| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. аад̣̇ид̇д̇асуд̇д̇аван̣н̣анаа
6. Ādittasuttavaṇṇanā
28. чадтз г̇аяаасийсзд̇и г̇аяааг̇аамасса хи авид̣̇уурз г̇аяаад̇и згаа богкаран̣ийби ад̇т̇и над̣̇ийби, г̇аяаасийсанаамаго хад̇т̇игумбхасад̣̇исо бидтибаасаан̣оби, яад̇т̇а бхигкусахассассаби огаасо баход̇и, бхаг̇аваа д̇ад̇т̇а вихарад̇и. д̇зна вуд̇д̇ам̣ ‘‘г̇аяаасийсз’’д̇и. бхигкуу ааманд̇зсийд̇и д̇зсам̣ саббааяад̇хаммад̣̇зсанам̣ вижинид̇ваа д̇ам̣ д̣̇зсзссаамийд̇и ааманд̇зси.
28. Chaṭṭhe gayāsīseti gayāgāmassa hi avidūre gayāti ekā pokkharaṇīpi atthi nadīpi, gayāsīsanāmako hatthikumbhasadiso piṭṭhipāsāṇopi, yattha bhikkhusahassassapi okāso pahoti, bhagavā tattha viharati. Tena vuttaṃ ‘‘gayāsīse’’ti. Bhikkhū āmantesīti tesaṃ sappāyadhammadesanaṃ vicinitvā taṃ desessāmīti āmantesi.
д̇ад̇рааяам̣ анубуб̣б̣игат̇аа – ид̇о гира д̣̇ваанавуд̇игаббз махинд̣̇о наама рааж̇аа ахоси. д̇асса ж̇здтабуд̇д̇о пуссо наама. со буурид̇абаарамий бажчимабхавигасад̇д̇о, барибаагаг̇ад̇з н̃аан̣з б̣од̇химан̣д̣ам̣ ааруяха саб̣б̣ан̃н̃уд̇ам̣ бадивиж̇жхи . ран̃н̃о ганидтабуд̇д̇о д̇асса аг̇г̇асааваго ахоси, бурохид̇абуд̇д̇о д̣̇уд̇ияасааваго. рааж̇аа жинд̇зси – ‘‘маяхам̣ ж̇здтабуд̇д̇о нигкамид̇ваа б̣уд̣̇д̇хо ж̇аад̇о, ганидтабуд̇д̇о аг̇г̇асааваго, бурохид̇абуд̇д̇о д̣̇уд̇ияасааваго’’д̇и. со ‘‘амхаагам̣язва б̣уд̣̇д̇хо, амхаагам̣ д̇хаммо, амхаагам̣ сан̇гхо’’д̇и вихаарам̣ гаарзд̇ваа вихаарад̣̇ваарагодтагад̇о яаава ад̇д̇ано гхарад̣̇ваараа убхад̇о взл̣убхид̇д̇игудигаахи баригкибид̇ваа мад̇т̇агз суван̣н̣ад̇аарагакажид̇асамосарид̇аг̇анд̇хад̣̇аамамаалаад̣̇аамавид̇аанам̣ б̣анд̇хаабзд̇ваа хздтаа раж̇ад̇аван̣н̣ам̣ ваалугам̣ сант̇арид̇ваа бубпаани вигираабзд̇ваа д̇зна маг̇г̇зна бхаг̇авад̇о ааг̇аманам̣ гаарзси.
