| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. আদিত্তৰগ্গো
5. Ādittavaggo
১. আদিত্তসুত্তৰণ্ণনা
1. Ādittasuttavaṇṇanā
৪১. সীসন্তি দেসনাপদেসো, দেসনায অঞ্ঞেসুপি ৰত্তব্বেসু কস্সচিদেৰ সীসভাগেন অপদিসনং। তেনাহ ‘‘রাগাদীহী’’তিআদি। দানেনাতি অত্তনো সন্তকস্স পরেসং পরিচ্চজনেন। তং পন পরিচ্চজনং চেতনায হোতীতি আহ ‘‘দানচেতনাযা’’তি দানপুঞ্ঞচেতনাতি দানমযা পুঞ্ঞচেতনা দাযকস্সেৰ হোতি তংসন্ততিপরিযাপন্নত্তা। নীহতভণ্ডকন্তি আদিত্তগেহতো বহি নিক্খামিতং ভণ্ডকং। এতন্তি ‘‘দিন্নং হোতী’’তিআদিৰচনং। অদিন্নেতি দানমুখে অনিযুঞ্জিতে ভোগে। ‘‘অন্তেনা’’তি জীৰিতস্স অন্তো অধিপ্পেতোতি আহ ‘‘মরণেনা’’তি। মমাতি পরিগ্গহিতত্তা পরিগ্গহা, ভোগা। তেপি কেনচি আকারেন ৰিনাসং অনুপগতা মরণেন পহীযন্তি নামাতি ৰুত্তং ‘‘চোরাদীনং ৰসেন অৰিনট্ঠভোগে’’তি। সোভনা অগ্গভূতা রূপাদযো এত্থাতি সগ্গো, তং সগ্গং।
41.Sīsanti desanāpadeso, desanāya aññesupi vattabbesu kassacideva sīsabhāgena apadisanaṃ. Tenāha ‘‘rāgādīhī’’tiādi. Dānenāti attano santakassa paresaṃ pariccajanena. Taṃ pana pariccajanaṃ cetanāya hotīti āha ‘‘dānacetanāyā’’ti dānapuññacetanāti dānamayā puññacetanā dāyakasseva hoti taṃsantatipariyāpannattā. Nīhatabhaṇḍakanti ādittagehato bahi nikkhāmitaṃ bhaṇḍakaṃ. Etanti ‘‘dinnaṃ hotī’’tiādivacanaṃ. Adinneti dānamukhe aniyuñjite bhoge. ‘‘Antenā’’ti jīvitassa anto adhippetoti āha ‘‘maraṇenā’’ti. Mamāti pariggahitattā pariggahā, bhogā. Tepi kenaci ākārena vināsaṃ anupagatā maraṇena pahīyanti nāmāti vuttaṃ ‘‘corādīnaṃ vasena avinaṭṭhabhoge’’ti. Sobhanā aggabhūtā rūpādayo etthāti saggo, taṃ saggaṃ.
আদিত্তসুত্তৰণ্ণনা নিট্ঠিতা।
Ādittasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. আদিত্তসুত্তং • 1. Ādittasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. আদিত্তসুত্তৰণ্ণনা • 1. Ādittasuttavaṇṇanā
