| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
8. аад̣̇ийнаван̃аан̣анид̣̇д̣̇зсаван̣н̣анаа
8. Ādīnavañāṇaniddesavaṇṇanā
53. аад̣̇ийнаван̃аан̣анид̣̇д̣̇зсз уббаад̣̇од̇и буримагаммабажжаяаа ид̇ха уббад̇д̇и. бавад̇д̇анд̇и д̇ат̇аауббаннасса бавад̇д̇и. нимид̇д̇анд̇и саб̣б̣амби сан̇кааранимид̇д̇ам̣. ааяууханаад̇и ааяад̇им̣ бадисанд̇хихзд̇убхууд̇ам̣ гаммам̣. бадисанд̇хийд̇и ааяад̇им̣ уббад̇д̇и. г̇ад̇ийд̇и яааяа г̇ад̇ияаа саа бадисанд̇хи ход̇и. ниб̣б̣ад̇д̇ийд̇и канд̇хаанам̣ ниб̣б̣ад̇д̇анам̣. убабад̇д̇ийд̇и ‘‘самаабаннасса ваа убабаннасса ваа’’д̇и (д̇ха. са. 1289) звам̣ вуд̇д̇аа вибаагаббавад̇д̇и . ж̇аад̇ийд̇и ж̇араад̣̇ийнам̣ бажжаяабхууд̇аа бхавабажжаяаа ж̇аад̇и. ниббарияааяад̇о д̇ад̇т̇а д̇ад̇т̇а ниб̣б̣ад̇д̇амаанаанам̣ сад̇д̇аанам̣ яз яз канд̇хаа баад̇убхаванд̇и, д̇зсам̣ батамабаад̇убхааво ж̇аад̇и. ж̇араад̇и кан̣д̣ижжаад̣̇исаммад̇о санд̇ад̇ияам̣ згабхавабарияаабаннаканд̇хасанд̇аанасса бураан̣абхааво. согод̇и н̃аад̇иб̣яасанаад̣̇ийхи пудтасса жид̇д̇асанд̇аабо. барид̣̇звод̇и н̃аад̇иб̣яасанаад̣̇ийхи пудтасса важийбалаабо. убааяаасод̇и бхусо ааяаасо, н̃аад̇иб̣яасанаад̣̇ийхи пудтасса ад̇химад̇д̇ажзд̇од̣̇угкаббабхаавид̇о д̣̇осоязва. зд̇т̇а жа уббаад̣̇аад̣̇аяо бан̃жзва аад̣̇ийнаван̃аан̣асса вад̇т̇увасзна вуд̇д̇аа, сзсаа д̇зсам̣ взважанавасзна. ‘‘ниб̣б̣ад̇д̇и ж̇аад̇ий’’д̇и ид̣̇ан̃хи д̣̇ваяам̣ уббаад̣̇асса жзва бадисанд̇хияаа жа взважанам̣, ‘‘г̇ад̇и убабад̇д̇ий’’д̇и ид̣̇ам̣ д̣̇ваяам̣ бавад̇д̇асса, ж̇араад̣̇аяо нимид̇д̇ассаад̇и. д̇знааха –
53. Ādīnavañāṇaniddese uppādoti purimakammapaccayā idha uppatti. Pavattanti tathāuppannassa pavatti. Nimittanti sabbampi saṅkhāranimittaṃ. Āyūhanāti āyatiṃ paṭisandhihetubhūtaṃ kammaṃ. Paṭisandhīti āyatiṃ uppatti. Gatīti yāya gatiyā sā paṭisandhi hoti. Nibbattīti khandhānaṃ nibbattanaṃ. Upapattīti ‘‘samāpannassa vā upapannassa vā’’ti (dha. sa. 1289) evaṃ vuttā vipākappavatti . Jātīti jarādīnaṃ paccayabhūtā bhavapaccayā jāti. Nippariyāyato tattha tattha nibbattamānānaṃ sattānaṃ ye ye khandhā pātubhavanti, tesaṃ paṭhamapātubhāvo jāti. Jarāti khaṇḍiccādisammato santatiyaṃ ekabhavapariyāpannakhandhasantānassa purāṇabhāvo. Sokoti ñātibyasanādīhi phuṭṭhassa cittasantāpo. Paridevoti ñātibyasanādīhi phuṭṭhassa vacīpalāpo. Upāyāsoti bhuso āyāso, ñātibyasanādīhi phuṭṭhassa adhimattacetodukkhappabhāvito dosoyeva. Ettha ca uppādādayo pañceva ādīnavañāṇassa vatthuvasena vuttā, sesā tesaṃ vevacanavasena. ‘‘Nibbatti jātī’’ti idañhi dvayaṃ uppādassa ceva paṭisandhiyā ca vevacanaṃ, ‘‘gati upapattī’’ti idaṃ dvayaṃ pavattassa, jarādayo nimittassāti. Tenāha –
‘‘уббаад̣̇ан̃жа бавад̇д̇ан̃жа, нимид̇д̇ам̣ д̣̇угканд̇и бассад̇и;
‘‘Uppādañca pavattañca, nimittaṃ dukkhanti passati;
ааяууханам̣ бадисанд̇хим̣, н̃аан̣ам̣ аад̣̇ийнавз ид̣̇а’’нд̇и. жа
Āyūhanaṃ paṭisandhiṃ, ñāṇaṃ ādīnave ida’’nti. ca
‘‘ид̣̇ам̣ аад̣̇ийнавз н̃аан̣ам̣, бан̃жатаанзсу ж̇ааяад̇ий’’д̇и. жа
‘‘Idaṃ ādīnave ñāṇaṃ, pañcaṭhānesu jāyatī’’ti. ca
саб̣б̣абад̣̇зсу жа бхаяанд̇и ижжзд̇асса важанасса бхаяам̣ ид̇ийд̇и бад̣̇ажчзд̣̇о . бхаяанд̇и бийл̣ааяог̇ад̇о саббадибхаяад̇ааяа бхаяам̣. ид̇ийд̇и бхаяад̇убадтаанасса гааран̣анид̣̇д̣̇зсо.
Sabbapadesu ca bhayanti iccetassa vacanassa bhayaṃ itīti padacchedo . Bhayanti pīḷāyogato sappaṭibhayatāya bhayaṃ. Itīti bhayatupaṭṭhānassa kāraṇaniddeso.
ануббаад̣̇о кзманд̇и санд̇ибад̣̇з н̃аан̣анд̇иаад̣̇и бана аад̣̇ийнаван̃аан̣асса бадибагкан̃аан̣ад̣̇ассанад̇т̇ам̣ вуд̇д̇ам̣. бхаяад̇убадтаанзна ваа аад̣̇ийнавам̣ д̣̇исваа уб̣б̣иг̇г̇ахад̣̇аяаанам̣ абхаяамби ад̇т̇и кзмам̣ нираад̣̇ийнаванд̇и ассаасаж̇ананад̇т̇амби зд̇ам̣ вуд̇д̇ам̣. яасмаа ваа яасса уббаад̣̇аад̣̇аяо бхаяад̇о суубадтид̇аа хонд̇и, д̇асса д̇аббадибагканиннам̣ жид̇д̇ам̣ ход̇и, д̇асмаа бхаяад̇убадтаанавасзна сид̣̇д̇хасса аад̣̇ийнаван̃аан̣асса аанисам̣сад̣̇ассанад̇т̇амбзд̇ам̣ вуд̇д̇анд̇и взд̣̇ид̇аб̣б̣ам̣. ануббаад̣̇о аббавад̇д̇анд̇иаад̣̇и ниб̣б̣аанамзва. санд̇ибад̣̇зд̇и санд̇игодтаасз, ниб̣б̣аанзд̇и ад̇т̇о. ануссававасзнааби хи санд̇ибад̣̇анд̇и наамамад̇д̇ам̣ г̇ахзд̇ваа уббаннам̣ н̃аан̣амби ‘‘санд̇ибад̣̇з н̃аан̣а’’нд̇и вуд̇д̇ам̣.
