаг̇г̇ияам̣ баажид̇д̇ияам̣.
Sace tantavāyo evaṃ payojito vā sayaṃ dātukāmo vā hutvā ‘‘ahaṃ, bhante, tumhākaṃ cīvaraṃ asukadivase nāma vāyitvā ṭhapessāmī’’ti vadati, bhikkhu ca tena paricchinnadivasato paṭṭhāya dasāhaṃ atikkāmeti, nissaggiyaṃ pācittiyaṃ. Sace pana tantavāyo ‘‘ahaṃ tumhākaṃ cīvaraṃ vāyitvā sāsanaṃ pesessāmī’’ti vatvā tatheva karoti, tena pesitabhikkhu pana tassa bhikkhuno na āroceti, añño disvā vā sutvā vā ‘‘tumhākaṃ, bhante, cīvaraṃ niṭṭhita’’nti āroceti, etassa ārocanaṃ na pamāṇaṃ. Yadā pana tena pesitoyeva āroceti, tassa vacanaṃ sutadivasato paṭṭhāya dasāhaṃ atikkāmayato nissaggiyaṃ pācittiyaṃ.
сажз д̇анд̇авааяо ‘‘ахам̣ д̇умхаагам̣ жийварам̣ вааяид̇ваа гассажи хад̇т̇з бахин̣иссаамий’’д̇и вад̇ваа д̇ат̇зва гарод̇и, жийварам̣ г̇ахзд̇ваа г̇ад̇абхигку бана ад̇д̇ано баривзн̣з табзд̇ваа д̇асса на аарожзд̇и, ан̃н̃о гожи бхан̣ад̇и ‘‘аби, бханд̇з, ад̇хунаа аабхад̇ам̣ жийварам̣ сунд̣̇ара’’нд̇и. гухим̣, аавусо, жийваранд̇и. ид̇т̇аннаамасса хад̇т̇з бзсид̇анд̇и. зд̇ассаби важанам̣ на бамаан̣ам̣. яад̣̇аа бана со бхигку жийварам̣ д̣̇зд̇и, лад̣̇д̇хад̣̇ивасад̇о бадтааяа д̣̇асаахам̣ ад̇иггаамаяад̇о ниссаг̇г̇ияам̣ баажид̇д̇ияам̣. сажз бана вааяаабанамуулам̣ ад̣̇иннам̣ ход̇и, яаава гааган̣игамад̇д̇амби авасидтам̣, д̇аава рагкад̇и.
Sace tantavāyo ‘‘ahaṃ tumhākaṃ cīvaraṃ vāyitvā kassaci hatthe pahiṇissāmī’’ti vatvā tatheva karoti, cīvaraṃ gahetvā gatabhikkhu pana attano pariveṇe ṭhapetvā tassa na āroceti, añño koci bhaṇati ‘‘api, bhante, adhunā ābhataṃ cīvaraṃ sundara’’nti. Kuhiṃ, āvuso, cīvaranti. Itthannāmassa hatthe pesitanti. Etassapi vacanaṃ na pamāṇaṃ. Yadā pana so bhikkhu cīvaraṃ deti, laddhadivasato paṭṭhāya dasāhaṃ atikkāmayato nissaggiyaṃ pācittiyaṃ. Sace pana vāyāpanamūlaṃ adinnaṃ hoti, yāva kākaṇikamattampi avasiṭṭhaṃ, tāva rakkhati.
46. ад̇хидтид̇ажийварам̣ (баараа. адта. 2.469) бана барибхун̃ж̇ад̇о гат̇ам̣ ад̇хидтаанам̣ виж̇ахад̇ийд̇и ? ан̃н̃асса д̣̇аанзна ажчинд̣̇ид̇ваа г̇ахан̣зна виссаасаг̇г̇аахзна хийнааяаавад̇д̇анзна сигкаабажжагкаанзна гаалагирияааяа лин̇г̇абаривад̇д̇анзна бажжуд̣̇д̇харан̣зна чид̣̇д̣̇абхаавзнаад̇и имзхи навахи гааран̣зхи виж̇ахад̇и. д̇ад̇т̇а буримзхи адтахи саб̣б̣ажийвараани ад̇хидтаанам̣ виж̇аханд̇и, чид̣̇д̣̇абхаавзна бана д̇ижийварассзва саб̣б̣адтагат̇аасу ад̇хидтаанавиж̇аханам̣ вуд̇д̇ам̣, д̇ан̃жа накабидтиббамаан̣зна чид̣̇д̣̇зна. д̇ад̇т̇а накабидтиббамаан̣ам̣ ганидтан̇г̇улинакавасзна взд̣̇ид̇аб̣б̣ам̣, чид̣̇д̣̇ан̃жа винивид̣̇д̇хачид̣̇д̣̇амзва. чид̣̇д̣̇асса хи аб̣бханд̇арз згад̇анд̇у жзби ажчинно ход̇и, рагкад̇и. д̇ад̇т̇а сан̇гхаадияаа жа уд̇д̇араасан̇г̇асса жа д̣̇ийгханд̇ад̇о вид̣̇ад̇т̇иббамаан̣асса, д̇ирияанд̇ад̇о адтан̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, анд̇араваасагасса бана д̣̇ийгханд̇ад̇о вид̣̇ад̇т̇иббамаан̣ассзва, д̇ирияанд̇ад̇о жад̇уран̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, барад̇о на бхинд̣̇ад̇и, д̇асмаа ж̇аад̇з чид̣̇д̣̇з д̇ижийварам̣ ад̇ирзгажийварадтаанз д̇идтад̇и, суужигаммам̣ гад̇ваа буна ад̇хидтаад̇аб̣б̣ам̣. яо бана д̣̇уб̣б̣аладтаанз батамам̣ аг̇г̇ал̣ам̣ д̣̇ад̇ваа бажчаа д̣̇уб̣б̣аладтаанам̣ чинд̣̇ид̇ваа абанзд̇и, ад̇хидтаанам̣ на бхиж̇ж̇ад̇и. ман̣д̣алабаривад̇д̇анзби зсзва наяо. д̣̇убаддасса згасмим̣ бадалз чид̣̇д̣̇з ваа ж̇аад̇з г̇ал̣ид̇з ваа ад̇хидтаанам̣ на бхиж̇ж̇ад̇и, куд̣̇д̣̇агам̣ жийварам̣ маханд̇ам̣ гарод̇и, маханд̇ам̣ ваа куд̣̇д̣̇агам̣ гарод̇и, ад̇хидтаанам̣ на бхиж̇ж̇ад̇и. убхо годияо маж̇жхз гаронд̇о сажз батамам̣ чинд̣̇ид̇ваа бажчаа гхадзд̇и, ад̇хидтаанам̣ бхиж̇ж̇ад̇и. ат̇а гхадзд̇ваа чинд̣̇ад̇и, на бхиж̇ж̇ад̇и. раж̇агзхи д̇ховаабзд̇ваа сзд̇ам̣ гаараабзнд̇ассаби ад̇хидтаанам̣ ад̇хидтаанамзваад̇и. аяам̣ д̇аава ад̇хидтаанз винижчаяо.