Tatrāyaṃ anupubbikathā – ito kira dvānavutikappe mahindo nāma rājā ahosi. Tassa jeṭṭhaputto phusso nāma. So pūritapāramī pacchimabhavikasatto, paripākagate ñāṇe bodhimaṇḍaṃ āruyha sabbaññutaṃ paṭivijjhi . Rañño kaniṭṭhaputto tassa aggasāvako ahosi, purohitaputto dutiyasāvako. Rājā cintesi – ‘‘mayhaṃ jeṭṭhaputto nikkhamitvā buddho jāto, kaniṭṭhaputto aggasāvako, purohitaputto dutiyasāvako’’ti. So ‘‘amhākaṃyeva buddho, amhākaṃ dhammo, amhākaṃ saṅgho’’ti vihāraṃ kāretvā vihāradvārakoṭṭhakato yāva attano gharadvārā ubhato veḷubhittikuṭikāhi parikkhipitvā matthake suvaṇṇatārakakhacitasamosaritagandhadāmamālādāmavitānaṃ bandhāpetvā heṭṭhā rajatavaṇṇaṃ vālukaṃ santharitvā pupphāni vikirāpetvā tena maggena bhagavato āgamanaṃ kāresi.
сад̇т̇аа вихаарасмим̣язва тид̇о жийварам̣ баарубид̇ваа анд̇осаан̣ияаава сад̣̇д̇хим̣ бхигкусан̇гхзна рааж̇аг̇зхам̣ ааг̇ажчад̇и, гад̇абхад̇д̇агижжо анд̇осаан̣ияаава г̇ажчад̇и. гожи гадажчубхигкаамад̇д̇амби д̣̇аад̇ум̣ на лабхад̇и. д̇ад̇о нааг̇араа уж̇жхааяим̣су, ‘‘б̣уд̣̇д̇хо логз уббанно, на жа маяам̣ бун̃н̃аани гаад̇ум̣ лабхаама. яат̇аа хи жанд̣̇имасуурияаа саб̣б̣зсам̣ аалогам̣ гаронд̇и, звам̣ б̣уд̣̇д̇хаа наама саб̣б̣зсам̣ хид̇ад̇т̇ааяа уббаж̇ж̇анд̇и, аяам̣ бана рааж̇аа саб̣б̣зсам̣ бун̃н̃ажзд̇анам̣ ад̇д̇аноязва анд̇о бавзсзд̇ий’’д̇и.
Satthā vihārasmiṃyeva ṭhito cīvaraṃ pārupitvā antosāṇiyāva saddhiṃ bhikkhusaṅghena rājagehaṃ āgacchati, katabhattakicco antosāṇiyāva gacchati. Koci kaṭacchubhikkhāmattampi dātuṃ na labhati. Tato nāgarā ujjhāyiṃsu, ‘‘buddho loke uppanno, na ca mayaṃ puññāni kātuṃ labhāma. Yathā hi candimasūriyā sabbesaṃ ālokaṃ karonti, evaṃ buddhā nāma sabbesaṃ hitatthāya uppajjanti, ayaṃ pana rājā sabbesaṃ puññacetanaṃ attanoyeva anto pavesetī’’ti.
д̇асса жа ран̃н̃о ан̃н̃з д̇аяо буд̇д̇аа ад̇т̇и. нааг̇араа д̇зхи сад̣̇д̇хим̣ згад̇о худ̇ваа самманд̇аяим̣су, ‘‘рааж̇агулзхи сад̣̇д̇хим̣ аддо наама над̇т̇и, згам̣ убааяам̣ гаромаа’’д̇и. д̇з бажжанд̇з жорз удтаабзд̇ваа, ‘‘гад̇ибаяаа г̇аамаа бахадаа’’д̇и саасанам̣ аахараабзд̇ваа ран̃н̃о аарожаяим̣су. рааж̇аа буд̇д̇з баггосаабзд̇ваа‘‘д̇аад̇аа, ахам̣ махаллаго, г̇ажчат̇а жорз вуубасамзт̇аа’’д̇и бзсзси. баяуд̇д̇ажораа ид̇о жид̇о жа авиббагирид̇ваа д̇зсам̣ санд̇игамзва ааг̇ажчим̣су. д̇з анааваасз г̇аамз ваасзд̇ваа ‘‘вуубасамид̇аа жораа’’д̇и ааг̇анд̇ваа рааж̇аанам̣ ванд̣̇ид̇ваа адтам̣су.
