| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢-༤. ཨདྷིཝུཏྟིཔདསུཏྟཱདིཝཎྞནཱ
2-4. Adhivuttipadasuttādivaṇṇanā
༢༢-༢༤. དུཏིཡེ ཨདྷིཝཙནཔདཱནནྟི པཉྙཏྟིཔདཱནཾ། དཱསཱདཱིསུ སིརིཝཌྜྷཀཱདིསདྡཱ ཝིཡ ཝཙནམཏྟམེཝ ཨདྷིཀཱརཾ ཀཏྭཱ པཝཏྟིཡཱ ཨདྷིཝཙནཾ པཉྙཏྟི། ཨཐ ཝཱ ཨདྷིསདྡོ ཨུཔརིབྷཱགེ། ཝུཙྩཏཱིཏི ཝཙནཾ, ཨུཔརི ཝཙནཾ ཨདྷིཝཙནཾ, ཨུཔཱདཱབྷཱུཏརཱུཔཱདཱིནཾ ཨུཔརི པཉྙཔིཡམཱནཱ ཨུཔཱདཱཔཉྙཏྟཱིཏི ཨཏྠོ, ཏསྨཱ པཉྙཏྟིདཱིཔཀཔདཱནཱིཏི ཨཏྠོ དཊྛབྦོ། ཏསྶ པདཱནི པདཊྛཱནཱནི ཨདྷིཝཙནཔདཱནི། ཏེནཱཧ ‘‘ཏེསཾ ཡེ’’ཏིཨཱདི། ཏེསནྟི ཨདྷིཝཙནཱནཾ། ཡེཏི ཁནྡྷཱདཡོ། ཨདྷིཝུཏྟིཏཱཡ ཨདྷིཝུཏྟིཡོཏི དིཊྛིཡོ ཝུཙྩནྟི། ཨདྷིཀཉྷི སབྷཱཝདྷམྨེསུ སསྶཏཱདིཾ, པཀཏིཨཱདིཾ, དྲབྱཱདིཾ, ཛཱིཝཱདིཾ, ཀཱཡཱདིཉྩ, ཨབྷཱུཏཾ ཨཏྠཾ ཨཛ྄ཛྷཱརོཔེཏྭཱ དིཊྛིཡོ པཝཏྟནྟཱིཏི། ཏེནཱཧ ‘‘ཨཐ ཝཱ’’ཏིཨཱདི། ཏཏིཡཙཏུཏྠཱནི སུཝིཉྙེཡྻཱནི།
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
ཨདྷིཝུཏྟིཔདསུཏྟཱདིཝཎྞནཱ ནིཊྛིཏཱ།
Adhivuttipadasuttādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༢. ཨདྷིཝུཏྟིཔདསུཏྟཾ • 2. Adhivuttipadasuttaṃ
༣. ཀཱཡསུཏྟཾ • 3. Kāyasuttaṃ
༤. མཧཱཙུནྡསུཏྟཾ • 4. Mahācundasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༢. ཨདྷིཝུཏྟིཔདསུཏྟཝཎྞནཱ • 2. Adhivuttipadasuttavaṇṇanā
༣. ཀཱཡསུཏྟཝཎྞནཱ • 3. Kāyasuttavaṇṇanā
༤. མཧཱཙུནྡསུཏྟཝཎྞནཱ • 4. Mahācundasuttavaṇṇanā
