| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. аад̣̇ид̇д̇абарияааяасуд̇д̇аван̣н̣анаа
8. Ādittapariyāyasuttavaṇṇanā
235. адтамз ануб̣яан̃ж̇анасо нимид̇д̇аг̇г̇ааход̇и ‘‘хад̇т̇аа собханаа баад̣̇аа собханаа’’д̇и звам̣ ануб̣яан̃ж̇анавасзна нимид̇д̇аг̇г̇аахо. нимид̇д̇аг̇г̇ааход̇и хи сам̣санд̣̇зд̇ваа г̇ахан̣ам̣, ануб̣яан̃ж̇анаг̇г̇ааход̇и вибхад̇д̇иг̇ахан̣ам̣. нимид̇д̇аг̇г̇аахо гумбхийласад̣̇исо саб̣б̣амзва г̇ан̣хаад̇и, ануб̣яан̃ж̇анаг̇г̇аахо рад̇д̇абаасад̣̇исо вибхаж̇ид̇ваа хад̇т̇абаад̣̇аад̣̇ийсу д̇ам̣ д̇ам̣ годтаасам̣. имз бана д̣̇вз г̇аахаа згаж̇аванаваарзби лаб̣бханд̇и, наанааж̇аванаваарз вад̇д̇аб̣б̣амзва над̇т̇и.
235. Aṭṭhame anubyañjanaso nimittaggāhoti ‘‘hatthā sobhanā pādā sobhanā’’ti evaṃ anubyañjanavasena nimittaggāho. Nimittaggāhoti hi saṃsandetvā gahaṇaṃ, anubyañjanaggāhoti vibhattigahaṇaṃ. Nimittaggāho kumbhīlasadiso sabbameva gaṇhāti, anubyañjanaggāho rattapāsadiso vibhajitvā hatthapādādīsu taṃ taṃ koṭṭhāsaṃ. Ime pana dve gāhā ekajavanavārepi labbhanti, nānājavanavāre vattabbameva natthi.
нимид̇д̇ассаад̣̇аг̇ат̇ид̇анд̇и нимид̇д̇ассаад̣̇зна г̇ант̇ид̇ам̣ б̣ад̣̇д̇хам̣. вин̃н̃аан̣анд̇и гаммавин̃н̃аан̣ам̣. д̇асмим̣ жз самаяз гаалам̣ гарзяяаад̇и на гожи сам̣гилидтзна жид̇д̇зна гаалам̣ гаронд̇о наама ад̇т̇и. саб̣б̣асад̇д̇аанан̃хи бхаван̇г̇знзва гаалагирияаа ход̇и. гилзсабхаяам̣ бана д̣̇ассзнд̇о звамааха. самаяавасзна ваа звам̣ вуд̇д̇ам̣. жагкуд̣̇ваарасмин̃хи аабаат̇аг̇ад̇з аарамман̣з рад̇д̇ажид̇д̇ам̣ ваа д̣̇удтажид̇д̇ам̣ ваа муул̣хажид̇д̇ам̣ ваа аарамман̣арасам̣ анубхавид̇ваа бхаван̇г̇ам̣ од̇арад̇и, бхаван̇г̇з тад̇ваа гаалагирияам̣ гарод̇и. д̇асмим̣ самаяз гаалам̣ гаронд̇асса д̣̇взва г̇ад̇ияо баадиган̇каа, имасса самаяасса васзнзд̇ам̣ вуд̇д̇ам̣.
Nimittassādagathitanti nimittassādena ganthitaṃ baddhaṃ. Viññāṇanti kammaviññāṇaṃ. Tasmiṃ ce samaye kālaṃ kareyyāti na koci saṃkiliṭṭhena cittena kālaṃ karonto nāma atthi. Sabbasattānañhi bhavaṅgeneva kālakiriyā hoti. Kilesabhayaṃ pana dassento evamāha. Samayavasena vā evaṃ vuttaṃ. Cakkhudvārasmiñhi āpāthagate ārammaṇe rattacittaṃ vā duṭṭhacittaṃ vā mūḷhacittaṃ vā ārammaṇarasaṃ anubhavitvā bhavaṅgaṃ otarati, bhavaṅge ṭhatvā kālakiriyaṃ karoti. Tasmiṃ samaye kālaṃ karontassa dveva gatiyo pāṭikaṅkhā, imassa samayassa vasenetaṃ vuttaṃ.
