| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਅਧਿવੁਤ੍ਤਿਪਦਸੁਤ੍ਤવਣ੍ਣਨਾ
2. Adhivuttipadasuttavaṇṇanā
੨੨. ਦੁਤਿਯੇ ਯੇ ਤੇ ਧਮ੍ਮਾਤਿ ਯੇ ਤੇ ਦਸਬਲਞਾਣਂ ਸਬ੍ਬਞ੍ਞੁਤਞ੍ਞਾਣਧਮ੍ਮਾ। ਅਧਿવੁਤ੍ਤਿਪਦਾਨਨ੍ਤਿ ਅਧਿવਚਨਪਦਾਨਂ, ਖਨ੍ਧਾਯਤਨਧਾਤੁਧਮ੍ਮਾਨਨ੍ਤਿ ਅਤ੍ਥੋ। ਅਧਿવੁਤ੍ਤਿਯੋਤਿ ਹਿ ਅਧਿવਚਨਾਨਿ વੁਚ੍ਚਨ੍ਤਿ, ਤੇਸਂ ਯੇ ਪਦਭੂਤਾ ਦੇਸਨਾਯ ਪਦਟ੍ਠਾਨਤ੍ਤਾ। ਅਤੀਤਾ ਬੁਦ੍ਧਾਪਿ ਹਿ ਏਤੇ ਧਮ੍ਮੇ ਕਥਯਿਂਸੁ, ਅਨਾਗਤਾਪਿ ਏਤੇવ ਕਥਯਿਸ੍ਸਨ੍ਤਿ। ਤਸ੍ਮਾ ਖਨ੍ਧਾਦਯੋ ਅਧਿવੁਤ੍ਤਿਪਦਾਨਿ ਨਾਮ। ਤੇਸਂ ਅਧਿવੁਤ੍ਤਿਪਦਾਨਂ। ਅਥ વਾ ਭੂਤਮਤ੍ਥਂ ਅਭਿਭવਿਤ੍વਾ ਯਥਾਸਭਾવਤੋ ਅਗ੍ਗਹੇਤ੍વਾ વਤ੍ਤਨਤੋ ਅਧਿવੁਤ੍ਤਿਯੋਤਿ ਦਿਟ੍ਠਿਯੋ વੁਚ੍ਚਨ੍ਤਿ, ਅਧਿવੁਤ੍ਤੀਨਂ ਪਦਾਨਿ ਅਧਿવੁਤ੍ਤਿਪਦਾਨਿ, ਦਿਟ੍ਠਿਦੀਪਕਾਨਿ વਚਨਾਨੀਤਿ ਅਤ੍ਥੋ। ਤੇਸਂ ਅਧਿવੁਤ੍ਤਿਪਦਾਨਂ ਦਿਟ੍ਠਿવੋਹਾਰਾਨਂ। ਅਭਿਞ੍ਞਾ ਸਚ੍ਛਿਕਿਰਿਯਾਯਾਤਿ ਜਾਨਿਤ੍વਾ ਪਚ੍ਚਕ੍ਖਕਰਣਤ੍ਥਾਯ। વਿਸਾਰਦੋਤਿ ਞਾਣਸੋਮਨਸ੍ਸਪ੍ਪਤ੍ਤੋ। ਤਤ੍ਥਾਤਿ ਤੇਸੁ ਧਮ੍ਮੇਸੁ ਤੇਸਂ ਤੇਸਂ ਤਥਾ ਤਥਾ ਧਮ੍ਮਂ ਦੇਸੇਤੁਨ੍ਤਿ ਤੇਸਂ ਤੇਸਂ ਦਿਟ੍ਠਿਗਤਿਕਾਨਂ વਾ ਇਤਰੇਸਂ વਾ ਆਸਯਂ ਞਤ੍વਾ ਤਥਾ ਤਥਾ ਧਮ੍ਮਂ ਦੇਸੇਤੁਂ। ਹੀਨਂ વਾ ਹੀਨਨ੍ਤਿ ਞਸ੍ਸਤੀਤਿ ਹੀਨਂ વਾ ਧਮ੍ਮਂ ‘‘ਹੀਨੋ ਧਮ੍ਮੋ’’ਤਿ ਜਾਨਿਸ੍ਸਤਿ। ਞਾਤੇਯ੍ਯਨ੍ਤਿ ਞਾਤਬ੍ਬਂ। ਦਟ੍ਠੇਯ੍ਯਨ੍ਤਿ ਦਟ੍ਠਬ੍ਬਂ। ਸਚ੍ਛਿਕਰੇਯ੍ਯਨ੍ਤਿ ਸਚ੍ਛਿਕਾਤਬ੍ਬਂ। ਤਤ੍ਥ ਤਤ੍ਥ ਯਥਾਭੂਤਞਾਣਨ੍ਤਿ ਤੇਸੁ ਤੇਸੁ ਧਮ੍ਮੇਸੁ ਯਥਾਸਭਾવਞਾਣਂ। ਇਮਿਨਾ ਸਬ੍ਬਞ੍ਞੁਤਞ੍ਞਾਣਂ ਦਸ੍ਸੇਤਿ। ਏવਂ ਸਬ੍ਬਞ੍ਞੁਤਞ੍ਞਾਣਂ ਦਸ੍ਸੇਤ੍વਾ ਪੁਨ ਦਸਬਲਞਾਣਂ ਦਸ੍ਸੇਨ੍ਤੋ ਦਸਯਿਮਾਨੀਤਿਆਦਿਮਾਹ। ਦਸਬਲਞਾਣਮ੍ਪਿ ਹਿ ਤਤ੍ਥ ਤਤ੍ਥ ਯਥਾਭੂਤਞਾਣਮੇવਾਤਿ।
