| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤២៤. អាទិត្តជាតកំ (៨)
424. Ādittajātakaṃ (8)
៦៩.
69.
អាទិត្តស្មិំ អគារស្មិំ, យំ នីហរតិ ភាជនំ;
Ādittasmiṃ agārasmiṃ, yaṃ nīharati bhājanaṃ;
តំ តស្ស ហោតិ អត្ថាយ, នោ ច យំ តត្ថ ឌយ្ហតិ។
Taṃ tassa hoti atthāya, no ca yaṃ tattha ḍayhati.
៧០.
70.
ឯវាមាទីបិតោ លោកោ, ជរាយ មរណេន ច;
Evāmādīpito loko, jarāya maraṇena ca;
៧១.
71.
យោ ធម្មលទ្ធស្ស ទទាតិ ទានំ, ឧដ្ឋានវីរិយាធិគតស្ស ជន្តុ;
Yo dhammaladdhassa dadāti dānaṃ, uṭṭhānavīriyādhigatassa jantu;
អតិក្កម្ម សោ វេតរណិំ 3 យមស្ស, ទិព្ពានិ ឋានានិ ឧបេតិ មច្ចោ។
Atikkamma so vetaraṇiṃ 4 yamassa, dibbāni ṭhānāni upeti macco.
៧២.
72.
ទានញ្ច យុទ្ធញ្ច សមានមាហុ, អប្បាបិ សន្តា ពហុកេ ជិនន្តិ;
Dānañca yuddhañca samānamāhu, appāpi santā bahuke jinanti;
អប្បម្បិ ចេ សទ្ទហានោ ទទាតិ, តេនេវ សោ ហោតិ សុខី បរត្ថ។
Appampi ce saddahāno dadāti, teneva so hoti sukhī parattha.
៧៣.
73.
វិចេយ្យ ទានំ សុគតប្បសត្ថំ, យេ ទក្ខិណេយ្យា ឥធ ជីវលោកេ;
Viceyya dānaṃ sugatappasatthaṃ, ye dakkhiṇeyyā idha jīvaloke;
ឯតេសុ ទិន្នានិ មហប្ផលានិ, ពីជានិ វុត្តានិ យថា សុខេត្តេ។
Etesu dinnāni mahapphalāni, bījāni vuttāni yathā sukhette.
៧៤.
74.
យោ បាណភូតានិ អហេឋយំ ចរំ, បរូបវាទា ន ករោតិ បាបំ;
Yo pāṇabhūtāni aheṭhayaṃ caraṃ, parūpavādā na karoti pāpaṃ;
ភីរុំ បសំសន្តិ ន តត្ថ សូរំ, ភយា ហិ សន្តោ ន ករោន្តិ បាបំ។
Bhīruṃ pasaṃsanti na tattha sūraṃ, bhayā hi santo na karonti pāpaṃ.
៧៥.
75.
ហីនេន ព្រហ្មចរិយេន, ខត្តិយេ ឧបបជ្ជតិ;
Hīnena brahmacariyena, khattiye upapajjati;
មជ្ឈិមេន ច ទេវត្តំ, ឧត្តមេន វិសុជ្ឈតិ។
Majjhimena ca devattaṃ, uttamena visujjhati.
៧៦.
76.
អទ្ធា ហិ ទានំ ពហុធា បសត្ថំ, ទានា ច ខោ ធម្មបទំវ សេយ្យោ;
Addhā hi dānaṃ bahudhā pasatthaṃ, dānā ca kho dhammapadaṃva seyyo;
បុព្ពេវ ហិ បុព្ពតរេវ សន្តោ 5, និព្ពានមេវជ្ឈគមុំ សបញ្ញាតិ។
Pubbeva hi pubbatareva santo 6, nibbānamevajjhagamuṃ sapaññāti.
អាទិត្តជាតកំ អដ្ឋមំ។
Ādittajātakaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤២៤] ៨. អាទិត្តជាតកវណ្ណនា • [424] 8. Ādittajātakavaṇṇanā
