| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2-4. அதி⁴வுத்திபத³ஸுத்தாதி³வண்ணனா
2-4. Adhivuttipadasuttādivaṇṇanā
22-24. து³தியே அதி⁴வசனபதா³னந்தி பஞ்ஞத்திபதா³னங். தா³ஸாதீ³ஸு ஸிரிவட்³ட⁴காதி³ஸத்³தா³ விய வசனமத்தமேவ அதி⁴காரங் கத்வா பவத்தியா அதி⁴வசனங் பஞ்ஞத்தி. அத² வா அதி⁴ஸத்³தோ³ உபரிபா⁴கே³. வுச்சதீதி வசனங், உபரி வசனங் அதி⁴வசனங், உபாதா³பூ⁴தரூபாதீ³னங் உபரி பஞ்ஞபியமானா உபாதா³பஞ்ஞத்தீதி அத்தோ², தஸ்மா பஞ்ஞத்திதீ³பகபதா³னீதி அத்தோ² த³ட்ட²ப்³போ³. தஸ்ஸ பதா³னி பத³ட்டா²னானி அதி⁴வசனபதா³னி. தேனாஹ ‘‘தேஸங் யே’’திஆதி³. தேஸந்தி அதி⁴வசனானங். யேதி க²ந்தா⁴த³யோ. அதி⁴வுத்திதாய அதி⁴வுத்தியோதி தி³ட்டி²யோ வுச்சந்தி. அதி⁴கஞ்ஹி ஸபா⁴வத⁴ம்மேஸு ஸஸ்ஸதாதி³ங், பகதிஆதி³ங், த்³ரப்³யாதி³ங், ஜீவாதி³ங், காயாதி³ஞ்ச, அபூ⁴தங் அத்த²ங் அஜ்ஜா²ரோபெத்வா தி³ட்டி²யோ பவத்தந்தீதி. தேனாஹ ‘‘அத² வா’’திஆதி³. ததியசதுத்தா²னி ஸுவிஞ்ஞெய்யானி.
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
அதி⁴வுத்திபத³ஸுத்தாதி³வண்ணனா நிட்டி²தா.
Adhivuttipadasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
2. அதி⁴வுத்திபத³ஸுத்தங் • 2. Adhivuttipadasuttaṃ
3. காயஸுத்தங் • 3. Kāyasuttaṃ
4. மஹாசுந்த³ஸுத்தங் • 4. Mahācundasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
2. அதி⁴வுத்திபத³ஸுத்தவண்ணனா • 2. Adhivuttipadasuttavaṇṇanā
3. காயஸுத்தவண்ணனா • 3. Kāyasuttavaṇṇanā
4. மஹாசுந்த³ஸுத்தவண்ணனா • 4. Mahācundasuttavaṇṇanā