22. Dutiye ye te dhammāti ye te dasabalañāṇaṃ sabbaññutaññāṇadhammā. Adhivuttipadānanti adhivacanapadānaṃ, khandhāyatanadhātudhammānanti attho. Adhivuttiyoti hi adhivacanāni vuccanti, tesaṃ ye padabhūtā desanāya padaṭṭhānattā. Atītā buddhāpi hi ete dhamme kathayiṃsu, anāgatāpi eteva kathayissanti. Tasmā khandhādayo adhivuttipadāni nāma. Tesaṃ adhivuttipadānaṃ. Atha vā bhūtamatthaṃ abhibhavitvā yathāsabhāvato aggahetvā vattanato adhivuttiyoti diṭṭhiyo vuccanti, adhivuttīnaṃ padāni adhivuttipadāni, diṭṭhidīpakāni vacanānīti attho. Tesaṃ adhivuttipadānaṃ diṭṭhivohārānaṃ. Abhiññā sacchikiriyāyāti jānitvā paccakkhakaraṇatthāya. Visāradoti ñāṇasomanassappatto. Tatthāti tesu dhammesu tesaṃ tesaṃ tathā tathā dhammaṃ desetunti tesaṃ tesaṃ diṭṭhigatikānaṃ vā itaresaṃ vā āsayaṃ ñatvā tathā tathā dhammaṃ desetuṃ. Hīnaṃ vā hīnanti ñassatīti hīnaṃ vā dhammaṃ ‘‘hīno dhammo’’ti jānissati. Ñāteyyanti ñātabbaṃ. Daṭṭheyyanti daṭṭhabbaṃ. Sacchikareyyanti sacchikātabbaṃ. Tatthatattha yathābhūtañāṇanti tesu tesu dhammesu yathāsabhāvañāṇaṃ. Iminā sabbaññutaññāṇaṃ dasseti. Evaṃ sabbaññutaññāṇaṃ dassetvā puna dasabalañāṇaṃ dassento dasayimānītiādimāha. Dasabalañāṇampi hi tattha tattha yathābhūtañāṇamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਅਧਿવੁਤ੍ਤਿਪਦਸੁਤ੍ਤਂ • 2. Adhivuttipadasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੪. ਅਧਿવੁਤ੍ਤਿਪਦਸੁਤ੍ਤਾਦਿવਣ੍ਣਨਾ • 2-4. Adhivuttipadasuttādivaṇṇanā
