| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
8. аад̣̇ийнаван̃аан̣анид̣̇д̣̇зсо
8. Ādīnavañāṇaniddeso
53. гат̇ам̣ бхаяад̇убадтаанз бан̃н̃аа аад̣̇ийнавз н̃аан̣ам̣? уббаад̣̇о бхаяанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣. бавад̇д̇ам̣ бхаяанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣. нимид̇д̇ам̣ бхаяанд̇и…бз… ааяууханаа бхаяанд̇и…бз… бадисанд̇хи бхаяанд̇и… г̇ад̇и бхаяанд̇и… ниб̣б̣ад̇д̇и бхаяанд̇и… убабад̇д̇и бхаяанд̇и… ж̇аад̇и бхаяанд̇и… ж̇араа бхаяанд̇и… б̣яаад̇хи бхаяанд̇и … маран̣ам̣ бхаяанд̇и… сого бхаяанд̇и… барид̣̇зво бхаяанд̇и… убааяаасо бхаяанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣.
53. Kathaṃ bhayatupaṭṭhāne paññā ādīnave ñāṇaṃ? Uppādo bhayanti – bhayatupaṭṭhāne paññā ādīnave ñāṇaṃ. Pavattaṃ bhayanti – bhayatupaṭṭhāne paññā ādīnave ñāṇaṃ. Nimittaṃ bhayanti…pe… āyūhanā bhayanti…pe… paṭisandhi bhayanti… gati bhayanti… nibbatti bhayanti… upapatti bhayanti… jāti bhayanti… jarā bhayanti… byādhi bhayanti … maraṇaṃ bhayanti… soko bhayanti… paridevo bhayanti… upāyāso bhayanti – bhayatupaṭṭhāne paññā ādīnave ñāṇaṃ.
ануббаад̣̇о кзманд̇и – санд̇ибад̣̇з н̃аан̣ам̣. аббавад̇д̇ам̣ кзманд̇и – санд̇ибад̣̇з н̃аан̣ам̣…бз… анубааяаасо кзманд̇и – санд̇ибад̣̇з н̃аан̣ам̣.
Anuppādo khemanti – santipade ñāṇaṃ. Appavattaṃ khemanti – santipade ñāṇaṃ…pe… anupāyāso khemanti – santipade ñāṇaṃ.
уббаад̣̇о бхаяам̣, ануббаад̣̇о кзманд̇и – санд̇ибад̣̇з н̃аан̣ам̣. бавад̇д̇ам̣ бхаяам̣, аббавад̇д̇ам̣ кзманд̇и – санд̇ибад̣̇з н̃аан̣ам̣…бз… убааяаасо бхаяам̣, анубааяаасо кзманд̇и – санд̇ибад̣̇з н̃аан̣ам̣.
Uppādo bhayaṃ, anuppādo khemanti – santipade ñāṇaṃ. Pavattaṃ bhayaṃ, appavattaṃ khemanti – santipade ñāṇaṃ…pe… upāyāso bhayaṃ, anupāyāso khemanti – santipade ñāṇaṃ.
уббаад̣̇о д̣̇угканд̇и – бхаяад̇убадтаанз бан̃н̃аа аад̣̇ийнавз н̃аан̣ам̣. бавад̇д̇ам̣ д̣̇угканд̇и – бхаяад̇убадтаанз бан̃н̃аа аад̣̇ийнавз н̃аан̣ам̣…бз… убааяаасо д̣̇угканд̇и – бхаяад̇убадтаанз бан̃н̃аа аад̣̇ийнавз н̃аан̣ам̣.
Uppādo dukkhanti – bhayatupaṭṭhāne paññā ādīnave ñāṇaṃ. Pavattaṃ dukkhanti – bhayatupaṭṭhāne paññā ādīnave ñāṇaṃ…pe… upāyāso dukkhanti – bhayatupaṭṭhāne paññā ādīnave ñāṇaṃ.
