| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ад̇хидтааяаад̇и маад̇игаавасзна аан̣ад̇д̇игабаяог̇агат̇ааван̣н̣анаа
Adhiṭṭhāyāti mātikāvasena āṇattikapayogakathāvaṇṇanā
звам̣ виж̇жхаад̇и звам̣ д̇ханум̣ гад̣дхзд̇ваа виж̇жха. звам̣ бахараад̇и звам̣ д̣̇ал̣хам̣ асим̣ г̇ахзд̇ваа бахара. звам̣ гхаад̇зхийд̇и звам̣ гаммагааран̣ам̣ гад̇ваа маарзхи. маж̇жхзд̇и хад̇т̇ино бидтимаж̇жхз. зд̇знаад̇и ‘‘ад̇хидтахид̇ваа аан̣аабзд̇ий’’д̇иаад̣̇инаа. д̇ад̇т̇аад̇и аан̣ад̇д̇игаббаяог̇з.
Evaṃvijjhāti evaṃ dhanuṃ kaḍḍhetvā vijjha. Evaṃ paharāti evaṃ daḷhaṃ asiṃ gahetvā pahara. Evaṃ ghātehīti evaṃ kammakāraṇaṃ katvā mārehi. Majjheti hatthino piṭṭhimajjhe. Etenāti ‘‘adhiṭṭhahitvā āṇāpetī’’tiādinā. Tatthāti āṇattikappayoge.
гин̃жааби гирияависзсо адтагат̇аасу анааг̇ад̇о, баал̣ияам̣ бана ‘‘звам̣ виж̇жха, звам̣ бахара, звам̣ гхаад̇зхий’’д̇и гирияаависзсасса бараамадтад̇д̇аа аажарияабарамбарааяа аабхад̇ам̣ гирияаависзсам̣ баал̣ияаа сам̣санд̣̇анад̇о г̇ахзд̇ваа д̣̇ассзнд̇о ‘‘абаро наяо’’д̇иаад̣̇имааха. чзд̣̇ананд̇и хад̇т̇аад̣̇ичзд̣̇анам̣. бхзд̣̇ананд̇и гужчиаад̣̇ипааланам̣. ат̇а ваа усунаа виж̇жханам̣, асинаа чзд̣̇анам̣, муг̇г̇араад̣̇ийхи сийсаад̣̇ибхзд̣̇ананд̇и звамзд̇т̇а ад̇т̇о д̣̇адтаб̣б̣о. сан̇камун̣д̣аганд̇и сан̇камун̣д̣агаммагааран̣ам̣. д̇ам̣ гаронд̇аа уд̇д̇ародтаубхад̇оган̣н̣ажуул̣игаг̇алаваадагабарижчзд̣̇зна жаммам̣ чинд̣̇ид̇ваа саб̣б̣агзсз згад̇о г̇ан̣тим̣ гад̇ваа д̣̇ан̣д̣агзна баливзтзд̇ваа уббаадзнд̇и, саха гзсзхи жаммам̣ удтахад̇и, д̇ад̇о сийсагадаахам̣ т̇ууласагкараахи гхам̣сид̇ваа д̇хованд̇аа сан̇каван̣н̣ам̣ гаронд̇и. звамаад̣̇ийд̇и аад̣̇и-сад̣̇д̣̇зна б̣илан̇г̇ат̇аалигам̣ раахумукам̣ ж̇од̇имаалигам̣ хад̇т̇абаж̇ж̇од̇игам̣ зрагавад̇д̇игам̣ жийрагаваасигам̣ зн̣зяяагам̣ б̣ал̣исамам̣сигам̣ гахаабан̣игам̣ каараабад̇ажчигам̣ балигхабаривад̇д̇игам̣ балаалабийтаганд̇и звамаад̣̇им̣ саб̣б̣ам̣ гаммагааран̣ам̣ сан̇г̇ан̣хаад̇и.