46. Adhiṭṭhitacīvaraṃ (pārā. aṭṭha. 2.469) pana paribhuñjato kathaṃ adhiṭṭhānaṃ vijahatīti ? Aññassa dānena acchinditvā gahaṇena vissāsaggāhena hīnāyāvattanena sikkhāpaccakkhānena kālakiriyāya liṅgaparivattanena paccuddharaṇena chiddabhāvenāti imehi navahi kāraṇehi vijahati. Tattha purimehi aṭṭhahi sabbacīvarāni adhiṭṭhānaṃ vijahanti, chiddabhāvena pana ticīvarasseva sabbaṭṭhakathāsu adhiṭṭhānavijahanaṃ vuttaṃ, tañca nakhapiṭṭhippamāṇena chiddena. Tattha nakhapiṭṭhippamāṇaṃ kaniṭṭhaṅgulinakhavasena veditabbaṃ, chiddañca vinividdhachiddameva. Chiddassa hi abbhantare ekatantu cepi acchinno hoti, rakkhati. Tattha saṅghāṭiyā ca uttarāsaṅgassa ca dīghantato vidatthippamāṇassa, tiriyantato aṭṭhaṅgulappamāṇassa padesassa orato chiddaṃ adhiṭṭhānaṃ bhindati, antaravāsakassa pana dīghantato vidatthippamāṇasseva, tiriyantato caturaṅgulappamāṇassa padesassa orato chiddaṃ adhiṭṭhānaṃ bhindati, parato na bhindati, tasmā jāte chidde ticīvaraṃ atirekacīvaraṭṭhāne tiṭṭhati, sūcikammaṃ katvā puna adhiṭṭhātabbaṃ. Yo pana dubbalaṭṭhāne paṭhamaṃ aggaḷaṃ datvā pacchā dubbalaṭṭhānaṃ chinditvā apaneti, adhiṭṭhānaṃ na bhijjati. Maṇḍalaparivattanepi eseva nayo. Dupaṭṭassa ekasmiṃ paṭale chidde vā jāte gaḷite vā adhiṭṭhānaṃ na bhijjati, khuddakaṃ cīvaraṃ mahantaṃ karoti, mahantaṃ vā khuddakaṃ karoti, adhiṭṭhānaṃ na bhijjati. Ubho koṭiyo majjhe karonto sace paṭhamaṃ chinditvā pacchā ghaṭeti, adhiṭṭhānaṃ bhijjati. Atha ghaṭetvā chindati, na bhijjati. Rajakehi dhovāpetvā setaṃ kārāpentassapi adhiṭṭhānaṃ adhiṭṭhānamevāti. Ayaṃ tāva adhiṭṭhāne vinicchayo.
47. вигаббанз бана д̣̇вз вигаббанаа саммукаавигаббанаа бараммукаавигаббанаа жа. гат̇ам̣ саммукаавигаббанаа ход̇и? жийвараанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘имам̣ жийвара’’нд̇и ваа ‘‘имаани жийварааний’’д̇и ваа ‘‘зд̇ам̣ жийвара’’нд̇и ваа ‘‘зд̇аани жийварааний’’д̇и ваа вад̇ваа ‘‘д̇уяхам̣ вигаббзмий’’д̇и вад̇д̇аб̣б̣ам̣, аяамзгаа саммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхун̃ж̇ид̇ум̣ бана виссаж̇ж̇зд̇ум̣ ваа ад̇хидтаад̇ум̣ ваа на ваддад̇и. ‘‘маяхам̣ санд̇агам̣, маяхам̣ санд̇агаани барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и звам̣ бана вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и.
47.Vikappane pana dve vikappanā sammukhāvikappanā parammukhāvikappanā ca. Kathaṃ sammukhāvikappanā hoti? Cīvarānaṃ ekabahubhāvaṃ sannihitāsannihitabhāvañca ñatvā ‘‘imaṃ cīvara’’nti vā ‘‘imāni cīvarānī’’ti vā ‘‘etaṃ cīvara’’nti vā ‘‘etāni cīvarānī’’ti vā vatvā ‘‘tuyhaṃ vikappemī’’ti vattabbaṃ, ayamekā sammukhāvikappanā. Ettāvatā nidhetuṃ vaṭṭati, paribhuñjituṃ pana vissajjetuṃ vā adhiṭṭhātuṃ vā na vaṭṭati. ‘‘Mayhaṃ santakaṃ, mayhaṃ santakāni paribhuñja vā vissajjehi vā yathāpaccayaṃ vā karohī’’ti evaṃ pana vutte paccuddhāro nāma hoti, tato pabhuti paribhogādayopi vaṭṭanti.
абаро наяо – д̇ат̇зва жийвараанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа д̇ассзва бхигкуно санд̇игз ‘‘имам̣ жийвара’’нд̇и ваа ‘‘имаани жийварааний’’д̇и ваа ‘‘зд̇ам̣ жийвара’’нд̇и ваа ‘‘зд̇аани жийварааний’’д̇и ваа вад̇ваа бан̃жасу сахад̇хаммигзсу ан̃н̃ад̇арасса ад̇д̇анаа абхиружид̇асса яасса гассажи наамам̣ г̇ахзд̇ваа ‘‘д̇иссасса бхигкуно вигаббзмий’’д̇и ваа ‘‘д̇иссааяа бхигкунияаа, д̇иссааяа сигкамаанааяа, д̇иссасса сааман̣зрасса, д̇иссааяа сааман̣зрияаа вигаббзмий’’д̇и ваа вад̇д̇аб̣б̣ам̣, аяам̣ абарааби саммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхог̇аад̣̇ийсу бана згамби на ваддад̇и. д̇зна бана бхигкунаа ‘‘д̇иссасса бхигкуно санд̇агам̣…бз… д̇иссааяа сааман̣зрияаа санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и.
Aparo nayo – tatheva cīvarānaṃ ekabahubhāvaṃ sannihitāsannihitabhāvañca ñatvā tasseva bhikkhuno santike ‘‘imaṃ cīvara’’nti vā ‘‘imāni cīvarānī’’ti vā ‘‘etaṃ cīvara’’nti vā ‘‘etāni cīvarānī’’ti vā vatvā pañcasu sahadhammikesu aññatarassa attanā abhirucitassa yassa kassaci nāmaṃ gahetvā ‘‘tissassa bhikkhuno vikappemī’’ti vā ‘‘tissāya bhikkhuniyā, tissāya sikkhamānāya, tissassa sāmaṇerassa, tissāya sāmaṇeriyā vikappemī’’ti vā vattabbaṃ, ayaṃ aparāpi sammukhāvikappanā. Ettāvatā nidhetuṃ vaṭṭati, paribhogādīsu pana ekampi na vaṭṭati. Tena pana bhikkhunā ‘‘tissassa bhikkhuno santakaṃ…pe… tissāya sāmaṇeriyā santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti, tato pabhuti paribhogādayopi vaṭṭanti.