Tassa ca rañño aññe tayo puttā atthi. Nāgarā tehi saddhiṃ ekato hutvā sammantayiṃsu, ‘‘rājakulehi saddhiṃ aṭṭo nāma natthi, ekaṃ upāyaṃ karomā’’ti. Te paccante core uṭṭhāpetvā, ‘‘katipayā gāmā pahaṭā’’ti sāsanaṃ āharāpetvā rañño ārocayiṃsu. Rājā putte pakkosāpetvā‘‘tātā, ahaṃ mahallako, gacchatha core vūpasamethā’’ti pesesi. Payuttacorā ito cito ca avippakiritvā tesaṃ santikameva āgacchiṃsu. Te anāvāse gāme vāsetvā ‘‘vūpasamitā corā’’ti āgantvā rājānaṃ vanditvā aṭṭhaṃsu.
рааж̇аа д̇удто ‘‘д̇аад̇аа, варам̣ во д̣̇змий’’д̇и ааха. д̇з ад̇хиваасзд̇ваа г̇анд̇ваа нааг̇арзхи сад̣̇д̇хим̣ манд̇аяим̣су, ‘‘ран̃н̃аа амхаагам̣ варо д̣̇инно. гим̣ г̇ан̣хаамаа’’д̇и? аяяабуд̇д̇аа, д̇умхаагам̣ хад̇т̇иассаад̣̇аяо на д̣̇уллабхаа , б̣уд̣̇д̇харад̇анам̣ бана д̣̇уллабхам̣, на саб̣б̣агаалам̣ уббаж̇ж̇ад̇и, д̇умхаагам̣ ж̇здтабхаад̇игасса пуссаб̣уд̣̇д̇хасса бадиж̇аг̇г̇анаварам̣ г̇ан̣хат̇аад̇и. д̇з ‘‘звам̣ гариссаамаа’’д̇и нааг̇араанам̣ бадиссун̣ид̇ваа гад̇амассугаммаа сунхаад̇аа сувилид̇д̇аа ран̃н̃о санд̇игам̣ г̇анд̇ваа, ‘‘д̣̇зва, но варам̣ д̣̇зт̇аа’’д̇и яаажим̣су. гим̣ г̇ан̣хиссат̇а д̇аад̇аад̇и? д̣̇зва, амхаагам̣ хад̇т̇иассаад̣̇ийхи ад̇т̇о над̇т̇и, ж̇здтабхаад̇игасса но пуссаб̣уд̣̇д̇хасса бадиж̇аг̇г̇анаварам̣ д̣̇зт̇аад̇и. ‘‘аяам̣ варо на саггаа маяаа ж̇ийвамаанзна д̣̇аад̇у’’нд̇и д̣̇вз ган̣н̣з бид̣̇ахи. ‘‘д̣̇зва, на д̇умхз амхзхи б̣алаггаарзна варам̣ д̣̇аабид̇аа, д̇умхзхи ад̇д̇ано ружияаа д̇удтзхи д̣̇инно. гим̣, д̣̇зва, рааж̇агуласса д̣̇вз гат̇аа вадданд̇ий’’д̇и? сажжаваад̣̇ид̇ааяа бхан̣им̣су.
Rājā tuṭṭho ‘‘tātā, varaṃ vo demī’’ti āha. Te adhivāsetvā gantvā nāgarehi saddhiṃ mantayiṃsu, ‘‘raññā amhākaṃ varo dinno. Kiṃ gaṇhāmā’’ti? Ayyaputtā, tumhākaṃ hatthiassādayo na dullabhā , buddharatanaṃ pana dullabhaṃ, na sabbakālaṃ uppajjati, tumhākaṃ jeṭṭhabhātikassa phussabuddhassa paṭijagganavaraṃ gaṇhathāti. Te ‘‘evaṃ karissāmā’’ti nāgarānaṃ paṭissuṇitvā katamassukammā sunhātā suvilittā rañño santikaṃ gantvā, ‘‘deva, no varaṃ dethā’’ti yāciṃsu. Kiṃ gaṇhissatha tātāti? Deva, amhākaṃ hatthiassādīhi attho natthi, jeṭṭhabhātikassa no phussabuddhassa paṭijagganavaraṃ dethāti. ‘‘Ayaṃ varo na sakkā mayā jīvamānena dātu’’nti dve kaṇṇe pidahi. ‘‘Deva, na tumhe amhehi balakkārena varaṃ dāpitā, tumhehi attano ruciyā tuṭṭhehi dinno. Kiṃ, deva, rājakulassa dve kathā vaṭṭantī’’ti? Saccavāditāya bhaṇiṃsu.