ануббаад̣̇о суканд̇и – санд̇ибад̣̇з н̃аан̣ам̣. аббавад̇д̇ам̣ суканд̇и – санд̇ибад̣̇з н̃аан̣ам̣…бз… анубааяаасо суканд̇и – санд̇ибад̣̇з н̃аан̣ам̣.
Anuppādo sukhanti – santipade ñāṇaṃ. Appavattaṃ sukhanti – santipade ñāṇaṃ…pe… anupāyāso sukhanti – santipade ñāṇaṃ.
уббаад̣̇о д̣̇угкам̣, ануббаад̣̇о суканд̇и – санд̇ибад̣̇з н̃аан̣ам̣. бавад̇д̇ам̣ д̣̇угкам̣, аббавад̇д̇ам̣ суканд̇и – санд̇ибад̣̇з н̃аан̣ам̣…бз… убааяаасо д̣̇угкам̣, анубааяаасо суканд̇и – санд̇ибад̣̇з н̃аан̣ам̣.
Uppādo dukkhaṃ, anuppādo sukhanti – santipade ñāṇaṃ. Pavattaṃ dukkhaṃ, appavattaṃ sukhanti – santipade ñāṇaṃ…pe… upāyāso dukkhaṃ, anupāyāso sukhanti – santipade ñāṇaṃ.
уббаад̣̇о саамисанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣. бавад̇д̇ам̣ саамисанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣…бз… убааяаасо саамисанд̇и – бхаяад̇убадтаанз бан̃н̃аа аад̣̇ийнавз н̃аан̣ам̣.
Uppādo sāmisanti – bhayatupaṭṭhāne paññā ādīnave ñāṇaṃ. Pavattaṃ sāmisanti – bhayatupaṭṭhāne paññā ādīnave ñāṇaṃ…pe… upāyāso sāmisanti – bhayatupaṭṭhāne paññā ādīnave ñāṇaṃ.
ануббаад̣̇о нираамисанд̇и – санд̇ибад̣̇з н̃аан̣ам̣. аббавад̇д̇ам̣ нираамисанд̇и – санд̇ибад̣̇з н̃аан̣ам̣…бз… анубааяаасо нираамисанд̇и – санд̇ибад̣̇з н̃аан̣ам̣.
Anuppādo nirāmisanti – santipade ñāṇaṃ. Appavattaṃ nirāmisanti – santipade ñāṇaṃ…pe… anupāyāso nirāmisanti – santipade ñāṇaṃ.
уббаад̣̇о саамисам̣, ануббаад̣̇о нираамисанд̇и – санд̇ибад̣̇з н̃аан̣ам̣. бавад̇д̇ам̣ саамисам̣, аббавад̇д̇ам̣ нираамисанд̇и – санд̇ибад̣̇з н̃аан̣ам̣…бз… убааяаасо саамисам̣, анубааяаасо нираамисанд̇и – санд̇ибад̣̇з н̃аан̣ам̣.
Uppādo sāmisaṃ, anuppādo nirāmisanti – santipade ñāṇaṃ. Pavattaṃ sāmisaṃ, appavattaṃ nirāmisanti – santipade ñāṇaṃ…pe… upāyāso sāmisaṃ, anupāyāso nirāmisanti – santipade ñāṇaṃ.
уббаад̣̇о сан̇каараад̇и – бхаяад̇убадтаанз бан̃н̃аа аад̣̇ийнавз н̃аан̣ам̣. бавад̇д̇ам̣ сан̇каараад̇и – бхаяад̇убадтаанз бан̃н̃аа аад̣̇ийнавз н̃аан̣ам̣…бз… убааяаасо сан̇каараад̇и – бхаяад̇убадтаанз бан̃н̃аа аад̣̇ийнавз н̃аан̣ам̣.