гат̇ам̣ бараммукаавигаббанаа ход̇и? жийвараанам̣ д̇ат̇зва згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘имам̣ жийвара’’нд̇и ваа ‘‘имаани жийварааний’’д̇и ваа ‘‘зд̇ам̣ жийвара’’нд̇и ваа ‘‘зд̇аани жийварааний’’д̇и ваа вад̇ваа ‘‘д̇уяхам̣ вигаббанад̇т̇ааяа д̣̇аммий’’д̇и вад̇д̇аб̣б̣ам̣. д̇зна вад̇д̇аб̣б̣о ‘‘го д̇з мид̇д̇о ваа санд̣̇идто ваа’’д̇и. д̇ад̇о ид̇арзна буриманаязнзва ‘‘д̇иссо бхигкуу’’д̇и ваа…бз… ‘‘д̇иссаа сааман̣зрий’’д̇и ваа вад̇д̇аб̣б̣ам̣. буна д̇зна бхигкунаа ‘‘ахам̣ д̇иссасса бхигкуно д̣̇аммий’’д̇и ваа…бз… ‘‘д̇иссааяа сааман̣зрияаа д̣̇аммий’’д̇и ваа вад̇д̇аб̣б̣ам̣, аяам̣ бараммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхог̇аад̣̇ийсу бана згамби на ваддад̇и. д̇зна бана бхигкунаа д̣̇уд̇ияасаммукаавигаббанааяам̣ вуд̇д̇анаязнзва ‘‘ид̇т̇аннаамасса санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и.
Kathaṃ parammukhāvikappanā hoti? Cīvarānaṃ tatheva ekabahubhāvaṃ sannihitāsannihitabhāvañca ñatvā ‘‘imaṃ cīvara’’nti vā ‘‘imāni cīvarānī’’ti vā ‘‘etaṃ cīvara’’nti vā ‘‘etāni cīvarānī’’ti vā vatvā ‘‘tuyhaṃ vikappanatthāya dammī’’ti vattabbaṃ. Tena vattabbo ‘‘ko te mitto vā sandiṭṭho vā’’ti. Tato itarena purimanayeneva ‘‘tisso bhikkhū’’ti vā…pe… ‘‘tissā sāmaṇerī’’ti vā vattabbaṃ. Puna tena bhikkhunā ‘‘ahaṃ tissassa bhikkhuno dammī’’ti vā…pe… ‘‘tissāya sāmaṇeriyā dammī’’ti vā vattabbaṃ, ayaṃ parammukhāvikappanā. Ettāvatā nidhetuṃ vaṭṭati, paribhogādīsu pana ekampi na vaṭṭati. Tena pana bhikkhunā dutiyasammukhāvikappanāyaṃ vuttanayeneva ‘‘itthannāmassa santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti, tato pabhuti paribhogādayopi vaṭṭanti.
д̣̇виннам̣ вигаббанаанам̣ гим̣ наанаагаран̣ам̣? саммукаавигаббанааяам̣ саяам̣ вигаббзд̇ваа барзна бажжуд̣̇д̇хараабзд̇и, бараммукаавигаббанааяам̣ барзнзва вигаббаабзд̇ваа барзнзва бажжуд̣̇д̇хараабзд̇и, ид̣̇амзд̇т̇а наанаагаран̣ам̣. сажз бана яасса вигаббзд̇и, со бан̃н̃ад̇д̇иговид̣̇о на ход̇и, на ж̇аанаад̇и бажжуд̣̇д̇харид̇ум̣, д̇ам̣ жийварам̣ г̇ахзд̇ваа ан̃н̃асса б̣яад̇д̇асса санд̇игам̣ г̇анд̇ваа буна вигаббзд̇ваа барзна бажжуд̣̇д̇хараабзд̇аб̣б̣ам̣. вигаббид̇авигаббанаа наамзсаа ваддад̇и. звам̣ д̇аава жийварз ад̇хидтаанавигаббанаанаяо взд̣̇ид̇аб̣б̣о.
Dvinnaṃ vikappanānaṃ kiṃ nānākaraṇaṃ? Sammukhāvikappanāyaṃ sayaṃ vikappetvā parena paccuddharāpeti, parammukhāvikappanāyaṃ pareneva vikappāpetvā pareneva paccuddharāpeti, idamettha nānākaraṇaṃ. Sace pana yassa vikappeti, so paññattikovido na hoti, na jānāti paccuddharituṃ, taṃ cīvaraṃ gahetvā aññassa byattassa santikaṃ gantvā puna vikappetvā parena paccuddharāpetabbaṃ. Vikappitavikappanā nāmesā vaṭṭati. Evaṃ tāva cīvare adhiṭṭhānavikappanānayo veditabbo.
48. бад̇д̇з бана аяам̣ наяо – бад̇д̇ам̣ ад̇хидтаханд̇зна уггадтамаж̇жхимомагаанам̣ ан̃н̃ад̇аро бамаан̣аяуд̇д̇ова ад̇хидтаад̇аб̣б̣о. д̇асса бамаан̣ам̣ ‘‘ад̣дхаал̣хагод̣̇анам̣ г̇ан̣хаад̇ий’’д̇иаад̣̇инаа (баараа. 602) наязна баал̣ияам̣ вуд̇д̇ам̣. д̇ад̇рааяам̣ винижчаяо (баараа. адта. 2.602 аад̣̇аяо) – анубахад̇абураан̣асаалид̇ан̣д̣улаанам̣ сугоддид̇абарисуд̣̇д̇хаанам̣ д̣̇вз маг̇ад̇ханаал̣ияо г̇ахзд̇ваа д̇зхи д̇ан̣д̣улзхи ануд̇д̇ан̣д̣уламагилиннамабин̣д̣ид̇ам̣ сувисад̣̇ам̣ гунд̣̇амагул̣араасисад̣̇исам̣ авассаавид̇од̣̇анам̣ бажид̇ваа ниравасзсам̣ бад̇д̇з багкибид̇ваа д̇асса од̣̇анасса жад̇уд̇т̇абхааг̇аббамаан̣о наад̇игхано наад̇ид̇ануго хад̇т̇ахаарияо саб̣б̣асамбхаарасан̇кад̇о муг̇г̇асуубо багкибид̇аб̣б̣о, д̇ад̇о аалобасса аалобасса ануруубам̣ яааважаримаалобаббахонагам̣ мажчамам̣саад̣̇иб̣яан̃ж̇анам̣ багкибид̇аб̣б̣ам̣, саббид̇злад̇аггарасаган̃ж̇игаад̣̇ийни бана г̇ан̣ануубаг̇аани на хонд̇и. д̇аани хи од̣̇анаг̇ад̇игаани хонд̇и, нзва хаабзд̇ум̣, на вад̣дхзд̇ум̣ саггонд̇и. звамзд̇ам̣ саб̣б̣амби багкид̇д̇ам̣ сажз бад̇д̇асса мукаваддияаа хздтимарааж̇исамам̣ д̇идтад̇и, суд̇д̇зна ваа хийрзна ваа чинд̣̇анд̇асса суд̇д̇асса ваа хийрасса ваа хздтиманд̇ам̣ пусад̇и, аяам̣ уггадто наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ уггадтомаго наама бад̇д̇о. сажз д̇ам̣ рааж̇им̣ на самбаабун̣аад̇и анд̇ог̇ад̇хамзва ход̇и, аяам̣ уггадтуггадто наама бад̇д̇о.