Kiñcāpi kiriyaviseso aṭṭhakathāsu anāgato, pāḷiyaṃ pana ‘‘evaṃ vijjha, evaṃ pahara, evaṃ ghātehī’’ti kiriyāvisesassa parāmaṭṭhattā ācariyaparamparāya ābhataṃ kiriyāvisesaṃ pāḷiyā saṃsandanato gahetvā dassento ‘‘aparo nayo’’tiādimāha. Chedananti hatthādichedanaṃ. Bhedananti kucchiādiphālanaṃ. Atha vā usunā vijjhanaṃ, asinā chedanaṃ, muggarādīhi sīsādibhedananti evamettha attho daṭṭhabbo. Saṅkhamuṇḍakanti saṅkhamuṇḍakammakāraṇaṃ. Taṃ karontā uttaroṭṭhaubhatokaṇṇacūḷikagalavāṭakaparicchedena cammaṃ chinditvā sabbakese ekato gaṇṭhiṃ katvā daṇḍakena paliveṭhetvā uppāṭenti, saha kesehi cammaṃ uṭṭhahati, tato sīsakaṭāhaṃ thūlasakkharāhi ghaṃsitvā dhovantā saṅkhavaṇṇaṃ karonti. Evamādīti ādi-saddena bilaṅgathālikaṃ rāhumukhaṃ jotimālikaṃ hatthapajjotikaṃ erakavattikaṃ cīrakavāsikaṃ eṇeyyakaṃ baḷisamaṃsikaṃ kahāpaṇikaṃ khārāpatacchikaṃ palighaparivattikaṃ palālapīṭhakanti evamādiṃ sabbaṃ kammakāraṇaṃ saṅgaṇhāti.
д̇ад̇т̇а (а. ни. адта. 2.2.1) б̣илан̇г̇ат̇аалиганд̇и ган̃ж̇ияаугкалигагаммагааран̣ам̣. д̇ам̣ гаммам̣ гаронд̇аа сийсагабаалам̣ уббаадзд̇ваа д̇ад̇д̇ам̣ аяог̇ул̣ам̣ сан̣д̣аасзна г̇ахзд̇ваа д̇ад̇т̇а багкибанд̇и, д̇зна мад̇т̇алун̇г̇ам̣ баггут̇ид̇ваа убари уд̇д̇арад̇и. раахумуканд̇и раахумукагаммагааран̣ам̣. д̇ам̣ гаронд̇о сан̇гунаа мукам̣ виварид̇ваа анд̇омукз д̣̇ийбам̣ ж̇аалзнд̇и, ган̣н̣ажуул̣игаахи ваа бадтааяа мукам̣ никаад̣̇анзна кан̣анд̇и, лохид̇ам̣ баг̇гхарид̇ваа мукам̣ буурзд̇и. ж̇од̇имаалиганд̇и сагаласарийрам̣ д̇злабилод̇игааяа взтзд̇ваа аалимбзнд̇и. хад̇т̇абаж̇ж̇од̇иганд̇и хад̇т̇з д̇злабилод̇игааяа взтзд̇ваа д̣̇ийбам̣ вияа баж̇ж̇аалзнд̇и. зрагавад̇д̇иганд̇и зрагавад̇д̇агаммагааран̣ам̣. д̇ам̣ гаронд̇аа хздтааг̇ийвад̇о бадтааяа жаммаваддз ганд̇ид̇ваа г̇обпагз баад̇знд̇и, ат̇а нам̣ яод̇д̇зхи б̣анд̇хид̇ваа гад̣дханд̇и, со ад̇д̇анова жаммаваддз аггамид̇ваа бад̇ад̇и. жийрагаваасиганд̇и жийрагаваасигагаммагааран̣ам̣. д̇ам̣ гаронд̇аа д̇ат̇зва жаммаваддз ганд̇ид̇ваа гадияам̣ табзнд̇и, гадид̇о бадтааяа ганд̇ид̇ваа г̇обпагзсу табзнд̇и, убаримзхи хздтимасарийрам̣ жийраганиваасананивад̇т̇ам̣ вияа ход̇и. зн̣зяяаганд̇и зн̣зяяагаммагааран̣ам̣. д̇ам̣ гаронд̇аа убхосу габбарзсу жа ж̇ан̣н̣угзсу жа аяавалаяаани д̣̇ад̇ваа аяасуулаани годдзнд̇и, со жад̇уухи аяасуулзхи бхуумияам̣ бад̇идтахад̇и, ат̇а нам̣ бариваарзд̇ваа аг̇г̇им̣ гаронд̇и, д̇ам̣ гаалзна гаалам̣ санд̇хид̇о суулаани абанзд̇ваа жад̇уухи адтигодийхиязва табзнд̇и.
