| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೨-೪. ಅಧಿವುತ್ತಿಪದಸುತ್ತಾದಿವಣ್ಣನಾ
2-4. Adhivuttipadasuttādivaṇṇanā
೨೨-೨೪. ದುತಿಯೇ ಅಧಿವಚನಪದಾನನ್ತಿ ಪಞ್ಞತ್ತಿಪದಾನಂ। ದಾಸಾದೀಸು ಸಿರಿವಡ್ಢಕಾದಿಸದ್ದಾ ವಿಯ ವಚನಮತ್ತಮೇವ ಅಧಿಕಾರಂ ಕತ್ವಾ ಪವತ್ತಿಯಾ ಅಧಿವಚನಂ ಪಞ್ಞತ್ತಿ। ಅಥ ವಾ ಅಧಿಸದ್ದೋ ಉಪರಿಭಾಗೇ। ವುಚ್ಚತೀತಿ ವಚನಂ, ಉಪರಿ ವಚನಂ ಅಧಿವಚನಂ, ಉಪಾದಾಭೂತರೂಪಾದೀನಂ ಉಪರಿ ಪಞ್ಞಪಿಯಮಾನಾ ಉಪಾದಾಪಞ್ಞತ್ತೀತಿ ಅತ್ಥೋ, ತಸ್ಮಾ ಪಞ್ಞತ್ತಿದೀಪಕಪದಾನೀತಿ ಅತ್ಥೋ ದಟ್ಠಬ್ಬೋ। ತಸ್ಸ ಪದಾನಿ ಪದಟ್ಠಾನಾನಿ ಅಧಿವಚನಪದಾನಿ। ತೇನಾಹ ‘‘ತೇಸಂ ಯೇ’’ತಿಆದಿ। ತೇಸನ್ತಿ ಅಧಿವಚನಾನಂ। ಯೇತಿ ಖನ್ಧಾದಯೋ। ಅಧಿವುತ್ತಿತಾಯ ಅಧಿವುತ್ತಿಯೋತಿ ದಿಟ್ಠಿಯೋ ವುಚ್ಚನ್ತಿ। ಅಧಿಕಞ್ಹಿ ಸಭಾವಧಮ್ಮೇಸು ಸಸ್ಸತಾದಿಂ, ಪಕತಿಆದಿಂ, ದ್ರಬ್ಯಾದಿಂ, ಜೀವಾದಿಂ, ಕಾಯಾದಿಞ್ಚ, ಅಭೂತಂ ಅತ್ಥಂ ಅಜ್ಝಾರೋಪೇತ್ವಾ ದಿಟ್ಠಿಯೋ ಪವತ್ತನ್ತೀತಿ। ತೇನಾಹ ‘‘ಅಥ ವಾ’’ತಿಆದಿ। ತತಿಯಚತುತ್ಥಾನಿ ಸುವಿಞ್ಞೇಯ್ಯಾನಿ।
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
ಅಧಿವುತ್ತಿಪದಸುತ್ತಾದಿವಣ್ಣನಾ ನಿಟ್ಠಿತಾ।
Adhivuttipadasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೨. ಅಧಿವುತ್ತಿಪದಸುತ್ತಂ • 2. Adhivuttipadasuttaṃ
೩. ಕಾಯಸುತ್ತಂ • 3. Kāyasuttaṃ
೪. ಮಹಾಚುನ್ದಸುತ್ತಂ • 4. Mahācundasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೨. ಅಧಿವುತ್ತಿಪದಸುತ್ತವಣ್ಣನಾ • 2. Adhivuttipadasuttavaṇṇanā
೩. ಕಾಯಸುತ್ತವಣ್ಣನಾ • 3. Kāyasuttavaṇṇanā
೪. ಮಹಾಚುನ್ದಸುತ್ತವಣ್ಣನಾ • 4. Mahācundasuttavaṇṇanā