48.Patte pana ayaṃ nayo – pattaṃ adhiṭṭhahantena ukkaṭṭhamajjhimomakānaṃ aññataro pamāṇayuttova adhiṭṭhātabbo. Tassa pamāṇaṃ ‘‘aḍḍhāḷhakodanaṃ gaṇhātī’’tiādinā (pārā. 602) nayena pāḷiyaṃ vuttaṃ. Tatrāyaṃ vinicchayo (pārā. aṭṭha. 2.602 ādayo) – anupahatapurāṇasālitaṇḍulānaṃ sukoṭṭitaparisuddhānaṃ dve magadhanāḷiyo gahetvā tehi taṇḍulehi anuttaṇḍulamakilinnamapiṇḍitaṃ suvisadaṃ kundamakuḷarāsisadisaṃ avassāvitodanaṃ pacitvā niravasesaṃ patte pakkhipitvā tassa odanassa catutthabhāgappamāṇo nātighano nātitanuko hatthahāriyo sabbasambhārasaṅkhato muggasūpo pakkhipitabbo, tato ālopassa ālopassa anurūpaṃ yāvacarimālopappahonakaṃ macchamaṃsādibyañjanaṃ pakkhipitabbaṃ, sappitelatakkarasakañjikādīni pana gaṇanūpagāni na honti. Tāni hi odanagatikāni honti, neva hāpetuṃ, na vaḍḍhetuṃ sakkonti. Evametaṃ sabbampi pakkhittaṃ sace pattassa mukhavaṭṭiyā heṭṭhimarājisamaṃ tiṭṭhati, suttena vā hīrena vā chindantassa suttassa vā hīrassa vā heṭṭhimantaṃ phusati, ayaṃ ukkaṭṭho nāma patto. Sace taṃ rājiṃ atikkamma thūpīkataṃ tiṭṭhati, ayaṃ ukkaṭṭhomako nāma patto. Sace taṃ rājiṃ na sampāpuṇāti antogadhameva hoti, ayaṃ ukkaṭṭhukkaṭṭho nāma patto.
уггадтад̇о убад̣дхаббамаан̣о маж̇жхимо наама бад̇д̇о. маж̇жхимад̇о убад̣дхаббамаан̣о омаго. д̇асмаа сажз маг̇ад̇ханаал̣ияаа наал̣игод̣̇анаад̣̇исаб̣б̣амби багкид̇д̇ам̣ вуд̇д̇анаязнзва хздтимарааж̇исамам̣ д̇идтад̇и, аяам̣ маж̇жхимо наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ маж̇жхимомаго наама бад̇д̇о. сажз д̇ам̣ рааж̇им̣ на самбаабун̣аад̇и анд̇ог̇ад̇хамзва ход̇и, аяам̣ маж̇жхимуггадто наама бад̇д̇о. сажз маг̇ад̇ханаал̣ияаа убад̣дханаал̣игод̣̇анаад̣̇исаб̣б̣амби багкид̇д̇ам̣ хздтимарааж̇исамам̣ д̇идтад̇и, аяам̣ омаго наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ омагомаго наама бад̇д̇о. сажз д̇ам̣ рааж̇им̣ на самбаабун̣аад̇и анд̇ог̇ад̇хамзва ход̇и, аяам̣ омагуггадто наама бад̇д̇о. звамзд̇з нава бад̇д̇аа. д̇зсу д̣̇вз абад̇д̇аа уггадтуггадто жа омагомаго жаад̇и. д̇асмаа зд̇з бхааж̇анабарибхог̇зна барибхун̃ж̇ид̇аб̣б̣аа, на ад̇хидтаануубаг̇аа на вигаббануубаг̇аа. ид̇арз бана сад̇д̇а ад̇хидтахид̇ваа ваа вигаббзд̇ваа ваа барибхун̃ж̇ид̇аб̣б̣аа.
Ukkaṭṭhato upaḍḍhappamāṇo majjhimo nāma patto. Majjhimato upaḍḍhappamāṇo omako. Tasmā sace magadhanāḷiyā nāḷikodanādisabbampi pakkhittaṃ vuttanayeneva heṭṭhimarājisamaṃ tiṭṭhati, ayaṃ majjhimo nāma patto. Sace taṃ rājiṃ atikkamma thūpīkataṃ tiṭṭhati, ayaṃ majjhimomako nāma patto. Sace taṃ rājiṃ na sampāpuṇāti antogadhameva hoti, ayaṃ majjhimukkaṭṭho nāma patto. Sace magadhanāḷiyā upaḍḍhanāḷikodanādisabbampi pakkhittaṃ heṭṭhimarājisamaṃ tiṭṭhati, ayaṃ omako nāma patto. Sace taṃ rājiṃ atikkamma thūpīkataṃ tiṭṭhati, ayaṃ omakomako nāma patto. Sace taṃ rājiṃ na sampāpuṇāti antogadhameva hoti, ayaṃ omakukkaṭṭho nāma patto. Evamete nava pattā. Tesu dve apattā ukkaṭṭhukkaṭṭho ca omakomako cāti. Tasmā ete bhājanaparibhogena paribhuñjitabbā, na adhiṭṭhānūpagā na vikappanūpagā. Itare pana satta adhiṭṭhahitvā vā vikappetvā vā paribhuñjitabbā.
бамаан̣аяуд̇д̇аанамби зд̇зсам̣ ад̇хидтаанавигаббануубаг̇ад̇д̇ам̣ звам̣ взд̣̇ид̇аб̣б̣ам̣ – аяобад̇д̇о бан̃жахи баагзхи, мад̇д̇игаабад̇д̇о д̣̇вийхи баагзхи багго ад̇хидтаануубаг̇о. убхоби яам̣ муулам̣ д̣̇аад̇аб̣б̣ам̣, д̇асмим̣ д̣̇иннзязва. сажз згоби бааго ууно ход̇и, гааган̣игамад̇д̇амби ваа муулам̣ ад̣̇иннам̣, на ад̇хидтаануубаг̇о. сажз бад̇д̇асаамиго вад̣̇ад̇и ‘‘яад̣̇аа д̇умхаагам̣ муулам̣ бхависсад̇и, д̇ад̣̇аа д̣̇ассат̇а ад̇хидтахид̇ваа барибхун̃ж̇ат̇аа’’д̇и, нзва ад̇хидтаануубаг̇о ход̇и, баагасса хи уунад̇д̇аа бад̇д̇асан̇кяам̣ на г̇ажчад̇и, мууласса сагаласса ваа згад̣̇зсасса ваа ад̣̇иннад̇д̇аа сагабхаавам̣ на убзд̇и, ан̃н̃ассзва санд̇аго ход̇и, д̇асмаа баагз жа муулз жа сунидтид̇зязва ад̇хидтаануубаг̇о ход̇и. яо ад̇хидтаануубаг̇о, свзва вигаббануубаг̇о. со хад̇т̇ам̣ ааг̇ад̇оби анааг̇ад̇оби ад̇хидтаад̇аб̣б̣о вигаббзд̇аб̣б̣о ваа. яад̣̇и хи бад̇д̇агаараго муулам̣ лабхид̇ваа саяам̣ ваа д̣̇аад̇угаамо худ̇ваа ‘‘ахам̣ бханд̇з д̇умхаагам̣ бад̇д̇ам̣ гад̇ваа асугад̣̇ивасз наама бажид̇ваа табзссаамий’’д̇и вад̣̇ад̇и, бхигку жа д̇зна барижчиннад̣̇ивасад̇о бадтааяа д̣̇асаахам̣ ад̇иггаамзд̇и, ниссаг̇г̇ияам̣ баажид̇д̇ияам̣. сажз бана бад̇д̇агаараго ‘‘ахам̣ д̇умхаагам̣ бад̇д̇ам̣ гад̇ваа