Tattha (a. ni. aṭṭha. 2.2.1) bilaṅgathālikanti kañjiyaukkhalikakammakāraṇaṃ. Taṃ kammaṃ karontā sīsakapālaṃ uppāṭetvā tattaṃ ayoguḷaṃ saṇḍāsena gahetvā tattha pakkhipanti, tena matthaluṅgaṃ pakkuthitvā upari uttarati. Rāhumukhanti rāhumukhakammakāraṇaṃ. Taṃ karonto saṅkunā mukhaṃ vivaritvā antomukhe dīpaṃ jālenti, kaṇṇacūḷikāhi vā paṭṭhāya mukhaṃ nikhādanena khaṇanti, lohitaṃ paggharitvā mukhaṃ pūreti. Jotimālikanti sakalasarīraṃ telapilotikāya veṭhetvā ālimpenti. Hatthapajjotikanti hatthe telapilotikāya veṭhetvā dīpaṃ viya pajjālenti. Erakavattikanti erakavattakammakāraṇaṃ. Taṃ karontā heṭṭhāgīvato paṭṭhāya cammavaṭṭe kantitvā gopphake pātenti, atha naṃ yottehi bandhitvā kaḍḍhanti, so attanova cammavaṭṭe akkamitvā patati. Cīrakavāsikanti cīrakavāsikakammakāraṇaṃ. Taṃ karontā tatheva cammavaṭṭe kantitvā kaṭiyaṃ ṭhapenti, kaṭito paṭṭhāya kantitvā gopphakesu ṭhapenti, uparimehi heṭṭhimasarīraṃ cīrakanivāsananivatthaṃ viya hoti. Eṇeyyakanti eṇeyyakammakāraṇaṃ. Taṃ karontā ubhosu kapparesu ca jaṇṇukesu ca ayavalayāni datvā ayasūlāni koṭṭenti, so catūhi ayasūlehi bhūmiyaṃ patiṭṭhahati, atha naṃ parivāretvā aggiṃ karonti, taṃ kālena kālaṃ sandhito sūlāni apanetvā catūhi aṭṭhikoṭīhiyeva ṭhapenti.
б̣ал̣исамам̣сиганд̇и убхад̇омукзхи б̣ал̣исзхи бахарид̇ваа жаммамам̣санахаарууни уббаадзнд̇и. гахаабан̣иганд̇и сагаласарийрам̣ д̇икин̣аахи ваасийхи годид̇о бадтааяа гахаабан̣амад̇д̇ам̣ гахаабан̣амад̇д̇ам̣ баад̇знд̇аа годдзнд̇и. каараабад̇ажчиганд̇и сарийрам̣ д̇ад̇т̇а д̇ад̇т̇а аавуд̇хзхи бахарид̇ваа гожчзхи каарам̣ гхам̣санд̇и, жаммамам̣санахаарууни баг̇гхарид̇ваа адтигасан̇калигаава д̇идтад̇и. балигхабаривад̇д̇иганд̇и згзна бассзна нибаж̇ж̇аабзд̇ваа ган̣н̣ачид̣̇д̣̇з аяасуулам̣ годдзд̇ваа бат̇авияаа згааб̣ад̣̇д̇хам̣ гаронд̇и, ат̇а нам̣ баад̣̇з г̇ахзд̇ваа аавин̃чанд̇и. балаалабийтаганд̇и чзго гааран̣иго чавижаммам̣ ажчинд̣̇ид̇ваа нисад̣̇абод̇зхи адтийни бхинд̣̇ид̇ваа гзсзсу г̇ахзд̇ваа угкибад̇и, мам̣сараасиязва ход̇и, ат̇а нам̣ гзсзхзва барияонанд̇хид̇ваа г̇ан̣ханд̇аа балаалаваддим̣ вияа гад̇ваа баливзтзнд̇и.
Baḷisamaṃsikanti ubhatomukhehi baḷisehi paharitvā cammamaṃsanahārūni uppāṭenti. Kahāpaṇikanti sakalasarīraṃ tikhiṇāhi vāsīhi koṭito paṭṭhāya kahāpaṇamattaṃ kahāpaṇamattaṃ pātentā koṭṭenti. Khārāpatacchikanti sarīraṃ tattha tattha āvudhehi paharitvā kocchehi khāraṃ ghaṃsanti, cammamaṃsanahārūni paggharitvā aṭṭhikasaṅkhalikāva tiṭṭhati. Palighaparivattikanti ekena passena nipajjāpetvā kaṇṇachidde ayasūlaṃ koṭṭetvā pathaviyā ekābaddhaṃ karonti, atha naṃ pāde gahetvā āviñchanti. Palālapīṭhakanti cheko kāraṇiko chavicammaṃ acchinditvā nisadapotehi aṭṭhīni bhinditvā kesesu gahetvā ukkhipati, maṃsarāsiyeva hoti, atha naṃ keseheva pariyonandhitvā gaṇhantā palālavaṭṭiṃ viya katvā paliveṭhenti.
