| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. аад̣̇ид̇д̇асуд̇д̇аван̣н̣анаа
6. Ādittasuttavaṇṇanā
28. г̇аяаанаамигааяа над̣̇ияаа авид̣̇уурз бавад̇д̇о г̇аамо г̇аяаа наама, д̇ассам̣ г̇аяааяам̣ вихарад̇ийд̇и самийбад̇т̇з жзд̇ам̣ бхуммаважанам̣. г̇аяааг̇аамасса хи аасаннз г̇аяаасийсанаамагз бидтибаасаан̣з бхаг̇аваа д̇ад̣̇аа вихааси. д̇знааха ‘‘бхаг̇аваа д̇ад̇т̇а вихарад̇ий’’д̇и.
28. Gayānāmikāya nadiyā avidūre pavatto gāmo gayā nāma, tassaṃ gayāyaṃ viharatīti samīpatthe cetaṃ bhummavacanaṃ. Gayāgāmassa hi āsanne gayāsīsanāmake piṭṭhipāsāṇe bhagavā tadā vihāsi. Tenāha ‘‘bhagavā tattha viharatī’’ti.
д̇ад̇раад̇и ‘‘бхигкуу ааманд̇зсий’’д̇и яз бхигкуу ааманд̇зси, яат̇аа жааяам̣ д̣̇зсанаа д̇зсам̣ саббааяаа ж̇аад̇аа, д̇ад̇ра д̇асмим̣ ад̇т̇ад̣̇ваяз вибхаавзд̇аб̣б̣з аяам̣ анубуб̣б̣игат̇аа самуд̣̇ааг̇амад̇о бадтааяа анубадибаадигат̇аа. ид̇од̇и имасмаа габбад̇о. гираад̇и ануссаванад̇т̇з нибаад̇о. баарамид̇аабарибхааванааяа барибаагаг̇ад̇з. н̃аан̣зд̇и б̣од̇хин̃аан̣з. ганидтабуд̇д̇о взмаад̇игабхаад̇аа бхаг̇авад̇о. взл̣убхид̇д̇игудигаахи баригкибид̇ваа б̣ахид̣̇д̇хаа, анд̇о бана бадасаан̣ийхи.
Tatrāti ‘‘bhikkhū āmantesī’’ti ye bhikkhū āmantesi, yathā cāyaṃ desanā tesaṃ sappāyā jātā, tatra tasmiṃ atthadvaye vibhāvetabbe ayaṃ anupubbikathā samudāgamato paṭṭhāya anupaṭipāṭikathā. Itoti imasmā kappato. Kirāti anussavanatthe nipāto. Pāramitāparibhāvanāya paripākagate. Ñāṇeti bodhiñāṇe. Kaniṭṭhaputto vemātikabhātā bhagavato. Veḷubhittikuṭikāhi parikkhipitvā bahiddhā, anto pana paṭasāṇīhi.
саб̣б̣зсам̣ сад̇д̇аанам̣. бун̃н̃ажзд̇анам̣ анд̇о аб̣бханд̇арз бавзсзд̇и. бхаг̇авааби д̇асса буд̇д̇од̇и гад̇ваа ‘‘ан̃н̃з д̇аяо буд̇д̇аа’’д̇и вуд̇д̇ам̣. авиббагирид̇ваад̇и барааж̇аязна авиббагирияа абалааяид̇ваа. бид̣̇ахийд̇и д̣̇аад̇ум̣ на саггомийд̇и д̇ат̇аа агааси. сажжаваад̣̇ид̇ааяа г̇ан̣хим̣сууд̇и рааж̇агуласса сажжаваад̣̇ид̇ааяа ад̇д̇ано варам̣ г̇ан̣хим̣су.
Sabbesaṃ sattānaṃ. Puññacetanaṃ anto abbhantare paveseti. Bhagavāpi tassa puttoti katvā ‘‘aññe tayo puttā’’ti vuttaṃ. Avippakiritvāti parājayena avippakiriya apalāyitvā. Pidahīti dātuṃ na sakkomīti tathā akāsi. Saccavāditāya gaṇhiṃsūti rājakulassa saccavāditāya attano varaṃ gaṇhiṃsu.
винивад̇д̇ид̇унд̇и бадин̃н̃ааяа нивад̇д̇ид̇ум̣. анд̇араад̇и д̇умхзхи барижчиннагааласса анд̇араа зва мад̇аа. адтавийсад̇ихад̇т̇адтаанам̣ усабхам̣ наама. усабхз адтавийсад̇ихад̇т̇аббамаан̣з таанз. д̣̇аанаг̇г̇з б̣яаавадод̇и басуд̇о.
Vinivattitunti paṭiññāya nivattituṃ. Antarāti tumhehi paricchinnakālassa antarā eva matā. Aṭṭhavīsatihatthaṭṭhānaṃ usabhaṃ nāma. Usabhe aṭṭhavīsatihatthappamāṇe ṭhāne. Dānagge byāvaṭoti pasuto.
сод̇и бхаг̇аваа. д̇ат̇ааруубан̃хи б̣уд̣̇д̇хаанам̣ д̣̇зсанаабаадихаарияам̣, яат̇аа д̣̇зсанааяа г̇ахид̇о ад̇т̇о бажжагкад̇о вибхууд̇о худ̇ваа убадтаад̇и. д̇знааха ‘‘имзсам̣…бз… д̣̇зсзссаамий’’д̇и. саннидтаананд̇и жирагаалабарижид̇аад̣̇ид̇д̇ааг̇г̇игаанам̣ аад̣̇ид̇д̇абарияааяад̣̇зсанаава саббааяаад̇и нижчаяамагааси. бад̣̇ид̇д̇анд̇и бад̣̇ийбид̇ам̣ згаад̣̇асахи аг̇г̇ийхи згаж̇аалийбхууд̇ам̣. д̇знааха ‘‘самбаж̇ж̇алид̇а’’нд̇и. д̣̇угкалагкан̣ам̣ гат̇ид̇ам̣ жагкаад̣̇ийнам̣ згаад̣̇асахи аг̇г̇ийхи аад̣̇ид̇д̇абхаавзна д̣̇угкамад̇ааяа д̣̇угкасса гат̇ид̇ад̇д̇аа.
Soti bhagavā. Tathārūpañhi buddhānaṃ desanāpāṭihāriyaṃ, yathā desanāya gahito attho paccakkhato vibhūto hutvā upaṭṭhāti. Tenāha ‘‘imesaṃ…pe… desessāmī’’ti. Sanniṭṭhānanti cirakālaparicitādittaaggikānaṃ ādittapariyāyadesanāva sappāyāti nicchayamakāsi. Padittanti padīpitaṃ ekādasahi aggīhi ekajālībhūtaṃ. Tenāha ‘‘sampajjalita’’nti. Dukkhalakkhaṇaṃ kathitaṃ cakkhādīnaṃ ekādasahi aggīhi ādittabhāvena dukkhamatāya dukkhassa kathitattā.
аад̣̇ид̇д̇асуд̇д̇аван̣н̣анаа нидтид̇аа.
Ādittasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. аад̣̇ид̇д̇асуд̇д̇ам̣ • 6. Ādittasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. аад̣̇ид̇д̇асуд̇д̇аван̣н̣анаа • 6. Ādittasuttavaṇṇanā
