| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਆਦਿਤ੍ਤਪਰਿਯਾਯਸੁਤ੍ਤવਣ੍ਣਨਾ
8. Ādittapariyāyasuttavaṇṇanā
੨੩੫. ਕਿਲੇਸਾਨਂ ਅਨੁ ਅਨੁ ਬ੍ਯਞ੍ਜਨਤੋ ਪਰਿਬ੍ਯਤ੍ਤਿਯਾ ਉਪ੍ਪਤ੍ਤਿਪਚ੍ਚਯਭਾવਤੋ ਅਨੁਬ੍ਯਞ੍ਜਨਂ, ਹਤ੍ਥਪਾਦਾਦਿਅવਯવਾਤਿ ਆਹ – ‘‘ਹਤ੍ਥਾ ਸੋਭਨਾ’’ਤਿਆਦਿ। ਨਿਮਿਤ੍ਤਗ੍ਗਾਹੋਤਿ ਕਿਲੇਸੁਪ੍ਪਤ੍ਤਿਯਾ ਨਿਮਿਤ੍ਤਭੂਤੋ ਗਾਹੋ। ਸਂਸਨ੍ਦੇਤ੍વਾ ਗਹਣਨ੍ਤਿ ਅવਯવੇ ਸਮੋਧਾਨੇਤ੍વਾ ‘‘ਇਤ੍ਥਿਪੁਰਿਸੋ’’ਤਿਆਦਿਨਾ ਏਕਜ੍ਝਂ ਗਹਣਂ। વਿਭਤ੍ਤਿਗਹਣਨ੍ਤਿ વਿਭਾਗੇਨ ਅਨવਸੇਸਗ੍ਗਹਣਂ। ਕੁਮ੍ਭੀਲਸਦਿਸੋਤਿ ਕੁਮ੍ਭੀਲਗਾਹਸਦਿਸੋ। ਤੇਨਾਹ – ‘‘ਸਬ੍ਬਮੇવ ਗਣ੍ਹਾਤੀ’’ਤਿ ਹਤ੍ਥਪਾਦਾਦੀਸੁ ਤਂ ਤਂ ਕੋਟ੍ਠਾਸਂ વਿਭਜਿਤ੍વਾ ਗਹਣਂ ਰਤ੍ਤਪਾਸਦਿਸੋ ਜਲੂਕਗਾਹਸਦਿਸੋ। ਏਕਜવਨવਾਰੇਪਿ ਲਬ੍ਭਨ੍ਤੀਤਿ ਇਦਂ ਚਕ੍ਖੁਦ੍વਾਰਾਨੁਸਾਰੇਨ ਉਪ੍ਪਨ੍ਨਮਨੋਦ੍વਾਰਿਕਜવਨਂ ਸਨ੍ਧਾਯ વੁਤ੍ਤਂ।
235. Kilesānaṃ anu anu byañjanato paribyattiyā uppattipaccayabhāvato anubyañjanaṃ, hatthapādādiavayavāti āha – ‘‘hatthā sobhanā’’tiādi. Nimittaggāhoti kilesuppattiyā nimittabhūto gāho. Saṃsandetvā gahaṇanti avayave samodhānetvā ‘‘itthipuriso’’tiādinā ekajjhaṃ gahaṇaṃ. Vibhattigahaṇanti vibhāgena anavasesaggahaṇaṃ. Kumbhīlasadisoti kumbhīlagāhasadiso. Tenāha – ‘‘sabbameva gaṇhātī’’ti hatthapādādīsu taṃ taṃ koṭṭhāsaṃ vibhajitvā gahaṇaṃ rattapāsadiso jalūkagāhasadiso. Ekajavanavārepi labbhantīti idaṃ cakkhudvārānusārena uppannamanodvārikajavanaṃ sandhāya vuttaṃ.