рааж̇аа винивад̇д̇ид̇ум̣ алабханд̇о – ‘‘д̇аад̇аа, сад̇д̇а сам̣важчарз сад̇д̇а маасз сад̇д̇а жа д̣̇ивасз убадтахид̇ваа д̇умхаагам̣ д̣̇ассаамий’’д̇и ааха. ‘‘сунд̣̇арам̣, д̣̇зва, баадибхог̇ам̣ д̣̇зт̇аа’’д̇и. ‘‘гисса баадибхог̇ам̣ д̇аад̇аа’’д̇и? ‘‘зд̇д̇агам̣ гаалам̣ амаран̣абаадибхог̇ам̣ д̣̇зваа’’д̇и. ‘‘д̇аад̇аа, аяуд̇д̇ам̣ баадибхог̇ам̣ д̣̇аабзт̇а, на саггаа звам̣ баадибхог̇ам̣ д̣̇аад̇ум̣, д̇ин̣аг̇г̇з уссааваб̣инд̣̇усад̣̇исам̣ сад̇д̇аанам̣ ж̇ийвид̇а’’нд̇и. ‘‘но жз, д̣̇зва, баадибхог̇ам̣ д̣̇зт̇а, маяам̣ анд̇араа мад̇аа гим̣ гусалам̣ гариссаамаа’’д̇и? ‘‘д̇зна хи, д̇аад̇аа, ча сам̣важчараани д̣̇зт̇аа’’д̇и. ‘‘на саггаа, д̣̇зваа’’д̇и. ‘‘д̇зна хи бан̃жа, жад̇д̇аари, д̇ийн̣и, д̣̇вз, згам̣ сам̣важчарам̣ д̣̇зт̇а’’. ‘‘сад̇д̇а, ча маасз д̣̇зт̇а…бз… маасад̣дхамад̇д̇ам̣ д̣̇зт̇аа’’д̇и. ‘‘на саггаа, д̣̇зваа’’д̇и. ‘‘д̇зна хи сад̇д̇ад̣̇ивасамад̇д̇ам̣ д̣̇зт̇аа’’д̇и. ‘‘саад̇ху, д̣̇зваад̇и сад̇д̇а д̣̇ивасз самбадижчим̣су’’. рааж̇аа сад̇д̇а сам̣важчарз сад̇д̇а маасз сад̇д̇а д̣̇ивасз гад̇д̇аб̣б̣асаггаарам̣ сад̇д̇асуязва д̣̇ивасзсу агааси.