бажид̇ваа саасанам̣ бзсзссаамий’’д̇и вад̇ваа д̇ат̇зва гарод̇и, д̇зна бзсид̇абхигку бана д̇асса бхигкуно на аарожзд̇и, ан̃н̃о д̣̇исваа ваа суд̇ваа ваа ‘‘д̇умхаагам̣, бханд̇з, бад̇д̇о нидтид̇о’’д̇и аарожзд̇и, зд̇асса аарожанам̣ на бамаан̣ам̣. яад̣̇аа бана д̇зна бзсид̇оязва аарожзд̇и, д̇асса важанам̣ суд̇ад̣̇ивасад̇о бадтааяа д̣̇асаахам̣ ад̇иггаамаяад̇о ниссаг̇г̇ияам̣ баажид̇д̇ияам̣. сажз бана бад̇д̇агаараго ‘‘ахам̣ д̇умхаагам̣ бад̇д̇ам̣ гад̇ваа бажид̇ваа гассажи хад̇т̇з бахин̣иссаамий’’д̇и вад̇ваа д̇ат̇зва гарод̇и, бад̇д̇ам̣ г̇ахзд̇ваа ааг̇ад̇абхигку бана ад̇д̇ано баривзн̣з табзд̇ваа д̇асса на аарожзд̇и, ан̃н̃о гожи бхан̣ад̇и ‘‘аби, бханд̇з, ад̇хунаа аабхад̇о бад̇д̇о сунд̣̇аро’’д̇и. ‘‘гухим̣, аавусо, бад̇д̇о’’д̇и? ‘‘ид̇т̇аннаамасса хад̇т̇з бзсид̇о’’д̇и. зд̇ассаби важанам̣ на бамаан̣ам̣. яад̣̇аа бана со бхигку бад̇д̇ам̣ д̣̇зд̇и, лад̣̇д̇хад̣̇ивасад̇о бадтааяа д̣̇асаахам̣ ад̇иггаамаяад̇о ниссаг̇г̇ияам̣ баажид̇д̇ияам̣, д̇асмаа д̣̇асаахам̣ анад̇иггаамзд̇ваава ад̇хидтаад̇аб̣б̣о вигаббзд̇аб̣б̣о ваа.
Pamāṇayuttānampi etesaṃ adhiṭṭhānavikappanūpagattaṃ evaṃ veditabbaṃ – ayopatto pañcahi pākehi, mattikāpatto dvīhi pākehi pakko adhiṭṭhānūpago. Ubhopi yaṃ mūlaṃ dātabbaṃ, tasmiṃ dinneyeva. Sace ekopi pāko ūno hoti, kākaṇikamattampi vā mūlaṃ adinnaṃ, na adhiṭṭhānūpago. Sace pattasāmiko vadati ‘‘yadā tumhākaṃ mūlaṃ bhavissati, tadā dassatha adhiṭṭhahitvā paribhuñjathā’’ti, neva adhiṭṭhānūpago hoti, pākassa hi ūnattā pattasaṅkhyaṃ na gacchati, mūlassa sakalassa vā ekadesassa vā adinnattā sakabhāvaṃ na upeti, aññasseva santako hoti, tasmā pāke ca mūle ca suniṭṭhiteyeva adhiṭṭhānūpago hoti. Yo adhiṭṭhānūpago, sveva vikappanūpago. So hatthaṃ āgatopi anāgatopi adhiṭṭhātabbo vikappetabbo vā. Yadi hi pattakārako mūlaṃ labhitvā sayaṃ vā dātukāmo hutvā ‘‘ahaṃ bhante tumhākaṃ pattaṃ katvā asukadivase nāma pacitvā ṭhapessāmī’’ti vadati, bhikkhu ca tena paricchinnadivasato paṭṭhāya dasāhaṃ atikkāmeti, nissaggiyaṃ pācittiyaṃ. Sace pana pattakārako ‘‘ahaṃ tumhākaṃ pattaṃ katvā pacitvā sāsanaṃ pesessāmī’’ti vatvā tatheva karoti, tena pesitabhikkhu pana tassa bhikkhuno na āroceti, añño disvā vā sutvā vā ‘‘tumhākaṃ, bhante, patto niṭṭhito’’ti āroceti, etassa ārocanaṃ na pamāṇaṃ. Yadā pana tena pesitoyeva āroceti, tassa vacanaṃ sutadivasato paṭṭhāya dasāhaṃ atikkāmayato nissaggiyaṃ pācittiyaṃ. Sace pana pattakārako ‘‘ahaṃ tumhākaṃ pattaṃ katvā pacitvā kassaci hatthe pahiṇissāmī’’ti vatvā tatheva karoti, pattaṃ gahetvā āgatabhikkhu pana attano pariveṇe ṭhapetvā tassa na āroceti, añño koci bhaṇati ‘‘api, bhante, adhunā ābhato patto sundaro’’ti. ‘‘Kuhiṃ, āvuso, patto’’ti? ‘‘Itthannāmassa hatthe pesito’’ti. Etassapi vacanaṃ na pamāṇaṃ. Yadā pana so bhikkhu pattaṃ deti, laddhadivasato paṭṭhāya dasāhaṃ atikkāmayato nissaggiyaṃ pācittiyaṃ, tasmā dasāhaṃ anatikkāmetvāva adhiṭṭhātabbo vikappetabbo vā.
д̇ад̇т̇а д̣̇вз бад̇д̇асса ад̇хидтаанаа гааязна ваа ад̇хидтаад̇и, ваажааяа ваа ад̇хидтаад̇и. д̇зсам̣ васзна ад̇хидтаханд̇зна ‘‘имам̣ бад̇д̇ам̣ бажжуд̣̇д̇хараамий’’д̇и ваа ‘‘зд̇ам̣ бад̇д̇ам̣ бажжуд̣̇д̇хараамий’’д̇и ваа вад̇ваа звам̣ саммукз ваа бараммукз ваа тид̇ам̣ бураан̣абад̇д̇ам̣ бажжуд̣̇д̇харид̇ваа ан̃н̃асса ваа д̣̇ад̇ваа навам̣ бад̇д̇ам̣ яад̇т̇а гад̇т̇ажи тид̇ам̣ хад̇т̇зна бараамасид̇ваа ‘‘ид̣̇ам̣ бад̇д̇ам̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ваа ад̇хидтаад̇аб̣б̣о. важийбхзд̣̇ам̣ гад̇ваа ваажааяа ваа ад̇хидтаабхаб̣б̣о. д̇ад̇ра д̣̇увид̇хам̣ ад̇хидтаанам̣ – сажз хад̇т̇абаасз ход̇и, ‘‘имам̣ бад̇д̇ам̣ ад̇хидтаамий’’д̇и ваажаа бхинд̣̇ид̇аб̣б̣аа, ат̇а анд̇ог̇аб̣бхз ваа убарибаасаад̣̇з ваа сааманд̇авихаарз ваа ход̇и, табид̇адтаанам̣ саллагкзд̇ваа ‘‘зд̇ам̣ бад̇д̇ам̣ ад̇хидтаамий’’д̇и ваажаа бхинд̣̇ид̇аб̣б̣аа. ад̇хидтаханд̇зна бана згагзна ад̇хидтаад̇умби ваддад̇и, ан̃н̃асса санд̇игз ад̇хидтаад̇умби ваддад̇и. ан̃н̃асса санд̇игз аяамаанисам̣со – сажасса ‘‘ад̇хидтид̇о ну ко мз, но’’д̇и вимад̇и уббаж̇ж̇ад̇и, ид̇аро саарзд̇ваа вимад̇им̣ чинд̣̇иссад̇ийд̇и. сажз гожи д̣̇аса бад̇д̇з лабхид̇ваа саб̣б̣з ад̇д̇анаава барибхун̃ж̇ид̇угаамо ход̇и, на саб̣б̣з ад̇хидтаад̇аб̣б̣аа, згам̣ бад̇д̇ам̣ ад̇хидтааяа бунад̣̇ивасз д̇ам̣ бажжуд̣̇д̇харид̇ваа ан̃н̃о ад̇хидтаад̇аб̣б̣о. зд̇знзва убааязна вассасад̇амби барихарид̇ум̣ саггаа.
