| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. ஆதி³த்தவக்³கோ³
5. Ādittavaggo
1. ஆதி³த்தஸுத்தவண்ணனா
1. Ādittasuttavaṇṇanā
41. ஆதி³த்தவக்³க³ஸ்ஸ பட²மே ஜராய மரணேன சாதி தே³ஸனாஸீஸமேதங், ராகா³தீ³ஹி பன ஏகாத³ஸஹி அக்³கீ³ஹி லோகோ ஆதி³த்தோவ. தா³னேனாதி தா³னசேதனாய. தி³ன்னங் ஹோதி ஸுனீஹதந்தி தா³னபுஞ்ஞசேதனாஹி தா³யகஸ்ஸேவ ஹோதி க⁴ரஸாமிகஸ்ஸ விய நீஹதப⁴ண்ட³கங், தேனேதங் வுத்தங். சோரா ஹரந்தீதி அதி³ன்னே போ⁴கே³ சோராபி ஹரந்தி ராஜானோபி, அக்³கி³பி ட³ஹதி, ட²பிதட்டா²னேபி நஸ்ஸந்தி. அந்தேனாதி மரணேன. ஸரீரங் ஸபரிக்³க³ஹந்தி ஸரீரஞ்சேவ சோராதீ³னங் வஸேன அவினட்ட²போ⁴கே³ ச. ஸக்³க³முபேதீதி வெஸ்ஸந்தரமஹாராஜாத³யோ விய ஸக்³கே³ நிப்³ப³த்ததீதி. பட²மங்.
41. Ādittavaggassa paṭhame jarāya maraṇena cāti desanāsīsametaṃ, rāgādīhi pana ekādasahi aggīhi loko ādittova. Dānenāti dānacetanāya. Dinnaṃ hoti sunīhatanti dānapuññacetanāhi dāyakasseva hoti gharasāmikassa viya nīhatabhaṇḍakaṃ, tenetaṃ vuttaṃ. Corā harantīti adinne bhoge corāpi haranti rājānopi, aggipi ḍahati, ṭhapitaṭṭhānepi nassanti. Antenāti maraṇena. Sarīraṃ sapariggahanti sarīrañceva corādīnaṃ vasena avinaṭṭhabhoge ca. Saggamupetīti vessantaramahārājādayo viya sagge nibbattatīti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஆதி³த்தஸுத்தங் • 1. Ādittasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஆதி³த்தஸுத்தவண்ணனா • 1. Ādittasuttavaṇṇanā