Anuppādo khemanti santipade ñāṇantiādi pana ādīnavañāṇassa paṭipakkhañāṇadassanatthaṃ vuttaṃ. Bhayatupaṭṭhānena vā ādīnavaṃ disvā ubbiggahadayānaṃ abhayampi atthi khemaṃ nirādīnavanti assāsajananatthampi etaṃ vuttaṃ. Yasmā vā yassa uppādādayo bhayato sūpaṭṭhitā honti, tassa tappaṭipakkhaninnaṃ cittaṃ hoti, tasmā bhayatupaṭṭhānavasena siddhassa ādīnavañāṇassa ānisaṃsadassanatthampetaṃ vuttanti veditabbaṃ. Anuppādo appavattantiādi nibbānameva. Santipadeti santikoṭṭhāse, nibbāneti attho. Anussavavasenāpi hi santipadanti nāmamattaṃ gahetvā uppannaṃ ñāṇampi ‘‘santipade ñāṇa’’nti vuttaṃ.
уббаад̣̇о бхаяам̣, ануббаад̣̇о кзманд̇иаад̣̇и вибагкабадибагкавасзна убхаяам̣ самаасзд̇ваа уббаж̇ж̇амаанам̣ н̃аан̣ам̣ г̇ахзд̇ваа вуд̇д̇ам̣. зд̇т̇а жа яам̣ бхаяам̣, д̇ам̣ яасмаа нияамад̇о д̣̇угкам̣. яан̃жа д̣̇угкам̣, д̇ам̣ ваддаамисалогаамисагилзсаамисзхи авиббамуд̇д̇ад̇д̇аа саамисамзва. яан̃жа саамисам̣, д̇ам̣ сан̇каарамад̇д̇амзва. д̇асмаа уббаад̣̇о д̣̇угканд̇и бхаяад̇убадтаанз бан̃н̃аа аад̣̇ийнавз н̃аан̣анд̇иаад̣̇и вуд̇д̇ам̣. звам̣ санд̇зби бхаяаагаарзна д̣̇угкаагаарзна саамисаагаарзна сан̇каараагаарзнаад̇и звам̣ аагааранаанад̇д̇ад̇о бавад̇д̇ивасзнзд̇т̇а наанад̇д̇ам̣ взд̣̇ид̇аб̣б̣ам̣. уббаад̣̇о бхаяам̣, д̣̇угкам̣, саамисам̣, сан̇каараа жаад̇и уббаад̣̇аад̣̇илин̇г̇аманабзгкид̇ваа ‘‘нзд̇ам̣ ко саран̣ам̣ кзмам̣, нзд̇ам̣ саран̣амуд̇д̇ама’’нд̇иаад̣̇ийсу (д̇ха. ба. 189) вияа ад̇д̇ано лин̇г̇аабзгкамзва вуд̇д̇ам̣. сан̇каараад̇и жа згад̇д̇аманабзгкид̇ваа ‘‘аббажжаяаа д̇хаммаа, асан̇кад̇аа д̇хаммаа’’д̇иаад̣̇ийсу (д̇ха. са. д̣̇угамаад̇игаа 7-8) вияа б̣ахуважанам̣ гад̇ам̣, уббаад̣̇аад̣̇ийнам̣ ваа сан̇каарзгад̣̇зсад̇д̇аа ‘‘уд̇д̇арз бан̃жаалаа, д̣̇агкин̣з бан̃жаалаа’’д̇иаад̣̇ийсу вияа б̣ахуннам̣ згад̣̇зсзби б̣ахуважанам̣ гад̇анд̇и взд̣̇ид̇аб̣б̣ам̣. кзмам̣ сукам̣ нираамисам̣ ниб̣б̣аананд̇и ниб̣б̣аанамзва вуд̇д̇аагаараанам̣ бадибагкавасзна жад̇уд̇хаа вуд̇д̇ам̣. д̣̇аса н̃аан̣з баж̇аанаад̇ийд̇и аад̣̇ийнавз н̃аан̣ам̣ баж̇аананд̇о