вад̇т̇ум̣ висам̣ваад̣̇зд̇ваа д̇ад̇о ан̃н̃ам̣ маарзд̇ийд̇и самб̣анд̇хо. буримабассаад̣̇ийнамби вад̇т̇усабхааг̇ад̇о вад̇т̇уг̇г̇ахан̣знзва г̇ахан̣анд̇и ааха ‘‘бурад̇о бахарид̇ваа’’д̇иаад̣̇и. жид̇д̇зна ‘‘бурад̇о ваа’’д̇и нияамам̣ гад̇ваа ваа агад̇ваа ваа ‘‘бурад̇о бахарид̇ваа маарзхий’’д̇и вуд̇д̇з сажз ан̃н̃ад̇т̇а бахарид̇ваа маарзд̇и, лзсам̣ од̣д̣зд̇ваа авуд̇д̇ад̇д̇аа висан̇гзд̇ова ход̇и. жид̇д̇зна бана яад̇т̇а гад̇т̇ажи бахарид̇ваа мааран̣ам̣ ижчанд̇оби сажз ‘‘бурад̇о бахарид̇ваа маарзхий’’д̇и вад̣̇ад̇и, д̇асса лзсам̣ од̣д̣зд̇ваа д̇ат̇аа вуд̇д̇амад̇т̇ам̣ табзд̇ваа д̇знзва жид̇д̇зна самудтаабид̇авин̃н̃ад̇д̇игад̇д̇аа мануссавиг̇г̇ахабаарааж̇игад̇о барияааязна амужжанад̇о ‘‘ан̃н̃ад̇т̇а бахарид̇ваа маарид̇зби нзвад̇т̇и висан̇гзд̇о’’д̇и вад̣̇анд̇и, гзжи бана д̇ам̣ на ижчанд̇и. вад̇т̇увисзсзнаад̇и маад̇уаад̣̇ивад̇т̇увисзсзна . гаммависзсод̇и аананд̇арияаад̣̇игаммависзсо. аабад̇д̇ивисзсод̇и баарааж̇игаад̣̇иаабад̇д̇ивисзсо.
Vatthuṃ visaṃvādetvā tato aññaṃ māretīti sambandho. Purimapassādīnampi vatthusabhāgato vatthuggahaṇeneva gahaṇanti āha ‘‘purato paharitvā’’tiādi. Cittena ‘‘purato vā’’ti niyamaṃ katvā vā akatvā vā ‘‘purato paharitvā mārehī’’ti vutte sace aññattha paharitvā māreti, lesaṃ oḍḍetvā avuttattā visaṅketova hoti. Cittena pana yattha katthaci paharitvā māraṇaṃ icchantopi sace ‘‘purato paharitvā mārehī’’ti vadati, tassa lesaṃ oḍḍetvā tathā vuttamatthaṃ ṭhapetvā teneva cittena samuṭṭhāpitaviññattikattā manussaviggahapārājikato pariyāyena amuccanato ‘‘aññattha paharitvā māritepi nevatthi visaṅketo’’ti vadanti, keci pana taṃ na icchanti. Vatthuvisesenāti mātuādivatthuvisesena . Kammavisesoti ānantariyādikammaviseso. Āpattivisesoti pārājikādiāpattiviseso.
‘‘зд̇ам̣ г̇аамз тид̇а’’нд̇и г̇аамо буг̇г̇аланияаманад̇т̇ам̣ вуд̇д̇о, на огаасанияаманад̇т̇ам̣, д̇асмаа огаасам̣ анияамзд̇ваа буг̇г̇алассзва нияамид̇ад̇д̇аа над̇т̇и висан̇гзд̇о. ‘‘г̇аамзяз ваа’’д̇иаад̣̇ийсу бана огаасасса нияамид̇ад̇д̇аа ан̃н̃ад̇т̇а маарид̇з висан̇гзд̇о вуд̇д̇о.
‘‘Etaṃ gāme ṭhita’’nti gāmo puggalaniyamanatthaṃ vutto, na okāsaniyamanatthaṃ, tasmā okāsaṃ aniyametvā puggalasseva niyamitattā natthi visaṅketo. ‘‘Gāmeye vā’’tiādīsu pana okāsassa niyamitattā aññattha mārite visaṅketo vutto.
д̇ун̣д̣знаад̇и каг̇г̇агодияаа. т̇арунаад̇и каг̇г̇амудтинаа.
Tuṇḍenāti khaggakoṭiyā. Tharunāti khaggamuṭṭhinā.
