| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਆਦਿਤ੍ਤਪਰਿਯਾਯਸੁਤ੍ਤવਣ੍ਣਨਾ
8. Ādittapariyāyasuttavaṇṇanā
੨੩੫. ਅਟ੍ਠਮੇ ਅਨੁਬ੍ਯਞ੍ਜਨਸੋ ਨਿਮਿਤ੍ਤਗ੍ਗਾਹੋਤਿ ‘‘ਹਤ੍ਥਾ ਸੋਭਨਾ ਪਾਦਾ ਸੋਭਨਾ’’ਤਿ ਏવਂ ਅਨੁਬ੍ਯਞ੍ਜਨવਸੇਨ ਨਿਮਿਤ੍ਤਗ੍ਗਾਹੋ। ਨਿਮਿਤ੍ਤਗ੍ਗਾਹੋਤਿ ਹਿ ਸਂਸਨ੍ਦੇਤ੍વਾ ਗਹਣਂ, ਅਨੁਬ੍ਯਞ੍ਜਨਗ੍ਗਾਹੋਤਿ વਿਭਤ੍ਤਿਗਹਣਂ। ਨਿਮਿਤ੍ਤਗ੍ਗਾਹੋ ਕੁਮ੍ਭੀਲਸਦਿਸੋ ਸਬ੍ਬਮੇવ ਗਣ੍ਹਾਤਿ, ਅਨੁਬ੍ਯਞ੍ਜਨਗ੍ਗਾਹੋ ਰਤ੍ਤਪਾਸਦਿਸੋ વਿਭਜਿਤ੍વਾ ਹਤ੍ਥਪਾਦਾਦੀਸੁ ਤਂ ਤਂ ਕੋਟ੍ਠਾਸਂ। ਇਮੇ ਪਨ ਦ੍વੇ ਗਾਹਾ ਏਕਜવਨવਾਰੇਪਿ ਲਬ੍ਭਨ੍ਤਿ, ਨਾਨਾਜવਨવਾਰੇ વਤ੍ਤਬ੍ਬਮੇવ ਨਤ੍ਥਿ।
235. Aṭṭhame anubyañjanaso nimittaggāhoti ‘‘hatthā sobhanā pādā sobhanā’’ti evaṃ anubyañjanavasena nimittaggāho. Nimittaggāhoti hi saṃsandetvā gahaṇaṃ, anubyañjanaggāhoti vibhattigahaṇaṃ. Nimittaggāho kumbhīlasadiso sabbameva gaṇhāti, anubyañjanaggāho rattapāsadiso vibhajitvā hatthapādādīsu taṃ taṃ koṭṭhāsaṃ. Ime pana dve gāhā ekajavanavārepi labbhanti, nānājavanavāre vattabbameva natthi.