Tattha dve pattassa adhiṭṭhānā kāyena vā adhiṭṭhāti, vācāya vā adhiṭṭhāti. Tesaṃ vasena adhiṭṭhahantena ‘‘imaṃ pattaṃ paccuddharāmī’’ti vā ‘‘etaṃ pattaṃ paccuddharāmī’’ti vā vatvā evaṃ sammukhe vā parammukhe vā ṭhitaṃ purāṇapattaṃ paccuddharitvā aññassa vā datvā navaṃ pattaṃ yattha katthaci ṭhitaṃ hatthena parāmasitvā ‘‘idaṃ pattaṃ adhiṭṭhāmī’’ti cittena ābhogaṃ katvā kāyavikāraṃ karontena kāyena vā adhiṭṭhātabbo. Vacībhedaṃ katvā vācāya vā adhiṭṭhābhabbo. Tatra duvidhaṃ adhiṭṭhānaṃ – sace hatthapāse hoti, ‘‘imaṃ pattaṃ adhiṭṭhāmī’’ti vācā bhinditabbā, atha antogabbhe vā uparipāsāde vā sāmantavihāre vā hoti, ṭhapitaṭṭhānaṃ sallakkhetvā ‘‘etaṃ pattaṃ adhiṭṭhāmī’’ti vācā bhinditabbā. Adhiṭṭhahantena pana ekakena adhiṭṭhātumpi vaṭṭati, aññassa santike adhiṭṭhātumpi vaṭṭati. Aññassa santike ayamānisaṃso – sacassa ‘‘adhiṭṭhito nu kho me, no’’ti vimati uppajjati, itaro sāretvā vimatiṃ chindissatīti. Sace koci dasa patte labhitvā sabbe attanāva paribhuñjitukāmo hoti, na sabbe adhiṭṭhātabbā, ekaṃ pattaṃ adhiṭṭhāya punadivase taṃ paccuddharitvā añño adhiṭṭhātabbo. Eteneva upāyena vassasatampi pariharituṃ sakkā.
звам̣ аббамад̇д̇асса сияаа ад̇хидтаанавиж̇ахананд̇и? сияаа. сажз хи саяам̣ бад̇д̇ам̣ ан̃н̃асса д̣̇зд̇и, виб̣бхамад̇и ваа, сигкам̣ ваа бажжагкаад̇и, гаалам̣ ваа гарод̇и, лин̇г̇ам̣ ваасса баривад̇д̇ад̇и, бажжуд̣̇д̇харад̇и ваа, бад̇д̇з ваа чид̣̇д̣̇ам̣ ход̇и, ад̇хидтаанам̣ виж̇ахад̇и. вуд̇д̇ан̃жзд̇ам̣ –
Evaṃ appamattassa siyā adhiṭṭhānavijahananti? Siyā. Sace hi sayaṃ pattaṃ aññassa deti, vibbhamati vā, sikkhaṃ vā paccakkhāti, kālaṃ vā karoti, liṅgaṃ vāssa parivattati, paccuddharati vā, patte vā chiddaṃ hoti, adhiṭṭhānaṃ vijahati. Vuttañcetaṃ –
‘‘д̣̇иннавиб̣бханд̇абажжагкаа , гаалагирияаагад̇зна жа;
‘‘Dinnavibbhantapaccakkhā , kālakiriyākatena ca;
лин̇г̇абажжуд̣̇д̇хараа жзва, чид̣̇д̣̇зна бхавад̇и сад̇д̇ама’’нд̇и. (баараа. адта. 2.608) –
Liṅgapaccuddharā ceva, chiddena bhavati sattama’’nti. (pārā. aṭṭha. 2.608) –
жораг̇ахан̣ависсаасаг̇г̇аахзхиби виж̇ахад̇иязва. гид̇д̇агзна чид̣̇д̣̇зна ад̇хидтаанам̣ бхиж̇ж̇ад̇и? язна ган̇г̇усид̇т̇ам̣ нигкамад̇и жзва бависад̇и жа. ид̣̇ан̃хи сад̇д̇аннам̣ д̇хан̃н̃аанам̣ лаамагад̇хан̃н̃асид̇т̇ам̣. д̇асмим̣ чид̣̇д̣̇з аяажун̣н̣зна ваа аан̣ияаа ваа бадибаагад̇игз гад̇з д̣̇асаахаб̣бханд̇арз буна ад̇хидтаад̇аб̣б̣о. аяам̣ д̇аавзд̇т̇а ад̇хидтаанз винижчаяо.
Coragahaṇavissāsaggāhehipi vijahatiyeva. Kittakena chiddena adhiṭṭhānaṃ bhijjati? Yena kaṅgusitthaṃ nikkhamati ceva pavisati ca. Idañhi sattannaṃ dhaññānaṃ lāmakadhaññasitthaṃ. Tasmiṃ chidde ayacuṇṇena vā āṇiyā vā paṭipākatike kate dasāhabbhantare puna adhiṭṭhātabbo. Ayaṃ tāvettha adhiṭṭhāne vinicchayo.
49. вигаббанз бана д̣̇вз вигаббанаа саммукаавигаббанаа жзва бараммукаавигаббанаа жа. гат̇ам̣ саммукаавигаббанаа ход̇и? бад̇д̇аанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘имам̣ бад̇д̇а’’нд̇и ваа ‘‘имз бад̇д̇з’’д̇и ваа ‘‘зд̇ам̣ бад̇д̇а’’нд̇и ваа ‘‘зд̇з бад̇д̇з’’д̇и ваа вад̇ваа ‘‘д̇уяхам̣ вигаббзмий’’д̇и вад̇д̇аб̣б̣ам̣, аяамзгаа саммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхун̃ж̇ид̇ум̣ бана виссаж̇ж̇зд̇ум̣ ваа ад̇хидтаад̇ум̣ ваа на ваддад̇и. ‘‘маяхам̣ санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и звам̣ бана вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и.
