| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
२-४. अधिवुत्तिपदसुत्तादिवण्णना
2-4. Adhivuttipadasuttādivaṇṇanā
२२-२४. दुतिये अधिवचनपदानन्ति पञ्ञत्तिपदानं। दासादीसु सिरिवड्ढकादिसद्दा विय वचनमत्तमेव अधिकारं कत्वा पवत्तिया अधिवचनं पञ्ञत्ति। अथ वा अधिसद्दो उपरिभागे। वुच्चतीति वचनं, उपरि वचनं अधिवचनं, उपादाभूतरूपादीनं उपरि पञ्ञपियमाना उपादापञ्ञत्तीति अत्थो, तस्मा पञ्ञत्तिदीपकपदानीति अत्थो दट्ठब्बो। तस्स पदानि पदट्ठानानि अधिवचनपदानि। तेनाह ‘‘तेसं ये’’तिआदि। तेसन्ति अधिवचनानं। येति खन्धादयो। अधिवुत्तिताय अधिवुत्तियोति दिट्ठियो वुच्चन्ति। अधिकञ्हि सभावधम्मेसु सस्सतादिं, पकतिआदिं, द्रब्यादिं, जीवादिं, कायादिञ्च, अभूतं अत्थं अज्झारोपेत्वा दिट्ठियो पवत्तन्तीति। तेनाह ‘‘अथ वा’’तिआदि। ततियचतुत्थानि सुविञ्ञेय्यानि।
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
अधिवुत्तिपदसुत्तादिवण्णना निट्ठिता।
Adhivuttipadasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
२. अधिवुत्तिपदसुत्तं • 2. Adhivuttipadasuttaṃ
३. कायसुत्तं • 3. Kāyasuttaṃ
४. महाचुन्दसुत्तं • 4. Mahācundasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
२. अधिवुत्तिपदसुत्तवण्णना • 2. Adhivuttipadasuttavaṇṇanā
३. कायसुत्तवण्णना • 3. Kāyasuttavaṇṇanā
४. महाचुन्दसुत्तवण्णना • 4. Mahācundasuttavaṇṇanā