Rājā vinivattituṃ alabhanto – ‘‘tātā, satta saṃvacchare satta māse satta ca divase upaṭṭhahitvā tumhākaṃ dassāmī’’ti āha. ‘‘Sundaraṃ, deva, pāṭibhogaṃ dethā’’ti. ‘‘Kissa pāṭibhogaṃ tātā’’ti? ‘‘Ettakaṃ kālaṃ amaraṇapāṭibhogaṃ devā’’ti. ‘‘Tātā, ayuttaṃ pāṭibhogaṃ dāpetha, na sakkā evaṃ pāṭibhogaṃ dātuṃ, tiṇagge ussāvabindusadisaṃ sattānaṃ jīvita’’nti. ‘‘No ce, deva, pāṭibhogaṃ detha, mayaṃ antarā matā kiṃ kusalaṃ karissāmā’’ti? ‘‘Tena hi, tātā, cha saṃvaccharāni dethā’’ti. ‘‘Na sakkā, devā’’ti. ‘‘Tena hi pañca, cattāri, tīṇi, dve, ekaṃ saṃvaccharaṃ detha’’. ‘‘Satta, cha māse detha…pe… māsaḍḍhamattaṃ dethā’’ti. ‘‘Na sakkā, devā’’ti. ‘‘Tena hi sattadivasamattaṃ dethā’’ti. ‘‘Sādhu, devāti satta divase sampaṭicchiṃsu’’. Rājā satta saṃvacchare satta māse satta divase kattabbasakkāraṃ sattasuyeva divasesu akāsi.
д̇ад̇о буд̇д̇аанам̣ васанадтаанам̣ сад̇т̇аарам̣ бзсзд̇ум̣ адтаусабхавид̇т̇ад̇ам̣ маг̇г̇ам̣ алан̇гаараабзси, маж̇жхадтаанз жад̇уусабхаббамаан̣ам̣ бад̣̇зсам̣ хад̇т̇ийхи мад̣̇д̣̇аабзд̇ваа гасин̣аман̣д̣аласад̣̇исам̣ гад̇ваа ваалугааяа сант̇араабзд̇ваа бубпаабхигин̣н̣амагааси, д̇ад̇т̇а д̇ад̇т̇а гад̣̇алияо жа бун̣н̣агхадз жа табаабзд̇ваа д̇хаж̇абадаагаа угкибаабзси. усабхз усабхз богкаран̣им̣ кан̣аабзси, абарабхааг̇з д̣̇вийсу бассзсу г̇анд̇хамаалаабубпаабан̣з басаараабзси. маж̇жхадтаанз жад̇уусабхавид̇т̇аарасса алан̇гад̇амаг̇г̇асса убхосу бассзсу д̣̇вз д̣̇вз усабхавид̇т̇аарз маг̇г̇з каан̣уган̣дагз хараабзд̇ваа д̣̇ан̣д̣ад̣̇ийбигааяо гаараабзси. рааж̇абуд̇д̇ааби ад̇д̇ано аан̣аабавад̇д̇идтаанз сол̣асаусабхамаг̇г̇ам̣ д̇ат̇зва алан̇гаараабзсум̣.
Tato puttānaṃ vasanaṭṭhānaṃ satthāraṃ pesetuṃ aṭṭhausabhavitthataṃ maggaṃ alaṅkārāpesi, majjhaṭṭhāne catuusabhappamāṇaṃ padesaṃ hatthīhi maddāpetvā kasiṇamaṇḍalasadisaṃ katvā vālukāya santharāpetvā pupphābhikiṇṇamakāsi, tattha tattha kadaliyo ca puṇṇaghaṭe ca ṭhapāpetvā dhajapaṭākā ukkhipāpesi. Usabhe usabhe pokkharaṇiṃ khaṇāpesi, aparabhāge dvīsu passesu gandhamālāpupphāpaṇe pasārāpesi. Majjhaṭṭhāne catuusabhavitthārassa alaṅkatamaggassa ubhosu passesu dve dve usabhavitthāre magge khāṇukaṇṭake harāpetvā daṇḍadīpikāyo kārāpesi. Rājaputtāpi attano āṇāpavattiṭṭhāne soḷasausabhamaggaṃ tatheva alaṅkārāpesuṃ.