49.Vikappane pana dve vikappanā sammukhāvikappanā ceva parammukhāvikappanā ca. Kathaṃ sammukhāvikappanā hoti? Pattānaṃ ekabahubhāvaṃ sannihitāsannihitabhāvañca ñatvā ‘‘imaṃ patta’’nti vā ‘‘ime patte’’ti vā ‘‘etaṃ patta’’nti vā ‘‘ete patte’’ti vā vatvā ‘‘tuyhaṃ vikappemī’’ti vattabbaṃ, ayamekā sammukhāvikappanā. Ettāvatā nidhetuṃ vaṭṭati, paribhuñjituṃ pana vissajjetuṃ vā adhiṭṭhātuṃ vā na vaṭṭati. ‘‘Mayhaṃ santakaṃ paribhuñja vā vissajjehi vā yathāpaccayaṃ vā karohī’’ti evaṃ pana vutte paccuddhāro nāma hoti, tato pabhuti paribhogādayopi vaṭṭanti.
абаро наяо – д̇ат̇зва бад̇д̇аанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа д̇ассзва бхигкуно санд̇игз ‘‘имам̣ бад̇д̇а’’нд̇и ваа ‘‘имз бад̇д̇з’’д̇и ваа ‘‘зд̇ам̣ бад̇д̇а’’нд̇и ваа ‘‘зд̇з бад̇д̇з’’д̇и ваа вад̇ваа бан̃жасу сахад̇хаммигзсу ан̃н̃ад̇арасса ад̇д̇анаа абхиружид̇асса яасса гассажи наамам̣ г̇ахзд̇ваа ‘‘д̇иссасса бхигкуно вигаббзмий’’д̇и ваа ‘‘д̇иссааяа бхигкунияаа, сигкамаанааяа, сааман̣зрасса, д̇иссааяа сааман̣зрияаа вигаббзмий’’д̇и ваа вад̇д̇аб̣б̣ам̣, аяам̣ абарааби саммукаавигаббанаа. зд̇д̇аавад̇аа нид̇хзд̇ум̣ ваддад̇и. барибхог̇аад̣̇ийсу бана згамби на ваддад̇и. д̇зна бана бхигкунаа д̇иссасса бхигкуно санд̇агам̣…бз… д̇иссааяа сааман̣зрияаа санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохийд̇и вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и.
Aparo nayo – tatheva pattānaṃ ekabahubhāvaṃ sannihitāsannihitabhāvañca ñatvā tasseva bhikkhuno santike ‘‘imaṃ patta’’nti vā ‘‘ime patte’’ti vā ‘‘etaṃ patta’’nti vā ‘‘ete patte’’ti vā vatvā pañcasu sahadhammikesu aññatarassa attanā abhirucitassa yassa kassaci nāmaṃ gahetvā ‘‘tissassa bhikkhuno vikappemī’’ti vā ‘‘tissāya bhikkhuniyā, sikkhamānāya, sāmaṇerassa, tissāya sāmaṇeriyā vikappemī’’ti vā vattabbaṃ, ayaṃ aparāpi sammukhāvikappanā. Ettāvatā nidhetuṃ vaṭṭati. Paribhogādīsu pana ekampi na vaṭṭati. Tena pana bhikkhunā tissassa bhikkhuno santakaṃ…pe… tissāya sāmaṇeriyā santakaṃ paribhuñja vā vissajjehi vā yathāpaccayaṃ vā karohīti vutte paccuddhāro nāma hoti, tato pabhuti paribhogādayopi vaṭṭanti.
гат̇ам̣ бараммукаавигаббанаа ход̇и? бад̇д̇аанам̣ д̇ат̇зва згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘имам̣ бад̇д̇а’’нд̇и ваа ‘‘имз бад̇д̇з’’д̇и ваа ‘‘зд̇ам̣ бад̇д̇а’’нд̇и ваа ‘‘зд̇з бад̇д̇з’’д̇и ваа вад̇ваа ‘‘д̇уяхам̣ вигаббанад̇т̇ааяа д̣̇аммий’’д̇и вад̇д̇аб̣б̣ам̣. д̇зна вад̇д̇аб̣б̣о ‘‘го д̇з мид̇д̇о ваа санд̣̇идто ваа’’д̇и . д̇ад̇о ид̇арзна буриманаязна ‘‘д̇иссо бхигкуу’’д̇и ваа…бз… ‘‘д̇иссаа сааман̣зрий’’д̇и ваа вад̇д̇аб̣б̣ам̣. буна д̇зна бхигкунаа ‘‘ахам̣ д̇иссасса бхигкуно д̣̇аммий’’д̇и ваа…бз… ‘‘д̇иссааяа сааман̣зрияаа д̣̇аммий’’д̇и ваа вад̇д̇аб̣б̣ам̣, аяам̣ бараммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхог̇аад̣̇ийсу бана згамби на ваддад̇и. д̇зна бана бхигкунаа д̣̇уд̇ияасаммукаавигаббанааяам̣ вуд̇д̇анаязнзва ‘‘ид̇т̇аннаамасса санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и, д̇ад̇о бабхуд̇и барибхог̇аад̣̇аяоби вадданд̇и. аяам̣ вигаббанз наяо.
Kathaṃ parammukhāvikappanā hoti? Pattānaṃ tatheva ekabahubhāvaṃ sannihitāsannihitabhāvañca ñatvā ‘‘imaṃ patta’’nti vā ‘‘ime patte’’ti vā ‘‘etaṃ patta’’nti vā ‘‘ete patte’’ti vā vatvā ‘‘tuyhaṃ vikappanatthāya dammī’’ti vattabbaṃ. Tena vattabbo ‘‘ko te mitto vā sandiṭṭho vā’’ti . Tato itarena purimanayena ‘‘tisso bhikkhū’’ti vā…pe… ‘‘tissā sāmaṇerī’’ti vā vattabbaṃ. Puna tena bhikkhunā ‘‘ahaṃ tissassa bhikkhuno dammī’’ti vā…pe… ‘‘tissāya sāmaṇeriyā dammī’’ti vā vattabbaṃ, ayaṃ parammukhāvikappanā. Ettāvatā nidhetuṃ vaṭṭati, paribhogādīsu pana ekampi na vaṭṭati. Tena pana bhikkhunā dutiyasammukhāvikappanāyaṃ vuttanayeneva ‘‘itthannāmassa santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti, tato pabhuti paribhogādayopi vaṭṭanti. Ayaṃ vikappane nayo.
