| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. аад̣̇ид̇д̇абарияааяасуд̇д̇аван̣н̣анаа
8. Ādittapariyāyasuttavaṇṇanā
235. гилзсаанам̣ ану ану б̣яан̃ж̇анад̇о бариб̣яад̇д̇ияаа уббад̇д̇ибажжаяабхаавад̇о ануб̣яан̃ж̇анам̣, хад̇т̇абаад̣̇аад̣̇иаваяаваад̇и ааха – ‘‘хад̇т̇аа собханаа’’д̇иаад̣̇и. нимид̇д̇аг̇г̇ааход̇и гилзсуббад̇д̇ияаа нимид̇д̇абхууд̇о г̇аахо. сам̣санд̣̇зд̇ваа г̇ахан̣анд̇и аваяавз самод̇хаанзд̇ваа ‘‘ид̇т̇ибурисо’’д̇иаад̣̇инаа згаж̇жхам̣ г̇ахан̣ам̣. вибхад̇д̇иг̇ахан̣анд̇и вибхааг̇зна анавасзсаг̇г̇ахан̣ам̣. гумбхийласад̣̇исод̇и гумбхийлаг̇аахасад̣̇исо. д̇знааха – ‘‘саб̣б̣амзва г̇ан̣хаад̇ий’’д̇и хад̇т̇абаад̣̇аад̣̇ийсу д̇ам̣ д̇ам̣ годтаасам̣ вибхаж̇ид̇ваа г̇ахан̣ам̣ рад̇д̇абаасад̣̇исо ж̇алуугаг̇аахасад̣̇исо. згаж̇аванаваарзби лаб̣бханд̇ийд̇и ид̣̇ам̣ жагкуд̣̇ваараанусаарзна уббаннаманод̣̇вааригаж̇аванам̣ санд̇хааяа вуд̇д̇ам̣.
235. Kilesānaṃ anu anu byañjanato paribyattiyā uppattipaccayabhāvato anubyañjanaṃ, hatthapādādiavayavāti āha – ‘‘hatthā sobhanā’’tiādi. Nimittaggāhoti kilesuppattiyā nimittabhūto gāho. Saṃsandetvā gahaṇanti avayave samodhānetvā ‘‘itthipuriso’’tiādinā ekajjhaṃ gahaṇaṃ. Vibhattigahaṇanti vibhāgena anavasesaggahaṇaṃ. Kumbhīlasadisoti kumbhīlagāhasadiso. Tenāha – ‘‘sabbameva gaṇhātī’’ti hatthapādādīsu taṃ taṃ koṭṭhāsaṃ vibhajitvā gahaṇaṃ rattapāsadiso jalūkagāhasadiso. Ekajavanavārepi labbhantīti idaṃ cakkhudvārānusārena uppannamanodvārikajavanaṃ sandhāya vuttaṃ.
нимид̇д̇ассаад̣̇зна г̇ант̇ид̇анд̇и яат̇аавуд̇д̇з нимид̇д̇з ассаад̣̇аг̇аахзна г̇ант̇ид̇ам̣ самб̣ад̣̇д̇хам̣. бхаван̇г̇знзваад̇и муулабхаван̇г̇знзва. гилзсабхаяам̣ д̣̇ассзнд̇од̇и д̇ат̇аа гилзсуббад̇д̇ияаа сад̇и агусалажид̇д̇зна анд̇арид̇ам̣ жз маран̣ажид̇д̇ам̣ бхавзяяа, зганд̇ад̇о нираяз ваа д̇иражчаанаяонияаа ваа уббад̇д̇и сияаад̇и гилзсаанам̣ бхааяид̇аб̣б̣ам̣ д̣̇ассзнд̇о. ‘‘самаяавасзна ваа звам̣ вуд̇д̇а’’нд̇и вад̇ваа д̇амад̇т̇ам̣ виваранд̇о ‘‘жагкуд̣̇ваарасмин̃хий’’д̇иаад̣̇имааха. рад̇д̇ажид̇д̇ам̣ ваад̇и рааг̇авасзна рад̇д̇ажид̇д̇ам̣ ваа. д̣̇удтажид̇д̇зна гат̇ам̣ аарамман̣арасаанубхавананд̇и? д̣̇оманассавзд̣̇ануббад̇д̇и зва д̇асса аарамман̣арасаанубхаванам̣ д̣̇адтаб̣б̣ам̣. имасса самаяассаад̇и маран̣асамаяасса.
Nimittassādena ganthitanti yathāvutte nimitte assādagāhena ganthitaṃ sambaddhaṃ. Bhavaṅgenevāti mūlabhavaṅgeneva. Kilesabhayaṃ dassentoti tathā kilesuppattiyā sati akusalacittena antaritaṃ ce maraṇacittaṃ bhaveyya, ekantato niraye vā tiracchānayoniyā vā uppatti siyāti kilesānaṃ bhāyitabbaṃ dassento. ‘‘Samayavasena vā evaṃ vutta’’nti vatvā tamatthaṃ vivaranto ‘‘cakkhudvārasmiñhī’’tiādimāha. Rattacittaṃ vāti rāgavasena rattacittaṃ vā. Duṭṭhacittena kathaṃ ārammaṇarasānubhavananti? Domanassavedanuppatti eva tassa ārammaṇarasānubhavanaṃ daṭṭhabbaṃ. Imassa samayassāti maraṇasamayassa.
убхиннам̣ наасажчид̣̇д̣̇аанам̣ маж̇жхз тид̇а-адтид̇уд̣̇анам̣ саха курадтзна чинд̣̇анам̣. д̣̇ан̣д̣агаваасийд̇и д̣̇ийгхад̣̇ан̣д̣агаа махаавааси. нибаж̇ж̇ид̇ваа нид̣̇д̣̇оггамананд̇и иминаа бажалааяиганид̣̇д̣̇ам̣ бадигкибад̇и. д̇ад̇т̇а хи гад̣̇аажи анд̇араа мижчаавид̇аггаанам̣ саллагаанам̣ авасаро сияаа, над̇т̇зва нибаж̇ж̇ид̇ваа махаанид̣̇д̣̇ам̣ огганд̇агаалз. вид̇аггаананд̇и мижчаавид̇аггаанам̣.
Ubhinnaṃ nāsacchiddānaṃ majjhe ṭhita-aṭṭhitudanaṃ saha khuraṭṭhena chindanaṃ. Daṇḍakavāsīti dīghadaṇḍakā mahāvāsi. Nipajjitvā niddokkamananti iminā pacalāyikaniddaṃ paṭikkhipati. Tattha hi kadāci antarā micchāvitakkānaṃ sallakānaṃ avasaro siyā, nattheva nipajjitvā mahāniddaṃ okkantakāle. Vitakkānanti micchāvitakkānaṃ.
аад̣̇ид̇д̇абарияааяасуд̇д̇аван̣н̣анаа нидтид̇аа.
Ādittapariyāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. аад̣̇ид̇д̇абарияааяасуд̇д̇ам̣ • 8. Ādittapariyāyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. аад̣̇ид̇д̇абарияааяасуд̇д̇аван̣н̣анаа • 8. Ādittapariyāyasuttavaṇṇanā
