| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. ад̇хобубпияад̇т̇зраабад̣̇аанаван̣н̣анаа
4. Adhopupphiyattheraapadānavaṇṇanā
абхибхуу наама со бхигкууд̇иаад̣̇игам̣ ааяасмад̇о ад̇хобубпияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу виваддуубаниссаяаани бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇хиббад̇д̇о гхарааваасам̣ сан̣табзд̇ваа абарабхааг̇з гаамзсу аад̣̇ийнавам̣ д̣̇исваа д̇ам̣ бахааяа исибаб̣б̣аж̇ж̇ам̣ баб̣б̣аж̇ид̇ваа бан̃жаабхин̃н̃ааадтасамаабад̇д̇илаабхий ид̣̇д̇хийсу жа васийбхаавам̣ бад̇ваа химаванд̇асмим̣ бадивасад̇и. д̇асса сикисса бхаг̇авад̇о абхибхуу наама аг̇г̇асааваго вивзгаабхирад̇о химаванд̇амаг̇амааси. ат̇а со д̇аабасо д̇ам̣ аг̇г̇асаавагад̇т̇зрам̣ д̣̇исваа т̇зрасса тид̇абаб̣б̣ад̇ам̣ ааруханд̇о баб̣б̣ад̇асса хздтаад̇алад̇о суг̇анд̇хаани ван̣н̣асамбаннаани сад̇д̇а бубпаани г̇ахзд̇ваа бууж̇зси. ат̇а со т̇зро д̇ассаанумод̣̇анамагааси. соби д̇аабасо сагассамам̣ аг̇амааси. д̇ад̇т̇а згзна аж̇аг̇арзна бийл̣ид̇о абарабхааг̇з абарихийнаж̇жхаано д̇знзва убад̣̇д̣̇авзна убад̣̇д̣̇уд̇о гаалам̣ гад̇ваа б̣рахмалогабарааяано худ̇ваа б̣рахмасамбад̇д̇им̣ чагаамааважарасамбад̇д̇ин̃жа анубхавид̇ваа мануссзсу мануссасамбад̇д̇ияо жа кзбзд̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о бхаг̇авад̇о д̇хаммам̣ суд̇ваа басаннамаанасо баб̣б̣аж̇ид̇ваа нажирассзва арахаа ахоси. со абарабхааг̇з ад̇д̇ано гад̇абун̃н̃анаамзна ад̇хобубпияад̇т̇зрод̇и баагадо.
Abhibhū nāma so bhikkhūtiādikaṃ āyasmato adhopupphiyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto sikhissa bhagavato kāle kulagehe nibbatto vuddhippatto gharāvāsaṃ saṇṭhapetvā aparabhāge kāmesu ādīnavaṃ disvā taṃ pahāya isipabbajjaṃ pabbajitvā pañcābhiññāaṭṭhasamāpattilābhī iddhīsu ca vasībhāvaṃ patvā himavantasmiṃ paṭivasati. Tassa sikhissa bhagavato abhibhū nāma aggasāvako vivekābhirato himavantamagamāsi. Atha so tāpaso taṃ aggasāvakattheraṃ disvā therassa ṭhitapabbataṃ āruhanto pabbatassa heṭṭhātalato sugandhāni vaṇṇasampannāni satta pupphāni gahetvā pūjesi. Atha so thero tassānumodanamakāsi. Sopi tāpaso sakassamaṃ agamāsi. Tattha ekena ajagarena pīḷito aparabhāge aparihīnajjhāno teneva upaddavena upadduto kālaṃ katvā brahmalokaparāyano hutvā brahmasampattiṃ chakāmāvacarasampattiñca anubhavitvā manussesu manussasampattiyo ca khepetvā imasmiṃ buddhuppāde ekasmiṃ kulagehe nibbatto vuddhippatto bhagavato dhammaṃ sutvā pasannamānaso pabbajitvā nacirasseva arahā ahosi. So aparabhāge attano katapuññanāmena adhopupphiyattheroti pākaṭo.
22. со згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о абхибхуу наама со бхигкууд̇иаад̣̇имааха. д̇ад̇т̇а сийласамаад̇хийхи барз абхибхавад̇ийд̇и абхибхуу, канд̇хамаараад̣̇имаарз абхибхавад̇и аж̇жход̇т̇арад̇ийд̇и ваа абхибхуу, сасанд̇аанабарасанд̇аанаг̇ад̇агилзсз абхибхавад̇и вихзсзд̇и вид̣̇д̇хам̣сзд̇ийд̇и ваа абхибхуу. бхигканасийло яаажанасийлод̇и бхигку, чиннабхиннабадад̇харод̇и ваа бхигку. абхибхуу наама аг̇г̇асааваго со бхигкууд̇и ад̇т̇о, сикисса бхаг̇авад̇о аг̇г̇асаавагод̇и самб̣анд̇хо.
22. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento abhibhū nāma so bhikkhūtiādimāha. Tattha sīlasamādhīhi pare abhibhavatīti abhibhū, khandhamārādimāre abhibhavati ajjhottharatīti vā abhibhū, sasantānaparasantānagatakilese abhibhavati viheseti viddhaṃsetīti vā abhibhū. Bhikkhanasīlo yācanasīloti bhikkhu, chinnabhinnapaṭadharoti vā bhikkhu. Abhibhū nāma aggasāvako so bhikkhūti attho, sikhissa bhagavato aggasāvakoti sambandho.
27. аж̇аг̇аро мам̣ бийл̣зсийд̇и д̇ат̇ааруубам̣ сийласамбаннам̣ жхаанасамбаннам̣ д̇аабасам̣ буб̣б̣з гад̇абаабзна взрзна жа маханд̇о аж̇аг̇арасаббо бийл̣зси. со д̇знзва убад̣̇д̣̇авзна убад̣̇д̣̇уд̇о абарихийнаж̇жхаано гаалам̣ гад̇ваа б̣рахмалогабарааяан̣о ааси. сзсам̣ саб̣б̣ад̇т̇а уд̇д̇аанамзваад̇и.
27.Ajagaro maṃ pīḷesīti tathārūpaṃ sīlasampannaṃ jhānasampannaṃ tāpasaṃ pubbe katapāpena verena ca mahanto ajagarasappo pīḷesi. So teneva upaddavena upadduto aparihīnajjhāno kālaṃ katvā brahmalokaparāyaṇo āsi. Sesaṃ sabbattha uttānamevāti.
ад̇хобубпияад̇т̇зраабад̣̇аанаван̣н̣анаа самад̇д̇аа.
Adhopupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. ад̇хобубпияад̇т̇зраабад̣̇аанам̣ • 4. Adhopupphiyattheraapadānaṃ