50. звам̣ ад̇хидтахид̇ваа вигаббзд̇ваа жа барибхун̃ж̇анд̇зна бад̇д̇з бхиннз гим̣ гаад̇аб̣б̣анд̇и? яасса бад̇д̇з рааж̇имукаваддид̇о хздтаа д̣̇ван̇г̇улаббамаан̣аа на ход̇и д̇зна на гин̃жи гаад̇аб̣б̣ам̣. яасса (баараа. адта. 2.612-3) бана д̇аад̣̇исаа згааби рааж̇и ход̇и, д̇зна д̇ассаа рааж̇ияаа хздтимабарияанд̇з бад̇д̇авзд̇хагзна виж̇жхид̇ваа бажид̇ваа суд̇д̇араж̇ж̇угамагажираж̇ж̇угаад̣̇ийхи ваа д̇ибусуд̇д̇агзна ваа б̣анд̇хид̇ваа д̇ам̣ б̣анд̇ханам̣ аамисасса алаг̇г̇анад̇т̇ам̣ д̇ибубаддзна ваа гзнажи ваа б̣ад̣̇д̇хасилзсзна бадижчаад̣̇зд̇аб̣б̣ам̣. со жа бад̇д̇о ад̇хидтахид̇ваа барибхун̃ж̇ид̇аб̣б̣о. сукумам̣ ваа чид̣̇д̣̇ам̣ гад̇ваа б̣анд̇хид̇аб̣б̣о. суд̣̇д̇хзхи бана мад̇хугасид̇т̇агалаакаасаж̇ж̇урасаад̣̇ийхи б̣анд̇хид̇ум̣ на ваддад̇и, паан̣ид̇ам̣ жхаабзд̇ваа баасаан̣ажун̣н̣зна б̣анд̇хид̇ум̣ ваддад̇и. мукаваддисамийбз бана бад̇д̇авзд̇хагзна виж̇жхияамаано габааласса б̣ахалад̇д̇аа бхиж̇ж̇ад̇и, д̇асмаа хздтаа виж̇жхид̇аб̣б̣о. яасса бана д̣̇вз рааж̇ияо, згааязва ваа жад̇уран̇г̇улаа, д̇асса д̣̇вз б̣анд̇ханаани д̣̇аад̇аб̣б̣аани. яасса д̇иссо, згааязва ваа чал̣ан̇г̇улаа, д̇асса д̇ийн̣и. яасса жад̇ассо, згааязва ваа адтан̇г̇улаа, д̇асса жад̇д̇аари. яасса бан̃жа, згааязва ваа д̣̇асан̇г̇улаа, со б̣ад̣̇д̇хоби аб̣ад̣̇д̇хоби абад̇д̇оязва, ан̃н̃о вин̃н̃аабзд̇аб̣б̣о. зса д̇аава мад̇д̇игаабад̇д̇з винижчаяо.
50. Evaṃ adhiṭṭhahitvā vikappetvā ca paribhuñjantena patte bhinne kiṃ kātabbanti? Yassa patte rājimukhavaṭṭito heṭṭhā dvaṅgulappamāṇā na hoti tena na kiñci kātabbaṃ. Yassa (pārā. aṭṭha. 2.612-3) pana tādisā ekāpi rāji hoti, tena tassā rājiyā heṭṭhimapariyante pattavedhakena vijjhitvā pacitvā suttarajjukamakacirajjukādīhi vā tipusuttakena vā bandhitvā taṃ bandhanaṃ āmisassa alagganatthaṃ tipupaṭṭena vā kenaci vā baddhasilesena paṭicchādetabbaṃ. So ca patto adhiṭṭhahitvā paribhuñjitabbo. Sukhumaṃ vā chiddaṃ katvā bandhitabbo. Suddhehi pana madhukasitthakalākhāsajjurasādīhi bandhituṃ na vaṭṭati, phāṇitaṃ jhāpetvā pāsāṇacuṇṇena bandhituṃ vaṭṭati. Mukhavaṭṭisamīpe pana pattavedhakena vijjhiyamāno kapālassa bahalattā bhijjati, tasmā heṭṭhā vijjhitabbo. Yassa pana dve rājiyo, ekāyeva vā caturaṅgulā, tassa dve bandhanāni dātabbāni. Yassa tisso, ekāyeva vā chaḷaṅgulā, tassa tīṇi. Yassa catasso, ekāyeva vā aṭṭhaṅgulā, tassa cattāri. Yassa pañca, ekāyeva vā dasaṅgulā, so baddhopi abaddhopi apattoyeva, añño viññāpetabbo. Esa tāva mattikāpatte vinicchayo.
аяобад̇д̇з бана сажзби бан̃жа ваа ад̇ирзгаани ваа чид̣̇д̣̇аани хонд̇и, д̇аани жа аяажун̣н̣зна ваа аан̣ияаа ваа лохаман̣д̣алагзна ваа б̣ад̣̇д̇хаани мадтаани хонд̇и, свзва бад̇д̇о барибхун̃ж̇ид̇аб̣б̣о, ан̃н̃о на вин̃н̃аабзд̇аб̣б̣о. ат̇а бана згамби чид̣̇д̣̇ам̣ маханд̇ам̣ ход̇и, лохаман̣д̣алагзна б̣ад̣̇д̇хамби мадтам̣ на ход̇и, бад̇д̇з аамисам̣ лаг̇г̇ад̇и, агаббияо ход̇и, аяам̣ абад̇д̇о, ан̃н̃о вин̃н̃аабзд̇аб̣б̣о. вин̃н̃аабзнд̇зна жа сан̇гхавасзна баваарид̇адтаанз бан̃жаб̣анд̇ханзнзва бад̇д̇зна ан̃н̃ам̣ бад̇д̇ам̣ вин̃н̃аабзд̇ум̣ ваддад̇и, буг̇г̇алавасзна бана баваарид̇адтаанз уунабан̃жаб̣анд̇ханзнааби ваддад̇и. бад̇д̇ам̣ лабхид̇ваа барибхун̃ж̇анд̇зна жа яааг̇уранд̇ханараж̇анабажанаад̣̇инаа абарибхог̇зна на барибхун̃ж̇ид̇аб̣б̣о, анд̇араамаг̇г̇з бана б̣яаад̇химхи уббаннз ан̃н̃асмим̣ бхааж̇анз асад̇и мад̇д̇игааяа лимбзд̇ваа яааг̇ум̣ ваа бажид̇ум̣ уд̣̇агам̣ ваа д̇аабзд̇ум̣ ваддад̇и. ман̃жабийтачад̇д̇анааг̇ад̣̇анд̇агаад̣̇игз ад̣̇зсзби на нигкибид̇аб̣б̣о. бад̇д̇асса хи нигкибанад̣̇зсо ‘‘ануж̇аанаами, бхигкавз, бад̇д̇аад̇хаарага’’нд̇иаад̣̇инаа (жуул̣ава. 254) наязна канд̇хагз вуд̇д̇оязва.
Ayopatte pana sacepi pañca vā atirekāni vā chiddāni honti, tāni ca ayacuṇṇena vā āṇiyā vā lohamaṇḍalakena vā baddhāni maṭṭhāni honti, sveva patto paribhuñjitabbo, añño na viññāpetabbo. Atha pana ekampi chiddaṃ mahantaṃ hoti, lohamaṇḍalakena baddhampi maṭṭhaṃ na hoti, patte āmisaṃ laggati, akappiyo hoti, ayaṃ apatto, añño viññāpetabbo. Viññāpentena ca saṅghavasena pavāritaṭṭhāne pañcabandhaneneva pattena aññaṃ pattaṃ viññāpetuṃ vaṭṭati, puggalavasena pana pavāritaṭṭhāne ūnapañcabandhanenāpi vaṭṭati. Pattaṃ labhitvā paribhuñjantena ca yāgurandhanarajanapacanādinā aparibhogena na paribhuñjitabbo, antarāmagge pana byādhimhi uppanne aññasmiṃ bhājane asati mattikāya limpetvā yāguṃ vā pacituṃ udakaṃ vā tāpetuṃ vaṭṭati. Mañcapīṭhachattanāgadantakādike adesepi na nikkhipitabbo. Pattassa hi nikkhipanadeso ‘‘anujānāmi, bhikkhave, pattādhāraka’’ntiādinā (cūḷava. 254) nayena khandhake vuttoyeva.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
ад̇хидтаанавигаббанавинижчаяагат̇аа самад̇д̇аа.
Adhiṭṭhānavikappanavinicchayakathā samattā.