рааж̇аа ад̇д̇ано аан̣аабавад̇д̇идтаанасса гзд̣̇аарасиймам̣ г̇анд̇ваа сад̇т̇аарам̣ ванд̣̇ид̇ваа барид̣̇звамаано, ‘‘д̇аад̇аа, маяхам̣ д̣̇агкин̣агким̣ уббаадзд̇ваа г̇ан̣ханд̇аа вияа г̇ажчат̇а, звам̣ г̇ан̣хид̇ваа г̇ад̇аа бана б̣уд̣̇д̇хаанам̣ анужчавигам̣ гарзяяаат̇а. маа сураасон̣д̣аа вияа бамад̇д̇аа вижарид̇т̇аа’’д̇и ааха. д̇з ‘‘ж̇ааниссаама маяам̣, д̣̇зваа’’д̇и сад̇т̇аарам̣ г̇ахзд̇ваа г̇ад̇аа, вихаарам̣ гаарзд̇ваа сад̇т̇у нияяаад̇зд̇ваа д̇ад̇т̇а сад̇т̇аарам̣ бадиж̇аг̇г̇анд̇аа гаалзна т̇зраасанз, гаалзна маж̇жхимаасанз, гаалзна сан̇гханавагаасанз д̇идтанд̇и. д̣̇аанам̣ убабаригкамаанаанам̣ д̇ин̣н̣амби ж̇анаанам̣ згасад̣̇исамзва ахоси. д̇з убагадтааяа вассуубанааяигааяа жинд̇аяим̣су – ‘‘гат̇ам̣ ну ко сад̇т̇у аж̇жхаасаяам̣ г̇ан̣хзяяаамаа’’д̇и? ат̇а нзсам̣ зд̇ад̣̇ахоси – ‘‘б̣уд̣̇д̇хаа наама д̇хаммаг̇аруно, на аамисаг̇аруно, сийлз бад̇идтамаанаа маяам̣ сад̇т̇у аж̇жхаасаяам̣ г̇ахзд̇ум̣ сагкиссаамаа’’д̇и д̣̇аанасам̣вид̇хааяагз мануссз баггосаабзд̇ваа, ‘‘д̇аад̇аа, иминаава нийхаарзна яааг̇убхад̇д̇акаад̣̇анийяаад̣̇ийни самбаад̣̇знд̇аа д̣̇аанам̣ бавад̇д̇зт̇аа’’д̇и вад̇ваа д̣̇аанасам̣вид̣̇аханабалиб̣од̇хам̣ чинд̣̇им̣су.
Rājā attano āṇāpavattiṭṭhānassa kedārasīmaṃ gantvā satthāraṃ vanditvā paridevamāno, ‘‘tātā, mayhaṃ dakkhiṇakkhiṃ uppāṭetvā gaṇhantā viya gacchatha, evaṃ gaṇhitvā gatā pana buddhānaṃ anucchavikaṃ kareyyātha. Mā surāsoṇḍā viya pamattā vicaritthā’’ti āha. Te ‘‘jānissāma mayaṃ, devā’’ti satthāraṃ gahetvā gatā, vihāraṃ kāretvā satthu niyyātetvā tattha satthāraṃ paṭijaggantā kālena therāsane, kālena majjhimāsane, kālena saṅghanavakāsane tiṭṭhanti. Dānaṃ upaparikkhamānānaṃ tiṇṇampi janānaṃ ekasadisameva ahosi. Te upakaṭṭhāya vassūpanāyikāya cintayiṃsu – ‘‘kathaṃ nu kho satthu ajjhāsayaṃ gaṇheyyāmā’’ti? Atha nesaṃ etadahosi – ‘‘buddhā nāma dhammagaruno, na āmisagaruno, sīle patiṭṭhamānā mayaṃ satthu ajjhāsayaṃ gahetuṃ sakkhissāmā’’ti dānasaṃvidhāyake manusse pakkosāpetvā, ‘‘tātā, imināva nīhārena yāgubhattakhādanīyādīni sampādentā dānaṃ pavattethā’’ti vatvā dānasaṃvidahanapalibodhaṃ chindiṃsu.
