| Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൪൨൪. ആദിത്തജാതകം (൮)
424. Ādittajātakaṃ (8)
൬൯.
69.
ആദിത്തസ്മിം അഗാരസ്മിം, യം നീഹരതി ഭാജനം;
Ādittasmiṃ agārasmiṃ, yaṃ nīharati bhājanaṃ;
തം തസ്സ ഹോതി അത്ഥായ, നോ ച യം തത്ഥ ഡയ്ഹതി.
Taṃ tassa hoti atthāya, no ca yaṃ tattha ḍayhati.
൭൦.
70.
ഏവാമാദീപിതോ ലോകോ, ജരായ മരണേന ച;
Evāmādīpito loko, jarāya maraṇena ca;
൭൧.
71.
യോ ധമ്മലദ്ധസ്സ ദദാതി ദാനം, ഉട്ഠാനവീരിയാധിഗതസ്സ ജന്തു;
Yo dhammaladdhassa dadāti dānaṃ, uṭṭhānavīriyādhigatassa jantu;
അതിക്കമ്മ സോ വേതരണിം 3 യമസ്സ, ദിബ്ബാനി ഠാനാനി ഉപേതി മച്ചോ.
Atikkamma so vetaraṇiṃ 4 yamassa, dibbāni ṭhānāni upeti macco.
൭൨.
72.
ദാനഞ്ച യുദ്ധഞ്ച സമാനമാഹു, അപ്പാപി സന്താ ബഹുകേ ജിനന്തി;
Dānañca yuddhañca samānamāhu, appāpi santā bahuke jinanti;
അപ്പമ്പി ചേ സദ്ദഹാനോ ദദാതി, തേനേവ സോ ഹോതി സുഖീ പരത്ഥ.
Appampi ce saddahāno dadāti, teneva so hoti sukhī parattha.
൭൩.
73.
വിചേയ്യ ദാനം സുഗതപ്പസത്ഥം, യേ ദക്ഖിണേയ്യാ ഇധ ജീവലോകേ;
Viceyya dānaṃ sugatappasatthaṃ, ye dakkhiṇeyyā idha jīvaloke;
ഏതേസു ദിന്നാനി മഹപ്ഫലാനി, ബീജാനി വുത്താനി യഥാ സുഖേത്തേ.
Etesu dinnāni mahapphalāni, bījāni vuttāni yathā sukhette.
൭൪.
74.
യോ പാണഭൂതാനി അഹേഠയം ചരം, പരൂപവാദാ ന കരോതി പാപം;
Yo pāṇabhūtāni aheṭhayaṃ caraṃ, parūpavādā na karoti pāpaṃ;
ഭീരും പസംസന്തി ന തത്ഥ സൂരം, ഭയാ ഹി സന്തോ ന കരോന്തി പാപം.
Bhīruṃ pasaṃsanti na tattha sūraṃ, bhayā hi santo na karonti pāpaṃ.
൭൫.
75.
ഹീനേന ബ്രഹ്മചരിയേന, ഖത്തിയേ ഉപപജ്ജതി;
Hīnena brahmacariyena, khattiye upapajjati;
മജ്ഝിമേന ച ദേവത്തം, ഉത്തമേന വിസുജ്ഝതി.
Majjhimena ca devattaṃ, uttamena visujjhati.
൭൬.
76.
അദ്ധാ ഹി ദാനം ബഹുധാ പസത്ഥം, ദാനാ ച ഖോ ധമ്മപദംവ സേയ്യോ;
Addhā hi dānaṃ bahudhā pasatthaṃ, dānā ca kho dhammapadaṃva seyyo;
പുബ്ബേവ ഹി പുബ്ബതരേവ സന്തോ 5, നിബ്ബാനമേവജ്ഝഗമും സപഞ്ഞാതി.
Pubbeva hi pubbatareva santo 6, nibbānamevajjhagamuṃ sapaññāti.
ആദിത്തജാതകം അട്ഠമം.
Ādittajātakaṃ aṭṭhamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൪൨൪] ൮. ആദിത്തജാതകവണ്ണനാ • [424] 8. Ādittajātakavaṇṇanā
