| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਅਧੋਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
4. Adhopupphiyattheraapadānavaṇṇanā
ਅਭਿਭੂ ਨਾਮ ਸੋ ਭਿਕ੍ਖੂਤਿਆਦਿਕਂ ਆਯਸ੍ਮਤੋ ਅਧੋਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਅਪਰਭਾਗੇ ਕਾਮੇਸੁ ਆਦੀਨવਂ ਦਿਸ੍વਾ ਤਂ ਪਹਾਯ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਪਞ੍ਚਾਭਿਞ੍ਞਾਅਟ੍ਠਸਮਾਪਤ੍ਤਿਲਾਭੀ ਇਦ੍ਧੀਸੁ ਚ વਸੀਭਾવਂ ਪਤ੍વਾ ਹਿਮવਨ੍ਤਸ੍ਮਿਂ ਪਟਿવਸਤਿ। ਤਸ੍ਸ ਸਿਖਿਸ੍ਸ ਭਗવਤੋ ਅਭਿਭੂ ਨਾਮ ਅਗ੍ਗਸਾવਕੋ વਿવੇਕਾਭਿਰਤੋ ਹਿਮવਨ੍ਤਮਗਮਾਸਿ। ਅਥ ਸੋ ਤਾਪਸੋ ਤਂ ਅਗ੍ਗਸਾવਕਤ੍ਥੇਰਂ ਦਿਸ੍વਾ ਥੇਰਸ੍ਸ ਠਿਤਪਬ੍ਬਤਂ ਆਰੁਹਨ੍ਤੋ ਪਬ੍ਬਤਸ੍ਸ ਹੇਟ੍ਠਾਤਲਤੋ ਸੁਗਨ੍ਧਾਨਿ વਣ੍ਣਸਮ੍ਪਨ੍ਨਾਨਿ ਸਤ੍ਤ ਪੁਪ੍ਫਾਨਿ ਗਹੇਤ੍વਾ ਪੂਜੇਸਿ। ਅਥ ਸੋ ਥੇਰੋ ਤਸ੍ਸਾਨੁਮੋਦਨਮਕਾਸਿ। ਸੋਪਿ ਤਾਪਸੋ ਸਕਸ੍ਸਮਂ ਅਗਮਾਸਿ। ਤਤ੍ਥ ਏਕੇਨ ਅਜਗਰੇਨ ਪੀਲ਼ਿਤੋ ਅਪਰਭਾਗੇ ਅਪਰਿਹੀਨਜ੍ਝਾਨੋ ਤੇਨੇવ ਉਪਦ੍ਦવੇਨ ਉਪਦ੍ਦੁਤੋ ਕਾਲਂ ਕਤ੍વਾ ਬ੍ਰਹ੍ਮਲੋਕਪਰਾਯਨੋ ਹੁਤ੍વਾ ਬ੍ਰਹ੍ਮਸਮ੍ਪਤ੍ਤਿਂ ਛਕਾਮਾવਚਰਸਮ੍ਪਤ੍ਤਿਞ੍ਚ ਅਨੁਭવਿਤ੍વਾ ਮਨੁਸ੍ਸੇਸੁ ਮਨੁਸ੍ਸਸਮ੍ਪਤ੍ਤਿਯੋ ਚ ਖੇਪੇਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਭਗવਤੋ ਧਮ੍ਮਂ ਸੁਤ੍વਾ ਪਸਨ੍ਨਮਾਨਸੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ। ਸੋ ਅਪਰਭਾਗੇ ਅਤ੍ਤਨੋ ਕਤਪੁਞ੍ਞਨਾਮੇਨ ਅਧੋਪੁਪ੍ਫਿਯਤ੍ਥੇਰੋਤਿ ਪਾਕਟੋ।
Abhibhū nāma so bhikkhūtiādikaṃ āyasmato adhopupphiyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto sikhissa bhagavato kāle kulagehe nibbatto vuddhippatto gharāvāsaṃ saṇṭhapetvā aparabhāge kāmesu ādīnavaṃ disvā taṃ pahāya isipabbajjaṃ pabbajitvā pañcābhiññāaṭṭhasamāpattilābhī iddhīsu ca vasībhāvaṃ patvā himavantasmiṃ paṭivasati. Tassa sikhissa bhagavato abhibhū nāma aggasāvako vivekābhirato himavantamagamāsi. Atha so tāpaso taṃ aggasāvakattheraṃ disvā therassa ṭhitapabbataṃ āruhanto pabbatassa heṭṭhātalato sugandhāni vaṇṇasampannāni satta pupphāni gahetvā pūjesi. Atha so thero tassānumodanamakāsi. Sopi tāpaso sakassamaṃ agamāsi. Tattha ekena ajagarena pīḷito aparabhāge aparihīnajjhāno teneva upaddavena upadduto kālaṃ katvā brahmalokaparāyano hutvā brahmasampattiṃ chakāmāvacarasampattiñca anubhavitvā manussesu manussasampattiyo ca khepetvā imasmiṃ buddhuppāde ekasmiṃ kulagehe nibbatto vuddhippatto bhagavato dhammaṃ sutvā pasannamānaso pabbajitvā nacirasseva arahā ahosi. So aparabhāge attano katapuññanāmena adhopupphiyattheroti pākaṭo.