ат̇а нзсам̣ ж̇здтабхаад̇аа бан̃жасад̇з бурисз аад̣̇ааяа д̣̇асасу сийлзсу бад̇идтааяа д̣̇вз гаасааяаани ажчаад̣̇зд̇ваа габбияам̣ уд̣̇агам̣ барибхун̃ж̇амаано ваасам̣ габбзси. маж̇жхимо д̇ийхи, ганидто д̣̇вийхи бурисасад̇зхи сад̣̇д̇хим̣ д̇ат̇зва бадибаж̇ж̇и. д̇з яааваж̇ийвам̣ сад̇т̇аарам̣ убадтахим̣су. сад̇т̇аа д̇зсам̣язва санд̇игз бариниб̣б̣ааяи.
Atha nesaṃ jeṭṭhabhātā pañcasate purise ādāya dasasu sīlesu patiṭṭhāya dve kāsāyāni acchādetvā kappiyaṃ udakaṃ paribhuñjamāno vāsaṃ kappesi. Majjhimo tīhi, kaniṭṭho dvīhi purisasatehi saddhiṃ tatheva paṭipajji. Te yāvajīvaṃ satthāraṃ upaṭṭhahiṃsu. Satthā tesaṃyeva santike parinibbāyi.
д̇зби гаалам̣ гад̇ваа д̇ад̇о бадтааяа д̣̇ваанавуд̇игаббз мануссалогад̇о д̣̇звалогам̣, д̣̇звалогад̇о жа мануссалогам̣ сам̣саранд̇аа амхаагам̣ сад̇т̇угаалз д̣̇звалогаа жавид̇ваа мануссалогз ниб̣б̣ад̇д̇им̣су. д̇зсам̣ д̣̇аанаг̇г̇з б̣яаавадо махааамажжо ан̇г̇амаг̇ад̇хаанам̣ рааж̇аа б̣имб̣исааро худ̇ваа ниб̣б̣ад̇д̇и. д̇з д̇ассзва ран̃н̃о радтз б̣раахман̣амахаасаалагулз ниб̣б̣ад̇д̇им̣су. ж̇здтабхаад̇аа ж̇здтова ж̇аад̇о, маж̇жхимаганидтаа маж̇жхимаганидтааязва. язби д̇зсам̣ бариваарамануссаа, д̇з бариваарамануссаава ж̇аад̇аа. д̇з вуд̣̇д̇химанвааяа д̇аяоби ж̇анаа д̇ам̣ бурисасахассам̣ аад̣̇ааяа нигкамид̇ваа д̇аабасаа худ̇ваа урувзлааяам̣ над̣̇ийд̇ийрзязва васим̣су. ан̇г̇амаг̇ад̇хаваасино маасз маасз д̇зсам̣ махаасаггаарам̣ абхихаранд̇и.
Tepi kālaṃ katvā tato paṭṭhāya dvānavutikappe manussalokato devalokaṃ, devalokato ca manussalokaṃ saṃsarantā amhākaṃ satthukāle devalokā cavitvā manussaloke nibbattiṃsu. Tesaṃ dānagge byāvaṭo mahāamacco aṅgamagadhānaṃ rājā bimbisāro hutvā nibbatti. Te tasseva rañño raṭṭhe brāhmaṇamahāsālakule nibbattiṃsu. Jeṭṭhabhātā jeṭṭhova jāto, majjhimakaniṭṭhā majjhimakaniṭṭhāyeva. Yepi tesaṃ parivāramanussā, te parivāramanussāva jātā. Te vuddhimanvāya tayopi janā taṃ purisasahassaṃ ādāya nikkhamitvā tāpasā hutvā uruvelāyaṃ nadītīreyeva vasiṃsu. Aṅgamagadhavāsino māse māse tesaṃ mahāsakkāraṃ abhiharanti.
