| Library / Tipiṭaka / तिपिटक • Tipiṭaka / जातकपाळि • Jātakapāḷi |
४२४. आदित्तजातकं (८)
424. Ādittajātakaṃ (8)
६९.
69.
आदित्तस्मिं अगारस्मिं, यं नीहरति भाजनं।
Ādittasmiṃ agārasmiṃ, yaṃ nīharati bhājanaṃ;
तं तस्स होति अत्थाय, नो च यं तत्थ डय्हति॥
Taṃ tassa hoti atthāya, no ca yaṃ tattha ḍayhati.
७०.
70.
एवामादीपितो लोको, जराय मरणेन च।
Evāmādīpito loko, jarāya maraṇena ca;
७१.
71.
यो धम्मलद्धस्स ददाति दानं, उट्ठानवीरियाधिगतस्स जन्तु।
Yo dhammaladdhassa dadāti dānaṃ, uṭṭhānavīriyādhigatassa jantu;
अतिक्कम्म सो वेतरणिं 3 यमस्स, दिब्बानि ठानानि उपेति मच्चो॥
Atikkamma so vetaraṇiṃ 4 yamassa, dibbāni ṭhānāni upeti macco.
७२.
72.
दानञ्च युद्धञ्च समानमाहु, अप्पापि सन्ता बहुके जिनन्ति।
Dānañca yuddhañca samānamāhu, appāpi santā bahuke jinanti;
अप्पम्पि चे सद्दहानो ददाति, तेनेव सो होति सुखी परत्थ॥
Appampi ce saddahāno dadāti, teneva so hoti sukhī parattha.
७३.
73.
विचेय्य दानं सुगतप्पसत्थं, ये दक्खिणेय्या इध जीवलोके।
Viceyya dānaṃ sugatappasatthaṃ, ye dakkhiṇeyyā idha jīvaloke;
एतेसु दिन्नानि महप्फलानि, बीजानि वुत्तानि यथा सुखेत्ते॥
Etesu dinnāni mahapphalāni, bījāni vuttāni yathā sukhette.
७४.
74.
यो पाणभूतानि अहेठयं चरं, परूपवादा न करोति पापं।
Yo pāṇabhūtāni aheṭhayaṃ caraṃ, parūpavādā na karoti pāpaṃ;
भीरुं पसंसन्ति न तत्थ सूरं, भया हि सन्तो न करोन्ति पापं॥
Bhīruṃ pasaṃsanti na tattha sūraṃ, bhayā hi santo na karonti pāpaṃ.
७५.
75.
हीनेन ब्रह्मचरियेन, खत्तिये उपपज्जति।
Hīnena brahmacariyena, khattiye upapajjati;
मज्झिमेन च देवत्तं, उत्तमेन विसुज्झति॥
Majjhimena ca devattaṃ, uttamena visujjhati.
७६.
76.
अद्धा हि दानं बहुधा पसत्थं, दाना च खो धम्मपदंव सेय्यो।
Addhā hi dānaṃ bahudhā pasatthaṃ, dānā ca kho dhammapadaṃva seyyo;
पुब्बेव हि पुब्बतरेव सन्तो 5, निब्बानमेवज्झगमुं सपञ्ञाति॥
Pubbeva hi pubbatareva santo 6, nibbānamevajjhagamuṃ sapaññāti.
आदित्तजातकं अट्ठमं।
Ādittajātakaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४२४] ८. आदित्तजातकवण्णना • [424] 8. Ādittajātakavaṇṇanā