Uppādo saṅkhārāti – bhayatupaṭṭhāne paññā ādīnave ñāṇaṃ. Pavattaṃ saṅkhārāti – bhayatupaṭṭhāne paññā ādīnave ñāṇaṃ…pe… upāyāso saṅkhārāti – bhayatupaṭṭhāne paññā ādīnave ñāṇaṃ.
ануббаад̣̇о ниб̣б̣аананд̇и – санд̇ибад̣̇з н̃аан̣ам̣. аббавад̇д̇ам̣ ниб̣б̣аананд̇и – санд̇ибад̣̇з н̃аан̣ам̣…бз… анубааяаасо ниб̣б̣аананд̇и – санд̇ибад̣̇з н̃аан̣ам̣.
Anuppādo nibbānanti – santipade ñāṇaṃ. Appavattaṃ nibbānanti – santipade ñāṇaṃ…pe… anupāyāso nibbānanti – santipade ñāṇaṃ.
уббаад̣̇о сан̇каараа, ануббаад̣̇о ниб̣б̣аананд̇и – санд̇ибад̣̇з н̃аан̣ам̣. бавад̇д̇ам̣ сан̇каараа, аббавад̇д̇ам̣ ниб̣б̣аананд̇и – санд̇ибад̣̇з н̃аан̣ам̣…бз… убааяаасо сан̇каараа, анубааяаасо ниб̣б̣аананд̇и – санд̇ибад̣̇з н̃аан̣ам̣.
Uppādo saṅkhārā, anuppādo nibbānanti – santipade ñāṇaṃ. Pavattaṃ saṅkhārā, appavattaṃ nibbānanti – santipade ñāṇaṃ…pe… upāyāso saṅkhārā, anupāyāso nibbānanti – santipade ñāṇaṃ.
уббаад̣̇ан̃жа бавад̇д̇ан̃жа, нимид̇д̇ам̣ д̣̇угканд̇и бассад̇и;
Uppādañca pavattañca, nimittaṃ dukkhanti passati;
ааяууханам̣ бадисанд̇хим̣, н̃аан̣ам̣ аад̣̇ийнавз ид̣̇ам̣.
Āyūhanaṃ paṭisandhiṃ, ñāṇaṃ ādīnave idaṃ.
ануббаад̣̇ам̣ аббавад̇д̇ам̣, анимид̇д̇ам̣ суканд̇и жа;
Anuppādaṃ appavattaṃ, animittaṃ sukhanti ca;
анааяууханам̣ аббадисанд̇хим̣, н̃аан̣ам̣ санд̇ибад̣̇з ид̣̇ам̣.
Anāyūhanaṃ appaṭisandhiṃ, ñāṇaṃ santipade idaṃ.
ид̣̇ам̣ аад̣̇ийнавз н̃аан̣ам̣, бан̃жатаанзсу ж̇ааяад̇и;
Idaṃ ādīnave ñāṇaṃ, pañcaṭhānesu jāyati;
бан̃жатаанз санд̇ибад̣̇з, д̣̇аса н̃аан̣з баж̇аанаад̇и;
Pañcaṭhāne santipade, dasa ñāṇe pajānāti;
д̣̇виннам̣ н̃аан̣аанам̣ гусалад̇аа, наанаад̣̇идтийсу на гамбад̇ийд̇и.
Dvinnaṃ ñāṇānaṃ kusalatā, nānādiṭṭhīsu na kampatīti.
д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘бхаяад̇убадтаанз бан̃н̃аа аад̣̇ийнавз н̃аан̣ам̣’’.
Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘bhayatupaṭṭhāne paññā ādīnave ñāṇaṃ’’.
аад̣̇ийнаван̃аан̣анид̣̇д̣̇зсо адтамо.
Ādīnavañāṇaniddeso aṭṭhamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 8. аад̣̇ийнаван̃аан̣анид̣̇д̣̇зсаван̣н̣анаа • 8. Ādīnavañāṇaniddesavaṇṇanā