‘‘зд̇ам̣ г̇ажчанд̇а’’нд̇и г̇аманзна буг̇г̇алова нияамид̇о, на ирияаабат̇о. д̇знааха ‘‘над̇т̇и висан̇гзд̇о’’д̇и. ‘‘г̇ажчанд̇амзваа’’д̇иаад̣̇инаа ирияаабат̇о нияамид̇о. д̇знааха ‘‘висан̇гзд̇о ход̇ий’’д̇и.
‘‘Etaṃ gacchanta’’nti gamanena puggalova niyamito, na iriyāpatho. Tenāha ‘‘natthi visaṅketo’’ti. ‘‘Gacchantamevā’’tiādinā iriyāpatho niyamito. Tenāha ‘‘visaṅketo hotī’’ti.
‘‘д̣̇ийгхам̣ маарзхий’’д̇и вуд̇д̇зби д̣̇ийгхасан̣таанаанам̣ б̣ахубхаавад̇о ид̇т̇аннаамам̣ зваруубан̃жа д̣̇ийгханд̇и ан̃н̃зсам̣ асаад̇хааран̣алагкан̣зна анид̣̇д̣̇идтад̇д̇аа ‘‘анияамзд̇ваа аан̣аабзд̇ий’’д̇и вуд̇д̇ам̣. д̇знзвааха ‘‘яам̣ гин̃жи д̇аад̣̇исам̣ маарзд̇ий’’д̇и. зд̇т̇а жа ‘‘жид̇д̇зна б̣ахуусу д̣̇ийгхасан̣таанзсу згам̣ нияамзд̇ваа вуд̇д̇зби ваажааяа анияамид̇ад̇д̇аа ан̃н̃асмим̣ д̇аад̣̇исз маарид̇з над̇т̇и висан̇гзд̇о’’д̇и вад̣̇анд̇и. барабаан̣имхи баан̣асан̃н̃ид̇аалагкан̣асса ан̇г̇асса абхаавад̇о нзвад̇т̇и баан̣аад̇ибаад̇од̇и ааха ‘‘аан̣аабаго мужжад̇ий’’д̇и. яад̣̇и звам̣ огаасанияамз сад̇и гат̇ам̣ баан̣аад̇ибаад̇од̇и? огаасам̣ нияамзнд̇асса д̇асмим̣ огаасз нисиннасса ж̇ийвид̇инд̣̇рияам̣ аарамман̣ам̣ ход̇ийд̇и г̇ахзд̇аб̣б̣ам̣. огаасан̃хи нияамзд̇ваа нид̣̇д̣̇исанд̇о д̇асмим̣ огаасз нисиннам̣ маараабзд̇угаамо ход̇и, саяам̣ бана д̇ад̣̇аа д̇ад̇т̇а над̇т̇и, д̇асмаа огаасзна саха ад̇д̇ано ж̇ийвид̇инд̣̇рияам̣ аарамман̣ам̣ на ход̇ийд̇и вад̣̇анд̇и.
‘‘Dīghaṃ mārehī’’ti vuttepi dīghasaṇṭhānānaṃ bahubhāvato itthannāmaṃ evarūpañca dīghanti aññesaṃ asādhāraṇalakkhaṇena aniddiṭṭhattā ‘‘aniyametvā āṇāpetī’’ti vuttaṃ. Tenevāha ‘‘yaṃ kiñci tādisaṃ māretī’’ti. Ettha ca ‘‘cittena bahūsu dīghasaṇṭhānesu ekaṃ niyametvā vuttepi vācāya aniyamitattā aññasmiṃ tādise mārite natthi visaṅketo’’ti vadanti. Parapāṇimhi pāṇasaññitālakkhaṇassa aṅgassa abhāvato nevatthi pāṇātipātoti āha ‘‘āṇāpako muccatī’’ti. Yadi evaṃ okāsaniyame sati kathaṃ pāṇātipātoti? Okāsaṃ niyamentassa tasmiṃ okāse nisinnassa jīvitindriyaṃ ārammaṇaṃ hotīti gahetabbaṃ. Okāsañhi niyametvā niddisanto tasmiṃ okāse nisinnaṃ mārāpetukāmo hoti, sayaṃ pana tadā tattha natthi, tasmā okāsena saha attano jīvitindriyaṃ ārammaṇaṃ na hotīti vadanti.
ад̇хидтааяаад̇и маад̇игаавасзна аан̣ад̇д̇игабаяог̇агат̇ааван̣н̣анаа нидтид̇аа.
Adhiṭṭhāyāti mātikāvasena āṇattikapayogakathāvaṇṇanā niṭṭhitā.