имам̣ кваахам̣, бхигкавз, аад̣̇ийнаванд̇и имам̣ анзгаани вассасад̇асахассаани нираяз анубхавид̇аб̣б̣ам̣ д̣̇угкам̣ самбассамаано звам̣ вад̣̇аами д̇ад̇д̇ааяа аяосалаагааяа агкийни ан̃ж̇аабзд̇угаамод̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о. аяосан̇гунаад̇и аяасуулзна. самбалимадтанд̇и д̣̇взби ган̣н̣ажчид̣̇д̣̇аани винивиж̇жхид̇ваа бат̇авияам̣ аагоданавасзна самбалимадтам̣.
Imaṃ khvāhaṃ, bhikkhave, ādīnavanti imaṃ anekāni vassasatasahassāni niraye anubhavitabbaṃ dukkhaṃ sampassamāno evaṃ vadāmi tattāya ayosalākāya akkhīni añjāpetukāmoti. Iminā nayena sabbattha attho veditabbo. Ayosaṅkunāti ayasūlena. Sampalimaṭṭhanti dvepi kaṇṇacchiddāni vinivijjhitvā pathaviyaṃ ākoṭanavasena sampalimaṭṭhaṃ.
д̇ад̇ияаваарз самбалимадтанд̇и накажчзд̣̇анам̣ бавзсзд̇ваа угкибид̇ваа сахад̇хунадтзна чинд̣̇ид̇ваа баад̇анавасзна самбалимадтам̣. жад̇уд̇т̇аваарз самбалимадтанд̇и б̣анд̇ханамуулам̣ чзд̇ваа баад̇анавасзна самбалимадтам̣. бан̃жамаваарз самбалимадтанд̇и д̇икин̣ааяа сад̇д̇ияаа гааяабасаад̣̇ам̣ уббаадзд̇ваа бад̇анавасзна самбалимадтам̣. сад̇д̇ияаад̇и зд̇т̇а махад̇ий д̣̇ан̣д̣агавааси взд̣̇ид̇аб̣б̣аа. сод̇д̇анд̇и нибаж̇ж̇ид̇ваа нид̣̇д̣̇оггаманам̣. яат̇ааруубаанам̣ вид̇аггаанам̣ васам̣ г̇ад̇о сан̇гхам̣ бхинд̣̇зяяаад̇и иминаа вид̇аггаанам̣ яаава сан̇гхабхзд̣̇аа баабагаммааваханад̇аа д̣̇ассид̇аа. сзсамзд̇т̇а уд̇д̇аанамзва.
Tatiyavāre sampalimaṭṭhanti nakhacchedanaṃ pavesetvā ukkhipitvā sahadhunaṭṭhena chinditvā pātanavasena sampalimaṭṭhaṃ. Catutthavāre sampalimaṭṭhanti bandhanamūlaṃ chetvā pātanavasena sampalimaṭṭhaṃ. Pañcamavāre sampalimaṭṭhanti tikhiṇāya sattiyā kāyapasādaṃ uppāṭetvā patanavasena sampalimaṭṭhaṃ. Sattiyāti ettha mahatī daṇḍakavāsi veditabbā. Sottanti nipajjitvā niddokkamanaṃ. Yathārūpānaṃ vitakkānaṃ vasaṃ gato saṅghaṃ bhindeyyāti iminā vitakkānaṃ yāva saṅghabhedā pāpakammāvahanatā dassitā. Sesamettha uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. аад̣̇ид̇д̇абарияааяасуд̇д̇ам̣ • 8. Ādittapariyāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. аад̣̇ид̇д̇абарияааяасуд̇д̇аван̣н̣анаа • 8. Ādittapariyāyasuttavaṇṇanā
