| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. аад̣̇ид̇д̇асуд̇д̇ам̣
6. Ādittasuttaṃ
28. згам̣ самаяам̣ бхаг̇аваа г̇аяааяам̣ вихарад̇и г̇аяаасийсз сад̣̇д̇хим̣ бхигкусахассзна. д̇ад̇ра ко бхаг̇аваа бхигкуу ааманд̇зси – ‘‘саб̣б̣ам̣, бхигкавз, аад̣̇ид̇д̇ам̣. гин̃жа, бхигкавз, саб̣б̣ам̣ аад̣̇ид̇д̇ам̣? жагку 1, бхигкавз, аад̣̇ид̇д̇ам̣, руубаа аад̣̇ид̇д̇аа, жагкувин̃н̃аан̣ам̣ аад̣̇ид̇д̇ам̣, жагкусампассо аад̣̇ид̇д̇о. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? ‘рааг̇аг̇г̇инаа, д̣̇осаг̇г̇инаа, мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇а’нд̇и вад̣̇аами…бз… ж̇ивхаа аад̣̇ид̇д̇аа, расаа аад̣̇ид̇д̇аа, ж̇ивхаавин̃н̃аан̣ам̣ аад̣̇ид̇д̇ам̣, ж̇ивхаасампассо аад̣̇ид̇д̇о . яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? ‘рааг̇аг̇г̇инаа, д̣̇осаг̇г̇инаа, мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇а’нд̇и вад̣̇аами…бз… мано аад̣̇ид̇д̇о, д̇хаммаа аад̣̇ид̇д̇аа, мановин̃н̃аан̣ам̣ аад̣̇ид̇д̇ам̣, маносампассо аад̣̇ид̇д̇о. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? ‘рааг̇аг̇г̇инаа, д̣̇осаг̇г̇инаа, мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇а’нд̇и вад̣̇аами. звам̣ бассам̣, бхигкавз, суд̇аваа арияасааваго жагкусмимби ниб̣б̣инд̣̇ад̇и, руубзсуби ниб̣б̣инд̣̇ад̇и, жагкувин̃н̃аан̣зби ниб̣б̣инд̣̇ад̇и, жагкусампассзби ниб̣б̣инд̣̇ад̇и, яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и …бз… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇ум̣. имасмин̃жа бана взяяаагаран̣асмим̣ бхан̃н̃амаанз д̇асса бхигкусахассасса анубаад̣̇ааяа аасавзхи жид̇д̇аани вимужжим̣сууд̇и. чадтам̣.
28. Ekaṃ samayaṃ bhagavā gayāyaṃ viharati gayāsīse saddhiṃ bhikkhusahassena. Tatra kho bhagavā bhikkhū āmantesi – ‘‘sabbaṃ, bhikkhave, ādittaṃ. Kiñca, bhikkhave, sabbaṃ ādittaṃ? Cakkhu 2, bhikkhave, ādittaṃ, rūpā ādittā, cakkhuviññāṇaṃ ādittaṃ, cakkhusamphasso āditto. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? ‘Rāgagginā, dosagginā, mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmi…pe… jivhā ādittā, rasā ādittā, jivhāviññāṇaṃ ādittaṃ, jivhāsamphasso āditto . Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? ‘Rāgagginā, dosagginā, mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmi…pe… mano āditto, dhammā ādittā, manoviññāṇaṃ ādittaṃ, manosamphasso āditto. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? ‘Rāgagginā, dosagginā, mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmi. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati …pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Idamavoca bhagavā. Attamanā te bhikkhū bhagavato bhāsitaṃ abhinanduṃ. Imasmiñca pana veyyākaraṇasmiṃ bhaññamāne tassa bhikkhusahassassa anupādāya āsavehi cittāni vimucciṃsūti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. аад̣̇ид̇д̇асуд̇д̇аван̣н̣анаа • 6. Ādittasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. аад̣̇ид̇д̇асуд̇д̇аван̣н̣анаа • 6. Ādittasuttavaṇṇanā