ਨਿਮਿਤ੍ਤਸ੍ਸਾਦੇਨ ਗਨ੍ਥਿਤਨ੍ਤਿ ਯਥਾવੁਤ੍ਤੇ ਨਿਮਿਤ੍ਤੇ ਅਸ੍ਸਾਦਗਾਹੇਨ ਗਨ੍ਥਿਤਂ ਸਮ੍ਬਦ੍ਧਂ। ਭવਙ੍ਗੇਨੇવਾਤਿ ਮੂਲਭવਙ੍ਗੇਨੇવ। ਕਿਲੇਸਭਯਂ ਦਸ੍ਸੇਨ੍ਤੋਤਿ ਤਥਾ ਕਿਲੇਸੁਪ੍ਪਤ੍ਤਿਯਾ ਸਤਿ ਅਕੁਸਲਚਿਤ੍ਤੇਨ ਅਨ੍ਤਰਿਤਂ ਚੇ ਮਰਣਚਿਤ੍ਤਂ ਭવੇਯ੍ਯ, ਏਕਨ੍ਤਤੋ ਨਿਰਯੇ વਾ ਤਿਰਚ੍ਛਾਨਯੋਨਿਯਾ વਾ ਉਪ੍ਪਤ੍ਤਿ ਸਿਯਾਤਿ ਕਿਲੇਸਾਨਂ ਭਾਯਿਤਬ੍ਬਂ ਦਸ੍ਸੇਨ੍ਤੋ। ‘‘ਸਮਯવਸੇਨ વਾ ਏવਂ વੁਤ੍ਤ’’ਨ੍ਤਿ વਤ੍વਾ ਤਮਤ੍ਥਂ વਿવਰਨ੍ਤੋ ‘‘ਚਕ੍ਖੁਦ੍વਾਰਸ੍ਮਿਞ੍ਹੀ’’ਤਿਆਦਿਮਾਹ। ਰਤ੍ਤਚਿਤ੍ਤਂ વਾਤਿ ਰਾਗવਸੇਨ ਰਤ੍ਤਚਿਤ੍ਤਂ વਾ। ਦੁਟ੍ਠਚਿਤ੍ਤੇਨ ਕਥਂ ਆਰਮ੍ਮਣਰਸਾਨੁਭવਨਨ੍ਤਿ? ਦੋਮਨਸ੍ਸવੇਦਨੁਪ੍ਪਤ੍ਤਿ ਏવ ਤਸ੍ਸ ਆਰਮ੍ਮਣਰਸਾਨੁਭવਨਂ ਦਟ੍ਠਬ੍ਬਂ। ਇਮਸ੍ਸ ਸਮਯਸ੍ਸਾਤਿ ਮਰਣਸਮਯਸ੍ਸ।
Nimittassādena ganthitanti yathāvutte nimitte assādagāhena ganthitaṃ sambaddhaṃ. Bhavaṅgenevāti mūlabhavaṅgeneva. Kilesabhayaṃ dassentoti tathā kilesuppattiyā sati akusalacittena antaritaṃ ce maraṇacittaṃ bhaveyya, ekantato niraye vā tiracchānayoniyā vā uppatti siyāti kilesānaṃ bhāyitabbaṃ dassento. ‘‘Samayavasena vā evaṃ vutta’’nti vatvā tamatthaṃ vivaranto ‘‘cakkhudvārasmiñhī’’tiādimāha. Rattacittaṃ vāti rāgavasena rattacittaṃ vā. Duṭṭhacittena kathaṃ ārammaṇarasānubhavananti? Domanassavedanuppatti eva tassa ārammaṇarasānubhavanaṃ daṭṭhabbaṃ. Imassa samayassāti maraṇasamayassa.
ਉਭਿਨ੍ਨਂ ਨਾਸਚ੍ਛਿਦ੍ਦਾਨਂ ਮਜ੍ਝੇ ਠਿਤ-ਅਟ੍ਠਿਤੁਦਨਂ ਸਹ ਖੁਰਟ੍ਠੇਨ ਛਿਨ੍ਦਨਂ। ਦਣ੍ਡਕવਾਸੀਤਿ ਦੀਘਦਣ੍ਡਕਾ ਮਹਾવਾਸਿ। ਨਿਪਜ੍ਜਿਤ੍વਾ ਨਿਦ੍ਦੋਕ੍ਕਮਨਨ੍ਤਿ ਇਮਿਨਾ ਪਚਲਾਯਿਕਨਿਦ੍ਦਂ ਪਟਿਕ੍ਖਿਪਤਿ। ਤਤ੍ਥ ਹਿ ਕਦਾਚਿ ਅਨ੍ਤਰਾ ਮਿਚ੍ਛਾવਿਤਕ੍ਕਾਨਂ ਸਲ੍ਲਕਾਨਂ ਅવਸਰੋ ਸਿਯਾ, ਨਤ੍ਥੇવ ਨਿਪਜ੍ਜਿਤ੍વਾ ਮਹਾਨਿਦ੍ਦਂ ਓਕ੍ਕਨ੍ਤਕਾਲੇ। વਿਤਕ੍ਕਾਨਨ੍ਤਿ ਮਿਚ੍ਛਾવਿਤਕ੍ਕਾਨਂ।
Ubhinnaṃ nāsacchiddānaṃ majjhe ṭhita-aṭṭhitudanaṃ saha khuraṭṭhena chindanaṃ. Daṇḍakavāsīti dīghadaṇḍakā mahāvāsi. Nipajjitvā niddokkamananti iminā pacalāyikaniddaṃ paṭikkhipati. Tattha hi kadāci antarā micchāvitakkānaṃ sallakānaṃ avasaro siyā, nattheva nipajjitvā mahāniddaṃ okkantakāle. Vitakkānanti micchāvitakkānaṃ.
ਆਦਿਤ੍ਤਪਰਿਯਾਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ādittapariyāyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਆਦਿਤ੍ਤਪਰਿਯਾਯਸੁਤ੍ਤਂ • 8. Ādittapariyāyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਆਦਿਤ੍ਤਪਰਿਯਾਯਸੁਤ੍ਤવਣ੍ਣਨਾ • 8. Ādittapariyāyasuttavaṇṇanā
