| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. ад̇хивуд̇д̇ибад̣̇асуд̇д̇аван̣н̣анаа
2. Adhivuttipadasuttavaṇṇanā
22. д̣̇уд̇ияз яз д̇з д̇хаммаад̇и яз д̇з д̣̇асаб̣алан̃аан̣ам̣ саб̣б̣ан̃н̃уд̇ан̃н̃аан̣ад̇хаммаа. ад̇хивуд̇д̇ибад̣̇аананд̇и ад̇хиважанабад̣̇аанам̣, канд̇хааяад̇анад̇хаад̇уд̇хаммаананд̇и ад̇т̇о. ад̇хивуд̇д̇ияод̇и хи ад̇хиважанаани вужжанд̇и, д̇зсам̣ яз бад̣̇абхууд̇аа д̣̇зсанааяа бад̣̇адтаанад̇д̇аа. ад̇ийд̇аа б̣уд̣̇д̇хааби хи зд̇з д̇хаммз гат̇аяим̣су, анааг̇ад̇ааби зд̇зва гат̇аяиссанд̇и. д̇асмаа канд̇хаад̣̇аяо ад̇хивуд̇д̇ибад̣̇аани наама. д̇зсам̣ ад̇хивуд̇д̇ибад̣̇аанам̣. ат̇а ваа бхууд̇амад̇т̇ам̣ абхибхавид̇ваа яат̇аасабхаавад̇о аг̇г̇ахзд̇ваа вад̇д̇анад̇о ад̇хивуд̇д̇ияод̇и д̣̇идтияо вужжанд̇и, ад̇хивуд̇д̇ийнам̣ бад̣̇аани ад̇хивуд̇д̇ибад̣̇аани, д̣̇идтид̣̇ийбагаани важанаанийд̇и ад̇т̇о. д̇зсам̣ ад̇хивуд̇д̇ибад̣̇аанам̣ д̣̇идтивохаараанам̣. абхин̃н̃аа сажчигирияааяаад̇и ж̇аанид̇ваа бажжагкагаран̣ад̇т̇ааяа. висаарад̣̇од̇и н̃аан̣асоманассаббад̇д̇о. д̇ад̇т̇аад̇и д̇зсу д̇хаммзсу д̇зсам̣ д̇зсам̣ д̇ат̇аа д̇ат̇аа д̇хаммам̣ д̣̇зсзд̇унд̇и д̇зсам̣ д̇зсам̣ д̣̇идтиг̇ад̇игаанам̣ ваа ид̇арзсам̣ ваа аасаяам̣ н̃ад̇ваа д̇ат̇аа д̇ат̇аа д̇хаммам̣ д̣̇зсзд̇ум̣. хийнам̣ ваа хийнанд̇и н̃ассад̇ийд̇и хийнам̣ ваа д̇хаммам̣ ‘‘хийно д̇хаммо’’д̇и ж̇ааниссад̇и. н̃аад̇зяяанд̇и н̃аад̇аб̣б̣ам̣. д̣̇адтзяяанд̇и д̣̇адтаб̣б̣ам̣. сажчигарзяяанд̇и сажчигаад̇аб̣б̣ам̣. д̇ад̇т̇а д̇ад̇т̇а яат̇аабхууд̇ан̃аан̣анд̇и д̇зсу д̇зсу д̇хаммзсу яат̇аасабхааван̃аан̣ам̣. иминаа саб̣б̣ан̃н̃уд̇ан̃н̃аан̣ам̣ д̣̇ассзд̇и. звам̣ саб̣б̣ан̃н̃уд̇ан̃н̃аан̣ам̣ д̣̇ассзд̇ваа буна д̣̇асаб̣алан̃аан̣ам̣ д̣̇ассзнд̇о д̣̇асаяимаанийд̇иаад̣̇имааха. д̣̇асаб̣алан̃аан̣амби хи д̇ад̇т̇а д̇ад̇т̇а яат̇аабхууд̇ан̃аан̣амзваад̇и.
22. Dutiye ye te dhammāti ye te dasabalañāṇaṃ sabbaññutaññāṇadhammā. Adhivuttipadānanti adhivacanapadānaṃ, khandhāyatanadhātudhammānanti attho. Adhivuttiyoti hi adhivacanāni vuccanti, tesaṃ ye padabhūtā desanāya padaṭṭhānattā. Atītā buddhāpi hi ete dhamme kathayiṃsu, anāgatāpi eteva kathayissanti. Tasmā khandhādayo adhivuttipadāni nāma. Tesaṃ adhivuttipadānaṃ. Atha vā bhūtamatthaṃ abhibhavitvā yathāsabhāvato aggahetvā vattanato adhivuttiyoti diṭṭhiyo vuccanti, adhivuttīnaṃ padāni adhivuttipadāni, diṭṭhidīpakāni vacanānīti attho. Tesaṃ adhivuttipadānaṃ diṭṭhivohārānaṃ. Abhiññā sacchikiriyāyāti jānitvā paccakkhakaraṇatthāya. Visāradoti ñāṇasomanassappatto. Tatthāti tesu dhammesu tesaṃ tesaṃ tathā tathā dhammaṃ desetunti tesaṃ tesaṃ diṭṭhigatikānaṃ vā itaresaṃ vā āsayaṃ ñatvā tathā tathā dhammaṃ desetuṃ. Hīnaṃ vā hīnanti ñassatīti hīnaṃ vā dhammaṃ ‘‘hīno dhammo’’ti jānissati. Ñāteyyanti ñātabbaṃ. Daṭṭheyyanti daṭṭhabbaṃ. Sacchikareyyanti sacchikātabbaṃ. Tatthatattha yathābhūtañāṇanti tesu tesu dhammesu yathāsabhāvañāṇaṃ. Iminā sabbaññutaññāṇaṃ dasseti. Evaṃ sabbaññutaññāṇaṃ dassetvā puna dasabalañāṇaṃ dassento dasayimānītiādimāha. Dasabalañāṇampi hi tattha tattha yathābhūtañāṇamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. ад̇хивуд̇д̇ибад̣̇асуд̇д̇ам̣ • 2. Adhivuttipadasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-4. ад̇хивуд̇д̇ибад̣̇асуд̇д̇аад̣̇иван̣н̣анаа • 2-4. Adhivuttipadasuttādivaṇṇanā