уббаад̣̇аад̣̇ивад̇т̇угаани бан̃жа, ануббаад̣̇аад̣̇ивад̇т̇угаани бан̃жаад̇и д̣̇аса н̃аан̣з баж̇аанаад̇и бадивиж̇жхад̇и сажчигарод̇и. д̣̇виннам̣ н̃аан̣аанам̣ гусалад̇аад̇и аад̣̇ийнаван̃аан̣асса жзва санд̇ибад̣̇ан̃аан̣асса жаад̇и имзсам̣ д̣̇виннам̣ н̃аан̣аанам̣ гусалад̇ааяа. наанаад̣̇идтийсу на гамбад̇ийд̇и барамад̣̇идтад̇хамманиб̣б̣аанаад̣̇ивасзна бавад̇д̇аасу д̣̇идтийсу на взд̇хад̇ийд̇и.
Uppādobhayaṃ, anuppādo khemantiādi vipakkhapaṭipakkhavasena ubhayaṃ samāsetvā uppajjamānaṃ ñāṇaṃ gahetvā vuttaṃ. Ettha ca yaṃ bhayaṃ, taṃ yasmā niyamato dukkhaṃ. Yañca dukkhaṃ, taṃ vaṭṭāmisalokāmisakilesāmisehi avippamuttattā sāmisameva. Yañca sāmisaṃ, taṃ saṅkhāramattameva. Tasmā uppādo dukkhanti bhayatupaṭṭhāne paññā ādīnave ñāṇantiādi vuttaṃ. Evaṃ santepi bhayākārena dukkhākārena sāmisākārena saṅkhārākārenāti evaṃ ākāranānattato pavattivasenettha nānattaṃ veditabbaṃ. Uppādo bhayaṃ, dukkhaṃ, sāmisaṃ, saṅkhārā cāti uppādādiliṅgamanapekkhitvā ‘‘netaṃ kho saraṇaṃ khemaṃ, netaṃ saraṇamuttama’’ntiādīsu (dha. pa. 189) viya attano liṅgāpekkhameva vuttaṃ. Saṅkhārāti ca ekattamanapekkhitvā ‘‘appaccayā dhammā, asaṅkhatā dhammā’’tiādīsu (dha. sa. dukamātikā 7-8) viya bahuvacanaṃ kataṃ, uppādādīnaṃ vā saṅkhārekadesattā ‘‘uttare pañcālā, dakkhiṇe pañcālā’’tiādīsu viya bahunnaṃ ekadesepi bahuvacanaṃ katanti veditabbaṃ. Khemaṃ sukhaṃ nirāmisaṃ nibbānanti nibbānameva vuttākārānaṃ paṭipakkhavasena catudhā vuttaṃ. Dasa ñāṇe pajānātīti ādīnave ñāṇaṃ pajānanto uppādādivatthukāni pañca, anuppādādivatthukāni pañcāti dasa ñāṇe pajānāti paṭivijjhati sacchikaroti. Dvinnaṃ ñāṇānaṃ kusalatāti ādīnavañāṇassa ceva santipadañāṇassa cāti imesaṃ dvinnaṃ ñāṇānaṃ kusalatāya. Nānādiṭṭhīsu na kampatīti paramadiṭṭhadhammanibbānādivasena pavattāsu diṭṭhīsu na vedhatīti.
аад̣̇ийнаван̃аан̣анид̣̇д̣̇зсаван̣н̣анаа нидтид̇аа.
Ādīnavañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 8. аад̣̇ийнаван̃аан̣анид̣̇д̣̇зсо • 8. Ādīnavañāṇaniddeso