੨੨. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਭਿਭੂ ਨਾਮ ਸੋ ਭਿਕ੍ਖੂਤਿਆਦਿਮਾਹ। ਤਤ੍ਥ ਸੀਲਸਮਾਧੀਹਿ ਪਰੇ ਅਭਿਭવਤੀਤਿ ਅਭਿਭੂ, ਖਨ੍ਧਮਾਰਾਦਿਮਾਰੇ ਅਭਿਭવਤਿ ਅਜ੍ਝੋਤ੍ਥਰਤੀਤਿ વਾ ਅਭਿਭੂ, ਸਸਨ੍ਤਾਨਪਰਸਨ੍ਤਾਨਗਤਕਿਲੇਸੇ ਅਭਿਭવਤਿ વਿਹੇਸੇਤਿ વਿਦ੍ਧਂਸੇਤੀਤਿ વਾ ਅਭਿਭੂ। ਭਿਕ੍ਖਨਸੀਲੋ ਯਾਚਨਸੀਲੋਤਿ ਭਿਕ੍ਖੁ, ਛਿਨ੍ਨਭਿਨ੍ਨਪਟਧਰੋਤਿ વਾ ਭਿਕ੍ਖੁ। ਅਭਿਭੂ ਨਾਮ ਅਗ੍ਗਸਾવਕੋ ਸੋ ਭਿਕ੍ਖੂਤਿ ਅਤ੍ਥੋ, ਸਿਖਿਸ੍ਸ ਭਗવਤੋ ਅਗ੍ਗਸਾવਕੋਤਿ ਸਮ੍ਬਨ੍ਧੋ।
22. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento abhibhū nāma so bhikkhūtiādimāha. Tattha sīlasamādhīhi pare abhibhavatīti abhibhū, khandhamārādimāre abhibhavati ajjhottharatīti vā abhibhū, sasantānaparasantānagatakilese abhibhavati viheseti viddhaṃsetīti vā abhibhū. Bhikkhanasīlo yācanasīloti bhikkhu, chinnabhinnapaṭadharoti vā bhikkhu. Abhibhū nāma aggasāvako so bhikkhūti attho, sikhissa bhagavato aggasāvakoti sambandho.
੨੭. ਅਜਗਰੋ ਮਂ ਪੀਲ਼ੇਸੀਤਿ ਤਥਾਰੂਪਂ ਸੀਲਸਮ੍ਪਨ੍ਨਂ ਝਾਨਸਮ੍ਪਨ੍ਨਂ ਤਾਪਸਂ ਪੁਬ੍ਬੇ ਕਤਪਾਪੇਨ વੇਰੇਨ ਚ ਮਹਨ੍ਤੋ ਅਜਗਰਸਪ੍ਪੋ ਪੀਲ਼ੇਸਿ। ਸੋ ਤੇਨੇવ ਉਪਦ੍ਦવੇਨ ਉਪਦ੍ਦੁਤੋ ਅਪਰਿਹੀਨਜ੍ਝਾਨੋ ਕਾਲਂ ਕਤ੍વਾ ਬ੍ਰਹ੍ਮਲੋਕਪਰਾਯਣੋ ਆਸਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
27.Ajagaro maṃ pīḷesīti tathārūpaṃ sīlasampannaṃ jhānasampannaṃ tāpasaṃ pubbe katapāpena verena ca mahanto ajagarasappo pīḷesi. So teneva upaddavena upadduto aparihīnajjhāno kālaṃ katvā brahmalokaparāyaṇo āsi. Sesaṃ sabbattha uttānamevāti.
ਅਧੋਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Adhopupphiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਅਧੋਪੁਪ੍ਫਿਯਤ੍ਥੇਰਅਪਦਾਨਂ • 4. Adhopupphiyattheraapadānaṃ