ਨਿਮਿਤ੍ਤਸ੍ਸਾਦਗਥਿਤਨ੍ਤਿ ਨਿਮਿਤ੍ਤਸ੍ਸਾਦੇਨ ਗਨ੍ਥਿਤਂ ਬਦ੍ਧਂ। વਿਞ੍ਞਾਣਨ੍ਤਿ ਕਮ੍ਮવਿਞ੍ਞਾਣਂ। ਤਸ੍ਮਿਂ ਚੇ ਸਮਯੇ ਕਾਲਂ ਕਰੇਯ੍ਯਾਤਿ ਨ ਕੋਚਿ ਸਂਕਿਲਿਟ੍ਠੇਨ ਚਿਤ੍ਤੇਨ ਕਾਲਂ ਕਰੋਨ੍ਤੋ ਨਾਮ ਅਤ੍ਥਿ। ਸਬ੍ਬਸਤ੍ਤਾਨਞ੍ਹਿ ਭવਙ੍ਗੇਨੇવ ਕਾਲਕਿਰਿਯਾ ਹੋਤਿ। ਕਿਲੇਸਭਯਂ ਪਨ ਦਸ੍ਸੇਨ੍ਤੋ ਏવਮਾਹ। ਸਮਯવਸੇਨ વਾ ਏવਂ વੁਤ੍ਤਂ। ਚਕ੍ਖੁਦ੍વਾਰਸ੍ਮਿਞ੍ਹਿ ਆਪਾਥਗਤੇ ਆਰਮ੍ਮਣੇ ਰਤ੍ਤਚਿਤ੍ਤਂ વਾ ਦੁਟ੍ਠਚਿਤ੍ਤਂ વਾ ਮੂਲ਼੍ਹਚਿਤ੍ਤਂ વਾ ਆਰਮ੍ਮਣਰਸਂ ਅਨੁਭવਿਤ੍વਾ ਭવਙ੍ਗਂ ਓਤਰਤਿ, ਭવਙ੍ਗੇ ਠਤ੍વਾ ਕਾਲਕਿਰਿਯਂ ਕਰੋਤਿ। ਤਸ੍ਮਿਂ ਸਮਯੇ ਕਾਲਂ ਕਰੋਨ੍ਤਸ੍ਸ ਦ੍વੇવ ਗਤਿਯੋ ਪਾਟਿਕਙ੍ਖਾ, ਇਮਸ੍ਸ ਸਮਯਸ੍ਸ વਸੇਨੇਤਂ વੁਤ੍ਤਂ।
Nimittassādagathitanti nimittassādena ganthitaṃ baddhaṃ. Viññāṇanti kammaviññāṇaṃ. Tasmiṃ ce samaye kālaṃ kareyyāti na koci saṃkiliṭṭhena cittena kālaṃ karonto nāma atthi. Sabbasattānañhi bhavaṅgeneva kālakiriyā hoti. Kilesabhayaṃ pana dassento evamāha. Samayavasena vā evaṃ vuttaṃ. Cakkhudvārasmiñhi āpāthagate ārammaṇe rattacittaṃ vā duṭṭhacittaṃ vā mūḷhacittaṃ vā ārammaṇarasaṃ anubhavitvā bhavaṅgaṃ otarati, bhavaṅge ṭhatvā kālakiriyaṃ karoti. Tasmiṃ samaye kālaṃ karontassa dveva gatiyo pāṭikaṅkhā, imassa samayassa vasenetaṃ vuttaṃ.
ਇਮਂ ਖ੍વਾਹਂ, ਭਿਕ੍ਖવੇ, ਆਦੀਨવਨ੍ਤਿ ਇਮਂ ਅਨੇਕਾਨਿ વਸ੍ਸਸਤਸਹਸ੍ਸਾਨਿ ਨਿਰਯੇ ਅਨੁਭવਿਤਬ੍ਬਂ ਦੁਕ੍ਖਂ ਸਮ੍ਪਸ੍ਸਮਾਨੋ ਏવਂ વਦਾਮਿ ਤਤ੍ਤਾਯ ਅਯੋਸਲਾਕਾਯ ਅਕ੍ਖੀਨਿ ਅਞ੍ਜਾਪੇਤੁਕਾਮੋਤਿ। ਇਮਿਨਾ ਨਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ। ਅਯੋਸਙ੍ਕੁਨਾਤਿ ਅਯਸੂਲੇਨ। ਸਮ੍ਪਲਿਮਟ੍ਠਨ੍ਤਿ ਦ੍વੇਪਿ ਕਣ੍ਣਚ੍ਛਿਦ੍ਦਾਨਿ વਿਨਿવਿਜ੍ਝਿਤ੍વਾ ਪਥવਿਯਂ ਆਕੋਟਨવਸੇਨ ਸਮ੍ਪਲਿਮਟ੍ਠਂ।
Imaṃ khvāhaṃ, bhikkhave, ādīnavanti imaṃ anekāni vassasatasahassāni niraye anubhavitabbaṃ dukkhaṃ sampassamāno evaṃ vadāmi tattāya ayosalākāya akkhīni añjāpetukāmoti. Iminā nayena sabbattha attho veditabbo. Ayosaṅkunāti ayasūlena. Sampalimaṭṭhanti dvepi kaṇṇacchiddāni vinivijjhitvā pathaviyaṃ ākoṭanavasena sampalimaṭṭhaṃ.