ат̇а амхаагам̣ б̣од̇хисад̇д̇о гад̇аабхинигкамано анубуб̣б̣зна саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажагго яасаад̣̇аяо гулабуд̇д̇з винзд̇ваа садти араханд̇з д̇хаммад̣̇зсанад̇т̇ааяа д̣̇исаасу уяяож̇зд̇ваа саяам̣ бад̇д̇ажийварамаад̣̇ааяа – ‘‘д̇з д̇аяо ж̇адилабхаад̇игз д̣̇амзссаамий’’д̇и урувзлам̣ г̇анд̇ваа анзгзхи баадихаарияасад̇зхи д̇зсам̣ д̣̇идтим̣ бхинд̣̇ид̇ваа д̇з баб̣б̣ааж̇зси. со д̇ам̣ ид̣̇д̇химаяабад̇д̇ажийварад̇харам̣ саман̣асахассам̣ аад̣̇ааяа г̇аяаасийсам̣ г̇анд̇ваа д̇зхи бариваарид̇о нисийд̣̇ид̇ваа, – ‘‘гад̇араа ну ко зд̇зсам̣ д̇хаммагат̇аа саббааяаа’’д̇и жинд̇знд̇о, ‘‘имз сааяам̣баад̇ам̣ аг̇г̇им̣ барижаранд̇и. имзсам̣ д̣̇ваад̣̇асааяад̇анаани аад̣̇ид̇д̇аани самбаж̇ж̇алид̇аани вияа гад̇ваа д̣̇зсзссаами, звам̣ имз арахад̇д̇ам̣ баабун̣ид̇ум̣ сагкиссанд̇ий’’д̇и саннидтаанамагааси. ат̇а нзсам̣ д̇ат̇аа д̇хаммам̣ д̣̇зсзд̇ум̣ имам̣ аад̣̇ид̇д̇абарияааяам̣ абхааси. д̇зна вуд̇д̇ам̣ – ‘‘бхигкуу ааманд̇зсийд̇и д̇зсам̣ саббааяад̇хаммад̣̇зсанам̣ вижинид̇ваа д̇ам̣ д̣̇зсзссаамийд̇и ааманд̇зсий’’д̇и. д̇ад̇т̇а аад̣̇ид̇д̇анд̇и бад̣̇ид̇д̇ам̣ самбаж̇ж̇алид̇ам̣. сзсам̣ вуд̇д̇анаяамзва. ид̇и имасмим̣ суд̇д̇з д̣̇угкалагкан̣ам̣ гат̇ид̇ам̣.
Atha amhākaṃ bodhisatto katābhinikkhamano anupubbena sabbaññutaṃ patvā pavattitavaradhammacakko yasādayo kulaputte vinetvā saṭṭhi arahante dhammadesanatthāya disāsu uyyojetvā sayaṃ pattacīvaramādāya – ‘‘te tayo jaṭilabhātike damessāmī’’ti uruvelaṃ gantvā anekehi pāṭihāriyasatehi tesaṃ diṭṭhiṃ bhinditvā te pabbājesi. So taṃ iddhimayapattacīvaradharaṃ samaṇasahassaṃ ādāya gayāsīsaṃ gantvā tehi parivārito nisīditvā, – ‘‘katarā nu kho etesaṃ dhammakathā sappāyā’’ti cintento, ‘‘ime sāyaṃpātaṃ aggiṃ paricaranti. Imesaṃ dvādasāyatanāni ādittāni sampajjalitāni viya katvā desessāmi, evaṃ ime arahattaṃ pāpuṇituṃ sakkhissantī’’ti sanniṭṭhānamakāsi. Atha nesaṃ tathā dhammaṃ desetuṃ imaṃ ādittapariyāyaṃ abhāsi. Tena vuttaṃ – ‘‘bhikkhū āmantesīti tesaṃ sappāyadhammadesanaṃ vicinitvā taṃ desessāmīti āmantesī’’ti. Tattha ādittanti padittaṃ sampajjalitaṃ. Sesaṃ vuttanayameva. Iti imasmiṃ sutte dukkhalakkhaṇaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. аад̣̇ид̇д̇асуд̇д̇ам̣ • 6. Ādittasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. аад̣̇ид̇д̇асуд̇д̇аван̣н̣анаа • 6. Ādittasuttavaṇṇanā