ਤਤਿਯવਾਰੇ ਸਮ੍ਪਲਿਮਟ੍ਠਨ੍ਤਿ ਨਖਚ੍ਛੇਦਨਂ ਪવੇਸੇਤ੍વਾ ਉਕ੍ਖਿਪਿਤ੍વਾ ਸਹਧੁਨਟ੍ਠੇਨ ਛਿਨ੍ਦਿਤ੍વਾ ਪਾਤਨવਸੇਨ ਸਮ੍ਪਲਿਮਟ੍ਠਂ। ਚਤੁਤ੍ਥવਾਰੇ ਸਮ੍ਪਲਿਮਟ੍ਠਨ੍ਤਿ ਬਨ੍ਧਨਮੂਲਂ ਛੇਤ੍વਾ ਪਾਤਨવਸੇਨ ਸਮ੍ਪਲਿਮਟ੍ਠਂ। ਪਞ੍ਚਮવਾਰੇ ਸਮ੍ਪਲਿਮਟ੍ਠਨ੍ਤਿ ਤਿਖਿਣਾਯ ਸਤ੍ਤਿਯਾ ਕਾਯਪਸਾਦਂ ਉਪ੍ਪਾਟੇਤ੍વਾ ਪਤਨવਸੇਨ ਸਮ੍ਪਲਿਮਟ੍ਠਂ। ਸਤ੍ਤਿਯਾਤਿ ਏਤ੍ਥ ਮਹਤੀ ਦਣ੍ਡਕવਾਸਿ વੇਦਿਤਬ੍ਬਾ। ਸੋਤ੍ਤਨ੍ਤਿ ਨਿਪਜ੍ਜਿਤ੍વਾ ਨਿਦ੍ਦੋਕ੍ਕਮਨਂ। ਯਥਾਰੂਪਾਨਂ વਿਤਕ੍ਕਾਨਂ વਸਂ ਗਤੋ ਸਙ੍ਘਂ ਭਿਨ੍ਦੇਯ੍ਯਾਤਿ ਇਮਿਨਾ વਿਤਕ੍ਕਾਨਂ ਯਾવ ਸਙ੍ਘਭੇਦਾ ਪਾਪਕਮ੍ਮਾવਹਨਤਾ ਦਸ੍ਸਿਤਾ। ਸੇਸਮੇਤ੍ਥ ਉਤ੍ਤਾਨਮੇવ।
Tatiyavāre sampalimaṭṭhanti nakhacchedanaṃ pavesetvā ukkhipitvā sahadhunaṭṭhena chinditvā pātanavasena sampalimaṭṭhaṃ. Catutthavāre sampalimaṭṭhanti bandhanamūlaṃ chetvā pātanavasena sampalimaṭṭhaṃ. Pañcamavāre sampalimaṭṭhanti tikhiṇāya sattiyā kāyapasādaṃ uppāṭetvā patanavasena sampalimaṭṭhaṃ. Sattiyāti ettha mahatī daṇḍakavāsi veditabbā. Sottanti nipajjitvā niddokkamanaṃ. Yathārūpānaṃ vitakkānaṃ vasaṃ gato saṅghaṃ bhindeyyāti iminā vitakkānaṃ yāva saṅghabhedā pāpakammāvahanatā dassitā. Sesamettha uttānameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਆਦਿਤ੍ਤਪਰਿਯਾਯਸੁਤ੍ਤਂ • 8. Ādittapariyāyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਆਦਿਤ੍ਤਪਰਿਯਾਯਸੁਤ੍ਤવਣ੍ਣਨਾ • 8. Ādittapariyāyasuttavaṇṇanā
